ရူဝ်းမႃႉ 14 मधील लोकप्रिय बायबल वचने

सामायिक करा

လွင်ႈ​မၼ်း​ၸမ်ႉ မိူင်း​ၽြႃး​ပဵၼ်​ၸဝ်ႈ ဢမ်ႇ​တႄႇ​ယူႇ​ၼႂ်း​တၢင်း​ၵိၼ်​တၢင်း​ၶူပ်း။ တႄႇ​ယူႇ​ၼႂ်း​တၢင်း​ဢၼ်​သိုဝ်ႈ​တေႃႇ၊ တၢင်း​ဢၼ်​ၼိမ်၊ တၢင်း​ဢၼ်​သိူဝ်း​ပျေႃႇ ဢၼ်​လႆႈ​ၶၢမ်ႇ​ဢဝ် ၵွပ်ႈ​ပိူဝ်ႈ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ​ဢေႃႈ။- ၵေႃႉ​ဢၼ်​ၵမ်​ၵျၢင်ႉ​ၸိူဝ်ႉ​ၼင်ႇ​ၼၼ်​သေ​လႄႈ ႁဵတ်း​ၶႃႈ​ၸဝ်ႈ​ ယေႇသူႉ​ၶရိၸ်ႈ ​ၼၼ်ႉ ပဵၼ်​တီႈ​ဢၼ်​ထုၵ်ႇ​ၸႂ်​ၽြႃး​ပဵၼ်​ၸဝ်ႈ​လႄႈ ၼႂ်း​ၵူၼ်း​တင်း​လၢႆ​ၵေႃႈ ပဵၼ်​တီႈ​ဢၼ်​လီ​ယွင်ႈ​ယေႃး​ဢေႃႈ။

ပေႃး​ႁဝ်း​ဢသၢၵ်ႈ​လိပ်း​ၸိုင် ႁဝ်း​လိပ်း​ပုၼ်ႈ​ၸဝ်ႈ​ၽြႃး​ဢေႃႈ။ ပေႃး​ႁဝ်း​တၢႆ​ၵေႃႈ ႁဝ်း​တၢႆ​ပုၼ်ႈ​ၸဝ်ႈ​ၽြႃး​ဢေႃႈ။ ပိူဝ်ႈ​ၼႆ​လႄႈ​ႁဝ်း​ဢသၢၵ်ႈ​လိပ်း​သေ​ဢမ်ႇ​ဝႃႈ၊ ႁဝ်း​တၢႆ​သေ​ဢမ်ႇ​ဝႃႈ၊ ႁဝ်း​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ၽြႃး​ဢေႃႈ။

ပိူဝ်ႈ​ၼႆ​လႄႈ ဢွၼ်​ၵၼ်​ၸွမ်း​ႁႂ်ႈ​ၶိုတ်း​လွင်ႈ​တၢင်း​ဢၼ်​ၸၢပ်ႈ​သႅင်ႇ​ၵၼ်​တင်း တၢင်း​ဢၼ်​ၼိမ် ဢိၵ်ႇ​တင်း တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ် တႄႇ​ႁဵတ်း​တီႈ​ၵၼ်​ၼၼ်ႉ​တႃႉ​ႁဝ်း။

ပိူဝ်ႈ​ၼႆ​လႄႈ ၸႃႉ​ၸဵမ်​တေႃႈ​လဵဝ်​ၼႆႉ​လႄႈ ႁဝ်း​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ယင်း​ဢမ်ႇ​ၸႅတ်ႈ​ထၢမ်​ၸီႇ​ယၢင်ႇ​ၵၼ်​လႄႈ ယူႇ​တႃႉ​ႁဝ်း။ လွင်ႈ​ၼင်ႇ​ႁိုဝ် တၵ်း​ဢမ်ႇ​မီး​ဢၶႂၢင်ႉ​တၢင်း​ဢၼ်​ပီႈ​ၼွင်ႉ​ၵၼ် တၵ်း​တိူဝ်ႉ​မႅၼ်ႈ​လႄႈ​လူမ်ႉ၊ ဢၶႂၢင်ႉ​တၢင်း​ဢၼ်​တၵ်း​ၽိတ်း​ပိူင်ႈ​ၼၼ်ႉ​ၸိုင်၊ ယဵင်ႈ​ၶႅၼ်း​ၸႅတ်ႈ​ထၢမ်​ၸီႇ​ယၢင်ႇ​ၵၼ်​တႃႉ​ႁဝ်း။

ဢၼ်​မႃး​ၼႂ်း​ၵျၢမ်း​လိၵ်ႈ​ၸမ်ႉ ၵႃႈ​ၼင်ႇ​ဢၼ်​ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ၶုပ်ႉ​ၶဝ်ႇ​ၵႃႈ​တီႈ​ၽၢႆႇ​ၼႃႈ​ၵဝ်​ဢေႃႈ။ ၵူႈ​ၵေႃႉ​ၵူႈ​ၵူၼ်း​တၵ်း​လႆႈ​ဢဝ်​တင်း​သူပ်း ၶၢမ်ႇ​သဵတ်ႈ​ၸႃႇ​ၵႃႈ​တီႈ​ၽြႃး​ပဵၼ်​ၸဝ်ႈ​ဢေႃႈ ဝႃႈ​ၼႆ၊ ထႃႇဝရႃႉ​ၽြႃး​မီး​ဢမိင်ႉ​ဢေႃႈ။- ပိူဝ်ႈ​ၼႆ​လႄႈ​ႁဝ်း​ၵႃႈ​မီး​တင်း​သဵင်ႈ​တင်း​လူင် တၵ်း​လႆႈ​မွၵ်ႇ​လၢတ်ႈ​ၽုၺ်ႇ​ၼႄ​လွင်ႈ​တူဝ်​ၸဝ်ႈ​ၵဝ်ႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ​ဢေႃႈ။

ႁပ်ႉ​တုင်း​ဢဝ်​ၵေႃႉ​ဢၼ်​တၢင်း​ယုမ်ႇ​မၢတ်ႈ​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​တႃႉ။ ၼႂ်း​ဝႃႈ​ၼၼ်​သေ​ၵေႃႈ ယႃႇ​ပေ​တိူင်ႇ​ပၢင်ႇ​ပျၢတ်ႈ​သၼႃႇ​ဢၼ်​လီ​ယုမ်ႇ​ၶိုင်ႈ​ၼိုင်ႈ ဢမ်ႇ​ယုမ်ႇ​ၶိုင်ႈ​ၼိုင်ႈ​ၼၼ်ႉ​လူၺ်ႈ​ၵၼ်​တင်း​မၼ်း။

မႂ်း​ဢၼ်​ၸႅတ်ႈ​ထၢမ်​ၸီႇ​ယၢင်ႇ​တီႈ​ၵူၼ်း​ဢၼ်​ပိူၼ်ႈ​တၢင်ႇ​ၵေႃႉ​ဢုပ်ႉ​ပိူင်ႇ​ၼၼ်ႉ​ၼႆႉ ပဵၼ်​ၽူႈ​လႂ်။ မၼ်း​ၼၼ်ႉ​လႆႈ​ႁွတ်ႈ​ထိုင်​တၢင်း​ဢၼ်​လွတ်ႈ​ဢပႅတ်ႈ၊ ဢမ်ႇ​ၼၼ်​ၵေႃႈ တၢင်း​ဢၼ်​ၶၢမ်ႇ​ဢပႅတ်ႈ ၵွပ်ႈ​ပိူဝ်ႈ​တၢင်း​ဢၼ်​ၸဝ်ႈ​မၼ်း​ၸီႇ​ယၢင်ႇ​ၼၼ်ႉ​ၵူၺ်း​ဢေႃႈ။ မၼ်း​တၵ်း​လႆႈ​ၶၢမ်ႇ​တၢင်း​ဢၼ်​ႁႂ်ႈ​တႄႇ​ယူႇ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​တၢတ်ႈ​ၼိူင်ႇ​ႁႂ်ႈ​မၼ်း​တႄႇ​ယူႇ​ၼၼ်ႉ​လႆႈ​ယူႇ​ဢေႃႈ။