ရူဝ်းမႃႉ 13 मधील लोकप्रिय बायबल वचने

सामायिक करा

ဢဝ်​ၸဝ်ႈ​ ယေႇသူႉ​ၶရိၸ်ႈ ​လႄႈ ၼုင်ႈ​မႆ​တႃႉ။ ယႃႇ​ပေ​ၵျၢမ်ႇ​ပေ​ပွင် ပုၼ်ႈ​တူဝ်​ၵႃႇ​ယႃႉ​ႁႂ်ႈ​တၢင်း​ဢၼ်​မၼ်း​ၸွႆး​ၸပ်း​ၼၼ်ႉ​လႆႈ​ပဵၼ်။

လိူဝ်​သေ​မႅတ်ႈ​တႃႇ​တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​ၼၼ်ႉ ယႃႇ​ပေ​ႁႂ်ႈ​ထုၵ်ႇ​ၼီႈ​သေ​ၸိူဝ်ႉ​သေ​ပိူင်​တီႈ​သေ​ၵေႃႉ​သေ​ၵူၼ်း။ ၵေႃႉ​ဢၼ်​ႁၵ်ႉ​ပိူၼ်ႈ​ၼၼ်ႉ ပျေႉ​ၸုမ်ႇ​တင်း​တြႃး​တၢင်း​ၵမ်​တၢင်း​ၵျၢင်ႉ​ယဝ်ႉ။

ႁႂ်ႈ​ၵူၼ်း​ၵူႈ​ၵေႃႉ ႁပ်ႉ​တုင်း​ဢဝ်​ဢႃႇၼႃႇ​တၢင်း​ဢၼ်​ၶုၼ်​ဢုပ်ႉ​ပိူင်ႇ​တႃႉ။ လွင်ႈ​မၼ်း​ၸမ်ႉ ပေႃး​ဢၶႂၢင်ႉ​ၽြႃး​ပဵၼ်​ၸဝ်ႈ​ဢမ်ႇ​မီး​ၸိုင် ဢႃႇၼႃႇ​ၶုၼ်​ဢမ်ႇ​မီး။ ဢႃႇၼႃႇ​ၵႃႈ​မီး​တင်း​သဵင်ႈ​တင်း​လူင်​ပဵၼ်​တၢင်း​ဢၼ် ၽြႃး​ပဵၼ်​ၸဝ်ႈ​ၶၢၼ်း​ဝႆႉ​ဢေႃႈ။

ၶိင်ႇ​ၵၢင်​ၶိုၼ်း​ၸမ်​တၵ်း​သဵင်ႈ​လႄႈ ၶိင်ႇ​ၵၢင်​ဝၼ်း​ၸမ်​တၵ်း​ႁွတ်ႈ​ထိုင်​ဢေႃႈ။ ပႄႇ​ပႅတ်ႈ​တၢင်း​ၵမ်​တၢင်း​ၵျၢင်ႉ​ဢၼ်​လပ်း​သိင်ႇ​သေ​လႄႈ ဢွၼ်​ၵၼ်​ဢဝ်​လၢၵ်ႈ​ၼၢၵ်ႈ​ဢၼ်​လႅင်း​ဢၼ်​ၸေး​ၸုမ်ႇ​ၼၼ်ႉ တိုဝ်း​ၼုင်ႈ​တႃႉ​ႁဝ်း။

တၢင်း​ႁၵ်ႉ​မႅတ်ႈ​တႃႇ​ၼၼ်ႉ ဢမ်ႇ​ၸၢင်ႈ​ယႃႉ​ဢၵျူဝ်း​ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ။ ပိူဝ်ႈ​ၼႆ​လႄႈ​တၢင်း​ႁၵ်ႉ​မႅတ်ႈ​တႃႇ​ၼၼ်ႉ ပဵၼ်​တၢင်း​ဢၼ်​တြႃး​တၢင်း​ၵမ်​တၢင်း​ၵျၢင်ႉ​ပျေႉ​ၸုမ်ႇ​ဢေႃႈ။

ပိူဝ်ႈ​ၼႆ​လႄႈ ပၼ်​ၸွမ်း​ၵႃႈ​ၼင်ႇ​ဢၼ်​ၵူၼ်း​ၵူႈ​ၵေႃႉ​ထိူၵ်ႈ​ၶၢမ်ႇ​ၼၼ်ႉ​တႃႉ။ ပၼ်​ၶွၼ်ႇ​တီႈ​ၵေႃႉ​ဢၼ်​ထိူၵ်ႈ​ၶၢမ်ႇ​ဢဝ်​ၶွၼ်ႇ​ၼၼ်ႉ ဢိၵ်ႇ​တင်း​တၢင်း​ဢၼ်​ၵဵပ်း​ၵၢင်​တီႈ​ၵေႃႉ​ဢၼ်​ထိူၵ်ႈ​ၶၢမ်ႇ​ဢဝ်​တၢင်း​ဢၼ်​ၵဵပ်း​ၵၢင်​ၼၼ်ႉ​တႃႉ။ ၵူဝ်​ႁႄ​ၵေႃႉ​ဢၼ်​ထိူၵ်ႈ​လီ​ၵူဝ်​လီ​ႁႄ​ၼၼ်ႉ​တႃႉ။ ၵေႃႉ​ဢၼ်​ထိူၵ်ႈ​ရူဝ်ႇ​သေႇ​ၵူဝ်​ယမ်​ၼၼ်ႉ​ၵေႃႈ ရူဝ်ႇ​သေႇ​ၵူဝ်​ယမ်​တႃႉ။