ယူဝ်းႁၢၼ်ႇ 10 मधील लोकप्रिय बायबल वचने

सामायिक करा

ၽူႈ​လၵ်ႉ​ၸိုင် မႃး​ႁႂ်ႈ​လႆႈ​လၵ်ႉ​ႁႂ်ႈ​လႆႈ​ဢဝ်​တၢႆ ႁႂ်ႈ​လႆႈ​ယႃႉ​ပႅတ်ႈ​ၵူၺ်း​ဢေႃႈ။ ၵဝ်​ၸမ်ႉ၊ မႃး​ႁႂ်ႈ​သူဝ်း​တင်း​လၢႆ လႆႈ​ဢသၢၵ်ႈ​ၵူၺ်း​ဢမ်ႇ​ၵႃး၊ ႁႂ်ႈ​လႆႈ​ပျေႉ​ၸုမ်ႇ​ဝႆႉ​တင်း​ဢသၢၵ်ႈ​ဢေႃႈ။

ၵဝ်​ပဵၼ်​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း​ဢၼ်​လီ​ဢေႃႈ။ ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း​ဢၼ်​လီ​ၼၼ်ႉ ၸၢင်ႈ​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ ပုၼ်ႈ​သူဝ်း​တင်း​လၢႆ​ဢေႃႈ။

သူဝ်း​ၵဝ်​ၸိူဝ်း​ၼၼ်ႉ​ထွမ်ႇ​သဵင်​ၵဝ်​လႄႈ ၸွမ်း​ပႃႈ​လင်​ၵဝ်​ဢေႃႈ။ သူဝ်း​ၸိူဝ်း​ၼၼ်ႉ​ၸိုင်​ၵဝ်​ႁူႉ​ဢေႃႈ။

ထႃႇဝရႃႉ​ဢသၢၵ်ႈ​ၵေႃႈ​ၵဝ်​ပၼ်​တီႈ​ၶဝ်​ဢေႃႈ။ ၶဝ်​ၼၼ်ႉ​တၵ်း​ၵၢင်း​လွတ်ႈ​တင်း​တၢင်း​လူႉ​တၢင်း​လႅဝ် တႃႇ​သေႇ​ဢမ်ႇ​ထၢတ်ႇ​ဢေႃႈ။ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၼုၵ်ႈ​ဢဝ်​ၵႃႈ​ၼႂ်း​မိုဝ်း​ၵဝ်​လႆႈ။

ၵဝ်​ပဵၼ်​ႁူး​ၽၵ်း​တူ​ဢေႃႈ။ ၵေႃႉ​ဢၼ်​ၸူး​တီႈ​ၵဝ်​ၶဝ်ႈ​ၵႂႃႇ​ၼၼ်ႉ တၵ်း​ၵၢင်း​လွတ်ႈ​တင်း​ၽေး​လႄႈ ၶဝ်ႈ​ၶဝ်ႈ​ဢွၵ်ႇ​ဢွၵ်ႇ ၵႂႃႇ​ၵႂႃႇ​မႃး​မႃး ထူပ်း​တီႈ​ဢၼ်​ၵိၼ်​ယူႇ​သေႇ​သေႇ​ဢေႃႈ။

ၵဝ်​ပဵၼ်​ၵေႃႉ​ဢၼ်​လဵင်ႉ​သူဝ်း​ထိင်း​သူဝ်း​ဢၼ်​လီ​ဢေႃႈ။ ၸိူဝ်ႉ​ၼင်ႇ​ဢၼ်​ပေႃႈ​ၸဝ်ႈ​ႁူႉ​ၵဝ်​လႄႈ၊ ၵဝ်​ၵေႃႈ​ႁူႉ​ပေႃႈ​ၸဝ်ႈ​ၼၼ်ႉ၊ ၵဝ်​ႁူႉ​သူဝ်း​ၵဝ်​တင်း​လၢႆ​ယူႇ​ဢေႃႈ။ သူဝ်း​ၵဝ်​တင်း​လၢႆ​ၸိူဝ်း​ၼၼ်ႉ​ၵေႃႈ​ႁူႉ​ၵဝ်​ယူႇ​ဢေႃႈ။

ၸဝ်ႈ​ပေႃႈ​ၵဝ်​ဢၼ်​ဢဝ်​သူဝ်း​ၸိူဝ်း​ၼၼ်ႉ ဢၢပ်ႈ​ပၼ်​တီႈ​ၵဝ်​ၼၼ်ႉ ယဵင်ႈ​ၶႅၼ်း​ယႂ်ႇ​မျၢတ်ႈ​ၼႃႇ​သေ​ပိူၼ်ႈ တင်း​သဵင်ႈ​တင်း​လူင်​လႄႈ ၽူႈ​လႂ်​သေ​ၵေႃႉ​သေ​ၵူၼ်း ဢမ်ႇ​ၼုၵ်ႈ​ဢဝ်​ၶဝ်​ၵႃႈ​ၼႂ်း​မိုဝ်း​ပေႃႈ​ၸဝ်ႈ​လႆႈ။- ၵဝ်​ဢိၵ်ႇ​တင်း​ပေႃႈ​ၸဝ်ႈ​ပဵၼ်​ဢၼ်​လဵဝ်​ၵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵဝ်​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ ပုၼ်ႈ​သူဝ်း​ၸိူဝ်း​ၼၼ်ႉ​ဢေႃႈ။

ၽူႈ​လႂ်​ဢမ်ႇ​ႁိမ်​ဢမ်ႇ​ဢဝ်​ဢသၢၵ်ႈ​ၵဝ်။ ၵဝ်​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ၸုၼ်ႉ​ဢေႃႈ။ ဢၶႂၢင်ႉ​ဢၼ်​ၸုၼ်ႉ​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ မီး​တီႈ​ၵဝ်​ဢေႃႈ။ ဢၶႂၢင်ႉ​ဢၼ်​တၵ်း​ၶိုၼ်း​ဢဝ်​ဢသၢၵ်ႈ​ထႅင်ႈ​ၵမ်း​လိုၼ်း​ၼၼ်ႉ မီး​တီႈ​ၵဝ်​ဢေႃႈ။ ပေႃႈ​ၸဝ်ႈ​ပၼ်​ဢၶႂၢင်ႉ​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ၼႆ​လႄႈ​ ယေႇသူႉ ​ၵေႃႈ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၵဝ်​ပဵၼ်​ႁူး​ၽၵ်း​တူ​ဢၼ်​သူဝ်း​ၶဝ်ႈ​ဢေႃႈ။

ၵေႃႉ​ဢၼ်​လဵင်ႉ​သူဝ်း​ဢၼ်​ဢမ်ႇ​ၸိုဝ်ႈ​ဢမ်ႇ​ၸႂ်ႈ ဢၼ်​ဢမ်ႇ​ပိူင်ႇ​သူဝ်း ဢၼ်​ပဵၼ်​ၵူၼ်း​ၵိၼ်​ၸၢင်ႈ​ၵိၼ်​ငႃ​ၼၼ်ႉ​ၸမ်ႉ၊ မိူဝ်ႈ​ဢၼ်​ႁၼ်​မႃ​ထိူၼ်ႇ​မႃး​ၸိုင်၊ ၸၢင်ႈ​ပႅတ်ႈ​ဝႆႉ​သူဝ်း​တင်း​လၢႆ​သေ​လႄႈ​ဢွၵ်ႇ​ပၢႆႈ​ဢေႃႈ။ မႃ​ထိူၼ်ႇ​ၵေႃႈ​ႁိမ်​ဢဝ်​သူဝ်း​ၸိူဝ်း​ၼၼ်ႉ​လႄႈ ႁႂ်ႈ​မိူၵ်ႇ​မိူဝ်​ၵႂႃႇ​ဢေႃႈ။

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၵေႃႉ​ဢၼ်​ယင်း​ဢမ်ႇ​ၸူး​ႁူး​ၽၵ်း​တူ ၶဝ်ႈ​ၵႃႈ​ၼႂ်း​ၶွၵ်ႈ​သူဝ်း​လႄႈ ၶၢမ်ႈ​ၶဝ်ႈ​ၵႂႃႇ​တၢင်ႇ​တၢင်း​ၼၼ်ႉ ပဵၼ်​ၽူႈ​လၵ်ႉ​ၵူၼ်း​ၸူၼ်​ဢေႃႈ။