थरप्या तका का काम 17 मधील लोकप्रिय बायबल वचने

सामायिक करा

परमेसर अस्यान किदो के, वीं परमेसर ने होदे, अन वींका नके जान वींने पाले। यद्याँ के वो आपाऊँ छेटी कोयने।

वाँकाणी एकीस मनकऊँ हंगळा लोगाँ ने बणाया ताँके वे आकी धरती पे रेवे, अन वणीस ते किदो के, वे कटे रेई अन वाँकी उमरकाळ भी ते किदा।

जणी परमेसर धरती अन ईंकी हंगळी चिजाँ ने बणई, वो हरग अन धरती को परबू हे अन वो हाताऊँ बणाया तका मन्दर में कोयने रेवे हे।

काँके वणी एक दन ठेरायो हे, वीं आपणाँ थरप्या तकाऊँ वो धरती का हंगळा मनकाँ को हाँचऊँ न्याव केरी, अन वणी मरिया तका मूँ पाछो जीवतो वेन हंगळा मनकाँ में आ बात पाकी कर दिदी हे।

आपीं परमेसर का बंस का वेन आपाँने ओ हमजणो हव ने हे के, परमेसर मनक का हाताऊँ अन कारीगरीऊँ बणाई तकी होना-चाँदी की अन भाटा की मूरताँ के जस्यान कोयने हे।