1 कुरन्थीयो 15 मधील लोकप्रिय बायबल वचने

सामायिक करा

इ ताँई मेरा लाडला बिस्वास्यो, बिस्वास म मजबूत बण्या रेह्‍ओ अर जमाई संका मना करो। अर परबु का काम म खुदनै लगाया राखो। क्युं क थे जाणो हो क परबु ताँई करेड़ो काम बेकार कोनी जावै।

पण परमेसर को धनेवाद ह क बो आपानै परबु ईसु मसी क जरिए मोत प जीत दिलावै ह।

धोको मना खाज्यो क्युं क, “बुरी संगती चोखी बाणनै बिगाड़ देवै ह।”

अर आज म जोक्यु बी हूँ परमेसर की दयाऊँ हूँ, अर बिकी दया मेर ताँई बेकार कोनी गई म दुसरा भेजेड़ा चेलाऊँ बढचढ'र मेनत करी ह। पण आ मेरी काबलीयत कोनी आ तो परमेसर की दया ह।

“हे मोत तेरी जीत कठै ह? अर तेरो डंक कठै ह?” आपा मरा हां क्युं क आपा पाप करां हां, अर आपणै कनै नेम-कायदो ह जिकी बजै आपा जाणा हां क पाप करां हां।

थे गोर लगार सुणो, म थानै एक भेद की बात बताऊँ हूँ: आपा सगळा मरा कोनी, पण आपणो रूप बदल्यो ज्यासी। अर जद आखरी नरसिंगो फुक्यो ज्यासी जणा आँख मीचताई आपा बदल्या जास्यां। नरसिंगा की उवाज जद आपणा काना म पड़सी जणा सगळा मरेड़ा बिस्वासी ओज्यु नइ मरबा ताँई जीवाया जासी अर जखा जीवता बिस्वासी हीं बे कदैई नइ मरबा ताँई बदल्या जासी।

क्युं क जंय्यां एक मिनखऊँ मोत आई बंय्‍यांई एक मिनख क जरिए मोतऊँ ओज्यु जी उठबो होयो। आदम का करम को फळ मोत बिकी सगळी ओलादा प बी लागू होई बंय्‍यांई मसी का करम को फळ मोतऊँ जि उठबो बा सगळा प लागू होवै जखा मसीऊँ जुड़ेड़ा हीं।

क्युं क नसबर काया को नास नइ होबाळी काया म बदलबो जरूरी ह। अर मरबाळा जीवन को कदैई नइ मरबाळा जीवन म बदलबो जरूरी ह।

पण जद ताँई परमेसर मसी का सगळा बेरीयानै बिकै पगा तळै नइ कर दे मसी को राज करबो ते ह। आखीर म आखरी बेरी मोत को नास कर्यो ज्यासी।