MATHAYO 11 मधील लोकप्रिय बायबल वचने

सामायिक करा

Ũkai kũrĩ niĩ inyuothe anogu, na inyuĩ mũtitikĩte mĩrigo mĩnene, na nĩngũmũhurũkia.

Oyai icoki rĩakwa mwĩĩkĩre, na mwĩrute na niĩ: nĩ ũndũ ndĩ mũhoreri, na mwĩnyihia ngoro-inĩ: nacio ngoro cianyu nĩikũhurũkio.

Nĩ gũkorũo icoki rĩakwa nĩ rĩnyoroku, o na mũrigo wakwa nĩ mũhũthũ.

Nĩ nengeretwo maũndũ mothe nĩ Awa: na gũtirĩ mũndũ ũũĩ Mũriu tiga Ithe witũ: ningĩ gũtirĩ mũndũ ũũĩ Ithe witũ tiga o Mũriũ, o na ũrĩa o wothe Mũriũ endaga kũmũguũrĩria.

Nake Jesu akĩmacokeria akĩmera atĩrĩ, mwĩthiĩrei, mũkere Johana ũhoro wa maũndũ marĩa mũiguaga, na marĩa muonaga: atĩ atumumu nĩmacokete kuona, na arĩa mathuaga magacoka gwĩtwara wega, na arĩa marĩ na mangũ makahonio magathera, na arĩa mataiguaga magacoka kũigua, na arĩa makuĩte makariũkio, o na arĩa athĩni makahunjagĩrio Ũhoro-ũrĩa-Mwega.

Mũndũ ũrĩa wĩ na matũ ma kũigua nĩakĩigue.