MARCOS 2 मधील लोकप्रिय बायबल वचने

सामायिक करा

Jesosaa oya jama poaje shajja-ajjamajje jama huohuime acapoa cuana ba'a: —Joya yajayaja poani, manojjima eshicuijjibajji poani dejjajo jjashicuimeequica-ajja. Emanocuana caca oe jjashicuimeequicajji ojo. Oya jayojja eya poeyanaje jiquio oyaneitii queapame ba'yani jjabaquijjicuana sa-ajjaa pojjeama. Eya caca poeyanaje joya queamimishi poani jjabaquijjicuana sa-ajjaa.

Jesosaa dejja jeo'yoajja ojaya epeejjicuana pea-ai jjashahuabaqui'yani ojonei bacapoa. Jamajje ohuaya jama acapoa dejja jeo'yoajja ba'a: —Ecue bacua, eyaya mique mimishicuana jjeyanei cuijea'yonaje, chama'yo.

Majoya Jesosaa pea esohui acapoa ba'a: —Jiquio epojja ejomishocajji Eyacuiñajjiya acapoa ojjañacuana queabihui ba'epoquijji. Ohuaya dejjacuana, eponacuana pea-ai panacapoa ejomishocajji epojjajo chacochacojjimatii epojji pojjeama.

Ma equijo ona queahuiso ejjachichaqui anicajojoya dejja jeo'yoajja midojonobiaquicapoa cuaa Jesosa nequiyasijje. Jamajjeya oya dojosohuaquicapoa equijamacoohuasijje Jesosa nequi cojjaneiyasijje. Majoya equijamacoo cajjajeamajje dejja jeo'yoajja daqui equecuaquinijo jaa jeaoqueacapoa cuaa jjonojo Jesosa nequi cojjaneiyasijje.

Jamajjeya jjeya quiaa queaja'a bameeje Eyacuiñajjiya eya Dejjapojji epo queaca'anee nequimeecani dejjacuanaja mimishicuana cuijea'yojji jiquio meshijo nequi— jamaya poa. Majotii aniya Jesosaa dejja jeo'yoajja jama acapoa ba'a: —Nequisohua'yocue, mique daqui equecuaquini dojo'yocue, miquea equiyasijje poqui'yocue.

Queacamajaneenee dejjaja mimishi cuijea'yojji. Queacamajaneenee dejja jeojjishahuama' ejeomee'yojji pea-ai.

Jesosaa jama acajje dejja jeo'yoajja nequisohuanana'yapoa ojjañacuana majo ejjachichaqui anicajo. Majoya daqui equecuaquini poani bebo'yomajje oya cuayaqui'yapoa. Dejja jeo'yoajja nequisohuaje'yo bacapoa queahuisocuaa. Jamajjeya o jeoje'yo bamajje Eyacuiñajji bihuiacapoa cuaa jama ba'a: —Eyacuiñajji queaca'aneetii poani. Esejaya bajjimaneinei ohua jama acaje.