Mɑɑtieo 24 मधील लोकप्रिय बायबल वचने

सामायिक करा

Biit nbɑ tɑn sɑɑ mɑntk yɑbt tingbounŋ nɑ ni nɑ pɑɑk, k niib bonciɑnn lonm tɑn sɑɑ mɑɑk. Ŋɑɑn wun nbɑ tɑn gubn nɑn fɑlɑ yuo nɑ juontu tɑn sɑɑ lɑ fielu wɑɑ.

K b tɑn sɑɑ muɑnt Yennu nɑɑn lɑbɑmɑnn muɑnti nɑ tingbounŋ nɑ kul po, ɑ lin tien *siɑlɑ k tul niib kul, k dulnyɑ gbennu n yen fit bɑɑl.»

I tɑn sɑɑ gbɑt tɔb fuut i kuɑnn ni, nɑn l lɑbɑɑl bɑnfɔkl, ŋɑɑn i dɑɑ jie, k mɑɑn l kpɑɑ tɑlɑs e nɑn lin nbɑ nɑ kul n tun, ŋɑɑn l k wɑnt nɑn dulnyɑ gbennu bɑɑl e nɑ.

Nibuolu nɑn nibuolu tɑn sɑɑ kɔn nɑn lieb, k kpɑnbɑlɑ nɑn kpɑnbɑlɑ mun tɑn sɑɑ tuok k kɔn nɑn lieb. K kon nɑn tinŋ jijekt tɑn sii be lokɑ kul po. Lin nbɑ nɑ nbɑ kul tɑn sii tie nɑn mɑtyiɑlu pinpiik nɑ e.

Sɑnpɑɑk nɑn tinŋ tɑn sɑɑ bot ɑ, ŋɑɑn n mɑɑn ŋɑnin kɑn mi k bot fɑb ɑ.»

k mɑɑn niib bonciɑnn tɑn sɑɑ jii n sɑnn e k bɑɑl k yien ɑ ŋɑnm e tie *Klistu nɑ, k kpɑnn niib bonciɑnn.

«L yuo mɑnŋ k b tɑn sɑɑ suol’i k din’i fɑlɑ biɑk, k kpi’i k buolu kul tɑn sii nɑn’i k mɑɑn yɑɑ wɑɑ’n nɑ pɑɑk. L yuo mɑnŋ, niib bonciɑnn tɑn sɑɑ yet n weiu, k biɑ kuɑt lieb, k biɑ nɑn lieb. K fɑɑk sɔkniinbɑ tɑn sɑɑ nyi k kpɑnn niib bonciɑnn.

K u jiin k yet’b ɑ: «Ii mi mɑn k suɑ n tɑn kpɑnn’i

L pɑɑk, l ŋɑn k i mun n tien siil yuo kul ɑ, k mɑɑn Nisɑɑlk Bijɑ mun biɑ tɑn sɑɑ jen yuo nbɑ k i k duki u jenu nɑ po nɑ e.

«L pɑɑk, i cekn i mɔnŋ pɑɑk mɑn, k mɑɑn i k mi dɑɑl nbɑ k t Yonmdɑɑnɔ sɑɑ jen.

«Suɑ k mi dɑɑl mɑnŋ ɑmi yuo nbɑ k l kul sɑɑ tien. L sɑnpɑɑpo mɑlɑkɑɑnbɑ, ɑmi Bijɑ mɔnŋ k mi, sie Bɑɑ kuukuɑ e mi.

k mɑɑn l yuo mɑnŋ, fɑɑk Klistunbɑ nɑn fɑɑk sɔkniinbɑ tɑn sɑɑ nyi k tuun nyinɑ nɑn bɑktnɔunŋ tuonjɑɑnɑ ɑ bin kpɑnn niib. K l i tɑnŋ i fit, b tɑn sɑɑ kpɑnn Yennu nigɑnnkɑb tiɑɔnŋ ɑ.

Lɑɑ din tien biɑnŋ nbɑ Noe yuo nɑ, l mun biɑ tɑn sii tie nnɑ e Nisɑɑlk Bijɑ jenu yuo. Noe yuo mɑnŋ, yuo nbɑ k nyunciɑɔnŋ din dɑɑ k bɑɑl, k niib din di jiet k nyu, k kuɑnt puob, k jikt b wɑɑs k tien’m jɑb, k tɑn tuu dɑɑl nbɑ k Noe din kuɑ ŋɑlngbenŋl ni. K niib mɑnŋ din biɑ dɑɑ k bɑnn lin nbɑ tuun, k tɑn tuu dɑɑl nbɑ k nyunsɑɑkɑn din bɑɑl k tɑn dii b kul sɑɑk ɑ. L biɑ tɑn sii tie nnɑ e yuo nbɑ k Nisɑɑlk Bijɑ tɑn sɑɑ jen.