PINADAYAG 2 मधील लोकप्रिय बायबल वचने

सामायिक करा

Apan aduna akoy butang nga batok kanimo, nga imong gibiyaan ang paghigugma nga diha kanimo kaniadto.

Busa hinumdomi diin ikaw gikan sa imong pagkahulog, ug paghinulsol ug buhata ang mga buhat nga imong gihimo kaniadto. Kay kon dili, anhaon ko ikaw ug kuhaon nako ang imong lamparahan gikan sa iyang dapit, gawas kon ikaw maghinulsol.

Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi.

Ang adunay igdulungog kinahanglan nga magpatalinghog sa gisulti sa Espiritu ngadto sa mga iglesia. Siya nga magmadaogon hatagan nako ug pagtugot sa pagkaon gikan sa kahoy sa kinabuhi nga anaa sa paraiso sa Dios.’

“ ‘Nasayod ako sa imong mga buhat, sa imong paghago ug sa imong paglahutay, ug nga ikaw dili makapailob sa daotan nga mga tawo ug giusisa nimo ang mga nag-ingon nga sila mga apostoles apan dili diay, ug nasuta nimo nga sila bakakon.

Nasayod ako nga ikaw naglahutay ug nagpailob tungod sa akong ngalan, ug nga ikaw wala abota ug kapuol.

Ang adunay igdulungog kinahanglang magpatalinghog sa gisulti sa Espiritu ngadto sa mga iglesia. Siya nga magmadaogon hatagan nako ug mana nga tinagoan, ug hatagan nako siya ug usa ka bato nga puti nga gisulatan ug usa ka bag-ong ngalan nga dili masabot ni bisan kinsa gawas niadtong nagdawat niini.’