MARKA 10 मधील लोकप्रिय बायबल वचने

सामायिक करा

Bede thikhade, Marsini basa bo dangjaoma ne phaiya; bode dang mane se phai ba, ode gabang subung khe sogo hi jarni hayu khe ri mane se phai ba.

Jisu bonsi khe naiding dada thi ba, Subung ni khlai hide du bi, Madai ni khlai hide lai bi. Bede thikhade, Madai ni khlai hide khrip khusi khe blai du.

Odehe, Jisu bokhe thi ba, Ning thang lah, nini lonma jang ningkhe ham ri kha. Boha ning bo nuphu kha, ode Jisu jang rikpha kha.

Odebani Madai sere khe saomang masi slamyaba khe subung da gaolei ri thing.

Jisu bokhe nai dada khasao sisi nu hi bokhe thi ba, Nini masi thao du kho. Ning thanghi nini dongbasi khe phain tharhi, dukhi sarao ne ri lah, odese ning sorgoha don bangdaohi mai nang, ode ani yaohon rikpha lah.

Jisu bokhe sing ba, Ninthane snadi ang dang ma nangjao ba? Rabbi, ang muthai numa nangjao du, thihi bo thiphin ba.

Nisini bising hade olei ja nang niya. Sere asababo nisi ni bisingha dedaothao jama nangjao re thikhade, bo nisi khrip ni dangyasa jahi dongma nang ma se.

Sere ansarao lai Madaini raji khe hamjaoba lai hamjaoya khade Madaini raji ha hap mai nang niya.

Thikhabo, subung sagangthao dongyarao yaohonthao dong ma, yaohonthao dongyarao sagangthao dong ma se, ode bo thi ba.

Jenba ha elei niya. Habsao sangsai jenba ni phrang Madai jar ning bonsi gini khe miya masainjik slam ba thihi laisi gathar ha reb du. Odebani khlai hi, subung de jarni buma bupha khe garlang hi bihih jang gathaisi dong ba, Odehe, bonsi gini niyahi saomang masi ja kha.