ഉയിർപ്പ് തിരുന്നാളിന്റെ കഥഉദാഹരണം

വെള്ളിയാഴ്ച്ച
അപ്പോസ്തലനായ പൗലോസ് ഫിലിപ്പിയർക്കുള്ള മൂന്നാം അദ്ധ്യായത്തിൽ ഇങ്ങനെ എഴുതിയിരിക്കുന്നു "അവന്റെ മരണത്തോടു അനുരൂപപ്പെട്ടിട്ടു അവനെയും അവന്റെ പുനരുത്ഥാനത്തിന്റെ ശക്തിയെയും അവന്റെ കഷ്ടാനുഭവങ്ങളുടെ കൂട്ടായ്മയെയും അനുഭവിച്ചറിയേണ്ടതിന്നും". ഇത്ര ഭീകരമായ കാര്യങ്ങൾ അനുഭവിക്കുന്നത് അസാദ്ധ്യമായി തോന്നാമെങ്കിലും, ക്രിസ്തുവിനെ യഥാർത്ഥമായി അറിയാം എന്നുള്ളതാണ് ഈ കഥയിലൂടെ നടക്കുന്ന അത്ഭുതം. തീവ്രമായ കഷ്ടാനുഭവങ്ങളിലും അവനിൽ കാണപ്പെട്ട സമാധാനം, സന്തോഷം, പ്രശാന്തത, കൃപ എന്നിവ നോക്കിക്കാണുമ്പോൾ മരണത്തിൽ അവന്റെ മരണവുമായി തദ്ദാത്മ്യം പ്രാപിക്കുന്നതിന്റെ സൗന്ദര്യം നിങ്ങൾക്ക് കാണാൻ കഴിയും. ദൈവത്തെ പൂർണ്ണമായി ആശ്രയിക്കുന്ന അവന്റെ ജീവിതം എത്ര ലളിതമാണെന്നു നോക്കൂ. യേശു തന്റെ മരണസമയത്ത് ഭൗതികമായ ഒന്നിനെപ്പറ്റിയും വിചാരപ്പെട്ടില്ല. ഏറ്റവും അടുത്ത സുഹൃത്തിന് തന്റെ അമ്മയെ ഭരമേല്പിച്ചു. പടയാളികൾ ചീട്ടിട്ടു പകുത്തെടുത്ത അങ്കി മാത്രമായിരുന്നു അവന്റെ ആസ്തി. യേശുവിന്റെ ലാളിത്യം, കൃത്യമായ ലക്ഷ്യം, പിതാവിലുള്ള പരിപൂർണ വിശ്വാസം ഇതൊക്കെ നമുക്കും ആഗ്രഹിക്കാവുന്നതാണ്.