Ujọn 20
20
Likwun litaa
(Mat 28:1-8; Mak 16:1-8; Luk 24:1-12)
1He ukpi-kikwu liti utyọng, Umeri Magdalen a ngyu bo he ashi liti gye he likwun Ujeso. A le nde le kukọ ahwu be shi ungwu likwun, be mung ahwu le ha. 2A buu gbe le ha ligbe-ligbe le hwaa le Ipita befe le undi-utung angwu ki ma nyin Ujeso le he kaang ana, a de be le, “Be fem kung likwọm Ada le he likwun, li ngye kipi be gbe le ngi le ndọ ye.”
3Ipita le undi-utung ana be ha buu gbe gye ha he likwun. 4Undi-utung ana a buu gbe tyang Ipita le wu ha kushu. 5A keb nii nde gye ha afee likwun, a nde bihwọm bifung abi be ma nii he kie ha, ukpọ a shul gye ha afee ye. 6Usaimọn Pita a be wu ha, a gbe ligbe-ligbe gye ha afee likwun, a nde bihwọm bifung wu ha. 7Ukpe-beshi angwu be ma nii he lishi u yi kan ndọ tata. 8Undi-utung Ujeso angwu a wu ha kushu ana a gbe pwọm Ipita gye ha afee titi, le nde biwọm abin, a bọng le Ujeso a wum kigyang. 9(Ashi be ma fee he kushia Unim le-iti le Ujeso u ba wum le he lihwu ana, ki ma wa nung abe ye.) 10Ipita befe le Ujọn be tem gye he ushu.
Ujeso a te le kuhwo-ma le tyung Umeri Magdalen
(Mat 28:9-10; Mak 16:9-11)
11Umeri Magdalen a tem gye he likwun, u yi naa ha ungwu likwun, u kya. A nii nde gye he afee likwun, 12a nde idengel Unim ifee, angi i shi aliga afung-afung, i ma yi kwu he kipi be ma kie agwo Ujeso, angwu ken a ma yi kwu le he kipi be ma kie he ndọ lishi, angwel u shi le he kipi be ma ndọ he abee.
13Be bii he le, “Iye, wo kya kibang a?” A fan le, “Be fem kung likwọm Ada ugi le nyin, mi ngye he kipi be kung angi le ndọ ye.” 14A kung bel ashi gye he item nde Ujeso, ukpọ a shob he ye.
15Ujeso a bii he le, “Iye, wo kya kibang a? Wo shun ayang a?”
Umeri a kọng le angwu u kang kiteng kimen ana a, a kung de-e le, “Ukandi, gbe wo na wo fem kung he le nyin, wo ha tyung mi kiteng ashi wo kie he, mi le kung he gye le he.”
16Ujeso a kwu-e ko, “Umeri.”
A bel ashi nde-e, a kung gaa kaang fan he he igie Aramaik le, “Itisha ukandi.”
17Ujeso a de-e le, “Kwu-m abwo ye, likọye mi wa tem gye he kusi le hwaa le Atyagi ye. Ndu te le de bebwaa-ndagi le, mi ndu tem la hwaa le Atyagi angwu u yi Atyamen ọ titi. U yi Unim ugi, u shi Unim umen.”
18Umeri Magdalen a bo gbe le de bendi-utung Ujeso le a nde Atyabel Ujeso, a bun igie ima puu de be.
Ujeso a fem kuhwo-ma tyung bendi-utung bema
(Mat 28:16-20; Mak 16:14-18; Luk 24:36-49)
19Ha he ukpi-kikwu liti utyọng limen ana le likwu-lukwu, bendi-utung Ujeso be gbọng bende le sho he ushọm, be ngib ashi fe kuhwobel likọye be maa shel bekandi Ijuus. Ujeso a ha fem ha he liwu libel, u de be le, “Ikwun i kwu he amen.” 20A kọng ashin puu, abel bikpaa abwo le ufaa uma tyung abe. Bendi-utung bema be ma yi le igọ kaang na be nde-e.
21Ujeso a mbee de be le, “Ikwun i kwu he amen. Nya ana Atyagi a sọm mi be he igye i nyin, na mi ọ mi sọm amen.” 22A ha tye kunyọng wu abe, u de le, “Ma kpe Ukatia Kunyọng. 23Undi uyang-yang angwu ma tyang biban bima ke-e, Unim ọ u tyang abi ka he. Ukpọ angwu ma tyang biban bima ke-e ye, Unim ọ u tyang abi ka he ye.”
Ujeso a fem kuhwo-ma tyung Utọmas
24He kunyọng ahwu Ujeso a kpi-kikwu te le kuhwo-ma le tyung bendi-utung bema, Utọmas angwu be ko le begbe a ma yi utung ha bendema ha ye. 25Nyọng a be be de-e le, “Bel li nde Ada Ujeso.”
Utọmas a fan abe le, “Gbe migyang mi nde bikpaa ikaa angi be ma maa he le ashi agi ye, mi kung udyọng-bwo ugi tyọ ha ye, mi tyọ kubwo he ahe ufaa he kipi be ma tim he likung ye, mi ha ndu bọng le ma kọng kigyang a ye.”
26Ati a gbe adyọng-ikie, bendi-utung Ujeso be mbee gbọng ha he ushọm umen ana. Utọmas a ma fel yi utung he abe ha. Ma na be ma ngib ashi ọ, Ujeso a fem naa ha he liwu libel, a kọng de be le, “Ikwun i kwu he amen.” 27A ha de Utọmas le, “Bel ashi nde, kung udyọng-bwo ugang tyọ mi he bikpaa ikaa, nda kubwo tyọ mi he ufaa. Tem tyang ityang ye, fel bọng ha ami a.”
28Utọmas a de le, “Wo yi Unim ugi le Ada ugi a.”
29Ujeso a ha de-e le, “Wo fel bọng likọye wo nde-m le ashi agang. Ki kwa kinunung ka abe be nde abin ye, ukpọ be bọng ha ami.”
Akpakpa kisọm kinunung Ujọn
30Ujeso a ma shi bikwole-kuhwo gbam he ashi bendi-utung bema. Be fee abi puu fe he kushia ahwun ye. 31Abi be fee fe nyin, be fee le he bendi be bọng le Ujeso u yi Ukristi, u shi Unwaa Unim, he be fel le likpan kunyọng gbe he abọng-ale ha Unim a.
നിലവിൽ തിരഞ്ഞെടുത്തിരിക്കുന്നു:
Ujọn 20: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 20
20
Likwun litaa
(Mat 28:1-8; Mak 16:1-8; Luk 24:1-12)
1He ukpi-kikwu liti utyọng, Umeri Magdalen a ngyu bo he ashi liti gye he likwun Ujeso. A le nde le kukọ ahwu be shi ungwu likwun, be mung ahwu le ha. 2A buu gbe le ha ligbe-ligbe le hwaa le Ipita befe le undi-utung angwu ki ma nyin Ujeso le he kaang ana, a de be le, “Be fem kung likwọm Ada le he likwun, li ngye kipi be gbe le ngi le ndọ ye.”
3Ipita le undi-utung ana be ha buu gbe gye ha he likwun. 4Undi-utung ana a buu gbe tyang Ipita le wu ha kushu. 5A keb nii nde gye ha afee likwun, a nde bihwọm bifung abi be ma nii he kie ha, ukpọ a shul gye ha afee ye. 6Usaimọn Pita a be wu ha, a gbe ligbe-ligbe gye ha afee likwun, a nde bihwọm bifung wu ha. 7Ukpe-beshi angwu be ma nii he lishi u yi kan ndọ tata. 8Undi-utung Ujeso angwu a wu ha kushu ana a gbe pwọm Ipita gye ha afee titi, le nde biwọm abin, a bọng le Ujeso a wum kigyang. 9(Ashi be ma fee he kushia Unim le-iti le Ujeso u ba wum le he lihwu ana, ki ma wa nung abe ye.) 10Ipita befe le Ujọn be tem gye he ushu.
Ujeso a te le kuhwo-ma le tyung Umeri Magdalen
(Mat 28:9-10; Mak 16:9-11)
11Umeri Magdalen a tem gye he likwun, u yi naa ha ungwu likwun, u kya. A nii nde gye he afee likwun, 12a nde idengel Unim ifee, angi i shi aliga afung-afung, i ma yi kwu he kipi be ma kie agwo Ujeso, angwu ken a ma yi kwu le he kipi be ma kie he ndọ lishi, angwel u shi le he kipi be ma ndọ he abee.
13Be bii he le, “Iye, wo kya kibang a?” A fan le, “Be fem kung likwọm Ada ugi le nyin, mi ngye he kipi be kung angi le ndọ ye.” 14A kung bel ashi gye he item nde Ujeso, ukpọ a shob he ye.
15Ujeso a bii he le, “Iye, wo kya kibang a? Wo shun ayang a?”
Umeri a kọng le angwu u kang kiteng kimen ana a, a kung de-e le, “Ukandi, gbe wo na wo fem kung he le nyin, wo ha tyung mi kiteng ashi wo kie he, mi le kung he gye le he.”
16Ujeso a kwu-e ko, “Umeri.”
A bel ashi nde-e, a kung gaa kaang fan he he igie Aramaik le, “Itisha ukandi.”
17Ujeso a de-e le, “Kwu-m abwo ye, likọye mi wa tem gye he kusi le hwaa le Atyagi ye. Ndu te le de bebwaa-ndagi le, mi ndu tem la hwaa le Atyagi angwu u yi Atyamen ọ titi. U yi Unim ugi, u shi Unim umen.”
18Umeri Magdalen a bo gbe le de bendi-utung Ujeso le a nde Atyabel Ujeso, a bun igie ima puu de be.
Ujeso a fem kuhwo-ma tyung bendi-utung bema
(Mat 28:16-20; Mak 16:14-18; Luk 24:36-49)
19Ha he ukpi-kikwu liti utyọng limen ana le likwu-lukwu, bendi-utung Ujeso be gbọng bende le sho he ushọm, be ngib ashi fe kuhwobel likọye be maa shel bekandi Ijuus. Ujeso a ha fem ha he liwu libel, u de be le, “Ikwun i kwu he amen.” 20A kọng ashin puu, abel bikpaa abwo le ufaa uma tyung abe. Bendi-utung bema be ma yi le igọ kaang na be nde-e.
21Ujeso a mbee de be le, “Ikwun i kwu he amen. Nya ana Atyagi a sọm mi be he igye i nyin, na mi ọ mi sọm amen.” 22A ha tye kunyọng wu abe, u de le, “Ma kpe Ukatia Kunyọng. 23Undi uyang-yang angwu ma tyang biban bima ke-e, Unim ọ u tyang abi ka he. Ukpọ angwu ma tyang biban bima ke-e ye, Unim ọ u tyang abi ka he ye.”
Ujeso a fem kuhwo-ma tyung Utọmas
24He kunyọng ahwu Ujeso a kpi-kikwu te le kuhwo-ma le tyung bendi-utung bema, Utọmas angwu be ko le begbe a ma yi utung ha bendema ha ye. 25Nyọng a be be de-e le, “Bel li nde Ada Ujeso.”
Utọmas a fan abe le, “Gbe migyang mi nde bikpaa ikaa angi be ma maa he le ashi agi ye, mi kung udyọng-bwo ugi tyọ ha ye, mi tyọ kubwo he ahe ufaa he kipi be ma tim he likung ye, mi ha ndu bọng le ma kọng kigyang a ye.”
26Ati a gbe adyọng-ikie, bendi-utung Ujeso be mbee gbọng ha he ushọm umen ana. Utọmas a ma fel yi utung he abe ha. Ma na be ma ngib ashi ọ, Ujeso a fem naa ha he liwu libel, a kọng de be le, “Ikwun i kwu he amen.” 27A ha de Utọmas le, “Bel ashi nde, kung udyọng-bwo ugang tyọ mi he bikpaa ikaa, nda kubwo tyọ mi he ufaa. Tem tyang ityang ye, fel bọng ha ami a.”
28Utọmas a de le, “Wo yi Unim ugi le Ada ugi a.”
29Ujeso a ha de-e le, “Wo fel bọng likọye wo nde-m le ashi agang. Ki kwa kinunung ka abe be nde abin ye, ukpọ be bọng ha ami.”
Akpakpa kisọm kinunung Ujọn
30Ujeso a ma shi bikwole-kuhwo gbam he ashi bendi-utung bema. Be fee abi puu fe he kushia ahwun ye. 31Abi be fee fe nyin, be fee le he bendi be bọng le Ujeso u yi Ukristi, u shi Unwaa Unim, he be fel le likpan kunyọng gbe he abọng-ale ha Unim a.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.