Ujọn 19
19
Be tang Ujeso ushe le be maa gwu-e bee he kikpakpa
1Upalet a ha kung Ujeso ke le be le kpam. 2Ishogya itim kishi-lishi itọng shi-e he lishi. Be kung aliga uwulu abwaa shi-e na usu. 3Be te le hwaa le he ibwan-ibwan de-e le, “Usu Ijuus li kọng le wo.” Be gbel he abwo he ashi.
4Upalet a mbee tem le hwaa le bendi Ijuus ha he igye, u de be le, “Ma gyo, mi ndu la ba le ungikye angwun he igye he men ma ngye dang le mi nde kibibi ashi a shi ye.” 5Ujeso a fem be he igye, a ma so le kishi-lishi itọng shi, u so le aliga usu uwulu abwaa shi. Upalet a de be le, “Ma nde undi umen.”
6Nyọng bekandi bishang Unim le abe be kang Ushọm Unim be nde-e, be gaa le, “Maa he bee he kikpakpa. Maa gwu-e.”
Upalet a kung de be le, “Men-agyang ma te le he le maa bee he kikpakpa. Mi ufe mi nde kibibi ashi a shi ye.”
7Bekandi Ijuus be tem naa de le, “Na ki yi he Iten ityan, kitaa undi kitel li, ki yi le u hwo, likọye a kung kuhwo-ma le u yi Unwaa Unim.”
8Igie anyin i shi Upalet a fel he kushel kaang. 9A mbee tem gye he afee ukoto, a bii Ujeso le, “Wo ba le kung a?” Ujeso a fan he ye. 10Upalet a kung de-e le, “Kibang a, wo fan mi ye? Nde le wo ngye le mi yi le ikeb le mi tyang-a abwo le wo gye, mi shi le ikeb le mi maa bee he kikpakpa?”
11Ujeso a fan he le, “Unim na a kaa ikeb anyin. Ki kwu na a ye, hang wo yi le ikeb le wo sha-m kiwọm ye. Kife na ki tan le shi ngwu kiban undi angwu a be le ushe ugi hwaa le wo ki ban hwo ashi kigang.”
12Nyọng Upalet a gyo igie anyin, u maa la tyang Ujeso abwo, ukpọ Ijuus i fel gaa kaang le, “Gbe wo ha tyang ungikye angwun abwo, ha wo yi udim Usiza a ye, Usu ukandi angwu he Urom a, likọye gbe undi uyang-yang a de le ufe u yi usu a, ashina ki ze le u kin kusu le Usiza a.”
13Upalet a ha be le Ujeso he igye be bel kwu he kidem ashi u kwu maa ishe, he kiteng ashi be ko le Kigigyo kukọ. Be ko ashi he igie Aramaik le Ugabata. 14Liti limen ana li ma yi liti angi liti-uwel libel li pwọm le ngi a, he kunyọng ahwu be maa shi kipam agbele-gyọng. Libwee li maa ndu pwọm he kudyan lishi.
Upalet a de be le, “Ma nde usu umen i nyin.”
15Be gaa de-e le, “Ma kpe-e gbe le he le ha, ma maa he bee he kikpakpa.”
Upalet a bii abe le, “Ma kee le be kung usu umen maa bee he kikpakpa a?”
Bekandi bishang Unim be fan he le, “Li kee-kee yi le usu ken a, Usiza ufe-ufe a.”
16He ashina Upalet a kung Ujeso ke le be ndu le maa he bee he kikpakpa.
Be maa Ujeso bee he kikpakpa
(Mat 27:32-44; Mak 15:21-32; Luk 23:26-43)
Ishogya i kpe Ujeso gbe le he. 17Ufe-gyang a so kikpakpa kima gye he kiteng ashi be ko le, kiteng kikpukpo lishi. Be ko ashi he igie Aramaik le Ugolgọta. 18Ha na be ma maa he bee he kikpakpa. Be mbee kung bendi befee, be maa angwu ken bee he kikpakpa le he ahe kubwo limbel, be maa angwel le he ahe kubwo lizen. Ujeso a ma yi he kudyan.
19Upalet a ma fee kiwọm ke be le be bee ha he kikpakpa. A ma fee le,
Ujeso angwu Unazaret, Usu Ijuus.
20Be fee ashi he igie abọng akie, he igie Aramaik, Ilatin le Igrik. Bendi gbam be bo ashi be ma fee bee ana likọye kiteng ashi be ma gwu Ujeso ki ma yi he ungwu kukwo a. 21Bekandi bishang Unim be nde ashina, be le de Upalet le, “Fee le u yi Usu Ijuus a ye, fee le a de le, ufe u yi Usu Ijuus a.”
22Upalet a de be le, “Ashi mi fee, mi tọ fee.”
23Nyọng ishogya i maa Ujeso bee he kikpakpa mbee puu, be kung inditen ima hwọ akwu ande le undi ishogya uyang-yang u kung likwu ken. Ukpọ be kung aliga angi be tim faale agwa-ale he kiteng ken ọ.
24Be de bende le, “Aliga anyin a ngbeb gbe-gyọng, li gie angi ye. Ma li shi ububo-ububo a zi angi.”
Ashin ki shi nya ana le-iti be ma fee he kushia Unim a. Be ma fee le,
“Be kung inditen igi hwọ ha bende;
be shi ububo-ububo zi aliga agi.”#19:24 Agyam 22:18
Kitaa ana na ishogya i shi.
25Bendi abe be ma yi naa kpee-kpee gye he kikpakpa ashi be maa Ujeso bee be yi anam Ujeso le unwaa-nam anam Ujeso, le Umeri angwu a ma yi ungye Uklopas le Umeri Magdalen. 26Ujeso abel ashi nde anam befe le undi-utung uma angwu ki nyin he le he be naa gwaa, Ujeso a de anam le, “Iye, nde unwaa-gang.” 27A mbee de undi-utung uma ana le, “Nde anaa.” Kung le he liti limen ana, undi-utung ana a kpe anam Ujeso le u fel le kwu utung he ahe.
Lihwu Ujeso
(Mat 27:45-56; Mak 15:33-41; Luk 23:44-49)
28Nyọng ashina ki mbee, Ujeso a ngye le aki ama a mbee. A kung kọng le, “Umbwo u gyo mi.” A kọng ashin he ki ngyọ na le-iti be ma fee he kushia Unim a. 29Ki ma yi le kimia kutyo fe he kigbọ tyung ha. Be kung kudedel kib ha he kutyo, kung kil he ukwan angwu be ko le uhisop, kung tyọ he he ungwu. 30Ujeso a ndeb kimia kutyo ana, kung de le, “Ki mbee.” A mbo lishi lima, u hwo.
31Liti limen ana li ma yi angi be kam nyọng liti-uwel angi li yi abe liti likandi a. He likpe libel, Ijuus i ma kee le be tyang akwọm angina maa bee he kikpakpa he liti-uwel ye. He ashina Ijuus i bii Upalet le u ke ikeb he be bun abee akwọm angina, be kung angi le ngi. 32He ashina ishogya i le bun abee abe be maa bee utung ha Ujeso. 33Ukpọ nyọng be fel ha Ujeso, be nde le a hwo ma. Be tem bun ama abee ye. 34Undi ishogya ken a kung likung tim Ujeso he ufaa. Anung le umbwo bi wu be he igye. 35(Ungikye angwu a nde ashina, a naa ushada gbe le shi, ushada uma u yi kigyang. A ngye le u kọng kigyang, he ashina, a naa ushada he men ọ ma bọng.) 36Abin puu bi shi, he ki ngyọ na le-iti be ma fee he kushia Unim le, “Be ba bun he ukeb ken-ken ọ ye.#19:36 Agyam 34:20; Ligye 12:46” 37Be mbee fee he kiteng kisuso le, “Be ba nda undi angwu be tim he likung he ufaa.”#19:37 Uzakariya 12:10
Angyele Ujeso
(Mat 27:57-61; Mak 15:42-47; Luk 23:50-56)
38Ujosef angwu u be le he Alimatia a be ha. Ujosef umen i, a maa nyia inyia pwọm Ujeso likọye u shel Ijuus. A le tim Upalet anung le u kung likwọm Ujeso ke-e, a kung ke-e. Ujosef a le shul angi kung gbe le ngi. 39Unikodemus angwu a ma be hwaa le Ujeso le kusu, a be utung ha Ujosef, a be le isi angi inung nyin angi be ko le imyrr le alos. Isi ana i nya wa ikilo asi akie le ngi lihwo, le ngi idyọng. 40Bendi befee ana, be kung bihwọm bifung abi be gbaa abi isi nii likwọm Ujeso puu, nya ana likpe Ijuus li yi. 41Ha he kipi be maa he bee he kikpakpa, utia-utemkung a ma yi ha. Likwun kukọ li shi ha he utia-utemkung angi be wa ngi undi ha ngye ye. 42Gbe liti-uwel li ma yi fem taa ashi, be kung Ujeso le ngi ha likọye likwun li ma yi ha kpee-kpee.
നിലവിൽ തിരഞ്ഞെടുത്തിരിക്കുന്നു:
Ujọn 19: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 19
19
Be tang Ujeso ushe le be maa gwu-e bee he kikpakpa
1Upalet a ha kung Ujeso ke le be le kpam. 2Ishogya itim kishi-lishi itọng shi-e he lishi. Be kung aliga uwulu abwaa shi-e na usu. 3Be te le hwaa le he ibwan-ibwan de-e le, “Usu Ijuus li kọng le wo.” Be gbel he abwo he ashi.
4Upalet a mbee tem le hwaa le bendi Ijuus ha he igye, u de be le, “Ma gyo, mi ndu la ba le ungikye angwun he igye he men ma ngye dang le mi nde kibibi ashi a shi ye.” 5Ujeso a fem be he igye, a ma so le kishi-lishi itọng shi, u so le aliga usu uwulu abwaa shi. Upalet a de be le, “Ma nde undi umen.”
6Nyọng bekandi bishang Unim le abe be kang Ushọm Unim be nde-e, be gaa le, “Maa he bee he kikpakpa. Maa gwu-e.”
Upalet a kung de be le, “Men-agyang ma te le he le maa bee he kikpakpa. Mi ufe mi nde kibibi ashi a shi ye.”
7Bekandi Ijuus be tem naa de le, “Na ki yi he Iten ityan, kitaa undi kitel li, ki yi le u hwo, likọye a kung kuhwo-ma le u yi Unwaa Unim.”
8Igie anyin i shi Upalet a fel he kushel kaang. 9A mbee tem gye he afee ukoto, a bii Ujeso le, “Wo ba le kung a?” Ujeso a fan he ye. 10Upalet a kung de-e le, “Kibang a, wo fan mi ye? Nde le wo ngye le mi yi le ikeb le mi tyang-a abwo le wo gye, mi shi le ikeb le mi maa bee he kikpakpa?”
11Ujeso a fan he le, “Unim na a kaa ikeb anyin. Ki kwu na a ye, hang wo yi le ikeb le wo sha-m kiwọm ye. Kife na ki tan le shi ngwu kiban undi angwu a be le ushe ugi hwaa le wo ki ban hwo ashi kigang.”
12Nyọng Upalet a gyo igie anyin, u maa la tyang Ujeso abwo, ukpọ Ijuus i fel gaa kaang le, “Gbe wo ha tyang ungikye angwun abwo, ha wo yi udim Usiza a ye, Usu ukandi angwu he Urom a, likọye gbe undi uyang-yang a de le ufe u yi usu a, ashina ki ze le u kin kusu le Usiza a.”
13Upalet a ha be le Ujeso he igye be bel kwu he kidem ashi u kwu maa ishe, he kiteng ashi be ko le Kigigyo kukọ. Be ko ashi he igie Aramaik le Ugabata. 14Liti limen ana li ma yi liti angi liti-uwel libel li pwọm le ngi a, he kunyọng ahwu be maa shi kipam agbele-gyọng. Libwee li maa ndu pwọm he kudyan lishi.
Upalet a de be le, “Ma nde usu umen i nyin.”
15Be gaa de-e le, “Ma kpe-e gbe le he le ha, ma maa he bee he kikpakpa.”
Upalet a bii abe le, “Ma kee le be kung usu umen maa bee he kikpakpa a?”
Bekandi bishang Unim be fan he le, “Li kee-kee yi le usu ken a, Usiza ufe-ufe a.”
16He ashina Upalet a kung Ujeso ke le be ndu le maa he bee he kikpakpa.
Be maa Ujeso bee he kikpakpa
(Mat 27:32-44; Mak 15:21-32; Luk 23:26-43)
Ishogya i kpe Ujeso gbe le he. 17Ufe-gyang a so kikpakpa kima gye he kiteng ashi be ko le, kiteng kikpukpo lishi. Be ko ashi he igie Aramaik le Ugolgọta. 18Ha na be ma maa he bee he kikpakpa. Be mbee kung bendi befee, be maa angwu ken bee he kikpakpa le he ahe kubwo limbel, be maa angwel le he ahe kubwo lizen. Ujeso a ma yi he kudyan.
19Upalet a ma fee kiwọm ke be le be bee ha he kikpakpa. A ma fee le,
Ujeso angwu Unazaret, Usu Ijuus.
20Be fee ashi he igie abọng akie, he igie Aramaik, Ilatin le Igrik. Bendi gbam be bo ashi be ma fee bee ana likọye kiteng ashi be ma gwu Ujeso ki ma yi he ungwu kukwo a. 21Bekandi bishang Unim be nde ashina, be le de Upalet le, “Fee le u yi Usu Ijuus a ye, fee le a de le, ufe u yi Usu Ijuus a.”
22Upalet a de be le, “Ashi mi fee, mi tọ fee.”
23Nyọng ishogya i maa Ujeso bee he kikpakpa mbee puu, be kung inditen ima hwọ akwu ande le undi ishogya uyang-yang u kung likwu ken. Ukpọ be kung aliga angi be tim faale agwa-ale he kiteng ken ọ.
24Be de bende le, “Aliga anyin a ngbeb gbe-gyọng, li gie angi ye. Ma li shi ububo-ububo a zi angi.”
Ashin ki shi nya ana le-iti be ma fee he kushia Unim a. Be ma fee le,
“Be kung inditen igi hwọ ha bende;
be shi ububo-ububo zi aliga agi.”#19:24 Agyam 22:18
Kitaa ana na ishogya i shi.
25Bendi abe be ma yi naa kpee-kpee gye he kikpakpa ashi be maa Ujeso bee be yi anam Ujeso le unwaa-nam anam Ujeso, le Umeri angwu a ma yi ungye Uklopas le Umeri Magdalen. 26Ujeso abel ashi nde anam befe le undi-utung uma angwu ki nyin he le he be naa gwaa, Ujeso a de anam le, “Iye, nde unwaa-gang.” 27A mbee de undi-utung uma ana le, “Nde anaa.” Kung le he liti limen ana, undi-utung ana a kpe anam Ujeso le u fel le kwu utung he ahe.
Lihwu Ujeso
(Mat 27:45-56; Mak 15:33-41; Luk 23:44-49)
28Nyọng ashina ki mbee, Ujeso a ngye le aki ama a mbee. A kung kọng le, “Umbwo u gyo mi.” A kọng ashin he ki ngyọ na le-iti be ma fee he kushia Unim a. 29Ki ma yi le kimia kutyo fe he kigbọ tyung ha. Be kung kudedel kib ha he kutyo, kung kil he ukwan angwu be ko le uhisop, kung tyọ he he ungwu. 30Ujeso a ndeb kimia kutyo ana, kung de le, “Ki mbee.” A mbo lishi lima, u hwo.
31Liti limen ana li ma yi angi be kam nyọng liti-uwel angi li yi abe liti likandi a. He likpe libel, Ijuus i ma kee le be tyang akwọm angina maa bee he kikpakpa he liti-uwel ye. He ashina Ijuus i bii Upalet le u ke ikeb he be bun abee akwọm angina, be kung angi le ngi. 32He ashina ishogya i le bun abee abe be maa bee utung ha Ujeso. 33Ukpọ nyọng be fel ha Ujeso, be nde le a hwo ma. Be tem bun ama abee ye. 34Undi ishogya ken a kung likung tim Ujeso he ufaa. Anung le umbwo bi wu be he igye. 35(Ungikye angwu a nde ashina, a naa ushada gbe le shi, ushada uma u yi kigyang. A ngye le u kọng kigyang, he ashina, a naa ushada he men ọ ma bọng.) 36Abin puu bi shi, he ki ngyọ na le-iti be ma fee he kushia Unim le, “Be ba bun he ukeb ken-ken ọ ye.#19:36 Agyam 34:20; Ligye 12:46” 37Be mbee fee he kiteng kisuso le, “Be ba nda undi angwu be tim he likung he ufaa.”#19:37 Uzakariya 12:10
Angyele Ujeso
(Mat 27:57-61; Mak 15:42-47; Luk 23:50-56)
38Ujosef angwu u be le he Alimatia a be ha. Ujosef umen i, a maa nyia inyia pwọm Ujeso likọye u shel Ijuus. A le tim Upalet anung le u kung likwọm Ujeso ke-e, a kung ke-e. Ujosef a le shul angi kung gbe le ngi. 39Unikodemus angwu a ma be hwaa le Ujeso le kusu, a be utung ha Ujosef, a be le isi angi inung nyin angi be ko le imyrr le alos. Isi ana i nya wa ikilo asi akie le ngi lihwo, le ngi idyọng. 40Bendi befee ana, be kung bihwọm bifung abi be gbaa abi isi nii likwọm Ujeso puu, nya ana likpe Ijuus li yi. 41Ha he kipi be maa he bee he kikpakpa, utia-utemkung a ma yi ha. Likwun kukọ li shi ha he utia-utemkung angi be wa ngi undi ha ngye ye. 42Gbe liti-uwel li ma yi fem taa ashi, be kung Ujeso le ngi ha likọye likwun li ma yi ha kpee-kpee.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.