Ujọn 21
21
Kikwole-kuhwo ikwan akwole utung ha Ujeso
1He kunyọng kususo Ujeso a mbee te le kuhwo-ma le tyung bendi-utung bema besuso he kunyọng ahwu be ma yi gwaa he umbwo angwu be ko le Utiberias. Ashin na ki ma shi: 2He liti ken, Usaimọn Pita, le Utọmas angwu be ko le begbe, le Unataniyel angwu u be le he Ukena he kubọng Ugalili le bebwaa Uzebedi befee le bendi-utung bema befee, be ma yi he ukem. 3Usaimọn Pita a de bema le, “Mi gya ikwan akwole.” Abe be teng be de le, “Li te utung.” Befe puu be ma bo le ngwee he kinọng lishọ gbe ikwan akwole. Be kaa le kusu kpam taa ashi ukpọ be kwu ukwan ken ọ ye.
4Nya le-iti-le-iti, Ujeso a fem naa ha ungwu umbwo. Bendi-utung bema be ma wa ngye le Ujeso a ye.
5Ujeso a bii abe le, “Ishọmate, ma wa kwu ikwan ye a?”
Be fan he le, “Dia.”
6A kung de be le, “Ma kung kataa ana tyang le he kigie kinọng ashi lizen, ma ma gia kwa ikwan.” Be kung ake tyang ha kigie kimen ana. Ikwan i sho ha gbam. Be tem yi le ikeb angi be shwa fem ake be he ugoigye ye, likọye ikwan i fel go ha afee kataa gbe-gyọng.
7Undi-utung angwu ki nyin Ujeso le he ana a de Ipita le, “Ada Ujeso a!” Nyọng Ipita a gyo ashin, aliga angi a ma waa ndọ he itang le he u shi aki, a tem le ngi shi, geb tye gye ha he umbwo. 8Ukpọ bendi-utung bema abe be ma yi he kinọng, be die te, be shwa le kataa kamen ake ka sho le ikwan ana. Kung le he kipi be ma yi gye he ungwu umbwo, ki ma yi le kigbe ye, ukpọ ki maa wa mbee abee asi adyọng kugbe akie.
9Nyọng be wu he ugoigye, be nde akee-kinde angi a maa mọ ha le ikwan ingwọm ha he kinde le ibred.
10Ujeso a de be le, “Ma gia ikwan angi ma kwu ana, be le ngi.” 11Usaimọn Pita a tem le ngwee he kinọng, a shwa le kataa ana gye he ugoigye. Ikwan ikandi i ma go ha gbam. I ma yi asi adyọng-ifee le ikwan lihwo le ngi ikie. Ma na i ma go kitaa ana ọ, kataa ka ma tye gie ye. 12Ujeso a de be le, “Ma be zi lizi.” He liwu libel, undi ken ọ he liwu bendi-utung bema, a ma mbe lityam bii he le, “Wo yi ayang a ye.” Be ma ngye le ki yi Ada a. 13Ujeso a die hwaa le be, a kung ibred le ikwan ke be. 14Kung le he kunyọng ahwu Ujeso a wum le he lihwu, kugbe ahwun na ku ma yi ahwu lekie na u te le kuhwo-ma le tyung bendi-utung bema.
Ujeso a tem le Ipita kpe
15Be zi lizi li mbee puu, Ujeso a bii Usaimọn Pita le, “Usaimọn, unwaa Ujọn, ki nyin a le mi kigyang-kigyang hwo biwọm abin puu a?”
Ipita a fan he le, “Eng, Ada, wo ngye le ki nyin mi le wo.”
Ujeso a de-e le, “Gbe ki nyin a le mi kigyang-kigyang a, kwob inwaa itia igi.”
16He kugbe ahwu lefee, Ujeso a mbee bii Ipita le, “Usaimọn, unwaa Ujọn, ki nyin a le mi kigyang-kigyang a?”
A fan he le, “Eng, Ada, wo ngye le ki nyin mi le wo.”
A mbee de Ipita le, “Kwob itia igi.”
17Ujeso a mbee bii Ipita kugbe ahwu lekie le, “Usaimọn, unwaa Ujọn, ki nyin a le mi a?”
Ki fel ban Ipita he lityam likọye Ujeso a bii he kugbe kakie le ki nyin he le he a. A kung de-e le, “Ada, wo ngye biwọm puu, wo ngye le ki nyin mi le wo.”
Ujeso a mbee de-e le, “Kwob itia igi. 18Mi da-a kigyang a le, le-iti nyọng wo ma so ushọmate, wo ma kam kuhwo bo gya he kipi wo kee. Ukpọ nyọng wo be kaa, wo ba nda abwo ndọ undi ususo a u kung a gba le wo gya he kipi wo kee ye.” 19Ujeso a ma kọng ashin he ki tyung Ipita kitaa lihwu angi Ipita u be hwo, ashi ki be le ipee ke Unim. A ha de Ipita le, “Pwọm mi.”
20Ipita a bel ashi nde undi-utung Ujeso angwu ki nyin Ujeso le he kaang, u maa pwọm abe. Ufe umen na le-iti a ma die hwaa le Ujeso nyọng be maa zi lizi bii he le, “Ada, ayang u be ndyeb a zi?” 21Nyọng Ipita a nde-e, a kung de Ujeso le, “Ada, ha angwu u be nyin ufe?”
22Ujeso a de-e le, “Gbe ki nyin mi le u kwu uwum kpam mi gbe tem be he igye nyin ọ, ashina ki yi likọng ligang a ye. Wo o pwọm mi.” 23Ki kung tye kihwee gbung he liwu bendi abọng-ale le, Ujeso a de le, undi-utung uma umen ana u tem hwa ye. Ujeso a ma de le u hwa ye a ye. A shi a ma de Ipita ki yi le, “Gbe ki nyin mi le u kwu uwum kpam mi gbe tem be he igye, ashina ki yi likọng ligang a ye.”
24Undi-utung umen angwu a kọng ashin gbe le ha ana, na u de men biwọm abin, u fee kushia ahwun. Li ngye le igie anyin i yi kigyang a.
25Biwọm bisuso abi Ujeso a ma shi bi go gbam. Be be fee abi puu he kuken-kuken, hang igye puu ọ, i kpa ndọ ashia angi be fee abi ye.
നിലവിൽ തിരഞ്ഞെടുത്തിരിക്കുന്നു:
Ujọn 21: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 21
21
Kikwole-kuhwo ikwan akwole utung ha Ujeso
1He kunyọng kususo Ujeso a mbee te le kuhwo-ma le tyung bendi-utung bema besuso he kunyọng ahwu be ma yi gwaa he umbwo angwu be ko le Utiberias. Ashin na ki ma shi: 2He liti ken, Usaimọn Pita, le Utọmas angwu be ko le begbe, le Unataniyel angwu u be le he Ukena he kubọng Ugalili le bebwaa Uzebedi befee le bendi-utung bema befee, be ma yi he ukem. 3Usaimọn Pita a de bema le, “Mi gya ikwan akwole.” Abe be teng be de le, “Li te utung.” Befe puu be ma bo le ngwee he kinọng lishọ gbe ikwan akwole. Be kaa le kusu kpam taa ashi ukpọ be kwu ukwan ken ọ ye.
4Nya le-iti-le-iti, Ujeso a fem naa ha ungwu umbwo. Bendi-utung bema be ma wa ngye le Ujeso a ye.
5Ujeso a bii abe le, “Ishọmate, ma wa kwu ikwan ye a?”
Be fan he le, “Dia.”
6A kung de be le, “Ma kung kataa ana tyang le he kigie kinọng ashi lizen, ma ma gia kwa ikwan.” Be kung ake tyang ha kigie kimen ana. Ikwan i sho ha gbam. Be tem yi le ikeb angi be shwa fem ake be he ugoigye ye, likọye ikwan i fel go ha afee kataa gbe-gyọng.
7Undi-utung angwu ki nyin Ujeso le he ana a de Ipita le, “Ada Ujeso a!” Nyọng Ipita a gyo ashin, aliga angi a ma waa ndọ he itang le he u shi aki, a tem le ngi shi, geb tye gye ha he umbwo. 8Ukpọ bendi-utung bema abe be ma yi he kinọng, be die te, be shwa le kataa kamen ake ka sho le ikwan ana. Kung le he kipi be ma yi gye he ungwu umbwo, ki ma yi le kigbe ye, ukpọ ki maa wa mbee abee asi adyọng kugbe akie.
9Nyọng be wu he ugoigye, be nde akee-kinde angi a maa mọ ha le ikwan ingwọm ha he kinde le ibred.
10Ujeso a de be le, “Ma gia ikwan angi ma kwu ana, be le ngi.” 11Usaimọn Pita a tem le ngwee he kinọng, a shwa le kataa ana gye he ugoigye. Ikwan ikandi i ma go ha gbam. I ma yi asi adyọng-ifee le ikwan lihwo le ngi ikie. Ma na i ma go kitaa ana ọ, kataa ka ma tye gie ye. 12Ujeso a de be le, “Ma be zi lizi.” He liwu libel, undi ken ọ he liwu bendi-utung bema, a ma mbe lityam bii he le, “Wo yi ayang a ye.” Be ma ngye le ki yi Ada a. 13Ujeso a die hwaa le be, a kung ibred le ikwan ke be. 14Kung le he kunyọng ahwu Ujeso a wum le he lihwu, kugbe ahwun na ku ma yi ahwu lekie na u te le kuhwo-ma le tyung bendi-utung bema.
Ujeso a tem le Ipita kpe
15Be zi lizi li mbee puu, Ujeso a bii Usaimọn Pita le, “Usaimọn, unwaa Ujọn, ki nyin a le mi kigyang-kigyang hwo biwọm abin puu a?”
Ipita a fan he le, “Eng, Ada, wo ngye le ki nyin mi le wo.”
Ujeso a de-e le, “Gbe ki nyin a le mi kigyang-kigyang a, kwob inwaa itia igi.”
16He kugbe ahwu lefee, Ujeso a mbee bii Ipita le, “Usaimọn, unwaa Ujọn, ki nyin a le mi kigyang-kigyang a?”
A fan he le, “Eng, Ada, wo ngye le ki nyin mi le wo.”
A mbee de Ipita le, “Kwob itia igi.”
17Ujeso a mbee bii Ipita kugbe ahwu lekie le, “Usaimọn, unwaa Ujọn, ki nyin a le mi a?”
Ki fel ban Ipita he lityam likọye Ujeso a bii he kugbe kakie le ki nyin he le he a. A kung de-e le, “Ada, wo ngye biwọm puu, wo ngye le ki nyin mi le wo.”
Ujeso a mbee de-e le, “Kwob itia igi. 18Mi da-a kigyang a le, le-iti nyọng wo ma so ushọmate, wo ma kam kuhwo bo gya he kipi wo kee. Ukpọ nyọng wo be kaa, wo ba nda abwo ndọ undi ususo a u kung a gba le wo gya he kipi wo kee ye.” 19Ujeso a ma kọng ashin he ki tyung Ipita kitaa lihwu angi Ipita u be hwo, ashi ki be le ipee ke Unim. A ha de Ipita le, “Pwọm mi.”
20Ipita a bel ashi nde undi-utung Ujeso angwu ki nyin Ujeso le he kaang, u maa pwọm abe. Ufe umen na le-iti a ma die hwaa le Ujeso nyọng be maa zi lizi bii he le, “Ada, ayang u be ndyeb a zi?” 21Nyọng Ipita a nde-e, a kung de Ujeso le, “Ada, ha angwu u be nyin ufe?”
22Ujeso a de-e le, “Gbe ki nyin mi le u kwu uwum kpam mi gbe tem be he igye nyin ọ, ashina ki yi likọng ligang a ye. Wo o pwọm mi.” 23Ki kung tye kihwee gbung he liwu bendi abọng-ale le, Ujeso a de le, undi-utung uma umen ana u tem hwa ye. Ujeso a ma de le u hwa ye a ye. A shi a ma de Ipita ki yi le, “Gbe ki nyin mi le u kwu uwum kpam mi gbe tem be he igye, ashina ki yi likọng ligang a ye.”
24Undi-utung umen angwu a kọng ashin gbe le ha ana, na u de men biwọm abin, u fee kushia ahwun. Li ngye le igie anyin i yi kigyang a.
25Biwọm bisuso abi Ujeso a ma shi bi go gbam. Be be fee abi puu he kuken-kuken, hang igye puu ọ, i kpa ndọ ashia angi be fee abi ye.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.