Ujọn 18
18
Be kwu Ujeso
(Mat 26:47-56; Mak 14:43-50; Luk 22:47-53)
1Nyọng Ujeso a kọng ha Unim ki mbee puu, a bo le bendi-utung bema le gbe-gyọng kibebel Ukidrọn, be gbe gye he utia-utemkung angwu a ma yi ha.
2Ujudas angwu a ndyeb Ujeso zi ọ, a ngye utia-utemkung umen ana, likọye Ujeso le bendi-utung bema be shaa kpee ha kpam-kpam. 3He ashina Ujudas a bo le liwu ishogya le ibọyi bekandi bishang Unim. Bekandi bishang Unim le Iferesis na be ma sọm abe. Be kwu bishinde, bimọ-kinde le biwọm bedye gye ha.
4Ujeso a ma ngye ashi ki bee le ha kushu. He ashin, a die hwaa le be bii abe le, “Ma shun ayang a?”
5Be fan he le, “Li shun Ujeso angwu Unazaret a.”
A kung de be le, “Ma nde-m.” Ujudas ugyang angwu a ndyeb he zi a ma yi naa utung abe ha. 6Nyọng Ujeso a de be le, “Ma nde-m,” be gbaa gye item item le mbu he itang.
7Ujeso a mbee kung bii abe le, “Ma shun ayang a?”
Be fan he le, “Li shun Ujeso angwu Unazaret a.”
8Ujeso a de be le, “Gbe mi de men le ma nde-m i nyin, gbe ma shun imi a, ma tyang bendi-utung begi be gye.” 9Ujeso a kọng kitaa ashina le he ki ngyọ he igie ima angi ingyesu a ma de Atyam Unim. A ma de-e le, “He liwu bendi abe wo kung fem he kubwo nyin, undi ken ọ a waa nim ye.”#18:9 Ujọn 6:39
10Usaimọn Pita angwu a ma yi le usukwagya, a ma waa he le he kubọ kpi shia ubọyi ken kutyung ahwu lizen. Ubọyi umen angwu be kpi shia he kutyung ana a maa sha Usu bekandi bishang Unim aki. Lizen lima, li yi le Umalkus.
11Ujeso a kung de Ipita le, “Kung usukwagya ugang kil he kubọ. Wo kee le mi kpe kingie ashi Atyagi a ke-m le mi kpe ye a?”
12Ukandi ishogya le ishogya ima be kwu Ujeso, be bwọ he indii he abwo. Abe be kang Ushọm Unim ọ be ma kpel abe. 13Be kpi-kikwu te le he le hwaa le Anas. Anas umen i na a ma yi atyam ungye Ukaifas, Ukaifas a ma yi Usu bekandi bishang Unim ha he lize limen ana. 14Ukaifas na a ma teb bekandi Ijuus le ki ngbeb le undi ken u hwo he lishi bendi puu.
Ipita a swan le a ngye Ujeso ye kugbe ahwu ukpi-kikwu
(Mat 26:69-70; Mak 14:66-68; Luk 22:55-57)
15Usaimọn Pita le undi-utung Ujeso ususo be pwọm Ujeso. Undi-utung uma umen ana, Usu bekandi bishang Unim a ngye-e dang. He ashina a pwọm Ujeso le wu he usha-ale Usu bekandi bishang Unim. 16Ukpọ, Ipita a ngyọ naa he ungwu-likọng. He ashin undi-utung umen angwu Usu bekandi bishang Unim a ngye ana a tem gye ha le kọng ha unwa-asul angwu u kang ungwu-likọng, a ha kpe Ipita gye he afee.
17Unwa-asul angwu a maa kang ungwu lishi ana a de Ipita le, “Kigyang a, wo yi undi-utung ungikye angwuna a.”
Ipita a fan he le, “Mi a ye ọ!”
18Ha he kusu kumen ana ligwu li maa sha kaang. He ashina ibọyi ukandi angwu u shang Unim le bendi abe be kang Ushọm Unim be ma hwee kinde ha, be gwee. Ipita ọ a le naa utung ha abe ha, u gwee kinde.
Usu bekandi bishang Unim a bii Ujeso bibibi
(Mat 26:59-66; Mak 14:55-64; Luk 22:66-71)
19Anas angwu a ma yi Usu bekandi bishang Unim a bii Ujeso gbe le bendi-utung bema, u bii he gbe le abi u hwọ bendi.
20Ujeso a fan he le, “Mi bun kisọm kigi de bendi puu gboo. Mbee kunyọng mi hwọ bendi he ishọm Unim angi be kwu awu, mi hwọ he Ushọm Unim angwu he Ujeruselem, biteng abi Ijuus i gbọng ukem. Ki yi le ashi mi kọng he kundyel ngye ye. 21Fe, ki shi na a, wo bii mi ashi mi hwọ bendi? Bii abe be gyo mi hwan, he be da-a abi mi hwọ abe. Be ngye abi mi hwọ puu.”
22Nyọng a kọng igie angina, undi ken le he liwu abe be kang Ushọm Unim a ma yi naa ha, a kung kubwo kpam Ujeso he kunaa. A kung de-e le, “Kpash! Ki shi na a, wo mbe lityam fan Usu bekandi bishang Unim kitaa ana?”
23Ujeso a fan he le, “Gbe ki yi le mi kọng kibibi a, bun ashi be he igye. Gbe mi kọng kibibi a ye, ki shi na a wo kpam mi kubwo he kunaa?” 24Anas a ma tem le he le indii angi be ma bwọ he sọm le ke Ukaifas, Usu bekandi bishang Unim.
Ipita a mbee swan Ujeso kugbe ahwu lefee le ahwu lekie
(Mat 26:71-75; Mak 14:69-72; Luk 22:58-62)
25Usaimọn Pita a ma so naa ha u gwee kinde, bendi besuso be de-e le, “Li ngye dang le wo yi undi-utung ungikye angwuna a.”
Ipita a mbee swan de le, “Mi a ye o!”
26Ubọyi Usu bekandi bishang Unim a ma yi ha, u shi unwaa-nam undi angwu Ipita a ma kpi shia he kutyung a. Ubọyi ana a de Ipita le, “Wo na mi ma nde he utia-utemkung utung he ahe ye a?” 27Ipita a mbee swan le ufe a ye. Nya kukwo-kukwo kigia ukwuo ki ko.
Be te le Ujeso le hwaa le Upalet
(Mat 27:1-2, 11-14; Mak 15:1-5; Luk 23:1-5)
28Le-iti-le-iti be bo le Ujeso le he ushu Ukaifas gbe ndo he ukoto he usha-ale Upalet angwu a ma yi ufaa-ukwob Urom. Ijuus ife i ngwee he afee ukoto ye, likọye be kee le be ndọ kuhwobel betaa-betaa, le he be be shi kipam agbele-gyọng. 29Upalet a fem le ha afee be hwaa le be ha, kung bii abe le, “Ungikye angwun a shi kibang a?”
30Be fan he le, “U shi kibibi a ye, hang li kwu-e be le he hwaa le wo ye.”
31Upalet a de le, “Men-agyang ma te le he le maa he ushe na Iten imen i yi.”
Be fan le, “Bel li yi le ikeb le li tang ushe le be gwu undi ye.” 32(Ashin ki shi kitaa i le he Ujeso u hwo lihwu angi a ma de bendi le u ba hwa.)
33Upalet a tem le ngwee he ukoto, a ko Ujeso be naa ha, a bii he le, “Wo na wo yi usu Ijuus a?”
34Ujeso a fan he le, “Kibibi ashin, wogyang na wo gim bii ashi a, ha igie angi bendi be kọng na i sha-a wo bii kitaa ana?”
35Upalet a fan le, “Nde le wo ngye le mi yi Ijuus a ye? Bendi begang le bekandi bebel abe be shang Unim na be be le ushe ugang hwaa le mi. Bun de-m ashi wo shi nyọng be kwa-a.”
36Ujeso a fan he le, “Mi za kusu he igye anyin a ye. Ki kwu le mi za kusu he igye anyin a, hang bendi-utung begi be kpe-m kutyọng ndo kundo, le he Ijuus i shi-m kiwọm ye. Ukpọ kusu kugi ku ba le he kiteng kisuso a.”
37Upalet a de-e le, “Ashin ki ze le wo yi usu a?”
Ujeso a fan he le, “Wo na wo de le mi yi usu. Atan-lengi angwu be hwan mi be he igye anyin u yi le mi be naa ushada ke kigyang a. Undi uyang-yang angwu u yi naa he kigie kigyang, u dang kutyung gyo mi.”
38Upalet a bii he le, “Kibang ki yi kigyang?” Upalet a ha mbee bo gye he igye le hwaa le bendi Ijuus abe be yi ha, de be le, “Mi nde kibibi ashi ungikye angwun a shi ye. 39Na likpe kubọng kumen li yi, he lishi lize, nyọng ki fel le ma shi kipam agbele-gyọng, mi shaa waa undi ken le he igaadye tyang abwo. Ki nya ngbeb amen le mi fem usu Ijuus tyang abwo a?”
40Be kung gaa kaang le, “Kpaa ye ọ! Ufe na wo fem tyang abwo ye. Fem Ubarabas hwan tyang abwo.” Ki shi le Ubarabas umen i nyin u maa teb le kubọng.
നിലവിൽ തിരഞ്ഞെടുത്തിരിക്കുന്നു:
Ujọn 18: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 18
18
Be kwu Ujeso
(Mat 26:47-56; Mak 14:43-50; Luk 22:47-53)
1Nyọng Ujeso a kọng ha Unim ki mbee puu, a bo le bendi-utung bema le gbe-gyọng kibebel Ukidrọn, be gbe gye he utia-utemkung angwu a ma yi ha.
2Ujudas angwu a ndyeb Ujeso zi ọ, a ngye utia-utemkung umen ana, likọye Ujeso le bendi-utung bema be shaa kpee ha kpam-kpam. 3He ashina Ujudas a bo le liwu ishogya le ibọyi bekandi bishang Unim. Bekandi bishang Unim le Iferesis na be ma sọm abe. Be kwu bishinde, bimọ-kinde le biwọm bedye gye ha.
4Ujeso a ma ngye ashi ki bee le ha kushu. He ashin, a die hwaa le be bii abe le, “Ma shun ayang a?”
5Be fan he le, “Li shun Ujeso angwu Unazaret a.”
A kung de be le, “Ma nde-m.” Ujudas ugyang angwu a ndyeb he zi a ma yi naa utung abe ha. 6Nyọng Ujeso a de be le, “Ma nde-m,” be gbaa gye item item le mbu he itang.
7Ujeso a mbee kung bii abe le, “Ma shun ayang a?”
Be fan he le, “Li shun Ujeso angwu Unazaret a.”
8Ujeso a de be le, “Gbe mi de men le ma nde-m i nyin, gbe ma shun imi a, ma tyang bendi-utung begi be gye.” 9Ujeso a kọng kitaa ashina le he ki ngyọ he igie ima angi ingyesu a ma de Atyam Unim. A ma de-e le, “He liwu bendi abe wo kung fem he kubwo nyin, undi ken ọ a waa nim ye.”#18:9 Ujọn 6:39
10Usaimọn Pita angwu a ma yi le usukwagya, a ma waa he le he kubọ kpi shia ubọyi ken kutyung ahwu lizen. Ubọyi umen angwu be kpi shia he kutyung ana a maa sha Usu bekandi bishang Unim aki. Lizen lima, li yi le Umalkus.
11Ujeso a kung de Ipita le, “Kung usukwagya ugang kil he kubọ. Wo kee le mi kpe kingie ashi Atyagi a ke-m le mi kpe ye a?”
12Ukandi ishogya le ishogya ima be kwu Ujeso, be bwọ he indii he abwo. Abe be kang Ushọm Unim ọ be ma kpel abe. 13Be kpi-kikwu te le he le hwaa le Anas. Anas umen i na a ma yi atyam ungye Ukaifas, Ukaifas a ma yi Usu bekandi bishang Unim ha he lize limen ana. 14Ukaifas na a ma teb bekandi Ijuus le ki ngbeb le undi ken u hwo he lishi bendi puu.
Ipita a swan le a ngye Ujeso ye kugbe ahwu ukpi-kikwu
(Mat 26:69-70; Mak 14:66-68; Luk 22:55-57)
15Usaimọn Pita le undi-utung Ujeso ususo be pwọm Ujeso. Undi-utung uma umen ana, Usu bekandi bishang Unim a ngye-e dang. He ashina a pwọm Ujeso le wu he usha-ale Usu bekandi bishang Unim. 16Ukpọ, Ipita a ngyọ naa he ungwu-likọng. He ashin undi-utung umen angwu Usu bekandi bishang Unim a ngye ana a tem gye ha le kọng ha unwa-asul angwu u kang ungwu-likọng, a ha kpe Ipita gye he afee.
17Unwa-asul angwu a maa kang ungwu lishi ana a de Ipita le, “Kigyang a, wo yi undi-utung ungikye angwuna a.”
Ipita a fan he le, “Mi a ye ọ!”
18Ha he kusu kumen ana ligwu li maa sha kaang. He ashina ibọyi ukandi angwu u shang Unim le bendi abe be kang Ushọm Unim be ma hwee kinde ha, be gwee. Ipita ọ a le naa utung ha abe ha, u gwee kinde.
Usu bekandi bishang Unim a bii Ujeso bibibi
(Mat 26:59-66; Mak 14:55-64; Luk 22:66-71)
19Anas angwu a ma yi Usu bekandi bishang Unim a bii Ujeso gbe le bendi-utung bema, u bii he gbe le abi u hwọ bendi.
20Ujeso a fan he le, “Mi bun kisọm kigi de bendi puu gboo. Mbee kunyọng mi hwọ bendi he ishọm Unim angi be kwu awu, mi hwọ he Ushọm Unim angwu he Ujeruselem, biteng abi Ijuus i gbọng ukem. Ki yi le ashi mi kọng he kundyel ngye ye. 21Fe, ki shi na a, wo bii mi ashi mi hwọ bendi? Bii abe be gyo mi hwan, he be da-a abi mi hwọ abe. Be ngye abi mi hwọ puu.”
22Nyọng a kọng igie angina, undi ken le he liwu abe be kang Ushọm Unim a ma yi naa ha, a kung kubwo kpam Ujeso he kunaa. A kung de-e le, “Kpash! Ki shi na a, wo mbe lityam fan Usu bekandi bishang Unim kitaa ana?”
23Ujeso a fan he le, “Gbe ki yi le mi kọng kibibi a, bun ashi be he igye. Gbe mi kọng kibibi a ye, ki shi na a wo kpam mi kubwo he kunaa?” 24Anas a ma tem le he le indii angi be ma bwọ he sọm le ke Ukaifas, Usu bekandi bishang Unim.
Ipita a mbee swan Ujeso kugbe ahwu lefee le ahwu lekie
(Mat 26:71-75; Mak 14:69-72; Luk 22:58-62)
25Usaimọn Pita a ma so naa ha u gwee kinde, bendi besuso be de-e le, “Li ngye dang le wo yi undi-utung ungikye angwuna a.”
Ipita a mbee swan de le, “Mi a ye o!”
26Ubọyi Usu bekandi bishang Unim a ma yi ha, u shi unwaa-nam undi angwu Ipita a ma kpi shia he kutyung a. Ubọyi ana a de Ipita le, “Wo na mi ma nde he utia-utemkung utung he ahe ye a?” 27Ipita a mbee swan le ufe a ye. Nya kukwo-kukwo kigia ukwuo ki ko.
Be te le Ujeso le hwaa le Upalet
(Mat 27:1-2, 11-14; Mak 15:1-5; Luk 23:1-5)
28Le-iti-le-iti be bo le Ujeso le he ushu Ukaifas gbe ndo he ukoto he usha-ale Upalet angwu a ma yi ufaa-ukwob Urom. Ijuus ife i ngwee he afee ukoto ye, likọye be kee le be ndọ kuhwobel betaa-betaa, le he be be shi kipam agbele-gyọng. 29Upalet a fem le ha afee be hwaa le be ha, kung bii abe le, “Ungikye angwun a shi kibang a?”
30Be fan he le, “U shi kibibi a ye, hang li kwu-e be le he hwaa le wo ye.”
31Upalet a de le, “Men-agyang ma te le he le maa he ushe na Iten imen i yi.”
Be fan le, “Bel li yi le ikeb le li tang ushe le be gwu undi ye.” 32(Ashin ki shi kitaa i le he Ujeso u hwo lihwu angi a ma de bendi le u ba hwa.)
33Upalet a tem le ngwee he ukoto, a ko Ujeso be naa ha, a bii he le, “Wo na wo yi usu Ijuus a?”
34Ujeso a fan he le, “Kibibi ashin, wogyang na wo gim bii ashi a, ha igie angi bendi be kọng na i sha-a wo bii kitaa ana?”
35Upalet a fan le, “Nde le wo ngye le mi yi Ijuus a ye? Bendi begang le bekandi bebel abe be shang Unim na be be le ushe ugang hwaa le mi. Bun de-m ashi wo shi nyọng be kwa-a.”
36Ujeso a fan he le, “Mi za kusu he igye anyin a ye. Ki kwu le mi za kusu he igye anyin a, hang bendi-utung begi be kpe-m kutyọng ndo kundo, le he Ijuus i shi-m kiwọm ye. Ukpọ kusu kugi ku ba le he kiteng kisuso a.”
37Upalet a de-e le, “Ashin ki ze le wo yi usu a?”
Ujeso a fan he le, “Wo na wo de le mi yi usu. Atan-lengi angwu be hwan mi be he igye anyin u yi le mi be naa ushada ke kigyang a. Undi uyang-yang angwu u yi naa he kigie kigyang, u dang kutyung gyo mi.”
38Upalet a bii he le, “Kibang ki yi kigyang?” Upalet a ha mbee bo gye he igye le hwaa le bendi Ijuus abe be yi ha, de be le, “Mi nde kibibi ashi ungikye angwun a shi ye. 39Na likpe kubọng kumen li yi, he lishi lize, nyọng ki fel le ma shi kipam agbele-gyọng, mi shaa waa undi ken le he igaadye tyang abwo. Ki nya ngbeb amen le mi fem usu Ijuus tyang abwo a?”
40Be kung gaa kaang le, “Kpaa ye ọ! Ufe na wo fem tyang abwo ye. Fem Ubarabas hwan tyang abwo.” Ki shi le Ubarabas umen i nyin u maa teb le kubọng.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.