Ujọn 17
17
Ujeso a kọng ha Unim le u fem he
1Nyọng Ujeso a kọng igie anyin puu, a kung ashi nde gye he lifung-atabe kung kọng ha Unim le,
“Atyagi, kunyọng ku fel ahwu wo fem Unwaa-gang, he Unwaa-gang ọ u fem a. 2Wo kee ikeb le u nde gbe le bendi puu, u kung likpan angi li ngyọ igye kpam ke bendi abe wo kung fe-e he abwo. 3Kanaa-anaa i nyin, ashin na ki yi likpan kunyọng angi li ngyọ igye, li yi le he bendi be ngye le wo na wo kee-kee yi Unim angwu u yi kigyang le Ujeso Kristi angwu wo sọm. 4Nyọng mi yi he igye anyin, mi tyung bendi ifem igang. Mi shi mbee aki angi wo sọm mi le mi be shi. 5He ashin, Atyagi, kpe-m mi tem be hwaa le wo, tem le mi kwu he ifem ipel ha kuhwo-gang nya ana le-iti mi ma yi le ngi nyọng igye anyin i ma wa fel ye.
Ujeso a kọng ha Unim ke bendi-utung bema
6“Mi kung a tyung bendi begang abe wo fem kung le he igye anyin ke-m. Be yi bendi begang a, wo kung abe fem he kubwo a. Be ke igie igang ife. 7Ki fel nung abe le kiwọm kiyang-yang ashi mi yi le shi, ki be le ha awo a. 8Mi bun de be kisọm ashi wo sọm mi, be kpe shi, be mbee ngye dang le mi be le ha awo a. Be bọng le wo na wo sọm mi. 9Mi ka ushang ka abe, mi ka ka abe be yi ke igye anyin a ye, mi ka ka abe wo kung ke-m a, likọye be yi ka-a wo a. 10Bendi puu abe be yi begi be yi begang a, puu abe be yi begang, be shi begi a. Bendi be nda ifem igi gba ha abe. 11Kanaa-anaa i nyin, kunyọng ku fel ahwu mi tem be hwaa le wo. Mi tyang igye anyin, ukpọ befe be so nyin. Atyagi, wo angwu wo kee-kee yi Unim, bọng kiwọm ki do abe ye. Kam abe gbe he lizen ligang angi wo kung kwu-m. Kam abe he be be kwu ubibi ken nya ana mi le wo li yi ubibi ken. 12Nyọng mi ma yi ipel ha abe, mi kung lizen ligang angi wo kung kwu-m, kam abe. Mi kam abe le he kiwọm ki do abe ye. He ashina undi ken ọ le he liwu libel a waa nim ye, kee-kee kwọm angwu be fee ndọ le u nim ufe-ufe. Ki shi nya ana le-iti be ma fee he kushia kugang le ki ba sha a.
13“Mi ndu tem ba hwaa le wo, mi kọng abin nyin na mi so he igye nyin, le he be be kwu le kitaa igọ angi mi yi le ngi, be kwu le ngi i go kaang a. 14Mi de be kisọm kigang, be tem yi ke igye anyin a ye, nya ana mi ọ mi yi ke igye anyin a ye. He ashin bendi abe be yi ke igye anyin, be tel abe. 15Mi ka ushang le wo gbe le be le he igye anyin a ye, mi ka ushang le wo kang abe he wo bọng usu bibibi, u do abe ye. 16Be yi ke igye anyin a ye, nya ana mi ọ mi yi ke igye anyin a ye a. 17To abe ndọ betaa-betaa gbe he kigyang kigang le he be be fel bendi begang abe be yi gelalala. Igie igang na i yi kigyang. 18Nya ana wo sọm mi be he igye anyin, na mi ọ mi ndu sọm abe le be shi-m aki he igye nyin. 19Mi shang kuhwo-gi gbang ka-a he kuhwo kubel le he befe ọ be kung kuhwobel shang gbang ka-a gbe he igie igang angi i yi kigyang.
Ujeso a kọng ha Unim ke bendi abọng-ale puu
20“Mi ka ushang ka abe befe-befe a ye. Mi sha ka bendi puu abe be be bọng ha ami gbe he igie igang angi be be bun de bendi le he kushu ọ. 21Mi ka ushang le befe puu be kwu ubibi ken. Atyagi, mi ka ushang le nya ana wo gwaa ipel ha ami, mi gwaa ipel ha awo, na befe ọ be gwaa ipel ha abel, he bendi abe igye nyin be bọng le wo na wo sọm mi kigyang. 22Nya ana wo fem mi na mi ọ mi fem abe, he be kwu ubibi ken na mi le wo li gwaa. 23Mi kwa ipel ha abe nya ana wo yi ipel ha ami. Kitaa ana na befe puu be be gwaa ubibi ken kpebaa, he bendi abe igye i be ngye le wo na wo sọm mi, be ngye le ki nyin a le be na ki nyin a le mi.
24“Atyagi, mi kee le bendi aben abe wo kung ke-m, be kwu ipel ha ami he kipi mi yi, he be be nde ifem igi angi wo ke-m le-iti ma ukpọng wo ha mbe igye anyin. Wo ke-m ifem angina likọye ki nyin a le mi.
25“Atyagi ununung, ma na igye i ngya a ye ọ, mi ngya a, be ngye le wo na wo sọm mi. 26Mi shi abe be ngya a, mi gya kushu sha abe be ngya a, le he be be kwu le kitaa benyin abe wo yi le be ha ami, mi ọ mi kwu ha abe.”
നിലവിൽ തിരഞ്ഞെടുത്തിരിക്കുന്നു:
Ujọn 17: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 17
17
Ujeso a kọng ha Unim le u fem he
1Nyọng Ujeso a kọng igie anyin puu, a kung ashi nde gye he lifung-atabe kung kọng ha Unim le,
“Atyagi, kunyọng ku fel ahwu wo fem Unwaa-gang, he Unwaa-gang ọ u fem a. 2Wo kee ikeb le u nde gbe le bendi puu, u kung likpan angi li ngyọ igye kpam ke bendi abe wo kung fe-e he abwo. 3Kanaa-anaa i nyin, ashin na ki yi likpan kunyọng angi li ngyọ igye, li yi le he bendi be ngye le wo na wo kee-kee yi Unim angwu u yi kigyang le Ujeso Kristi angwu wo sọm. 4Nyọng mi yi he igye anyin, mi tyung bendi ifem igang. Mi shi mbee aki angi wo sọm mi le mi be shi. 5He ashin, Atyagi, kpe-m mi tem be hwaa le wo, tem le mi kwu he ifem ipel ha kuhwo-gang nya ana le-iti mi ma yi le ngi nyọng igye anyin i ma wa fel ye.
Ujeso a kọng ha Unim ke bendi-utung bema
6“Mi kung a tyung bendi begang abe wo fem kung le he igye anyin ke-m. Be yi bendi begang a, wo kung abe fem he kubwo a. Be ke igie igang ife. 7Ki fel nung abe le kiwọm kiyang-yang ashi mi yi le shi, ki be le ha awo a. 8Mi bun de be kisọm ashi wo sọm mi, be kpe shi, be mbee ngye dang le mi be le ha awo a. Be bọng le wo na wo sọm mi. 9Mi ka ushang ka abe, mi ka ka abe be yi ke igye anyin a ye, mi ka ka abe wo kung ke-m a, likọye be yi ka-a wo a. 10Bendi puu abe be yi begi be yi begang a, puu abe be yi begang, be shi begi a. Bendi be nda ifem igi gba ha abe. 11Kanaa-anaa i nyin, kunyọng ku fel ahwu mi tem be hwaa le wo. Mi tyang igye anyin, ukpọ befe be so nyin. Atyagi, wo angwu wo kee-kee yi Unim, bọng kiwọm ki do abe ye. Kam abe gbe he lizen ligang angi wo kung kwu-m. Kam abe he be be kwu ubibi ken nya ana mi le wo li yi ubibi ken. 12Nyọng mi ma yi ipel ha abe, mi kung lizen ligang angi wo kung kwu-m, kam abe. Mi kam abe le he kiwọm ki do abe ye. He ashina undi ken ọ le he liwu libel a waa nim ye, kee-kee kwọm angwu be fee ndọ le u nim ufe-ufe. Ki shi nya ana le-iti be ma fee he kushia kugang le ki ba sha a.
13“Mi ndu tem ba hwaa le wo, mi kọng abin nyin na mi so he igye nyin, le he be be kwu le kitaa igọ angi mi yi le ngi, be kwu le ngi i go kaang a. 14Mi de be kisọm kigang, be tem yi ke igye anyin a ye, nya ana mi ọ mi yi ke igye anyin a ye. He ashin bendi abe be yi ke igye anyin, be tel abe. 15Mi ka ushang le wo gbe le be le he igye anyin a ye, mi ka ushang le wo kang abe he wo bọng usu bibibi, u do abe ye. 16Be yi ke igye anyin a ye, nya ana mi ọ mi yi ke igye anyin a ye a. 17To abe ndọ betaa-betaa gbe he kigyang kigang le he be be fel bendi begang abe be yi gelalala. Igie igang na i yi kigyang. 18Nya ana wo sọm mi be he igye anyin, na mi ọ mi ndu sọm abe le be shi-m aki he igye nyin. 19Mi shang kuhwo-gi gbang ka-a he kuhwo kubel le he befe ọ be kung kuhwobel shang gbang ka-a gbe he igie igang angi i yi kigyang.
Ujeso a kọng ha Unim ke bendi abọng-ale puu
20“Mi ka ushang ka abe befe-befe a ye. Mi sha ka bendi puu abe be be bọng ha ami gbe he igie igang angi be be bun de bendi le he kushu ọ. 21Mi ka ushang le befe puu be kwu ubibi ken. Atyagi, mi ka ushang le nya ana wo gwaa ipel ha ami, mi gwaa ipel ha awo, na befe ọ be gwaa ipel ha abel, he bendi abe igye nyin be bọng le wo na wo sọm mi kigyang. 22Nya ana wo fem mi na mi ọ mi fem abe, he be kwu ubibi ken na mi le wo li gwaa. 23Mi kwa ipel ha abe nya ana wo yi ipel ha ami. Kitaa ana na befe puu be be gwaa ubibi ken kpebaa, he bendi abe igye i be ngye le wo na wo sọm mi, be ngye le ki nyin a le be na ki nyin a le mi.
24“Atyagi, mi kee le bendi aben abe wo kung ke-m, be kwu ipel ha ami he kipi mi yi, he be be nde ifem igi angi wo ke-m le-iti ma ukpọng wo ha mbe igye anyin. Wo ke-m ifem angina likọye ki nyin a le mi.
25“Atyagi ununung, ma na igye i ngya a ye ọ, mi ngya a, be ngye le wo na wo sọm mi. 26Mi shi abe be ngya a, mi gya kushu sha abe be ngya a, le he be be kwu le kitaa benyin abe wo yi le be ha ami, mi ọ mi kwu ha abe.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.