Ujọn 16
16
1“Mi de men abin puu he men ma naa gen fe-m a. 2Kunyọng ku ba le ha ahwu be ha be ndo amen le he ishọm angi ma kwu awu. Kunyọng ku ba ahwu be be gwu amen, be gim le be sha ashi Unim a kee a. 3Be ba sha abin likọye be ngye Atyagi ọ, nyọng be ngye-m mi ọ ye. 4Ukpọ mi de men biwọm abin ndọ he itang, le gbe kunyọng ku fel ahwu be shi amen biwọm bimen i, he men ma wel le mi ma de men abin ndọ he itang.” Ujeso a gye kushu kọng le, “Le he ukpi-kikwu, mi ma de men biwọm abin ye, likọye mi ma yi ipel ha amen. 5Kanaa-anaa i nyin, mi fel da amen abi likọye mi ndu tem la hwaa le Atyagi angwu a sọm mi be he igye anyin. Ukpọ ki yi le undi he liwu limen angwu u bii mi le mi gya kung a ye a? 6Le gbe mi de men biwọm abin, ma tem fel he kimbwee a. 7Mi de men kigyang a le ki kwa ngbeb-ngbeb ka amen gbe mi gbe tyang amen, likọye gbe mi gbe tyang amen ye, undi-ukpel angwuna u ba hwaa le men ye. Ukpọ gbe mi gbe le nyin, le wu he kipi Atyagi, mi sọm he hwaa le men. 8Nyọng u be, u ba tem fem kigyang tyung bendi abe igye anyin he be ngye le be shi kiban, be ngye le be yi kpa-kpa he ashi Unim ye. Be mbee ngye le be za libi he ushe Unim. 9U ba tyung bendi gboo le be shi kiban likọye be bọng ha ami ye. 10U mbee tyung bendi gboo le mi yi ununung gelalala gbe he atemale ugi le hwaa le Atyagi, he kipi ma tem nde-m ye. 11A mbee ba tyung bendi gboo le Unim u ba maa bendi-gye ushe, likọye be nde na a tang ushe Usu bibibi angwu u yi usu igye anyin.
12“Ki yi le biwọm gbam abi mi kee le mi da amen, ukpọ mi wa da amen abi ye, likọye bi go gbe men. 13Nyọng Ukatia Kunyọng angwu u fem kigyang tyung amen u be, u ba tyung amen kigyang puu. U ba naa kọng kiwọm he ikeb ima a ye, u ba kọng nya ana u gyo le ha Atyagi a. U ba tyung amen biwọm abi bi be shi le he kushu ọ. 14Ukatia Kunyọng ana u ba sha bendi be fem mi, likọye biwọm abi u be tyung amen bi ba le ha ami a. 15Biwọm Atyagi puu bi yi bigi a. Kife na ki shi-m mi de le Ukatia Kunyọng ana u ba kung biwọm bigi a tyung amen.”
Kimbwee bendi-utung Ujeso ki ba bel igọ
16Ujeso a mbee de bendi-utung bema le, “Ki teng kanwaa kunyọng zang ma tem ba nda-m ye. Nyọng kunyọng ana ku mbee, ma tem be nde-m he kanwaa kunyọng zang.”
17Bendi-utung bema besuso be kọng ha bende le, “Ashi a kọng ana ki ze le ana a? Kibang a, u de le li tem ba nda he ye he kanwaa kunyọng zang, he kanwaa kunyọng zang li tem be nde-e? Ashi le u tem la hwaa le Atyam kimen a? 18Ashi u de le, ‘Kanwaa kunyọng zang,’ kife ki ze le ana? Igie angina i nung li ye.”
19Ujeso a ngye le be kee le be bii he kibibi gbe le likọng limen ana, a kung de be le, “Igie igi i nung amen ye a? Kife na ma bii bende gbe le shi a? 20Mi da amen kigyang le ma ba kya, fa akpen, ukpọ bendi abe be yi ke igye anyin be ba yal gọ. He ukpi-kikwu na ma be mbwee, ukpọ kukye kumen ku ba gie bel igọ. 21Ki ba kwa na ungingye u shi uzwaa na. He ukpi-kikwu u mbwee likọye kunyọng kutọ kuma ku fel. Ukpọ gbe unwaa a shul, u naa lityam kutọ kuma, u fel gọ likọye unwaa a shul be he igye. 22Kitaa ana na ki yi ha kuhwo-men ọ. Kanaa-anaa nyin, ma fel le kimbwee, ukpọ kunyọng ku ba le ha ahwu mi le amen li mbee be nde bende. He kunyọng kumen ana ma ba yal gọ le ububo he ungwu. Igọ imen item ba mbee ye. 23He liti limen ana ma tem ba bii mi kiwọm ye. Mi da amen kigyang le kiwọm kiyang-yang ashi ma bii Atyagi he lizen ligi, u sha ashi ka amen. 24Kpam be wu kunyin i, ma wa bii Atyagi kiwọm he lizen ligi ye. Ma ndu bii he biwọm he u shi abi ke men, he igọ imen i sho yilididi.”
25Ujeso a mbee de bendi-utung bema le, “Mi shaa kọng biwọm ha amen he ityang a. Baale kunyọng ku fel ahwu mi tem kọng ha amen he ityang ye. Mi ba bun da amen gba le Atyagi gboo. 26Ha he kunyọng kumen ana ma ba bii Atyagi biwọm he lizen ligi. Mi de le, mi ba bii Atyagi biwọm he lishi limen a ye. 27Ki nyin Atyagi le men, likọye ki nyin amen le mi, ma bọng le mi ba le ha ufe Unim a. 28Kigyang a, mi be le ha ufe a be he igye anyin. Kanaa-anaa i nyin mi ndu gba le he igye anyin tem la hwaa le Atyagi.”
29Bendi-utung bema be de-e le, “Engheng! Wo fel kọng gboo, wo tem kọng he ityang a ye. 30Ki nung li le wo ngye biwọm puu. Bibibi abi li kam le li bii a ọ, wo ngya abi tang teng. He ashina li bọng le kigyang-kigyang, wo ba le ha Unim a.”
31Ujeso a fan abe le, “Ki ze le ma bọng he kuhwo ashin a?” 32“Kunyọng ku ba le ha ahwu men puu ma ba paa he abwo, undi uyang-yang u gye he ushu uma. Ma ba buu tyang mi ututeb. Ukpọ mi ba kwa ututeb ye, likọye Atyagi u yi utung ha ami mbee kunyọng. Mi de le kunyọng kumen i ku fel ọ ma.
33“Mi de men ashin le-iti, ma nde le ha ami ma kwa le ikwun. He igye anyin, ma kpa kingie, ukpọ ma ngyọ naa gen. Mi hwo igye anyin ma!”
നിലവിൽ തിരഞ്ഞെടുത്തിരിക്കുന്നു:
Ujọn 16: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 16
16
1“Mi de men abin puu he men ma naa gen fe-m a. 2Kunyọng ku ba le ha ahwu be ha be ndo amen le he ishọm angi ma kwu awu. Kunyọng ku ba ahwu be be gwu amen, be gim le be sha ashi Unim a kee a. 3Be ba sha abin likọye be ngye Atyagi ọ, nyọng be ngye-m mi ọ ye. 4Ukpọ mi de men biwọm abin ndọ he itang, le gbe kunyọng ku fel ahwu be shi amen biwọm bimen i, he men ma wel le mi ma de men abin ndọ he itang.” Ujeso a gye kushu kọng le, “Le he ukpi-kikwu, mi ma de men biwọm abin ye, likọye mi ma yi ipel ha amen. 5Kanaa-anaa i nyin, mi fel da amen abi likọye mi ndu tem la hwaa le Atyagi angwu a sọm mi be he igye anyin. Ukpọ ki yi le undi he liwu limen angwu u bii mi le mi gya kung a ye a? 6Le gbe mi de men biwọm abin, ma tem fel he kimbwee a. 7Mi de men kigyang a le ki kwa ngbeb-ngbeb ka amen gbe mi gbe tyang amen, likọye gbe mi gbe tyang amen ye, undi-ukpel angwuna u ba hwaa le men ye. Ukpọ gbe mi gbe le nyin, le wu he kipi Atyagi, mi sọm he hwaa le men. 8Nyọng u be, u ba tem fem kigyang tyung bendi abe igye anyin he be ngye le be shi kiban, be ngye le be yi kpa-kpa he ashi Unim ye. Be mbee ngye le be za libi he ushe Unim. 9U ba tyung bendi gboo le be shi kiban likọye be bọng ha ami ye. 10U mbee tyung bendi gboo le mi yi ununung gelalala gbe he atemale ugi le hwaa le Atyagi, he kipi ma tem nde-m ye. 11A mbee ba tyung bendi gboo le Unim u ba maa bendi-gye ushe, likọye be nde na a tang ushe Usu bibibi angwu u yi usu igye anyin.
12“Ki yi le biwọm gbam abi mi kee le mi da amen, ukpọ mi wa da amen abi ye, likọye bi go gbe men. 13Nyọng Ukatia Kunyọng angwu u fem kigyang tyung amen u be, u ba tyung amen kigyang puu. U ba naa kọng kiwọm he ikeb ima a ye, u ba kọng nya ana u gyo le ha Atyagi a. U ba tyung amen biwọm abi bi be shi le he kushu ọ. 14Ukatia Kunyọng ana u ba sha bendi be fem mi, likọye biwọm abi u be tyung amen bi ba le ha ami a. 15Biwọm Atyagi puu bi yi bigi a. Kife na ki shi-m mi de le Ukatia Kunyọng ana u ba kung biwọm bigi a tyung amen.”
Kimbwee bendi-utung Ujeso ki ba bel igọ
16Ujeso a mbee de bendi-utung bema le, “Ki teng kanwaa kunyọng zang ma tem ba nda-m ye. Nyọng kunyọng ana ku mbee, ma tem be nde-m he kanwaa kunyọng zang.”
17Bendi-utung bema besuso be kọng ha bende le, “Ashi a kọng ana ki ze le ana a? Kibang a, u de le li tem ba nda he ye he kanwaa kunyọng zang, he kanwaa kunyọng zang li tem be nde-e? Ashi le u tem la hwaa le Atyam kimen a? 18Ashi u de le, ‘Kanwaa kunyọng zang,’ kife ki ze le ana? Igie angina i nung li ye.”
19Ujeso a ngye le be kee le be bii he kibibi gbe le likọng limen ana, a kung de be le, “Igie igi i nung amen ye a? Kife na ma bii bende gbe le shi a? 20Mi da amen kigyang le ma ba kya, fa akpen, ukpọ bendi abe be yi ke igye anyin be ba yal gọ. He ukpi-kikwu na ma be mbwee, ukpọ kukye kumen ku ba gie bel igọ. 21Ki ba kwa na ungingye u shi uzwaa na. He ukpi-kikwu u mbwee likọye kunyọng kutọ kuma ku fel. Ukpọ gbe unwaa a shul, u naa lityam kutọ kuma, u fel gọ likọye unwaa a shul be he igye. 22Kitaa ana na ki yi ha kuhwo-men ọ. Kanaa-anaa nyin, ma fel le kimbwee, ukpọ kunyọng ku ba le ha ahwu mi le amen li mbee be nde bende. He kunyọng kumen ana ma ba yal gọ le ububo he ungwu. Igọ imen item ba mbee ye. 23He liti limen ana ma tem ba bii mi kiwọm ye. Mi da amen kigyang le kiwọm kiyang-yang ashi ma bii Atyagi he lizen ligi, u sha ashi ka amen. 24Kpam be wu kunyin i, ma wa bii Atyagi kiwọm he lizen ligi ye. Ma ndu bii he biwọm he u shi abi ke men, he igọ imen i sho yilididi.”
25Ujeso a mbee de bendi-utung bema le, “Mi shaa kọng biwọm ha amen he ityang a. Baale kunyọng ku fel ahwu mi tem kọng ha amen he ityang ye. Mi ba bun da amen gba le Atyagi gboo. 26Ha he kunyọng kumen ana ma ba bii Atyagi biwọm he lizen ligi. Mi de le, mi ba bii Atyagi biwọm he lishi limen a ye. 27Ki nyin Atyagi le men, likọye ki nyin amen le mi, ma bọng le mi ba le ha ufe Unim a. 28Kigyang a, mi be le ha ufe a be he igye anyin. Kanaa-anaa i nyin mi ndu gba le he igye anyin tem la hwaa le Atyagi.”
29Bendi-utung bema be de-e le, “Engheng! Wo fel kọng gboo, wo tem kọng he ityang a ye. 30Ki nung li le wo ngye biwọm puu. Bibibi abi li kam le li bii a ọ, wo ngya abi tang teng. He ashina li bọng le kigyang-kigyang, wo ba le ha Unim a.”
31Ujeso a fan abe le, “Ki ze le ma bọng he kuhwo ashin a?” 32“Kunyọng ku ba le ha ahwu men puu ma ba paa he abwo, undi uyang-yang u gye he ushu uma. Ma ba buu tyang mi ututeb. Ukpọ mi ba kwa ututeb ye, likọye Atyagi u yi utung ha ami mbee kunyọng. Mi de le kunyọng kumen i ku fel ọ ma.
33“Mi de men ashin le-iti, ma nde le ha ami ma kwa le ikwun. He igye anyin, ma kpa kingie, ukpọ ma ngyọ naa gen. Mi hwo igye anyin ma!”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.