Ujọn 15
15
Ubim le ibubu
1Ujeso a mbee de bendi-utung bema le, “Mi na mi yi ubim ukwan uvine ugyang angwel, Atyagi u shi undi angwu u nde gbe le he. 2Ububu ugi uyang-yang angwu a wum agbe ye, u tang he tyang le hel. Angwu u wum, u kam he he u fel wum kaang. 3Men ma yi na ibubu imen ana. Igie igi angi mi bun de men i kam atyam amen, i shi angi a fel ataa-ataa. 4Ma ngyọ gwaa ha ami kpebaa, mi ọ mi ngyọ gwaa ha amen kpebaa. Ububu Uvine ufe-ufe u wum agbe ye, u kee-kee wum agbe, gbe u yi gwaa ha ubim uma a. Kitaa kimen na men ọ, gbe ma ngyọ gwaa ha ami ye, ma kwu le lifem ye.
5“Mi yi ubim Uvine, men ma shi na ibubu igi. Undi uyang-yang angwu a ngyọ gwaa ha ami kpebaa, angwu mi ọ mi yi gwaa he ahe kpebaa, u kwa na ububu angwu u wum shal-shal-shal na. Ukpọ gbe men ma tang le ha ami, ki yi le ashi ma tem shi mbee ye. 6Undi uyang-yang angwu a tang le ha ami, Unim u tem sha le he kiwọm ye, nya ana ububu angwu be tang tyang le hel, u hwo a. Be gbọng ibubu angi kitaa i fa he kinde, i shi dim bel atyung. 7Ukpọ, gbe ma ngyọ gwaa ha ami kpebaa, igie igi i ngyọ kwu ha amen atyam, ma bii Atyagi kiwọm kiyang-yang ashi ma kee, u ka amen ashi. 8Gbe ma shi binunung mbee kunyọng, ha ma sha bendi be fem Atyagi. Kitaa i na ma tyung bendi gboo le ma yi bendi-utung begi a.
9“Kitaa benyin abe Atyagi u yi le be ha ami, na mi yi le be ha amen. Ma ngyọ kwu he benyin begi. 10Gbe ma shi abi mi de men, ha ma ngyọ kwa he benyin begi, nya ana mi shi biwọm abi Atyagi a de-m, mi ngyọ kwu he benyin bema i. 11Mi de men ashin le he men ma kwu le kitaa igọ angi mi yi le ngi, le he igọ imen i sho yilididi. 12Uten angwu mi ndu ke men u yi le, ki nyin amen le bende na ki nyin imi le men. 13Benyin abe be dyam hwo puu na be yi le undi u hwo he kuhwo udimma. 14Men ma kwa bedimgi a, gbe ma shi ashi mi de men. 15Mi tem kung amen na ibọyi a ye, likọye ubọyi u ngya ugim atyam ye. Mi fel kung amen na bedimgi hwan, likọye mi de men biwọm puu abi Atyagi a de-m. 16Men na ma waa mi le mi kwu atyamen ye, mi na mi waa amen le ma kwu bebwaa-kisọm begi. Mi mbee sọm amen le ma le wum agbe, agbe angi a kwu ngyọ igye. He ashin, kiwọm kiyang-yang ashi ma bii he lizen Atyagi, u sha ashi ka amen. 17Ashin na ki shi-m mi ke men uten le ki nyin amen le bende.”
Igye itel bendi-utung Ujeso
18Ujeso a gye kushu kọng le, “Gbe bendi abe be yi ke igye i be tel amen, ma wel le be tel mi ma ukpọng be ha tel amen. 19Ma kwu ke igye anyin a, hang ki nyin abe be yi ke igye i le men, likọye ma yi bendi bebel a. Ukpọ mi waa kung amen, mi tang amen he abwo le ha abe, ma tem yi ke igye anyin a ye. Ashina na ki shi bendi abe be yi ke igye i be fel tel amen. 20Ma wel le, mi ma de men le, unwaa-ushọm u dyam hwa atyam ye.#15:20 Ujọn 13:16 Bendi aben be ma ke-m kingie, faale ifung be ba ka amen ọ kingie. Abe be ke igie igi ife, be ba ka amen ọ ife. 21Bingie abi be be ke men, be ka amen abi he kuhwo lizen ligi likọye be ngye angwu a sọm mi be he igye i ye. 22Ki kwu le mi be kọng ha abe ye, hang undi u da le be zi libi ye. Ukpọ, gbe mi be tyung abe ashi ki yi kiban, gbe be fel gye kushu shi kiban, be kwa le kikwu kubwo hwaa ye. 23Undi angwu a tel mi, ha u tel Atyagi ọ titi. 24Ki kwu le mi shi bikwole-kuhwo he ashi abel abi undi abe shi ngye ye, hang undi u da le be zi libi kiban ye. Ukpọ, ma na be nde biwọm abin le ashi abel ọ, be so-i tel mi ọ, be tel Atyagi ọ titi. 25Ashin ki yi le ki fe sho, nya ana be ma fee he kushia Unim le, ‘Be tel mi faale ashi mi shi.’#15:25 Agyam 35:19; 69:4
Aki Ukatia Kunyọng
26“Ma wel le undi-ukpel u ba le ha. Nyọng mi gye hwaa le Atyagi, mi ba sọm he hwaa le men. Undi-ukpel umen ana u yi Ukatia Kunyọng, u ba le ha Atyagi a. U ba tyung amen kigyang puu. U ba tyung amen kigyang gba le mi. 27Men ma ndu bun de bendi kigyang gbe le mi, likọye ma yi utung ha ami kung le ha he ukpi-kikwu kpam.
നിലവിൽ തിരഞ്ഞെടുത്തിരിക്കുന്നു:
Ujọn 15: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 15
15
Ubim le ibubu
1Ujeso a mbee de bendi-utung bema le, “Mi na mi yi ubim ukwan uvine ugyang angwel, Atyagi u shi undi angwu u nde gbe le he. 2Ububu ugi uyang-yang angwu a wum agbe ye, u tang he tyang le hel. Angwu u wum, u kam he he u fel wum kaang. 3Men ma yi na ibubu imen ana. Igie igi angi mi bun de men i kam atyam amen, i shi angi a fel ataa-ataa. 4Ma ngyọ gwaa ha ami kpebaa, mi ọ mi ngyọ gwaa ha amen kpebaa. Ububu Uvine ufe-ufe u wum agbe ye, u kee-kee wum agbe, gbe u yi gwaa ha ubim uma a. Kitaa kimen na men ọ, gbe ma ngyọ gwaa ha ami ye, ma kwu le lifem ye.
5“Mi yi ubim Uvine, men ma shi na ibubu igi. Undi uyang-yang angwu a ngyọ gwaa ha ami kpebaa, angwu mi ọ mi yi gwaa he ahe kpebaa, u kwa na ububu angwu u wum shal-shal-shal na. Ukpọ gbe men ma tang le ha ami, ki yi le ashi ma tem shi mbee ye. 6Undi uyang-yang angwu a tang le ha ami, Unim u tem sha le he kiwọm ye, nya ana ububu angwu be tang tyang le hel, u hwo a. Be gbọng ibubu angi kitaa i fa he kinde, i shi dim bel atyung. 7Ukpọ, gbe ma ngyọ gwaa ha ami kpebaa, igie igi i ngyọ kwu ha amen atyam, ma bii Atyagi kiwọm kiyang-yang ashi ma kee, u ka amen ashi. 8Gbe ma shi binunung mbee kunyọng, ha ma sha bendi be fem Atyagi. Kitaa i na ma tyung bendi gboo le ma yi bendi-utung begi a.
9“Kitaa benyin abe Atyagi u yi le be ha ami, na mi yi le be ha amen. Ma ngyọ kwu he benyin begi. 10Gbe ma shi abi mi de men, ha ma ngyọ kwa he benyin begi, nya ana mi shi biwọm abi Atyagi a de-m, mi ngyọ kwu he benyin bema i. 11Mi de men ashin le he men ma kwu le kitaa igọ angi mi yi le ngi, le he igọ imen i sho yilididi. 12Uten angwu mi ndu ke men u yi le, ki nyin amen le bende na ki nyin imi le men. 13Benyin abe be dyam hwo puu na be yi le undi u hwo he kuhwo udimma. 14Men ma kwa bedimgi a, gbe ma shi ashi mi de men. 15Mi tem kung amen na ibọyi a ye, likọye ubọyi u ngya ugim atyam ye. Mi fel kung amen na bedimgi hwan, likọye mi de men biwọm puu abi Atyagi a de-m. 16Men na ma waa mi le mi kwu atyamen ye, mi na mi waa amen le ma kwu bebwaa-kisọm begi. Mi mbee sọm amen le ma le wum agbe, agbe angi a kwu ngyọ igye. He ashin, kiwọm kiyang-yang ashi ma bii he lizen Atyagi, u sha ashi ka amen. 17Ashin na ki shi-m mi ke men uten le ki nyin amen le bende.”
Igye itel bendi-utung Ujeso
18Ujeso a gye kushu kọng le, “Gbe bendi abe be yi ke igye i be tel amen, ma wel le be tel mi ma ukpọng be ha tel amen. 19Ma kwu ke igye anyin a, hang ki nyin abe be yi ke igye i le men, likọye ma yi bendi bebel a. Ukpọ mi waa kung amen, mi tang amen he abwo le ha abe, ma tem yi ke igye anyin a ye. Ashina na ki shi bendi abe be yi ke igye i be fel tel amen. 20Ma wel le, mi ma de men le, unwaa-ushọm u dyam hwa atyam ye.#15:20 Ujọn 13:16 Bendi aben be ma ke-m kingie, faale ifung be ba ka amen ọ kingie. Abe be ke igie igi ife, be ba ka amen ọ ife. 21Bingie abi be be ke men, be ka amen abi he kuhwo lizen ligi likọye be ngye angwu a sọm mi be he igye i ye. 22Ki kwu le mi be kọng ha abe ye, hang undi u da le be zi libi ye. Ukpọ, gbe mi be tyung abe ashi ki yi kiban, gbe be fel gye kushu shi kiban, be kwa le kikwu kubwo hwaa ye. 23Undi angwu a tel mi, ha u tel Atyagi ọ titi. 24Ki kwu le mi shi bikwole-kuhwo he ashi abel abi undi abe shi ngye ye, hang undi u da le be zi libi kiban ye. Ukpọ, ma na be nde biwọm abin le ashi abel ọ, be so-i tel mi ọ, be tel Atyagi ọ titi. 25Ashin ki yi le ki fe sho, nya ana be ma fee he kushia Unim le, ‘Be tel mi faale ashi mi shi.’#15:25 Agyam 35:19; 69:4
Aki Ukatia Kunyọng
26“Ma wel le undi-ukpel u ba le ha. Nyọng mi gye hwaa le Atyagi, mi ba sọm he hwaa le men. Undi-ukpel umen ana u yi Ukatia Kunyọng, u ba le ha Atyagi a. U ba tyung amen kigyang puu. U ba tyung amen kigyang gba le mi. 27Men ma ndu bun de bendi kigyang gbe le mi, likọye ma yi utung ha ami kung le ha he ukpi-kikwu kpam.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.