Ujọn 14
14
Ujeso a fe bendi-utung bema ingie
1Ujeso a mbee de be le, “Ufung u tem be men ye, ma gye kushu bọng ha Unim, ma bọng ha ami ọ titi. 2He ushu Atyagi, ishọm i yi ha gbam. Ki kwu na ye, hang mi de men. Mi gya ha, mi le kam kiteng ndọ amen. 3Nyọng mi kam amen ashi ki mbee, mi tem ba gbọng amen la hwaa le kuhwo-gi, le he kipi mi yi, he men ma kwu ipel ha ami ha. 4Men ma ngye kukwo ahwu ma gbe le wu he kipi mi gye i.”
Ujeso na u yi kukwo le hwaa le atyam
5Utọmas a fan he le, “Ada, li ngye he kipi wo gye ye, ki sha na a, li ngye kukwo le wu ha?”
6Ujeso a de be le, “Mi na mi yi kukwo, mi shi kigyang, mi shi likpan. Ki yi le undi angwu u gbe le hwaa Atyagi fem imi tyang ye. 7Gbe ma ngye-m, ha ma ba ngya Atyagi ọ titi. Kung le ha kunyin, ma ngye-e, ma mbee nde-e le ashi.”
8Ufilip a de-e le, “Ada, tyung li Atia. Ashin kife-kife na ki kee-kee kwun li kigyọ.”
9Ujeso a fan he le, “Ufilip, kọng-ukpaa angwu mi yi utung ha amen i, wo wa ngye-m ye a? Undi uyang-yang angwu a nde-m, ha a nde Atyagi. Ki shi na a, wo de-m le mi tyung amen Atyagi? 10Wo bọng le mi yi ipel ha Atyagi, Atyagi u shi ipel ha ami a? Igie angi mi kọng, mi kọng angi he ikeb igi a ye, mi kọng he ikeb Atyagi angwu u yi ha ami, u shi aki ama gbe ha ami a. 11Men ma bọng le bel ha Atyagi li yi ubibi ken. Gbe ma kee le ma bọng he kuhwo igie igi ye ọ, ma bọng he kuhwo biwọm abi ma nde-m mi shi. 12Mi da amen kigyang, undi uyang-yang angwu a bọng ha ami u sha biwọm abi mi shi. U sha abi bi dyam hwa abi mi shi ọ, likọye mi gya hwaa le Atyagi a. 13Kiwọm kiyang-yang ashi ma bii mi he lizen ligi, mi sha ashi ka amen, he bendi be fem Atyagi gbe ha ami, Unwaama. 14Gbe ma bii mi kiwọm kiyang-yang he lizen ligi, mi sha ashi.”
Ujeso a kyeb le u sọm Ukatia Kunyọng
15Ujeso a kọng gye kushu le, “Gbe ki nyin amen le mi, ma ndọ Iten igi. 16Mi ba bii Atyagi, ma u ba sọm amen undi-ukpel ususo. U ba kwa ipel ha amen ngyọ igye kpam. 17Undi-ukpel umen i u yi Ukatia Kunyọng angwu u be tyung amen kigyang, u shi atyam amen a kwu gen. Bendi abe be yi ke igye anyin, be kpa he ye, likọye be nda he ọ, ngwu be ngye-e ọ ye. Men ufe, ma ngye-e, likọye u yi ipel ha amen, u shi he atyam amen. 18Mi gba tyang amen le ma fel na bebwaa-aban a ye. Mi mbee tem ba hwaa le men. 19Ki teng zang, bendi abe be yi ke igye anyin be tem nda-m ye, ukpọ men ma nda-m. Le gbe mi yi uwum, men ọ titi ma ba kwa bewum. 20He liti limen Ukatia Kunyọng u be hwaa le men ana, ma ha ngya le mi le Atyagi li yi ubibi ken, mi le amen li shi ubibi ken, mi yi he atyam amen. 21Undi uyang-yang angwu a ngye Iten igi, u shi angi, ufe na ki nyin he le mi. Undi angwu ki nyin he le mi, ki nyin Atyagi le he, ki nyin mi le he titi, mi kung kuhwo-gi tyung he.”
22Ujudas (angwu Iskariyọt a ye) a bii he le, “Ada, he kukwo ahwu yang wo be kung kuhwo-gang tyung li bel ufe-ufe, wo tyung abe be yi ke igye anyin ye?”
23Ujeso a fan he le, “Undi uyang-yang angwu ki nyin he le mi, u sha ashi mi kọng. Ki nyin Atyagi le he, mi le he li ba kwa ipel ha undi umen ana. 24Undi angwu ki nyin he le mi ye, u ha ndu sha ashi mi kọng ye. Ma wel le igie angi ma gyo i, i ba le ha ami a ye, i ba le ha Atyagi angwu a sọm mi a.
25“Mi de men biwọm abin nya ana mi so utung ha amen i. 26Ukatia Kunyọng angwu u yi undi-ukpel, Atyagi u ba sọm he ka amen he lizen ligi, u ba hwọ amen biwọm puu, u mbee wel amen biwọm puu abi mi de men. 27Nyin i na mi ndu tyang amen i, ikwun igi na mi kung ke men. Ikwun imen anyin i ba le he biwọm igye a ye. Ufung u tem be men ye, ma tem kwu le kushel ọ ye.
28“Mi be de men le mi ndu gya, ukpọ mi tem ba hwaa le men. Gbe ki nyin amen le mi, ha ma yal gọ le ibubo he ungwu likọye mi gya hwaa le Atyagi a, ma ngye le Atyagi a dyam hwo-m. 29Mi de men abin ndọ he itang, le he kunyọng ahwu bi shi, he men ma bọng igie igi. 30Mi tem kọng ha amen le kigbe ye, likọye baale Usu bibibi, usu igye anyin, u fel i. Ukpọ u yi le ikeb le u da-m ashi mi shi ye. 31Mi kee-kee sha na Atyagi a ke-m uten a, le he igye i ngye le ki nyin mi le Atyagi.
“Ma bo kinaa, li gye he kiteng kisuso.”
നിലവിൽ തിരഞ്ഞെടുത്തിരിക്കുന്നു:
Ujọn 14: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 14
14
Ujeso a fe bendi-utung bema ingie
1Ujeso a mbee de be le, “Ufung u tem be men ye, ma gye kushu bọng ha Unim, ma bọng ha ami ọ titi. 2He ushu Atyagi, ishọm i yi ha gbam. Ki kwu na ye, hang mi de men. Mi gya ha, mi le kam kiteng ndọ amen. 3Nyọng mi kam amen ashi ki mbee, mi tem ba gbọng amen la hwaa le kuhwo-gi, le he kipi mi yi, he men ma kwu ipel ha ami ha. 4Men ma ngye kukwo ahwu ma gbe le wu he kipi mi gye i.”
Ujeso na u yi kukwo le hwaa le atyam
5Utọmas a fan he le, “Ada, li ngye he kipi wo gye ye, ki sha na a, li ngye kukwo le wu ha?”
6Ujeso a de be le, “Mi na mi yi kukwo, mi shi kigyang, mi shi likpan. Ki yi le undi angwu u gbe le hwaa Atyagi fem imi tyang ye. 7Gbe ma ngye-m, ha ma ba ngya Atyagi ọ titi. Kung le ha kunyin, ma ngye-e, ma mbee nde-e le ashi.”
8Ufilip a de-e le, “Ada, tyung li Atia. Ashin kife-kife na ki kee-kee kwun li kigyọ.”
9Ujeso a fan he le, “Ufilip, kọng-ukpaa angwu mi yi utung ha amen i, wo wa ngye-m ye a? Undi uyang-yang angwu a nde-m, ha a nde Atyagi. Ki shi na a, wo de-m le mi tyung amen Atyagi? 10Wo bọng le mi yi ipel ha Atyagi, Atyagi u shi ipel ha ami a? Igie angi mi kọng, mi kọng angi he ikeb igi a ye, mi kọng he ikeb Atyagi angwu u yi ha ami, u shi aki ama gbe ha ami a. 11Men ma bọng le bel ha Atyagi li yi ubibi ken. Gbe ma kee le ma bọng he kuhwo igie igi ye ọ, ma bọng he kuhwo biwọm abi ma nde-m mi shi. 12Mi da amen kigyang, undi uyang-yang angwu a bọng ha ami u sha biwọm abi mi shi. U sha abi bi dyam hwa abi mi shi ọ, likọye mi gya hwaa le Atyagi a. 13Kiwọm kiyang-yang ashi ma bii mi he lizen ligi, mi sha ashi ka amen, he bendi be fem Atyagi gbe ha ami, Unwaama. 14Gbe ma bii mi kiwọm kiyang-yang he lizen ligi, mi sha ashi.”
Ujeso a kyeb le u sọm Ukatia Kunyọng
15Ujeso a kọng gye kushu le, “Gbe ki nyin amen le mi, ma ndọ Iten igi. 16Mi ba bii Atyagi, ma u ba sọm amen undi-ukpel ususo. U ba kwa ipel ha amen ngyọ igye kpam. 17Undi-ukpel umen i u yi Ukatia Kunyọng angwu u be tyung amen kigyang, u shi atyam amen a kwu gen. Bendi abe be yi ke igye anyin, be kpa he ye, likọye be nda he ọ, ngwu be ngye-e ọ ye. Men ufe, ma ngye-e, likọye u yi ipel ha amen, u shi he atyam amen. 18Mi gba tyang amen le ma fel na bebwaa-aban a ye. Mi mbee tem ba hwaa le men. 19Ki teng zang, bendi abe be yi ke igye anyin be tem nda-m ye, ukpọ men ma nda-m. Le gbe mi yi uwum, men ọ titi ma ba kwa bewum. 20He liti limen Ukatia Kunyọng u be hwaa le men ana, ma ha ngya le mi le Atyagi li yi ubibi ken, mi le amen li shi ubibi ken, mi yi he atyam amen. 21Undi uyang-yang angwu a ngye Iten igi, u shi angi, ufe na ki nyin he le mi. Undi angwu ki nyin he le mi, ki nyin Atyagi le he, ki nyin mi le he titi, mi kung kuhwo-gi tyung he.”
22Ujudas (angwu Iskariyọt a ye) a bii he le, “Ada, he kukwo ahwu yang wo be kung kuhwo-gang tyung li bel ufe-ufe, wo tyung abe be yi ke igye anyin ye?”
23Ujeso a fan he le, “Undi uyang-yang angwu ki nyin he le mi, u sha ashi mi kọng. Ki nyin Atyagi le he, mi le he li ba kwa ipel ha undi umen ana. 24Undi angwu ki nyin he le mi ye, u ha ndu sha ashi mi kọng ye. Ma wel le igie angi ma gyo i, i ba le ha ami a ye, i ba le ha Atyagi angwu a sọm mi a.
25“Mi de men biwọm abin nya ana mi so utung ha amen i. 26Ukatia Kunyọng angwu u yi undi-ukpel, Atyagi u ba sọm he ka amen he lizen ligi, u ba hwọ amen biwọm puu, u mbee wel amen biwọm puu abi mi de men. 27Nyin i na mi ndu tyang amen i, ikwun igi na mi kung ke men. Ikwun imen anyin i ba le he biwọm igye a ye. Ufung u tem be men ye, ma tem kwu le kushel ọ ye.
28“Mi be de men le mi ndu gya, ukpọ mi tem ba hwaa le men. Gbe ki nyin amen le mi, ha ma yal gọ le ibubo he ungwu likọye mi gya hwaa le Atyagi a, ma ngye le Atyagi a dyam hwo-m. 29Mi de men abin ndọ he itang, le he kunyọng ahwu bi shi, he men ma bọng igie igi. 30Mi tem kọng ha amen le kigbe ye, likọye baale Usu bibibi, usu igye anyin, u fel i. Ukpọ u yi le ikeb le u da-m ashi mi shi ye. 31Mi kee-kee sha na Atyagi a ke-m uten a, le he igye i ngye le ki nyin mi le Atyagi.
“Ma bo kinaa, li gye he kiteng kisuso.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.