Ujọn 13
13
Ujeso a to bendi-utung bema abee
1Kunyọng kuma fel le kuhwo be sha kipam agbele-gyọng. Ujeso a ngye le ki fel kunyọng ahwu u tyang igye anyin tem le hwaa le Atyam. Kung le ha ukpi-kikwu ki nyin he le bendi bema abe be ma yi he igye anyin. He kunyọng ahwun a tyung abe benyin bema sho yilididi.
2Likwu-lukwu li gyeb, Ujeso befe le bendi-utung bema be maa za lizi abwo ukem. Usu bibibi a ma tọ kung ugim ubibi fe Ujudas Iskariyọt, Unwaa Usaimọn he lityam le he item le u ndyeb Ujeso zi. 3Ujeso a ma ngye le Atyam a kung biwọm puu fe-e ufe he kubwo, u ngye le a be le ha Unim a, u ba tem la hwaa le ufe umen a. 4Nya ana a ma bo le he kipi be maa zi lizi, a waa ukpe aliga ken ndọ he itang, u kung igedie nii fe he uten, 5a kung umbwo bel fe he kigbọ, keb bendi-utung bema abee ato-ale, u kung igedie shel abe angi.
6A to be fel ha Usaimọn Pita, Ipita a kung de-e le, “Ada, wo na wo tem to imi abee a?”
7Ujeso a fan he le, “Ki nung a ashi mi shi i ma ye. Ukpọ kunyọng ku ba le ha ahwu ki be nung a.”
8Ipita a kung de-e le, “Mi ha ndu bọng le wo to imi abee ye.”
Ujeso a de-e le, “Gbe mi to a abee ye, ha wo yi le ukpo he ami ye.”
9Gyo Ipita le, “Ada, tem to mi abee afe-afe a ye, fel to mi abwo ọ, lishi ọ.”
10Ujeso a de-e le, “Undi angwu a kwob umbwo ma, a fel utaa-utaa, abee ama afe-afe na a fel teng le be to. Men puu ma yi betaa-betaa, kee-kee teng undi ken ufe-ufe a.” 11Ujeso a ma ngye undi angwu u be ndyeb he zi, fe na a de le befe puu na be yi betaa-betaa ye.
12A to abe abee puu, a tem le aliga ama shi, tem le kwu ko. A bii abe le, “Ashi mi shi amen nyin ki nung amen a?” A kung de be le, 13“Men ma shi ki ngbeb na ma ko mi le Itisha, ma mbee ko mi le Ada. Mi yi ufe a kigyang. 14Gbe mi angwu mi yi Itisha umen, mi shi Ada, mi to amen abee, ki yi le men ọ ma shi ha bende na mi shi i. 15Mi tyung amen ashi ki yi le ma shi ma, ki fel teng le ma shi ha bende na mi shi a. 16Mi da amen kigyang, unwaa-ushọm u dyam hwa atyam ye, Unwaa-kisọm u dyam hwa angwu a sọm he ye. 17Ma ngye biwọm abin. Unim u ka amen kukwun, gbe ma shi abi.
Ujeso a kọng gbe le andyeb-ale uma zi
18“Ashi mi kọng i ki yi ke men puu a ye. Mi ngye bendi begi abe mi waa. Kigyang-kigyang, ashi be fee he kushia Unim ki sha na be fee ashi. Be ma fee le, ‘Undi angwu u zi lizi abwo ukem he ami, a bel fel linaa ha ami.’#13:18 Agyam 41:9
19“Mi da amen biwọm abin ndọ he itang kanaa-anaa i, le nyọng bi be shi, he men ma bọng le mi yi undi angwu mi yi a. 20Mi da amen kigyang, undi uyang-yang angwu a kpe Unwaa-kisọm angwu mi sọm, ha a kpe-m mi a. Undi uyang-yang angwu a kpe-m, ha a kpe Atyagi angwu a sọm mi be he igye i a.”
21Ujeso a kọng igie anyin puu, lityam li ban he kaang. A kung kọng gboo le, “Mi da amen kigyang, undi ken le he liwu limen i a kam le u ndu ndyeb mi za.”
22Bendi-utung bema be bel ashi shun bende, be fel tyang undi angwu u kọng gbe le he. 23Undi-utung Ujeso angwu ki nyin Ujeso le he kaang ana, a ma yi kwu gwaa ha Ujeso. 24Usaimọn Pita a kung kubwo tyung hwaa le he de-e le, u bii Ujeso undi angwu u kọng igie angina gbe le he.
25He ashina undi-utung ana a die ngie Ujeso kung bii he le, “Ada, ayang a?”
26Ujeso a fan le, “Undi angwu ha na mi ndu tib kahwaa lizi ke-e i.” A nda kubwo kung lizi tib ke Ujudas, unwaa Usaimọn Iskariyọt. 27Nya kukwo-kukwo nyọng Ujudas a nda kubwo kpe lizi ana, Usu bibibi a ngwee he.
Ujeso a kung de-e le, “Ndu shi ashi wo kam le wo sha ana akikye, shi ban kunyọng ye.” 28Ukpọ undi ken ọ ha he kipi be maa zi lizi ana, ki nung he ashi a de-e ana ye. 29Gbe Ujudas na a ma kam abe unde, besuso be maa kọng le Ujeso a sọm he le u le ndyeb biwọm abi nyin be shi kipam a, besuso be gim le ha Ujeso a de-e le u le ke bendi-likaa biwọm ọ. 30Ujudas a kpe lizi ana kpe-kpe, a shul gbe he igye. Ki ma yi le kusu a.
Ujeso a kọng ndọ le Ipita u ba swan he
31Kunyọng Ujudas a shul gbe, Ujeso a kung de bendi-utung bema abe be teng le, “Kunyọng ku fel ahwu bendi be nde ifem igi mi Unwaa undi-gye, be mbee nde ifem Unim gbe ha ami. 32Gbe bendi be nde ifem Unim gbe ha ami Unwaa undi-gye a, Unim ọ, u ba kung mi ndọ he libwo likandi he u tyung bendi ifem igi mi Unwaa undi-gye. Kunyọng ahwu u shi ashin ku fel ọ ma.
33“Bebwaagi, mi ndu tyang amen, kunyọng kugi ku mbee puu. Ukpọ ki yi nya ana mi ma de bekandi Ijuus a. Ma ba shun mi kaa, ma ba wa he kipi mi ndu gye i ye.
34“Uten ufufe angwu mi ke men u yi le, ki nyin amen le bende. Kitaa benyin abe mi yi le be ha amen, na ki yi kpe-kpe le ma kwu le be ha bende. 35Gbe he ashi le ki nyin amen le bende, bendi puu be ngya le ma yi bendi-utung begi a.”
36Usaimọn Pita a kung bii Ujeso le, “Ada, wo gya kung a?”
Ujeso a fan he le, “Kiteng ashi mi gye, kanaa-anaa i ufe, ma gya ha utung ha ami mbee ye. Ukpọ liti li ba le ha angi ma be le hwaa le mi ha.”
37Ipita a bii he le, “Ada, kibang a, mi pwọm a kanaa-anaa i ye? Mi kam le mi hwa he kuhwo kugang.”
38Ujeso a fan he le, “Wo kam kigyang-kigyang a le wo hwa he kuhwo kugi a? Mi da-a kigyang le nyin wo swan kugbe kakie le wo ngye-m ye, ma ukpọng kigia ukwuo ki ha ko.”
നിലവിൽ തിരഞ്ഞെടുത്തിരിക്കുന്നു:
Ujọn 13: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 13
13
Ujeso a to bendi-utung bema abee
1Kunyọng kuma fel le kuhwo be sha kipam agbele-gyọng. Ujeso a ngye le ki fel kunyọng ahwu u tyang igye anyin tem le hwaa le Atyam. Kung le ha ukpi-kikwu ki nyin he le bendi bema abe be ma yi he igye anyin. He kunyọng ahwun a tyung abe benyin bema sho yilididi.
2Likwu-lukwu li gyeb, Ujeso befe le bendi-utung bema be maa za lizi abwo ukem. Usu bibibi a ma tọ kung ugim ubibi fe Ujudas Iskariyọt, Unwaa Usaimọn he lityam le he item le u ndyeb Ujeso zi. 3Ujeso a ma ngye le Atyam a kung biwọm puu fe-e ufe he kubwo, u ngye le a be le ha Unim a, u ba tem la hwaa le ufe umen a. 4Nya ana a ma bo le he kipi be maa zi lizi, a waa ukpe aliga ken ndọ he itang, u kung igedie nii fe he uten, 5a kung umbwo bel fe he kigbọ, keb bendi-utung bema abee ato-ale, u kung igedie shel abe angi.
6A to be fel ha Usaimọn Pita, Ipita a kung de-e le, “Ada, wo na wo tem to imi abee a?”
7Ujeso a fan he le, “Ki nung a ashi mi shi i ma ye. Ukpọ kunyọng ku ba le ha ahwu ki be nung a.”
8Ipita a kung de-e le, “Mi ha ndu bọng le wo to imi abee ye.”
Ujeso a de-e le, “Gbe mi to a abee ye, ha wo yi le ukpo he ami ye.”
9Gyo Ipita le, “Ada, tem to mi abee afe-afe a ye, fel to mi abwo ọ, lishi ọ.”
10Ujeso a de-e le, “Undi angwu a kwob umbwo ma, a fel utaa-utaa, abee ama afe-afe na a fel teng le be to. Men puu ma yi betaa-betaa, kee-kee teng undi ken ufe-ufe a.” 11Ujeso a ma ngye undi angwu u be ndyeb he zi, fe na a de le befe puu na be yi betaa-betaa ye.
12A to abe abee puu, a tem le aliga ama shi, tem le kwu ko. A bii abe le, “Ashi mi shi amen nyin ki nung amen a?” A kung de be le, 13“Men ma shi ki ngbeb na ma ko mi le Itisha, ma mbee ko mi le Ada. Mi yi ufe a kigyang. 14Gbe mi angwu mi yi Itisha umen, mi shi Ada, mi to amen abee, ki yi le men ọ ma shi ha bende na mi shi i. 15Mi tyung amen ashi ki yi le ma shi ma, ki fel teng le ma shi ha bende na mi shi a. 16Mi da amen kigyang, unwaa-ushọm u dyam hwa atyam ye, Unwaa-kisọm u dyam hwa angwu a sọm he ye. 17Ma ngye biwọm abin. Unim u ka amen kukwun, gbe ma shi abi.
Ujeso a kọng gbe le andyeb-ale uma zi
18“Ashi mi kọng i ki yi ke men puu a ye. Mi ngye bendi begi abe mi waa. Kigyang-kigyang, ashi be fee he kushia Unim ki sha na be fee ashi. Be ma fee le, ‘Undi angwu u zi lizi abwo ukem he ami, a bel fel linaa ha ami.’#13:18 Agyam 41:9
19“Mi da amen biwọm abin ndọ he itang kanaa-anaa i, le nyọng bi be shi, he men ma bọng le mi yi undi angwu mi yi a. 20Mi da amen kigyang, undi uyang-yang angwu a kpe Unwaa-kisọm angwu mi sọm, ha a kpe-m mi a. Undi uyang-yang angwu a kpe-m, ha a kpe Atyagi angwu a sọm mi be he igye i a.”
21Ujeso a kọng igie anyin puu, lityam li ban he kaang. A kung kọng gboo le, “Mi da amen kigyang, undi ken le he liwu limen i a kam le u ndu ndyeb mi za.”
22Bendi-utung bema be bel ashi shun bende, be fel tyang undi angwu u kọng gbe le he. 23Undi-utung Ujeso angwu ki nyin Ujeso le he kaang ana, a ma yi kwu gwaa ha Ujeso. 24Usaimọn Pita a kung kubwo tyung hwaa le he de-e le, u bii Ujeso undi angwu u kọng igie angina gbe le he.
25He ashina undi-utung ana a die ngie Ujeso kung bii he le, “Ada, ayang a?”
26Ujeso a fan le, “Undi angwu ha na mi ndu tib kahwaa lizi ke-e i.” A nda kubwo kung lizi tib ke Ujudas, unwaa Usaimọn Iskariyọt. 27Nya kukwo-kukwo nyọng Ujudas a nda kubwo kpe lizi ana, Usu bibibi a ngwee he.
Ujeso a kung de-e le, “Ndu shi ashi wo kam le wo sha ana akikye, shi ban kunyọng ye.” 28Ukpọ undi ken ọ ha he kipi be maa zi lizi ana, ki nung he ashi a de-e ana ye. 29Gbe Ujudas na a ma kam abe unde, besuso be maa kọng le Ujeso a sọm he le u le ndyeb biwọm abi nyin be shi kipam a, besuso be gim le ha Ujeso a de-e le u le ke bendi-likaa biwọm ọ. 30Ujudas a kpe lizi ana kpe-kpe, a shul gbe he igye. Ki ma yi le kusu a.
Ujeso a kọng ndọ le Ipita u ba swan he
31Kunyọng Ujudas a shul gbe, Ujeso a kung de bendi-utung bema abe be teng le, “Kunyọng ku fel ahwu bendi be nde ifem igi mi Unwaa undi-gye, be mbee nde ifem Unim gbe ha ami. 32Gbe bendi be nde ifem Unim gbe ha ami Unwaa undi-gye a, Unim ọ, u ba kung mi ndọ he libwo likandi he u tyung bendi ifem igi mi Unwaa undi-gye. Kunyọng ahwu u shi ashin ku fel ọ ma.
33“Bebwaagi, mi ndu tyang amen, kunyọng kugi ku mbee puu. Ukpọ ki yi nya ana mi ma de bekandi Ijuus a. Ma ba shun mi kaa, ma ba wa he kipi mi ndu gye i ye.
34“Uten ufufe angwu mi ke men u yi le, ki nyin amen le bende. Kitaa benyin abe mi yi le be ha amen, na ki yi kpe-kpe le ma kwu le be ha bende. 35Gbe he ashi le ki nyin amen le bende, bendi puu be ngya le ma yi bendi-utung begi a.”
36Usaimọn Pita a kung bii Ujeso le, “Ada, wo gya kung a?”
Ujeso a fan he le, “Kiteng ashi mi gye, kanaa-anaa i ufe, ma gya ha utung ha ami mbee ye. Ukpọ liti li ba le ha angi ma be le hwaa le mi ha.”
37Ipita a bii he le, “Ada, kibang a, mi pwọm a kanaa-anaa i ye? Mi kam le mi hwa he kuhwo kugang.”
38Ujeso a fan he le, “Wo kam kigyang-kigyang a le wo hwa he kuhwo kugi a? Mi da-a kigyang le nyin wo swan kugbe kakie le wo ngye-m ye, ma ukpọng kigia ukwuo ki ha ko.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.