Ujọn 12
12
Umeri a wu Ujeso behwu he Ubetani
(Mat 26:6-13; Mak 14:3-9)
1Nyọng ki ma teng ati adyọng-ken gye he kipam agbele-gyọng, Ujeso a ma tem gye he Ubetani, kipi ashi ushu Ulazọlọs u yi. Ulazọlọs umen i na Ujeso a ma wum le he lihwu. 2Nya likwu-lukwu limen ana be shi Ujeso lizi ngbeb-ngbeb. Umata na a ma kung lizi be ke be. Ulazọlọs a maa za lizi ipel ha baa Ujeso. 3Umeri abe ha, abe le kitityo behwu abe be kaa kate kaang. Be kung ashia angi be ko le Unad agyang angyel a shi behwu bemen abe be nung nyin ana. A kung behwu ana bel wu Ujeso he abee, u bel le igil ima shel he angi. Kinung abe ki sho kpe mbee ushọm puu.
4Undi-utung Ujeso ken, angwu be ko le Ujudas Iskariyọt, angwu a ma fel ndyeb he zi, a kung de le, 5“Behwu abena be wa igaa ikwudi ikie. Nde le hang li kung behwu abena ndyeb zi kung unde angwuna ke bendi-likaa? Be ma kaa kate wu unde angwu undi u shi aki kpe he lize libo” 6Ujudas a ma kọng kazi a, a ma kọng le gbe ki gbee he le bendi-likaa a ye. Ufe na a maa kam ibam unde, u yi za gia sha bima bifọng le he ufaa.
7Ujeso a de-e le, “Tyang he. Ki ma yi le tyang a kam behwu aben ndọ liti angi-ale ugi a. 8Bendi-likaa be yi utung ha amen mbee kunyọng,#12:8 Iten lefee 15:11 ukpọ mi ufe, mi ba kwa utung ha amen mbee kunyọng ye.”
9Nyọng bendi be gyo le Ujeso u yi he Ubetani, bendi kipam be tye kwuo be ha. Ujeso ufe-ufe na be ma kee le be nda ye. Be ma kee le be nda Ulazọlọs angwu Ujeso a wum le he lihwu ọ titi. 10He ashin bekandi bishang Unim be tim le be gwu Ulazọlọs ọ titi, 11likọye he kuhwo kuma bendi Ijuus gbam be maa fel gba tyang abe la bọng ha Ujeso.
Ujeso a be he Ujeruselem na Usu
(Mat 21:1-11; Mak 11:1-11; Luk 19:28-40)
12Ashi a taa, bendi abe be gye kipam agbele-gyọng he Ujeruselem be gyo le Ujeso a ndọ ashi u ba ha he Ujeruselem. 13He ashina be tang akikie kwu he abwo bo, be la kpee le Ujeso. Be maa gyam agyam hwaa tem le,
“Ipee i kwu ke Unim.”
Unim u ke undi angwu u be he lizen Ada ana kukwun.#12:13 Agyam 118:25, 26
“Unim u ke Usu Izwel kukwun.”
14Ujeso a nde ushọm kizaaki, u pwọm ashi nya ana le-iti be ma fee he kushia Unim a. Be fee le,
15“Men bendi Uzayọn, ma shi shel ye,
nde, Usu umen u ba le ha,
u pwọm ushọm kizaaki.”#12:15 Uzakariya 9:9
16He kunyọng ahwu a shi ashin, ki nung bendi-utung bema nya abwo-abwo ye. Ukpọ nyọng ifem Ujeso i tyung gboo le he lifung-atabe na ki ha nung abe. Be ha wel le be ma fee he kushia Unim le ashin ki sha, be mbee wel le kitaa abin puu bi shi.
17Bendi puu abe be ma yi ha nyọng Ujeso a wum Ulazọlọs le he lihwu, be fel bun da bendi ashi be ma nde. 18Bendi gbam be bo le hwaa le Ujeso likọye be gyo gbe le kikwole-kuhwo ashi a shi. 19Nyọng Iferesis i nde na bendi be ti kwuo le hwaa le Ujeso, be de bende le, “Ma nde, aki atyan a fel kididing. Igye puu i tye kwuo pwọm he.”
Ujeso a kọng gbe le lihwu lima
20Bendi Igrik be ma yi he liwu bendi abe be ma gye he Ujeruselem he be be fe Unim ha kipam. 21Igrik ana i le hwaa le Ufilip angwu u be le he kigie Ugalili, ashi be ko le Ubesaida. Be de-e le, “Ukandi, li kee le li nda Ujeso.” 22Ufilip a kung le de Andru gbe le shi, befe le he puu befee, be ha te le de Ujeso gbe le shi.
23Gyo Ujeso le, “Kunyọng ku fel ahwu bendi be fem imi Unwaa undi-gye. 24Mi da amen kigyang, gbe utọng uwit a mbu tyang he itang hwo ye, u ngyọ kitaa u yi, u ba le isuso ye. Ukpọ gbe a mbu tyang he itang hwo, u ha ba le isuso gbam. 25Undi uyang-yang angwu ki nyin he le likpan lima he igye i, u ba nim likpan lima ligyang angyel. Ukpọ angwu ki nyin he le likpan lima he igye i ye, u ba kwa le likpan ligyang angyel ngyọ igye kpam. 26Undi uyang-yang angwu a kọng le u kwa undi aki ugi a, u pwọm mi. Kiteng ashi mi gye, u gya utung ami ha. Undi angwu a be pwọm mi le he u shi-m aki, Atyagi u fem he ufe ọ titi.”
27Ujeso a de le, “Lityam li ngbeb mi ye. Mi ha de le ana a? Mi de Atyagi le u kpe kung kingie ashin le ha ami a? Ki ngbeb na ye, likọye kife kpa-kpa na mi be. 28Ashi mi fel kọng ki yi le, ‘Atyagi, shi ashi ki shi bendi be fem lizen ligang.’ ”
A ha gyo igie le he lifung-atabe le, “Mi tyung ifem igi ma, mi mbee ba tyung angi.” 29Bendi abe be ma yi naa nya, besuso be de le, itaa na i tye, besuso be de le, udengel Unim na a kọng he ahe.
30Ujeso a kung de be le “Igie angina i kọng he kuhwo kugi a ye, i kọng he kuhwo kumen a. 31Kunyọng ku fel ahwu Unim u tang ushe bendi-gye. Kunyọng ku fel ahwu Unim u ndo Usu bibibi usu igye anyin. 32Mi ufe, nyọng be kung mi le he itang ndọ he kusi, kunyọng kumen ana na mi be le bendi puu hwaa le kuhwo-gi.” 33(Ujeso a kọng igie angina le he bendi be ngye kitaa lihwu angi u be hwo a.)
34Bendi abena be de-e le, “Be fee he kushia Iten Unim le, Ukristi u kwa ngyọ igye. Fe, ki shi na a, wo so-i de le be ba kung Unwaa undi-gye ana ndọ he kusi? Ayang u yi Unwaa undi-gye angwu ha?”
35Ujeso a de le, “Kikung-gboo ki fel taa ha amen he kanwaa kunyọng zang a. Na kikung-gboo ki so utung ha amen i, ma ndu tan akikye, le he kifufeb ki gye tel amen he kukwo ye. Undi angwu u tan he kifufeb u ngya he kipi u gye ye. 36Na kikung-gboo ki so utung ha amen i, ma bọng ha a shi, he men ma fel bendi kikung-gboo.” Ujeso a kọng igie anyin puu, a ha buu le ndyel he kipi undi u ngye ye.
Abọng-ale le abọng-ale ye he liwu Ijuus
37Ma na be ma nde bitaa gbam abi Ujeso a shi ọ, be bọng he ahe ye. 38Ashin ki fe sho nya ana Azaya utye-ugie kisọm Unim a ma kọng a. A ma kọng le,
“Ada, ki nya yi le undi angwu a bọng
ha a shi li kọng a?
Ki nya yi le undi angwu a nde shob ikeb igang a?”#12:38 Azaya 53:1
39Bendi abena be ma bọng ha Ujeso mbee ye nya ana Azaya a kọng le,
40“Unim a hwọ abe ashi,
u teb abe atyam,
le he be be nde ye,
he biwọm abin ọ bi nung abe ye,
he be be bel atyam abel hwaa le he le
u kpan abe ye.”#12:40 Azaya 6:9, 10
41Azaya a ma kọng igie anyin le gbe a nde ifem Ujeso, a kọng gbe le ufe a.
42Ma na ọ, bekandi Ijuus gbam be bọng ha Ujeso. Ukpọ be shel na be kọng gboo le be bọng he ahe teng bendi Iferesis be ndo abe le he ushọm ubel angwu be kwu liwu. 43Ki nyin abe befe Ijuus le ipee bendi-gye hwo angi Unim.
44Ujeso a kung gaa kaang kọng le, “Undi uyang-yang angwu a bọng ha ami, a bọng ha ami ufe-ufe a ye, a bọng ha Atyagi angwu a sọm mi be he igye i ọ titi. 45Undi uyang-yang angwu a nde-m, ha a nde Atyagi angwu a sọm mi be he igye i. 46Mi be he igye i na kikung-gboo, le he undi uyang-yang angwu a bọng ha ami he u ngyọ kwu he kifufeb ye.
47“Undi uyang-yang angwu a gyo igie igi, ukpọ a ke ngi ife ye, mi na mi maa ushe uma ye. Mi be he igye i le mi be maa bendi-gye ishe a ye, mi be le mi kpan abe a. 48Ukpọ undi angwu a swan mi, u kpe igie igi ye, u ba naa he ushe he liti angi Unim u tang ushe bendi puu. Igie igi na i be tang libi ke undi umen ana, 49likọye igie angi mi kọng i ba le he ugim ugi a ye. Atyagi angwu a sọm mi be he igye i na u de-m ashi mi kọng. 50Mi ngye le likpan angi li ngyọ igye li ba le he igie Atyagi a. Ashin na ki tan le shi igie angi mi kọng i yi angi a de-m le mi kọng a.”
നിലവിൽ തിരഞ്ഞെടുത്തിരിക്കുന്നു:
Ujọn 12: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 12
12
Umeri a wu Ujeso behwu he Ubetani
(Mat 26:6-13; Mak 14:3-9)
1Nyọng ki ma teng ati adyọng-ken gye he kipam agbele-gyọng, Ujeso a ma tem gye he Ubetani, kipi ashi ushu Ulazọlọs u yi. Ulazọlọs umen i na Ujeso a ma wum le he lihwu. 2Nya likwu-lukwu limen ana be shi Ujeso lizi ngbeb-ngbeb. Umata na a ma kung lizi be ke be. Ulazọlọs a maa za lizi ipel ha baa Ujeso. 3Umeri abe ha, abe le kitityo behwu abe be kaa kate kaang. Be kung ashia angi be ko le Unad agyang angyel a shi behwu bemen abe be nung nyin ana. A kung behwu ana bel wu Ujeso he abee, u bel le igil ima shel he angi. Kinung abe ki sho kpe mbee ushọm puu.
4Undi-utung Ujeso ken, angwu be ko le Ujudas Iskariyọt, angwu a ma fel ndyeb he zi, a kung de le, 5“Behwu abena be wa igaa ikwudi ikie. Nde le hang li kung behwu abena ndyeb zi kung unde angwuna ke bendi-likaa? Be ma kaa kate wu unde angwu undi u shi aki kpe he lize libo” 6Ujudas a ma kọng kazi a, a ma kọng le gbe ki gbee he le bendi-likaa a ye. Ufe na a maa kam ibam unde, u yi za gia sha bima bifọng le he ufaa.
7Ujeso a de-e le, “Tyang he. Ki ma yi le tyang a kam behwu aben ndọ liti angi-ale ugi a. 8Bendi-likaa be yi utung ha amen mbee kunyọng,#12:8 Iten lefee 15:11 ukpọ mi ufe, mi ba kwa utung ha amen mbee kunyọng ye.”
9Nyọng bendi be gyo le Ujeso u yi he Ubetani, bendi kipam be tye kwuo be ha. Ujeso ufe-ufe na be ma kee le be nda ye. Be ma kee le be nda Ulazọlọs angwu Ujeso a wum le he lihwu ọ titi. 10He ashin bekandi bishang Unim be tim le be gwu Ulazọlọs ọ titi, 11likọye he kuhwo kuma bendi Ijuus gbam be maa fel gba tyang abe la bọng ha Ujeso.
Ujeso a be he Ujeruselem na Usu
(Mat 21:1-11; Mak 11:1-11; Luk 19:28-40)
12Ashi a taa, bendi abe be gye kipam agbele-gyọng he Ujeruselem be gyo le Ujeso a ndọ ashi u ba ha he Ujeruselem. 13He ashina be tang akikie kwu he abwo bo, be la kpee le Ujeso. Be maa gyam agyam hwaa tem le,
“Ipee i kwu ke Unim.”
Unim u ke undi angwu u be he lizen Ada ana kukwun.#12:13 Agyam 118:25, 26
“Unim u ke Usu Izwel kukwun.”
14Ujeso a nde ushọm kizaaki, u pwọm ashi nya ana le-iti be ma fee he kushia Unim a. Be fee le,
15“Men bendi Uzayọn, ma shi shel ye,
nde, Usu umen u ba le ha,
u pwọm ushọm kizaaki.”#12:15 Uzakariya 9:9
16He kunyọng ahwu a shi ashin, ki nung bendi-utung bema nya abwo-abwo ye. Ukpọ nyọng ifem Ujeso i tyung gboo le he lifung-atabe na ki ha nung abe. Be ha wel le be ma fee he kushia Unim le ashin ki sha, be mbee wel le kitaa abin puu bi shi.
17Bendi puu abe be ma yi ha nyọng Ujeso a wum Ulazọlọs le he lihwu, be fel bun da bendi ashi be ma nde. 18Bendi gbam be bo le hwaa le Ujeso likọye be gyo gbe le kikwole-kuhwo ashi a shi. 19Nyọng Iferesis i nde na bendi be ti kwuo le hwaa le Ujeso, be de bende le, “Ma nde, aki atyan a fel kididing. Igye puu i tye kwuo pwọm he.”
Ujeso a kọng gbe le lihwu lima
20Bendi Igrik be ma yi he liwu bendi abe be ma gye he Ujeruselem he be be fe Unim ha kipam. 21Igrik ana i le hwaa le Ufilip angwu u be le he kigie Ugalili, ashi be ko le Ubesaida. Be de-e le, “Ukandi, li kee le li nda Ujeso.” 22Ufilip a kung le de Andru gbe le shi, befe le he puu befee, be ha te le de Ujeso gbe le shi.
23Gyo Ujeso le, “Kunyọng ku fel ahwu bendi be fem imi Unwaa undi-gye. 24Mi da amen kigyang, gbe utọng uwit a mbu tyang he itang hwo ye, u ngyọ kitaa u yi, u ba le isuso ye. Ukpọ gbe a mbu tyang he itang hwo, u ha ba le isuso gbam. 25Undi uyang-yang angwu ki nyin he le likpan lima he igye i, u ba nim likpan lima ligyang angyel. Ukpọ angwu ki nyin he le likpan lima he igye i ye, u ba kwa le likpan ligyang angyel ngyọ igye kpam. 26Undi uyang-yang angwu a kọng le u kwa undi aki ugi a, u pwọm mi. Kiteng ashi mi gye, u gya utung ami ha. Undi angwu a be pwọm mi le he u shi-m aki, Atyagi u fem he ufe ọ titi.”
27Ujeso a de le, “Lityam li ngbeb mi ye. Mi ha de le ana a? Mi de Atyagi le u kpe kung kingie ashin le ha ami a? Ki ngbeb na ye, likọye kife kpa-kpa na mi be. 28Ashi mi fel kọng ki yi le, ‘Atyagi, shi ashi ki shi bendi be fem lizen ligang.’ ”
A ha gyo igie le he lifung-atabe le, “Mi tyung ifem igi ma, mi mbee ba tyung angi.” 29Bendi abe be ma yi naa nya, besuso be de le, itaa na i tye, besuso be de le, udengel Unim na a kọng he ahe.
30Ujeso a kung de be le “Igie angina i kọng he kuhwo kugi a ye, i kọng he kuhwo kumen a. 31Kunyọng ku fel ahwu Unim u tang ushe bendi-gye. Kunyọng ku fel ahwu Unim u ndo Usu bibibi usu igye anyin. 32Mi ufe, nyọng be kung mi le he itang ndọ he kusi, kunyọng kumen ana na mi be le bendi puu hwaa le kuhwo-gi.” 33(Ujeso a kọng igie angina le he bendi be ngye kitaa lihwu angi u be hwo a.)
34Bendi abena be de-e le, “Be fee he kushia Iten Unim le, Ukristi u kwa ngyọ igye. Fe, ki shi na a, wo so-i de le be ba kung Unwaa undi-gye ana ndọ he kusi? Ayang u yi Unwaa undi-gye angwu ha?”
35Ujeso a de le, “Kikung-gboo ki fel taa ha amen he kanwaa kunyọng zang a. Na kikung-gboo ki so utung ha amen i, ma ndu tan akikye, le he kifufeb ki gye tel amen he kukwo ye. Undi angwu u tan he kifufeb u ngya he kipi u gye ye. 36Na kikung-gboo ki so utung ha amen i, ma bọng ha a shi, he men ma fel bendi kikung-gboo.” Ujeso a kọng igie anyin puu, a ha buu le ndyel he kipi undi u ngye ye.
Abọng-ale le abọng-ale ye he liwu Ijuus
37Ma na be ma nde bitaa gbam abi Ujeso a shi ọ, be bọng he ahe ye. 38Ashin ki fe sho nya ana Azaya utye-ugie kisọm Unim a ma kọng a. A ma kọng le,
“Ada, ki nya yi le undi angwu a bọng
ha a shi li kọng a?
Ki nya yi le undi angwu a nde shob ikeb igang a?”#12:38 Azaya 53:1
39Bendi abena be ma bọng ha Ujeso mbee ye nya ana Azaya a kọng le,
40“Unim a hwọ abe ashi,
u teb abe atyam,
le he be be nde ye,
he biwọm abin ọ bi nung abe ye,
he be be bel atyam abel hwaa le he le
u kpan abe ye.”#12:40 Azaya 6:9, 10
41Azaya a ma kọng igie anyin le gbe a nde ifem Ujeso, a kọng gbe le ufe a.
42Ma na ọ, bekandi Ijuus gbam be bọng ha Ujeso. Ukpọ be shel na be kọng gboo le be bọng he ahe teng bendi Iferesis be ndo abe le he ushọm ubel angwu be kwu liwu. 43Ki nyin abe befe Ijuus le ipee bendi-gye hwo angi Unim.
44Ujeso a kung gaa kaang kọng le, “Undi uyang-yang angwu a bọng ha ami, a bọng ha ami ufe-ufe a ye, a bọng ha Atyagi angwu a sọm mi be he igye i ọ titi. 45Undi uyang-yang angwu a nde-m, ha a nde Atyagi angwu a sọm mi be he igye i. 46Mi be he igye i na kikung-gboo, le he undi uyang-yang angwu a bọng ha ami he u ngyọ kwu he kifufeb ye.
47“Undi uyang-yang angwu a gyo igie igi, ukpọ a ke ngi ife ye, mi na mi maa ushe uma ye. Mi be he igye i le mi be maa bendi-gye ishe a ye, mi be le mi kpan abe a. 48Ukpọ undi angwu a swan mi, u kpe igie igi ye, u ba naa he ushe he liti angi Unim u tang ushe bendi puu. Igie igi na i be tang libi ke undi umen ana, 49likọye igie angi mi kọng i ba le he ugim ugi a ye. Atyagi angwu a sọm mi be he igye i na u de-m ashi mi kọng. 50Mi ngye le likpan angi li ngyọ igye li ba le he igie Atyagi a. Ashin na ki tan le shi igie angi mi kọng i yi angi a de-m le mi kọng a.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.