Ujọn 11
11
Lihwu Ulazọlọs
1Ki ma yi le ungikye ususo angwu be maa ko le Ulazọlọs, a ma yi gogo ye. A maa ba le he kubọng Ubetani, kubọng Umeri le unwaa-nam ungingye Umata. 2Umeri umen i na le-iti a ma kung behwu benunung wu Ada he abee, u bel le igil ima shel he angi. Unwaa-nde Ulazọlọs na li kọng le a ma yi gogo ye. 3He ashin bebwaa-nde be sọm kisọm hwaa le Ujeso le, “Ada, udim-gang lityam u yi gogo ye.”
4Nyọng Ujeso a gyo kisọm ashin, a de le, “Lingbam anyin li yi angi lihwu a ye, li mbu-e le he bendi be nde ikeb Unim, be kung ipee ke Unwaa Unim he kuhwo angi a.” 5Ki ma nyin Ujeso le Umata le unwaa-nde Umeri le Ulazọlọs. 6Nyọng a gyo le Ulazọlọs u yi gogo ye, a ngyọ kwu ha kiteng kimen ana ati afee. 7A ha de bendi-utung bema le, “Ma li tem gye he Ujudia.”
8Be kung fan he le, “Itisha ukandi, nde le nyin ingyesu-ingyesu i na bendi Ijuus be ma kaa le be maa akọ gwa-a le ha, fe wo de le wo tem gya ha a?”
9Ujeso a fan abe le, “Ki kwa gboo kung le-iti gyeb likwu-lukwu. He kunyọng kumen i, gbe undi u tan litan, u tya abee fa he kiwọm ye, likọye kikung-gboo ashi igye anyin ki yi he ahe. 10Ukpọ undi angwu u tan le kifufeb na u tye fe, likọye kikung-gboo ki yi he ahe ye.”
11Nyọng a kọng ashina, a mbee kọng le, “Udim-utyan Ulazọlọs a mbu kunde, ukpọ mi ndu gya ha, mi le wum he.”
12Bendi-utung bema be de-e le, “Ada, gbe a mbu kunde a, ha ki ndu die he.” 13Ukpọ Ujeso a maa kọng ashi le Ulazọlọs a hwo a, befe be maa kọng le a mbu kunde kugyang a.
14Ujeso a ha tem le igie angina kọng gboo le, “Ulazọlọs a hwo. 15He kuhwo kumen mi yi le igọ le mi ma yi ha ye, likọye biwọm abin bi shi le he men ma bọng ha ami a. Ma bo, li gye le nde-e.”
16Utọmas (angwu be mbee ko le Begbe#11:16 Utọmas (he igie Aramaic) le Udidimus(he igie Igrik) azen anyin puu aze lebegbe) a de bendema le, “Ma be, li te utung he ahe, he bel puu li le hwo kugbe ken utung he ahe.”
Ujeso a kwu bebwaa-nam Ulazọlọs kuhwo
17Ujeso a le wu ha, be de-e le be ngi Ulazọlọs ki fel ati ande ma. 18Kung le he Ujeruselem gye he Ubetani ki yi le kigbe ye, ki wu imail ifee ye. 19Ijuus gbam i ma gye Umata befe le Umeri lihwu. 20Nyọng Umata a gyo le Ujeso u ba le ha, a bo le kpee le he le he kukwo, ukpọ Umeri a ngyọ kwu ha he ushọm.
21Umata a kung de Ujeso le, “Ada, wo be kwu nyin, hang unwaa-ndagi a hwo ye. 22Ukpọ mi ngye le ma na a hwo ma ọ, Unim u ka-a kiyang-yang ashi wo bii he.”
23Ujeso a de-e le, “Unwaa-na u wum le he lihwu.”
24Umata a de-e le, “Mi ngye le u ba wum le he lihwu nyọng bendi puu be be wum he liti angi igye anyin i be mbee.”
25Ujeso a de-e le, “Mi na mi wum bendi le he lihwu, ke be likpan. Undi uyang-yang angwu a bọng ha ami, ma u hwo ọ, u tem kwa uwum ngyọ igye kpam. 26Undi angwu a bọng ha ami, u shi le likpan anyin, u tem hwa ye ngyọ igye kpam. Wo bọng igie anyin a?”
27A fan Ujeso le, “Ada, mi bọng. Mi bọng le wo yi Ukristi, Unwaa Unim angwu Unim a sọm be he igye anyin a.”
28Umata a kọng ashin puu, a ha tem le nyia de unwaa-nde Umeri le, “Itisha a fel i, a le wo te.” 29Umeri a gyo igie anyin gyo-gyo, a tie bo buu gbe gye he kipi Ujeso u yi. 30Ujeso a ma wa wu he ahe ushu ye. A ma so le he kukwo he kipi Umata a ma kpee le he. 31Bendi abe be ma sho ha he ushọm be tie le Umeri, be nde na a tie bo tang he igye, be pwọm he, likọye be maa kọng le u gya he likwun Ulazọlọs he u le kii a.
32Umeri a le wu ha, nyọng a bel ashi nde Ujeso, a gyeb shi he itang, kung de-e le, “Ada, wo be kwu nyin, hang unwaa-ndagi a hwo ye.”
33Nyọng Ujeso a nde na Umeri u kii, u nde na bendi abe be te utung ha Umeri be kii, ki ban he he lityam kaang. 34A kung bii abe le, “Ma ngi-e kung a?”
Be de-e le, “Ada, be nde.”
35Ujeso a kii.
36Ijuus i de le, “Nde na ki ma nyin he le he kikekee!”
37Besuso be de le, “Nde le ufe na a ma shi uhwọ-ashi u fel nde? Fe, ki shi na a, a ma tyang ungikye umen i le u hwo?”
Ujeso a wum Ulazọlọs le he lihwu
38Ki mbee ban Ujeso he lityam kaang. A kung gbe gye he likwun Ulazọlọs angi li ma yi ubung a, le kukọ kukandi shi he ungwu angi. 39Ujeso a de be le, “Ma kung kukọ le ha.”
Umata, unwaa-nam Ulazọlọs angwu a hwo ana, a de-e le, “Ada, kikpọng likwọm nyin ki go gba gyọng, likọye be ngi-e ki fel ati ande.”
40Ujeso a de-e le, “Mi be da-a kigyang a le, gbe wo bọng ha ami, wo nda ifem Unim ye a?”
41Be mung kukọ le ha likwun. Ujeso a nde ashi gye he kusi kung kọng le, “Atyagi, mi pee a na wo gyo mi. 42Mi ngye le wo gyo mi mbee kunyọng. Mi fel kọng ashin le he bendi abe be sho i be bọng le wo na wo sọm mi be he igye anyin a.”
43Nyọng a kọng ha Unim ki mbee puu, a kung gaa kaang le, “Ulazọlọs! Bo be he igye!” 44Nya kukwo-kukwo, Ulazọlọs angwu a ma hwo ana a bo be he igye. Bihwọm bi ma yi nii he he abwo le abee le lishi.
Ujeso a de be le, “Ma pel he abi he u gye.”
Itim le be gwu Ujeso
(Mat 26:1-5; Mak 14:1-2; Luk 22:1-2)
45Bendi Ijuus abe be ma yi utung ha Umeri be nde ashi Ujeso a shi, be bọng he ahe gbam. 46Ukpọ besuso be gbe le ha le bun de bendi Iferesis ashi Ujeso a shi. 47Nyọng be gyo ashi, Iferesis le bekandi bishang Unim be ko liwu bekandi puu.
Nyọng be kpee ukem, be bii bende le, “Li ha sha na a? Ungikye angwun u so-i sha bitaa gya kushu. 48Gbe li tyang he le u gye kushu shi biwọm abin, ha bendi puu be ba bọng he ahe. Ashin ki ze le bendi Urom be ba ban li Ushọm Unim, be mbee ban li kubọng puu.”
49Undi ususo a ma yi ha, be maa ko he le Ukaifas. Ufe na a ma yi Usu bekandi bishang Unim ha he lize limen ana. A bo kinaa de be le, “Ma ngye kiwọm ye gbang! 50Ki wa nung amen le ki yi ngbeb-ngbeb le undi ken u hwo he lishi bendi puu hwo ashi le kubọng kubo-kubo ku nim ye a?”
51Ufe-gyang na a gim igie angina kọng ye, i be le ha Unim a, gbe ufe na a ma yi Usu bekandi bishang Unim ha he lize limen ana. A ma de bendi kiwọm ashi ki shi, ashi ki yi le Ujeso u hwa he lishi Ijuus puu. 52Ki yi le u hwa ka Ijuus ife-ife a ye, u hwa ka bendi Unim puu he u be le be le he biteng puu abi be paa wu, be gbọng abe ukem. 53He kuhwo igie Ukaifas, kpi kung le ha liti limen ana, bekandi Ijuus be maa fel kee kukwo ahwu be gwu Ujeso.
54He ashina Ujeso a tem tan ha he Ujudia gboo ye. A bo gbe le ha he Ujudia gye he kubọng ahwu be ko le Efrem. Ku ma yi kanwaa kubọng gwaa he ugbaa-libeb. Ujeso a fel kwu ha le bendi-utung bema.
55Kunyọng ahwu Ijuus i shi kipam agbele-gyọng kuma fel kpee-kpee. Bendi be ma bo mbee biteng puu ha ufam ubel gye he Ujeruselem. Be maa ta he be le shi itel ato-ale kuhwobel be fel betaa-betaa, ma ukpọng kipam ki ha fel. 56Be ma shun Ujeso. Nyọng be gbọng ukem he Ushọm Unim, be bii bende le, “Ma gim le ana a? U nya ba kipam ashin ye a?” 57Bekandi bishang Unim le bendi Iferesis be ma ke uten le, undi angwu a nde he kipi Ujeso u yi, u be de be he be le kwu-e.
നിലവിൽ തിരഞ്ഞെടുത്തിരിക്കുന്നു:
Ujọn 11: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Ujọn 11
11
Lihwu Ulazọlọs
1Ki ma yi le ungikye ususo angwu be maa ko le Ulazọlọs, a ma yi gogo ye. A maa ba le he kubọng Ubetani, kubọng Umeri le unwaa-nam ungingye Umata. 2Umeri umen i na le-iti a ma kung behwu benunung wu Ada he abee, u bel le igil ima shel he angi. Unwaa-nde Ulazọlọs na li kọng le a ma yi gogo ye. 3He ashin bebwaa-nde be sọm kisọm hwaa le Ujeso le, “Ada, udim-gang lityam u yi gogo ye.”
4Nyọng Ujeso a gyo kisọm ashin, a de le, “Lingbam anyin li yi angi lihwu a ye, li mbu-e le he bendi be nde ikeb Unim, be kung ipee ke Unwaa Unim he kuhwo angi a.” 5Ki ma nyin Ujeso le Umata le unwaa-nde Umeri le Ulazọlọs. 6Nyọng a gyo le Ulazọlọs u yi gogo ye, a ngyọ kwu ha kiteng kimen ana ati afee. 7A ha de bendi-utung bema le, “Ma li tem gye he Ujudia.”
8Be kung fan he le, “Itisha ukandi, nde le nyin ingyesu-ingyesu i na bendi Ijuus be ma kaa le be maa akọ gwa-a le ha, fe wo de le wo tem gya ha a?”
9Ujeso a fan abe le, “Ki kwa gboo kung le-iti gyeb likwu-lukwu. He kunyọng kumen i, gbe undi u tan litan, u tya abee fa he kiwọm ye, likọye kikung-gboo ashi igye anyin ki yi he ahe. 10Ukpọ undi angwu u tan le kifufeb na u tye fe, likọye kikung-gboo ki yi he ahe ye.”
11Nyọng a kọng ashina, a mbee kọng le, “Udim-utyan Ulazọlọs a mbu kunde, ukpọ mi ndu gya ha, mi le wum he.”
12Bendi-utung bema be de-e le, “Ada, gbe a mbu kunde a, ha ki ndu die he.” 13Ukpọ Ujeso a maa kọng ashi le Ulazọlọs a hwo a, befe be maa kọng le a mbu kunde kugyang a.
14Ujeso a ha tem le igie angina kọng gboo le, “Ulazọlọs a hwo. 15He kuhwo kumen mi yi le igọ le mi ma yi ha ye, likọye biwọm abin bi shi le he men ma bọng ha ami a. Ma bo, li gye le nde-e.”
16Utọmas (angwu be mbee ko le Begbe#11:16 Utọmas (he igie Aramaic) le Udidimus(he igie Igrik) azen anyin puu aze lebegbe) a de bendema le, “Ma be, li te utung he ahe, he bel puu li le hwo kugbe ken utung he ahe.”
Ujeso a kwu bebwaa-nam Ulazọlọs kuhwo
17Ujeso a le wu ha, be de-e le be ngi Ulazọlọs ki fel ati ande ma. 18Kung le he Ujeruselem gye he Ubetani ki yi le kigbe ye, ki wu imail ifee ye. 19Ijuus gbam i ma gye Umata befe le Umeri lihwu. 20Nyọng Umata a gyo le Ujeso u ba le ha, a bo le kpee le he le he kukwo, ukpọ Umeri a ngyọ kwu ha he ushọm.
21Umata a kung de Ujeso le, “Ada, wo be kwu nyin, hang unwaa-ndagi a hwo ye. 22Ukpọ mi ngye le ma na a hwo ma ọ, Unim u ka-a kiyang-yang ashi wo bii he.”
23Ujeso a de-e le, “Unwaa-na u wum le he lihwu.”
24Umata a de-e le, “Mi ngye le u ba wum le he lihwu nyọng bendi puu be be wum he liti angi igye anyin i be mbee.”
25Ujeso a de-e le, “Mi na mi wum bendi le he lihwu, ke be likpan. Undi uyang-yang angwu a bọng ha ami, ma u hwo ọ, u tem kwa uwum ngyọ igye kpam. 26Undi angwu a bọng ha ami, u shi le likpan anyin, u tem hwa ye ngyọ igye kpam. Wo bọng igie anyin a?”
27A fan Ujeso le, “Ada, mi bọng. Mi bọng le wo yi Ukristi, Unwaa Unim angwu Unim a sọm be he igye anyin a.”
28Umata a kọng ashin puu, a ha tem le nyia de unwaa-nde Umeri le, “Itisha a fel i, a le wo te.” 29Umeri a gyo igie anyin gyo-gyo, a tie bo buu gbe gye he kipi Ujeso u yi. 30Ujeso a ma wa wu he ahe ushu ye. A ma so le he kukwo he kipi Umata a ma kpee le he. 31Bendi abe be ma sho ha he ushọm be tie le Umeri, be nde na a tie bo tang he igye, be pwọm he, likọye be maa kọng le u gya he likwun Ulazọlọs he u le kii a.
32Umeri a le wu ha, nyọng a bel ashi nde Ujeso, a gyeb shi he itang, kung de-e le, “Ada, wo be kwu nyin, hang unwaa-ndagi a hwo ye.”
33Nyọng Ujeso a nde na Umeri u kii, u nde na bendi abe be te utung ha Umeri be kii, ki ban he he lityam kaang. 34A kung bii abe le, “Ma ngi-e kung a?”
Be de-e le, “Ada, be nde.”
35Ujeso a kii.
36Ijuus i de le, “Nde na ki ma nyin he le he kikekee!”
37Besuso be de le, “Nde le ufe na a ma shi uhwọ-ashi u fel nde? Fe, ki shi na a, a ma tyang ungikye umen i le u hwo?”
Ujeso a wum Ulazọlọs le he lihwu
38Ki mbee ban Ujeso he lityam kaang. A kung gbe gye he likwun Ulazọlọs angi li ma yi ubung a, le kukọ kukandi shi he ungwu angi. 39Ujeso a de be le, “Ma kung kukọ le ha.”
Umata, unwaa-nam Ulazọlọs angwu a hwo ana, a de-e le, “Ada, kikpọng likwọm nyin ki go gba gyọng, likọye be ngi-e ki fel ati ande.”
40Ujeso a de-e le, “Mi be da-a kigyang a le, gbe wo bọng ha ami, wo nda ifem Unim ye a?”
41Be mung kukọ le ha likwun. Ujeso a nde ashi gye he kusi kung kọng le, “Atyagi, mi pee a na wo gyo mi. 42Mi ngye le wo gyo mi mbee kunyọng. Mi fel kọng ashin le he bendi abe be sho i be bọng le wo na wo sọm mi be he igye anyin a.”
43Nyọng a kọng ha Unim ki mbee puu, a kung gaa kaang le, “Ulazọlọs! Bo be he igye!” 44Nya kukwo-kukwo, Ulazọlọs angwu a ma hwo ana a bo be he igye. Bihwọm bi ma yi nii he he abwo le abee le lishi.
Ujeso a de be le, “Ma pel he abi he u gye.”
Itim le be gwu Ujeso
(Mat 26:1-5; Mak 14:1-2; Luk 22:1-2)
45Bendi Ijuus abe be ma yi utung ha Umeri be nde ashi Ujeso a shi, be bọng he ahe gbam. 46Ukpọ besuso be gbe le ha le bun de bendi Iferesis ashi Ujeso a shi. 47Nyọng be gyo ashi, Iferesis le bekandi bishang Unim be ko liwu bekandi puu.
Nyọng be kpee ukem, be bii bende le, “Li ha sha na a? Ungikye angwun u so-i sha bitaa gya kushu. 48Gbe li tyang he le u gye kushu shi biwọm abin, ha bendi puu be ba bọng he ahe. Ashin ki ze le bendi Urom be ba ban li Ushọm Unim, be mbee ban li kubọng puu.”
49Undi ususo a ma yi ha, be maa ko he le Ukaifas. Ufe na a ma yi Usu bekandi bishang Unim ha he lize limen ana. A bo kinaa de be le, “Ma ngye kiwọm ye gbang! 50Ki wa nung amen le ki yi ngbeb-ngbeb le undi ken u hwo he lishi bendi puu hwo ashi le kubọng kubo-kubo ku nim ye a?”
51Ufe-gyang na a gim igie angina kọng ye, i be le ha Unim a, gbe ufe na a ma yi Usu bekandi bishang Unim ha he lize limen ana. A ma de bendi kiwọm ashi ki shi, ashi ki yi le Ujeso u hwa he lishi Ijuus puu. 52Ki yi le u hwa ka Ijuus ife-ife a ye, u hwa ka bendi Unim puu he u be le be le he biteng puu abi be paa wu, be gbọng abe ukem. 53He kuhwo igie Ukaifas, kpi kung le ha liti limen ana, bekandi Ijuus be maa fel kee kukwo ahwu be gwu Ujeso.
54He ashina Ujeso a tem tan ha he Ujudia gboo ye. A bo gbe le ha he Ujudia gye he kubọng ahwu be ko le Efrem. Ku ma yi kanwaa kubọng gwaa he ugbaa-libeb. Ujeso a fel kwu ha le bendi-utung bema.
55Kunyọng ahwu Ijuus i shi kipam agbele-gyọng kuma fel kpee-kpee. Bendi be ma bo mbee biteng puu ha ufam ubel gye he Ujeruselem. Be maa ta he be le shi itel ato-ale kuhwobel be fel betaa-betaa, ma ukpọng kipam ki ha fel. 56Be ma shun Ujeso. Nyọng be gbọng ukem he Ushọm Unim, be bii bende le, “Ma gim le ana a? U nya ba kipam ashin ye a?” 57Bekandi bishang Unim le bendi Iferesis be ma ke uten le, undi angwu a nde he kipi Ujeso u yi, u be de be he be le kwu-e.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.