Aki 6
6
Be waa bendi bedyọng-ifee a be be nde gbe le liwu
1Ha he kunyọng kumen ahwu kugii bendi abe be pwọm Ujeso ku ma kaa ana, Ijuus angi i kọng igie Igrik i ma fel nem fa Ijuus angi i kọng igie ibel Ihibru, le be nyim bengye-uhwuu bebel lizi liti liyang-yang he kunyọng ahwu be hwọ azi. 2Bebwaa-kisọm Ujeso abe lihwo le be befee be ko liwu bendi abọng-ale be he kiteng ken de be le, “Ki ngbeb le li mọ igie Unim abun-ale fel ke azi ye. 3Bebuye, ma waa bendi bedyọng-ifee le he liwu limen abe ma ngye le be yi gelalala, be shi le Ukatia kunyọng Unim, be bilishi, he li kung aki amen anyin ke be. 4Bel li kung kunyọng ke akọng-ale ha Unim, le aki abun-ale igie ima.”
5Ugim angwun a ma ngbeb liwu angina. Be waa Ustiven angwu a bọng ha Ujeso kaang, u shi le Ukatia Kunyọng, be mbee waa Ufilip, Uprokorus, Unikanọ, Utimọn, Uparmenas, le Unikolas ungikye Antiyọk. A ma yi ugaa-ndi angwu a bel fel undi angwu u pwọm Unim nya ana Ijuus i shi. 6Be be le bendi aben hwaa le bebwaa-kisọm Ujeso. Be kọng ha Unim, be pwọm abe abwo.
7Be ma gye kushu bun igie Unim mbee bipi puu. Kugii bendi abe be pwọm Ujeso he Ujeruselem ku ma gboo kaang, bendi gbam abe be shang Unim be bọng ha kisọm ashina.
Be kwu Ustiven
8Ustiven angwu Unim a ma ke-e beshi le ikeb, a maa sha bikwole-kuhwo abi bi tyung ikeb Unim he liwu bendi. 9Bendi besuso be ma yi kwu he ushọm Unim angwu be kwu liwu angwu be maa ko le Ushọm bendi abe be fel pọ. Bendi bemen i be ma yi Ijuus angi i be le he kubọng Usairen le Alezandria a. Befe le bendi Ijuus besuso abe be ma be le he Usilisia le Eshia be ma keb be fa ifung ha Ustiven. 10Be fung hwo-e ye, likọye Ukatia Kunyọng a ke-e lishi-abyele.
11Le ha ana, be ma ndyeb abwo le bendi, le be de le be gyo he a kọng bia Umosis le Unim.
12Ashin ki shi bendi abe be ma yi sho ha le bekandi kubọng le bitisha Iten be fel he ingyo. Be kwu-e le ke bikem ukoto. 13Be be le bendi le be be be iman fe-e. Be de le, “Ungikye angwun u kọng ban Ushọm angwu li ndọ tata ke Unim, u kọng ban Iten Umosis. 14Li gyo he a de le, Ujeso umen angwu Unazaret i u ba gyeb Ushọm Unim utyan waa he itang, u gie li akpe angi Umosis a hwọ li.”
15Bikem ukoto puu abi bi ma yi sho ha, be nde kushu Ustiven ku fel taa na ahwu udengel Unim na.
നിലവിൽ തിരഞ്ഞെടുത്തിരിക്കുന്നു:
Aki 6: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
