Aki 26
26
1Agripa a kung de Upọl le, “Wo fel le libwo le wo maa ushe ugang.” Upọl a yọ kubwo kuma kọng le usu, a keb akọng-ale le, 2“Usu Agripa, mi nde le mi zi kufe a na mi naa he ashi agang, mi maa ushe he biwọm bibibi puu abi Ijuus i de le mi shi. 3Le gbe wo ngye dang gbe le akpe Ijuus le ifung ibel, mi tim-a anung le wo mbu kuhwo dang kutyung gyo mi.
4“Bendi Ijuus puu be ngye na mi ma yi kung le ha he kisun kigi. Be ngye le mi kwu he kubọng kugi le he Ujeruselem a kung le he ukpi-kikwu. 5Befe-gyang be ngye le mi ma yi he likwu Iferesis angi li ndọ Iten kindee-kindee a. Gbe ki yi le be bọng ibọng, befe-gyang ọ be da-a gba le shi. 6Mi naa i le ma maa mi ushe, le gbe mi ndọ lishi ha ukyeb angwu Unim a ma ke betie-tyan le u wum bendi le he lihwu a. 7Ukyeb umen i na bendi puu he ashi atyan lihwo le ngi afee be ndọ lishi le be kpa nya ana be fe Unim ishu ọ, kusu ọ. Usu, Ijuus i kọng abin puu fa-m, le gbe mi ndọ lishi ha ukyeb umen i a. 8Ki shi na a, men Ijuus, ma bọng le Unim u wum bendi le he lihwu ye?
9“Mi ọ titi mi ma kọng le ki yi kpe-kpe le mi kaa he kukwo kuyang-ayang le mi shi ban lizen Ujeso angwu Unazaret. 10Kife na mi ma shi he Ujeruselem. Mi ma kpe ikeb le ha bekandi bishang Unim le kwu bendi gbam abe be bọng ha Ujeso fe he igaadye. He kunyọng ahwu be ma de le be gwu abe, mi ma bọng utung ha abe. 11Kunyọng gbam mi maa ka abe kingie he ishọm Unim angi be kwu awu mbee kunyọng kpam. Mi kaa le mi shi abe be kọng bia Ujeso. Mi maa ngyua fa abe kindee-kindee le mi maa gya he abọng bendi besuso ọ la tan kee abe mi gwu.”
12“He kunyọng ken, he atan amen i, mi maa gya he Udamaskọs nyọng mi kpe ikeb le ha bekandi Bishang Unim. 13Usu Agripa, nyọng ki maa ndu fel he libwee kudyan lishi, mi ma yi he ugba-akwo, mi nde kinde le he lifung-atabe ashi ki ma taa hwo libwee, ki taa kel-kel fe-m le bendi-utung begi. 14Bel puu li mbu shi he itang. Mi gyo igie i kọng ha ami he igie Aramaik le, ‘Usọl, Usọl! Kibang a, wo teb le mi? Wo do kuhwo-gang a gba he kingie ashi wo ke-m na kigundu ashi ki tye kubee fe he unwaa ukwan undi angwu u yi le shi na.’
15“Mi kung bii le, ‘Ada, wo ayang a?’
“Ada Ujeso a kung de-m le, ‘Mi Ujeso angwu wo teb le mi a. 16Bo kinaa. Mi be hwaa le wo mi waa kung a he wo shi aki ke-m. Ki yi le wo de bendi biwọm abi wo nde le ha ami kunyin le abi mi mbee be tyung a. 17Mi ba sọm a hwaa le bendi abe be yi Ijuus a ye, mi be kpa-a tyang le he abwo abel, befe le bendi Izwel. 18Ki yi le wo be buu abe ashi, wo shi abe be bel le he kifufeb be he kikung-gboo, be bel le he ikeb Usu bibibi be hwaa le Unim he u tyang biban bibel ke be gbe he abọng-ale ha ami, he be kwu le kiteng he liwu bendi abe Unim a waa ndọ tata ke kuhwo-ma.’ ”
19Upọl a gye kushu kọng le, “Usu Agripa, mi ma kpo lishi fe itam ashinyọng angi i be le he lifung-atabe ana ye. 20Mi bun igie Unim de bendi puu le be bel atyam le he biban, be hwaa le Unim, be shi biwọm abi bi tyung le be bel atyam le he biban. Mi kpi kimen ashin he Udamaskọs le Ujeruselem, mi ha gye mbee kubọng Ujudia puu le abọng bendi abe be yi Ijuus a ye. 21Kife na ki ma yi atan-lengi angwu Ijuus i ma kwu-m he Ushọm Unim le be gwa. 22Ukpọ Unim a kpel mi kung le ha kpam be wu he liti angi kunyin i he mi bun kisọm de bendi puu, bekandi ọ, bebwaa-ni ọ. Kiwọm ashi bitye-ugie kisọm Unim le Umosis be ma de le ki ba sha na mi kọng i. Be ma de le, 23‘Ki yi kpe-kpe le Ujeso Kristi, Undi-likpan, u be kpe kingie hwo, u kwu ukpi-kikwu undi angwu u wum le he lihwu he u de Ijuus ọ, bendi abe be yi Ijuus a ye ọ, gbe le kikung-gboo ashi likpan kunyọng.’ ”
24Nya ana Upọl a maa maa ushe uma, Ufestus a kọng ikaa-ikaa le, “Upọl, wo fel ngyọ lityo. Lingye ligang li sha-a wo fel ngyọ lityo.”
25Upọl a kung de-e le, “Ukandi Ufestus angwu a gbe-gyọng, mi ngyọ lityo a ye. Igie angi mi kọng i i yi kigyang a, i yi inyin a ye. 26Usu Agripa, mi kọng ha awo pọ likọye wo ngye gbe le biwọm bimen i. Mi ngye dang le wo kwu ashi abi puu likọye biwọm bimen i bi ma shi he kundyel a ye. 27Usu Agripa, wo bọng ashi bitye-ugie kisọm Unim be fee a? Mi ngye le wo bọng.”
28Usu Agripa a kung bii Upọl le, “Wo kọng le wo sha-m mi fel undi abọng-ale ha Unim he kanwaa kunyọng aken a?”
29Upọl a de-e le, “Mi kọng ha Unim le ma he kanwaa kunyọng zang ọ, ma ki kung kigbe ọ, men le bendi puu a be ma gyo mi i ma fel na mi yi, fem ashi le be fem ashishi-likaa he igaadye tyang!”
30Usu Agripa, Ufaa-ukwob Ufestus, Ubenis, le abe be teng puu be bo kinaa gbe he igye. 31Nyọng be fem he igye, be fel da bende le, “Ungikye angwun a shi kiwọm ashi ki kpe le be gwu-e ọ, nyọng be fe-e he igaadye ọ ye.”
32Usu Agripa a de Ufestus le, “Ungikye angwun u kpo ushe gye he kipi Usu ukandi Urom ye, hang wo tyang he abwo.”
നിലവിൽ തിരഞ്ഞെടുത്തിരിക്കുന്നു:
Aki 26: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Aki 26
26
1Agripa a kung de Upọl le, “Wo fel le libwo le wo maa ushe ugang.” Upọl a yọ kubwo kuma kọng le usu, a keb akọng-ale le, 2“Usu Agripa, mi nde le mi zi kufe a na mi naa he ashi agang, mi maa ushe he biwọm bibibi puu abi Ijuus i de le mi shi. 3Le gbe wo ngye dang gbe le akpe Ijuus le ifung ibel, mi tim-a anung le wo mbu kuhwo dang kutyung gyo mi.
4“Bendi Ijuus puu be ngye na mi ma yi kung le ha he kisun kigi. Be ngye le mi kwu he kubọng kugi le he Ujeruselem a kung le he ukpi-kikwu. 5Befe-gyang be ngye le mi ma yi he likwu Iferesis angi li ndọ Iten kindee-kindee a. Gbe ki yi le be bọng ibọng, befe-gyang ọ be da-a gba le shi. 6Mi naa i le ma maa mi ushe, le gbe mi ndọ lishi ha ukyeb angwu Unim a ma ke betie-tyan le u wum bendi le he lihwu a. 7Ukyeb umen i na bendi puu he ashi atyan lihwo le ngi afee be ndọ lishi le be kpa nya ana be fe Unim ishu ọ, kusu ọ. Usu, Ijuus i kọng abin puu fa-m, le gbe mi ndọ lishi ha ukyeb umen i a. 8Ki shi na a, men Ijuus, ma bọng le Unim u wum bendi le he lihwu ye?
9“Mi ọ titi mi ma kọng le ki yi kpe-kpe le mi kaa he kukwo kuyang-ayang le mi shi ban lizen Ujeso angwu Unazaret. 10Kife na mi ma shi he Ujeruselem. Mi ma kpe ikeb le ha bekandi bishang Unim le kwu bendi gbam abe be bọng ha Ujeso fe he igaadye. He kunyọng ahwu be ma de le be gwu abe, mi ma bọng utung ha abe. 11Kunyọng gbam mi maa ka abe kingie he ishọm Unim angi be kwu awu mbee kunyọng kpam. Mi kaa le mi shi abe be kọng bia Ujeso. Mi maa ngyua fa abe kindee-kindee le mi maa gya he abọng bendi besuso ọ la tan kee abe mi gwu.”
12“He kunyọng ken, he atan amen i, mi maa gya he Udamaskọs nyọng mi kpe ikeb le ha bekandi Bishang Unim. 13Usu Agripa, nyọng ki maa ndu fel he libwee kudyan lishi, mi ma yi he ugba-akwo, mi nde kinde le he lifung-atabe ashi ki ma taa hwo libwee, ki taa kel-kel fe-m le bendi-utung begi. 14Bel puu li mbu shi he itang. Mi gyo igie i kọng ha ami he igie Aramaik le, ‘Usọl, Usọl! Kibang a, wo teb le mi? Wo do kuhwo-gang a gba he kingie ashi wo ke-m na kigundu ashi ki tye kubee fe he unwaa ukwan undi angwu u yi le shi na.’
15“Mi kung bii le, ‘Ada, wo ayang a?’
“Ada Ujeso a kung de-m le, ‘Mi Ujeso angwu wo teb le mi a. 16Bo kinaa. Mi be hwaa le wo mi waa kung a he wo shi aki ke-m. Ki yi le wo de bendi biwọm abi wo nde le ha ami kunyin le abi mi mbee be tyung a. 17Mi ba sọm a hwaa le bendi abe be yi Ijuus a ye, mi be kpa-a tyang le he abwo abel, befe le bendi Izwel. 18Ki yi le wo be buu abe ashi, wo shi abe be bel le he kifufeb be he kikung-gboo, be bel le he ikeb Usu bibibi be hwaa le Unim he u tyang biban bibel ke be gbe he abọng-ale ha ami, he be kwu le kiteng he liwu bendi abe Unim a waa ndọ tata ke kuhwo-ma.’ ”
19Upọl a gye kushu kọng le, “Usu Agripa, mi ma kpo lishi fe itam ashinyọng angi i be le he lifung-atabe ana ye. 20Mi bun igie Unim de bendi puu le be bel atyam le he biban, be hwaa le Unim, be shi biwọm abi bi tyung le be bel atyam le he biban. Mi kpi kimen ashin he Udamaskọs le Ujeruselem, mi ha gye mbee kubọng Ujudia puu le abọng bendi abe be yi Ijuus a ye. 21Kife na ki ma yi atan-lengi angwu Ijuus i ma kwu-m he Ushọm Unim le be gwa. 22Ukpọ Unim a kpel mi kung le ha kpam be wu he liti angi kunyin i he mi bun kisọm de bendi puu, bekandi ọ, bebwaa-ni ọ. Kiwọm ashi bitye-ugie kisọm Unim le Umosis be ma de le ki ba sha na mi kọng i. Be ma de le, 23‘Ki yi kpe-kpe le Ujeso Kristi, Undi-likpan, u be kpe kingie hwo, u kwu ukpi-kikwu undi angwu u wum le he lihwu he u de Ijuus ọ, bendi abe be yi Ijuus a ye ọ, gbe le kikung-gboo ashi likpan kunyọng.’ ”
24Nya ana Upọl a maa maa ushe uma, Ufestus a kọng ikaa-ikaa le, “Upọl, wo fel ngyọ lityo. Lingye ligang li sha-a wo fel ngyọ lityo.”
25Upọl a kung de-e le, “Ukandi Ufestus angwu a gbe-gyọng, mi ngyọ lityo a ye. Igie angi mi kọng i i yi kigyang a, i yi inyin a ye. 26Usu Agripa, mi kọng ha awo pọ likọye wo ngye gbe le biwọm bimen i. Mi ngye dang le wo kwu ashi abi puu likọye biwọm bimen i bi ma shi he kundyel a ye. 27Usu Agripa, wo bọng ashi bitye-ugie kisọm Unim be fee a? Mi ngye le wo bọng.”
28Usu Agripa a kung bii Upọl le, “Wo kọng le wo sha-m mi fel undi abọng-ale ha Unim he kanwaa kunyọng aken a?”
29Upọl a de-e le, “Mi kọng ha Unim le ma he kanwaa kunyọng zang ọ, ma ki kung kigbe ọ, men le bendi puu a be ma gyo mi i ma fel na mi yi, fem ashi le be fem ashishi-likaa he igaadye tyang!”
30Usu Agripa, Ufaa-ukwob Ufestus, Ubenis, le abe be teng puu be bo kinaa gbe he igye. 31Nyọng be fem he igye, be fel da bende le, “Ungikye angwun a shi kiwọm ashi ki kpe le be gwu-e ọ, nyọng be fe-e he igaadye ọ ye.”
32Usu Agripa a de Ufestus le, “Ungikye angwun u kpo ushe gye he kipi Usu ukandi Urom ye, hang wo tyang he abwo.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.