Aki 25
25
Upọl a naa ushe he kushu Ufestus
1Ki zi ati akie na Ukandi Ufestus a be wu he Usesaria. A bo le ha gye he Ujeruselem. 2Bekandi bishang Unim le bekandi Ijuus be be de-e gbe le ushe ubel ha Upọl. 3Be tim Ufestus anung le, u shi nyin abe gbe he asọm-ale ko Upọl be he Ujeruselem. Be kee le u shi ashin likọye be kam le be la gie he kukwo gwa he. 4Ufestus a kung de be le, “Upọl u yi he igaadye angi he Usesaria a. Ki shi le baale mi tem gye ha. 5Gbe ki yi le a shi kiwọm kibibi, ma tyang bekandi bemen be fe utung ha ami gye ha he Usesaria le kọng kiwọm ashi a shi.”
6Ufestus a ma kwu ha wu ati adyọng-ikie, gbe na a ye lihwo, u ha bo ndo he Usesaria. Ashi a taa, a le kwu he ukoto. A de le be be le Upọl be hwaa le he. 7Nyọng Upọl a be, bendi Ijuus abe be be le he Ujeruselem, be be naa kel-kel keb akọng-ale biwọm bibibi gbam fe-e. Be ma yi le kiwọm ashi ki tyung le abi be kọng i bi yi kigyang a ye.
8Upọl a kung maa ushe uma le, “Mi shi kiban fe Iten Ijuus ọ, nyọng mi shi fe Ushọm Unim ọ, nyọng mi shi fe Usiza usu ukandi angwu he Urom ọ ye.”
9Ufestus a ma kee le u sha nyin Ijuus. A bii Upọl le, “Wo kee le wo gya he Ujeruselem, mi le maa ushe ha he abi be kọng fa-a nyin a?”
10Upọl a fan le, “Mi yi naa he ukoto Usiza, usu ukandi Urom he kipi ki yi le be maa mi ushe a. Wogyang wo ngye dang le mi shi Ijuus kiwọm kibibi ye. 11Mi bia uten, mi shi kiwọm ashi le ki kpe le be gwu-m, hang mi swan lihwu ye. Gbe abi be kọng fe-m bi yi kigyang a ye, ha ki yi le undi angwu u ha ndo kung mi ke be ye. Mi kpo ushe gye he kipi Usiza ukandi angwu he Urom.”
12Ufestus a kwu azu ha bendi bema puu. A ha de Upọl le, “Wo kpo ushe gye he kipi Usiza ha na wo be gye.”
Ufestus a kwu azu ha Usu Agripa
13Ki zi ati, usu ususo angwu be ko le Agripa befe le Ubenis be wu he Usesaria le be ba kọng le Ufestus. 14Be kwu ha zi ati. Ufestus a de usu umen ana gbe le Upọl le, “Ungikye ususo u yi hen angwu Ufelis a ma tyang he fe he igaadye. 15He kunyọng ahwu mi ma gye he Ujeruselem, bekandi Ijuus abe be shang Unim le abe he kubọng be ma be hwaa le mi, kọng biwọm gbam fe-e. Be de-m le mi bọng le be gwu-e.
16“Mi de be le undi Urom u ha ndu kung undi angwu be de le a bia uten ka faale afa-ale a nde bendi-linaa abe be kọng kimen i fe-e, u naa ushe he abe. 17Nyọng befe puu be be, ashi a taa, mi bo faale kunyọng aban-ale le kwu he ukoto, mi sọm ko Upọl. 18Nyọng bendi-linaa bema be bo kinaa kọng, ukpọ biwọm abi be ma kọng fe-e bi ma yi biwọm bibibi abi mi gim he lityam ligi le be kọng a ye. 19Be ma kee-kee fung fa he gba le akpe abel le ungikye ususo angwu be ma ko le Ujeso angwu a ma hwo angwu Upọl u de le u yi uwum a. 20Mi maa tyang na mi tang ushe umen i. Mi ha kung bii Upọl le a kee le u gya he Ujeruselem mi le maa he ushe ha a? 21Upọl a kpo ushe. A de le be ngyọ le he kwu he igaadye kpam he Usu ukandi hwan u tang ushe uma. Mi de le be kang he kpam mi gbe sọm le be te le he he kipi Usiza usu ukandi Urom.”
22Agripa a de Ufestus le, “Mi kee le mi gyo ungikye umen i.”
Ufestus a kung de-e le, “Kuhwo-ma wo gyo he.”
Upọl he kushu Agripa
23Ashi a taa, Agripa befe le Ubenis be be kugwu-kugwu he afee ukoto he kipi bekandi ishogya le bekandi he kubọng be sho. Ufestus a ma ke ikeb le be be le Upọl. 24Ufestus a kung kọng le, “Usu Agripa le men puu abe ma yi utung ha abel nyin, ma nde ungikye angwun! Ufam Ijuus ọ, he i nyin ọ, he Ujeruselem ọ, be de-m biwọm bibibi gbe le he. Befe puu be gaa kọng le ki yi le u tem kwu uwum ye. 25Ukpọ mi nde ashi ashinyọng mi de le be gwu-e ye. Le gbe ufe-gyang a kpo ushe gye he kipi Usu ukandi angwu he Urom, mi de le be gye le he ha. 26Mi yi le kiwọm kpa-kpa ashi mi fee de usu ukandi Urom gbe le he ye. Mi be le he le u be naa he kushu kumen le he wo usu Agripa, wo maa he ushe he wo de-m ashi mi fee. 27Mi gim le ki yi kinunung a le mi sọm undi igaadye le hwaa le Usu ukandi Urom faale afee-ale biwọm abi a shi ye.”
നിലവിൽ തിരഞ്ഞെടുത്തിരിക്കുന്നു:
Aki 25: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Aki 25
25
Upọl a naa ushe he kushu Ufestus
1Ki zi ati akie na Ukandi Ufestus a be wu he Usesaria. A bo le ha gye he Ujeruselem. 2Bekandi bishang Unim le bekandi Ijuus be be de-e gbe le ushe ubel ha Upọl. 3Be tim Ufestus anung le, u shi nyin abe gbe he asọm-ale ko Upọl be he Ujeruselem. Be kee le u shi ashin likọye be kam le be la gie he kukwo gwa he. 4Ufestus a kung de be le, “Upọl u yi he igaadye angi he Usesaria a. Ki shi le baale mi tem gye ha. 5Gbe ki yi le a shi kiwọm kibibi, ma tyang bekandi bemen be fe utung ha ami gye ha he Usesaria le kọng kiwọm ashi a shi.”
6Ufestus a ma kwu ha wu ati adyọng-ikie, gbe na a ye lihwo, u ha bo ndo he Usesaria. Ashi a taa, a le kwu he ukoto. A de le be be le Upọl be hwaa le he. 7Nyọng Upọl a be, bendi Ijuus abe be be le he Ujeruselem, be be naa kel-kel keb akọng-ale biwọm bibibi gbam fe-e. Be ma yi le kiwọm ashi ki tyung le abi be kọng i bi yi kigyang a ye.
8Upọl a kung maa ushe uma le, “Mi shi kiban fe Iten Ijuus ọ, nyọng mi shi fe Ushọm Unim ọ, nyọng mi shi fe Usiza usu ukandi angwu he Urom ọ ye.”
9Ufestus a ma kee le u sha nyin Ijuus. A bii Upọl le, “Wo kee le wo gya he Ujeruselem, mi le maa ushe ha he abi be kọng fa-a nyin a?”
10Upọl a fan le, “Mi yi naa he ukoto Usiza, usu ukandi Urom he kipi ki yi le be maa mi ushe a. Wogyang wo ngye dang le mi shi Ijuus kiwọm kibibi ye. 11Mi bia uten, mi shi kiwọm ashi le ki kpe le be gwu-m, hang mi swan lihwu ye. Gbe abi be kọng fe-m bi yi kigyang a ye, ha ki yi le undi angwu u ha ndo kung mi ke be ye. Mi kpo ushe gye he kipi Usiza ukandi angwu he Urom.”
12Ufestus a kwu azu ha bendi bema puu. A ha de Upọl le, “Wo kpo ushe gye he kipi Usiza ha na wo be gye.”
Ufestus a kwu azu ha Usu Agripa
13Ki zi ati, usu ususo angwu be ko le Agripa befe le Ubenis be wu he Usesaria le be ba kọng le Ufestus. 14Be kwu ha zi ati. Ufestus a de usu umen ana gbe le Upọl le, “Ungikye ususo u yi hen angwu Ufelis a ma tyang he fe he igaadye. 15He kunyọng ahwu mi ma gye he Ujeruselem, bekandi Ijuus abe be shang Unim le abe he kubọng be ma be hwaa le mi, kọng biwọm gbam fe-e. Be de-m le mi bọng le be gwu-e.
16“Mi de be le undi Urom u ha ndu kung undi angwu be de le a bia uten ka faale afa-ale a nde bendi-linaa abe be kọng kimen i fe-e, u naa ushe he abe. 17Nyọng befe puu be be, ashi a taa, mi bo faale kunyọng aban-ale le kwu he ukoto, mi sọm ko Upọl. 18Nyọng bendi-linaa bema be bo kinaa kọng, ukpọ biwọm abi be ma kọng fe-e bi ma yi biwọm bibibi abi mi gim he lityam ligi le be kọng a ye. 19Be ma kee-kee fung fa he gba le akpe abel le ungikye ususo angwu be ma ko le Ujeso angwu a ma hwo angwu Upọl u de le u yi uwum a. 20Mi maa tyang na mi tang ushe umen i. Mi ha kung bii Upọl le a kee le u gya he Ujeruselem mi le maa he ushe ha a? 21Upọl a kpo ushe. A de le be ngyọ le he kwu he igaadye kpam he Usu ukandi hwan u tang ushe uma. Mi de le be kang he kpam mi gbe sọm le be te le he he kipi Usiza usu ukandi Urom.”
22Agripa a de Ufestus le, “Mi kee le mi gyo ungikye umen i.”
Ufestus a kung de-e le, “Kuhwo-ma wo gyo he.”
Upọl he kushu Agripa
23Ashi a taa, Agripa befe le Ubenis be be kugwu-kugwu he afee ukoto he kipi bekandi ishogya le bekandi he kubọng be sho. Ufestus a ma ke ikeb le be be le Upọl. 24Ufestus a kung kọng le, “Usu Agripa le men puu abe ma yi utung ha abel nyin, ma nde ungikye angwun! Ufam Ijuus ọ, he i nyin ọ, he Ujeruselem ọ, be de-m biwọm bibibi gbe le he. Befe puu be gaa kọng le ki yi le u tem kwu uwum ye. 25Ukpọ mi nde ashi ashinyọng mi de le be gwu-e ye. Le gbe ufe-gyang a kpo ushe gye he kipi Usu ukandi angwu he Urom, mi de le be gye le he ha. 26Mi yi le kiwọm kpa-kpa ashi mi fee de usu ukandi Urom gbe le he ye. Mi be le he le u be naa he kushu kumen le he wo usu Agripa, wo maa he ushe he wo de-m ashi mi fee. 27Mi gim le ki yi kinunung a le mi sọm undi igaadye le hwaa le Usu ukandi Urom faale afee-ale biwọm abi a shi ye.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.