Aki 27
27
Upọl a ngwee kinọng lishọ gye he Urom
1Be ha tim le be sọm Upọl gye he Itali. Mi Uluk ọ, mi gye utung ha abe. Be kung Upọl le bendi igaadye abe be teng fe Ujuliọs he kubwo. Ujuliọs umen i a ma yi ukandi ishogya angi be ko le liwu ishogya Ọgọstus, Usu ukandi Urom. 2Li le ngwee he kinọng lishọ ashi ki maa ndu gbe le he Adramitium le gbe he Eshia gye he abọng angi he kibam. Aristakus angwu a maa be le he kiteng Umasedonia ashi be ko le Utesalonika a ma yi utung ha abel.
3Ashi a taa, li wu he Usaidọn. Le gbe Ujuliọs a ma yi le inung ha Upọl, a ma tyang he le u le kọng le bedimma abe be ke-e biwọm abi bi baa he. 4Li bo le ha ana gye kushu. Le gbe kufem ku ma shi nde ashi hwaa le bel, li gbe le kinọng gwaa ha kubọng Usaiprus ahwu ku yi he kudyan umbwo he kigie ashi kufem ku maa shi kaang ye. 5Li le gbe gwaa ha Usilisia le Upamfilia be he lishi Ulysia angi be ko le Umyra. 6Ukandi ishogya a ma nde kinọng ha a shi ki ma nde ashi be le he Alezandria gye he Itali. A de le li le ngwee ashi. 7Li te tyuo-tyuo ati gbam. Li kpe kingie kpam li gbe gwaa ha Knidus. Kufem ku tem bọng li li te kushu ye. Li ha fel le gbe gwaa ha kubọng Ukret ahwu ku yi he kudyan umbwo he kigie ashi kufem ku maa shi kaang ye. Li le gbe gwaa ha Usalmọn. 8Li ma gbe gwaa he kibam, li yii kpa kingie kaang kpam li gbe be wu he kibam ashi ki ngbeb ndọ binọng. Ki ma yi le kigbe le he Ulasia ye.
9Li kwu ha kpam ki gbe fel li le be-gyọng he agyele kushu likọye kifọng ki shul. Upọl a ke be uteb le, 10“Bendi begi, mi gim le kung le nyin gye kushu litan lityan li ba kwa le be-gyọng. Bigbọ abi bi yi hen he afee kinọng ọ, kinọng kigyang ọ, bi ba ban, bendi be be hwo.” 11Ukandi ishogya a bọng ashi ugyang kinọng befe le undi angwu u naa kinọng be kọng, a kpe uteb Upọl ye. 12Kiteng kimen ashi be ndọ binọng ana, ki ma ngbeb ashi be kwu le kifọng ye. He atan-lengi angwun bendi gbam he liwu libel, ki ngbeb abe le be kaa he be nde le be nya waa he Ufonis angwu u yi he kubọng Ukret umen ana a. Ki ngbeb ashi be ndọ kinọng ha le kifọng likọye kufem ku maa sha ha kaang ye.
Kipupu kufem
13Kanwaa kufem ka keb ashele le he kigie umbwo. Bendi abena be maa kọng le ki ngbeb le be gye kushu. Be shwa le binde abi bi shi kinọng ki naa fe gye he afee kinọng. Be bo litan. Be gbe gwaa ha ungwu kibam ashi he Ukret kife-ife-ife. 14He kanwaa kunyọng zang, kufem kukandi ku keb ashele le he ugoigye. Kufem kumen i, be ko ahwu le kufem ahwu ku yi gwaa le kipi libwee li fem. 15Ku shi kung kinọng. Li maa tem naa a shi gba he kufem mbee ye. Li tyang ashi le kufem ku ndu te le shi he kipi ku kee. 16Li gbe gwaa ha kakiti kubọng ake ka yi he kudyan umbwo ake be ko le Ukoda he kigie ashi kufem ku maa shi kaang ye. 17Be kpe kingie shwa le unwaa kinọng le fe he kinọng kikandi. Be ha bwọ ashi indii kel-kel kpe lishi he ki ngie. Le gbe be shel le kinọng kibel ki ba tim fa he kuyia Usytis, be die le kitapwel be he itang le kufem ku tem kung kinọng kikaa-kikaa ye. 18Kufem kukandi ku shi teb le kinọng kpam ashi a gbe taa. Be ha keb biwọm abung-ale le he afee kinọng wu gye he umbwo le kinọng ki fel fee. 19He liti lekie, be mbee bung bigbọ kinọng wu he umbwo le kuhwobel. 20Kufem kukandi ku shi kpam li nde libwee ọ, nyọng ikpen ọ ye he ati gbam. He umbee-likel li ma tem yi le lishi andọ-ale le li kpan ye.
21Bendi abena be zi lizi ye gbe kigbe. Upọl a bo kinaa de be le, “Bendi begi, hang ma ma dang kutyung gyo mi nyọng li ma so he Ukret. Ma gyo mi, hang li pam biwọm abi bi shi fe li nyin. 22Kanaa-anaa i mi tim amen anung le ma wee abwo ye. Undi ken ọ le he liwu lityan u ba nim ye, kinọng kifufe na ki be ban gbang. 23Unim angwu mi yi he ahe kubwo, mi fe-e, a sọm udengel uma hwaa le mi uhwu-hwo le kusu. 24A de-m le, ‘Upọl, shi shel ye. Ki yi kpe-kpe le wo be le hwaa le Usiza, usu ukandi angwu he Urom. He kuhwo kugang Unim angwu u yi le inung u ba kpan bendi abe be yi utung ha awo he kinọng.’ 25Bendi begi, ma wee abwo ye, likọye mi fe lityam ha Unim le ki ba kwa nya ana udengel uma abe de-m. 26Kinọng ki ba la tim fa he ungwu kibam kubọng kususo ahwu ku yi he kudyan umbwo.”
Kinọng ki paa
27He ati lihwo le ngi ande, kufem kukandi ku ma kung li kinọng gye kushu he umbwo Adriatik. He kididyan kusu bendi abe be naa kinọng be tyang le li ndu fel kpee-kpee gya he ugoigye. 28Be kung undi-ndi tye fe kiwọm ashi ki ngbeb tyang gye ha he umbwo. Be nde kung le hen he likwu le wu he liten umbwo ki ma yi abee asi adyọng-ken. He kanwaa kunyọng zang be mbee shi kitaa kiwọm ken. Be nde le ki fel abee asi ande le ngi lihwo a. 29Be ma shel le nyin kinọng ki la tya fa he akọ akandi. Be kung binde abi be fe bi indii ikandi tyuu he item kinọng tyang gye ha he umbwo he bi bi shi kinọng ki naa. Be maa fel kọng ha Unim le ashi a taa akikye. 30Bendi besuso abe be naa kinọng be maa kaa he be buu hwaa. Be kung unwaa kinọng tyang he umbwo. Be lam li le be kung binde a tyang le he kushu kinọng. 31Upọl a kung de ukandi ishogya le ishogya angi i teng le, “Gbe bendi aben be ngyọ kwu hen he kinọng ye, ha ma kpan ye.” 32Ishogya ana i kung tang indii angi i kwu unwaa kinọng naa. Unwaa kinọng a ko gbe.
33A ashi a maa ndu taa, Upọl a tim abe anung le be zi lizi. A de be le, “Ki fel ati lihwo le ngi ande na ma kwu faale lizi azele. 34Mi tim amen anung le ma ha zi lizi. Ki yi kpe-kpe le ma zi lizi he ma hwo ye. Udal ugil ken ọ u ba nim le ha amen lishi ye.” 35Upọl a kọng ashin puu, a kung ibred kwu he kubwo; u pee Unim he ashi bendi puu, a keb azele. 36Be fel le ingie. Befe puu be zi lizi. 37Puu utyan ha he afee kinọng li ma yi bendi asi lihwo le bendi asi akie le bendi lihwo le be bedyọng-iken. 38Be zi lizi puu, be ha bung bigem azi abi bi teng wu gye he afee umbwo he kinọng ki fel fee.
39Ashi a taa, be nde ugoigye, ukpọ be shob he ye. Be nde kiteng ashi umbwo a nyii gye he ugoigye a. Kiteng kimen ana ki ma yi kuyia-kuyia. Be tim le be kaa he be nde le be nya ta le kinọng gya ha. 40Be kung indii-indii binde abi bi shi kinọng ki naa tang tyang gye he umbwo. Be pel indii angi be bwọ unwaa kikpe he be nọng ashi kushu gye he kipi be kee. Be gyam kitapwel ashi le he kushu kinọng he kufem ku nyii kung ashi gye he kushu. Be bo ndo he ugoigye. 41Kinọng ki le tim fe he kuyia he afee umbwo. Kushu kinọng ku le gbe fe he kuyia, ku tem fem le ha ye. Kufem kukandi ku shi, ushob umbwo a paa item kinọng.
42Ishogya i shi ugim le i gwu igaadye teng i kwob umbwo gya he ugoigye, i paa nim. 43Ukandi ishogya a ma swan likọye a kee le u gwa Upọl ye. A ma de abe be kwob umbwo mbee le befe hwan be geb tye he umbwo kushu he be kwob umbwo gye he ugoigye, 44he abe be teng be kwu abwo he bigie bikpakpa pwọm abe le he item. Nyin kitaa i na bel puu li gbe tang he ugoigye faale kidoale.
നിലവിൽ തിരഞ്ഞെടുത്തിരിക്കുന്നു:
Aki 27: KUIL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Aki 27
27
Upọl a ngwee kinọng lishọ gye he Urom
1Be ha tim le be sọm Upọl gye he Itali. Mi Uluk ọ, mi gye utung ha abe. Be kung Upọl le bendi igaadye abe be teng fe Ujuliọs he kubwo. Ujuliọs umen i a ma yi ukandi ishogya angi be ko le liwu ishogya Ọgọstus, Usu ukandi Urom. 2Li le ngwee he kinọng lishọ ashi ki maa ndu gbe le he Adramitium le gbe he Eshia gye he abọng angi he kibam. Aristakus angwu a maa be le he kiteng Umasedonia ashi be ko le Utesalonika a ma yi utung ha abel.
3Ashi a taa, li wu he Usaidọn. Le gbe Ujuliọs a ma yi le inung ha Upọl, a ma tyang he le u le kọng le bedimma abe be ke-e biwọm abi bi baa he. 4Li bo le ha ana gye kushu. Le gbe kufem ku ma shi nde ashi hwaa le bel, li gbe le kinọng gwaa ha kubọng Usaiprus ahwu ku yi he kudyan umbwo he kigie ashi kufem ku maa shi kaang ye. 5Li le gbe gwaa ha Usilisia le Upamfilia be he lishi Ulysia angi be ko le Umyra. 6Ukandi ishogya a ma nde kinọng ha a shi ki ma nde ashi be le he Alezandria gye he Itali. A de le li le ngwee ashi. 7Li te tyuo-tyuo ati gbam. Li kpe kingie kpam li gbe gwaa ha Knidus. Kufem ku tem bọng li li te kushu ye. Li ha fel le gbe gwaa ha kubọng Ukret ahwu ku yi he kudyan umbwo he kigie ashi kufem ku maa shi kaang ye. Li le gbe gwaa ha Usalmọn. 8Li ma gbe gwaa he kibam, li yii kpa kingie kaang kpam li gbe be wu he kibam ashi ki ngbeb ndọ binọng. Ki ma yi le kigbe le he Ulasia ye.
9Li kwu ha kpam ki gbe fel li le be-gyọng he agyele kushu likọye kifọng ki shul. Upọl a ke be uteb le, 10“Bendi begi, mi gim le kung le nyin gye kushu litan lityan li ba kwa le be-gyọng. Bigbọ abi bi yi hen he afee kinọng ọ, kinọng kigyang ọ, bi ba ban, bendi be be hwo.” 11Ukandi ishogya a bọng ashi ugyang kinọng befe le undi angwu u naa kinọng be kọng, a kpe uteb Upọl ye. 12Kiteng kimen ashi be ndọ binọng ana, ki ma ngbeb ashi be kwu le kifọng ye. He atan-lengi angwun bendi gbam he liwu libel, ki ngbeb abe le be kaa he be nde le be nya waa he Ufonis angwu u yi he kubọng Ukret umen ana a. Ki ngbeb ashi be ndọ kinọng ha le kifọng likọye kufem ku maa sha ha kaang ye.
Kipupu kufem
13Kanwaa kufem ka keb ashele le he kigie umbwo. Bendi abena be maa kọng le ki ngbeb le be gye kushu. Be shwa le binde abi bi shi kinọng ki naa fe gye he afee kinọng. Be bo litan. Be gbe gwaa ha ungwu kibam ashi he Ukret kife-ife-ife. 14He kanwaa kunyọng zang, kufem kukandi ku keb ashele le he ugoigye. Kufem kumen i, be ko ahwu le kufem ahwu ku yi gwaa le kipi libwee li fem. 15Ku shi kung kinọng. Li maa tem naa a shi gba he kufem mbee ye. Li tyang ashi le kufem ku ndu te le shi he kipi ku kee. 16Li gbe gwaa ha kakiti kubọng ake ka yi he kudyan umbwo ake be ko le Ukoda he kigie ashi kufem ku maa shi kaang ye. 17Be kpe kingie shwa le unwaa kinọng le fe he kinọng kikandi. Be ha bwọ ashi indii kel-kel kpe lishi he ki ngie. Le gbe be shel le kinọng kibel ki ba tim fa he kuyia Usytis, be die le kitapwel be he itang le kufem ku tem kung kinọng kikaa-kikaa ye. 18Kufem kukandi ku shi teb le kinọng kpam ashi a gbe taa. Be ha keb biwọm abung-ale le he afee kinọng wu gye he umbwo le kinọng ki fel fee. 19He liti lekie, be mbee bung bigbọ kinọng wu he umbwo le kuhwobel. 20Kufem kukandi ku shi kpam li nde libwee ọ, nyọng ikpen ọ ye he ati gbam. He umbee-likel li ma tem yi le lishi andọ-ale le li kpan ye.
21Bendi abena be zi lizi ye gbe kigbe. Upọl a bo kinaa de be le, “Bendi begi, hang ma ma dang kutyung gyo mi nyọng li ma so he Ukret. Ma gyo mi, hang li pam biwọm abi bi shi fe li nyin. 22Kanaa-anaa i mi tim amen anung le ma wee abwo ye. Undi ken ọ le he liwu lityan u ba nim ye, kinọng kifufe na ki be ban gbang. 23Unim angwu mi yi he ahe kubwo, mi fe-e, a sọm udengel uma hwaa le mi uhwu-hwo le kusu. 24A de-m le, ‘Upọl, shi shel ye. Ki yi kpe-kpe le wo be le hwaa le Usiza, usu ukandi angwu he Urom. He kuhwo kugang Unim angwu u yi le inung u ba kpan bendi abe be yi utung ha awo he kinọng.’ 25Bendi begi, ma wee abwo ye, likọye mi fe lityam ha Unim le ki ba kwa nya ana udengel uma abe de-m. 26Kinọng ki ba la tim fa he ungwu kibam kubọng kususo ahwu ku yi he kudyan umbwo.”
Kinọng ki paa
27He ati lihwo le ngi ande, kufem kukandi ku ma kung li kinọng gye kushu he umbwo Adriatik. He kididyan kusu bendi abe be naa kinọng be tyang le li ndu fel kpee-kpee gya he ugoigye. 28Be kung undi-ndi tye fe kiwọm ashi ki ngbeb tyang gye ha he umbwo. Be nde kung le hen he likwu le wu he liten umbwo ki ma yi abee asi adyọng-ken. He kanwaa kunyọng zang be mbee shi kitaa kiwọm ken. Be nde le ki fel abee asi ande le ngi lihwo a. 29Be ma shel le nyin kinọng ki la tya fa he akọ akandi. Be kung binde abi be fe bi indii ikandi tyuu he item kinọng tyang gye ha he umbwo he bi bi shi kinọng ki naa. Be maa fel kọng ha Unim le ashi a taa akikye. 30Bendi besuso abe be naa kinọng be maa kaa he be buu hwaa. Be kung unwaa kinọng tyang he umbwo. Be lam li le be kung binde a tyang le he kushu kinọng. 31Upọl a kung de ukandi ishogya le ishogya angi i teng le, “Gbe bendi aben be ngyọ kwu hen he kinọng ye, ha ma kpan ye.” 32Ishogya ana i kung tang indii angi i kwu unwaa kinọng naa. Unwaa kinọng a ko gbe.
33A ashi a maa ndu taa, Upọl a tim abe anung le be zi lizi. A de be le, “Ki fel ati lihwo le ngi ande na ma kwu faale lizi azele. 34Mi tim amen anung le ma ha zi lizi. Ki yi kpe-kpe le ma zi lizi he ma hwo ye. Udal ugil ken ọ u ba nim le ha amen lishi ye.” 35Upọl a kọng ashin puu, a kung ibred kwu he kubwo; u pee Unim he ashi bendi puu, a keb azele. 36Be fel le ingie. Befe puu be zi lizi. 37Puu utyan ha he afee kinọng li ma yi bendi asi lihwo le bendi asi akie le bendi lihwo le be bedyọng-iken. 38Be zi lizi puu, be ha bung bigem azi abi bi teng wu gye he afee umbwo he kinọng ki fel fee.
39Ashi a taa, be nde ugoigye, ukpọ be shob he ye. Be nde kiteng ashi umbwo a nyii gye he ugoigye a. Kiteng kimen ana ki ma yi kuyia-kuyia. Be tim le be kaa he be nde le be nya ta le kinọng gya ha. 40Be kung indii-indii binde abi bi shi kinọng ki naa tang tyang gye he umbwo. Be pel indii angi be bwọ unwaa kikpe he be nọng ashi kushu gye he kipi be kee. Be gyam kitapwel ashi le he kushu kinọng he kufem ku nyii kung ashi gye he kushu. Be bo ndo he ugoigye. 41Kinọng ki le tim fe he kuyia he afee umbwo. Kushu kinọng ku le gbe fe he kuyia, ku tem fem le ha ye. Kufem kukandi ku shi, ushob umbwo a paa item kinọng.
42Ishogya i shi ugim le i gwu igaadye teng i kwob umbwo gya he ugoigye, i paa nim. 43Ukandi ishogya a ma swan likọye a kee le u gwa Upọl ye. A ma de abe be kwob umbwo mbee le befe hwan be geb tye he umbwo kushu he be kwob umbwo gye he ugoigye, 44he abe be teng be kwu abwo he bigie bikpakpa pwọm abe le he item. Nyin kitaa i na bel puu li gbe tang he ugoigye faale kidoale.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.