BIKƆMELI BI BA PƆSOLU 12
12
Baoowoi Djake ko Petelo ta bɔlɔkɔ
1Ta ehole emina iyena, mokondji Elode#12, 1 Edii Wɛtoko Elode Agilipa 1, mwana moomi o mwange Elode Atipasi; akondja Yudhea mosusu bobanga ta yanga e 41. abanga bonɔngedja ndambo e badhimi ba Ekelesa. 2Aowedja Djake, o mwange Yoane na mɔmbi. 3Ngɔngɔ djimina, ehole eɛnɛ iyo modjɔ mo mina mosepedja Bayudha, apedja pongono Petelo ta ehole e tɛkɛ e mapa ma pɛpɛ levile#12, 3 Boindja ta Boi 12, 1-27.. 4Elode amopedja ko adumbama ta bɔlɔkɔ, ko apa maputo manɛi ma basodha banɛi banɛi ba mosɛndjɛle. Apalaka bomosambedja ta miso ma bato ngɔngɔ dji tɛkɛ e Pasika. 5Ehole edaka Petelo ta bɔlɔkɔ, bato ba Ekelesa baangɔnɔkɔ Ndjakomba na bhingi tina e nde.
Petelo atingoami
6Iboa na bulu, Elode apalaka amosambedje ta miso ma bato, Petelo awɛɛkɛ ta ndanda e basodha babae. Anangamaka na mikpulu mi bibende mibae ko basindjili badaa ta esika e bobo ta modipe mo bɔlɔkɔ. 7Na mbala emɔti, obwɛndi omɔti o Kumu aimana ko bɔlɔkɔ bongɛsɛ na bohu. Andjelu abɛndjɛ Petelo ta itɛbu, amosisodja ko abala na nde bo: «Angɔ pɛpɛlɛ!» Iboa mikpulu mi bibende misusu mitsueana na nde ta mɔmɔ. 8Ko obwɛndi amotondea: «Lwoa kamba e wɛ ko nanga sapato dji wɛ.» Petelo amosuma ko anjelu abala naikina bo: «Lwoa mokoto e wɛ ko kimanani.» 9Petelo aimana ta bɔlɔkɔ ko amokimana. Aidjebaka bo eka ekɔkɔ obwɛndi edaka sooti: alɛnɛkɛ bo edii ndjɛnɛ. 10Banɔɔ sindjili o boso, o babae ko baimea ta modipe mo bibende mo boimana ta ngando enɛnɛ. Modipe momina modipoama imo mɛnɛ boso bo bobo ko baso baimana. Ehole eimea bo na ndjea na mbala emɔti, obwɛndi aso akina Petelo. 11Iboa ehole ehuleana mayɛlɛ ma Petelo abala bo: «Edɛdiyeye, naɛni bo edii sooti bo: Kumu alomi obwɛndi o nde, ko atingoini ta mɔmɔ ma Elode ko na bobe bosusu bolɛnɛki Bayudha bokɔni.» 12Ehole esipoa iyo modjɔ momina, akɛɛ ta ndako e Malia, nange Yoane okabee bo Malako. Bato banɛnɛ baputoanaka iyana tina e boangɔnɔ. 13Petelo aboma ta modipe mo ndako ko mosali mwali, na kombe e Lode, asabatea bɛngi ahokamedje. 14Adjeba moholi mo Petelo, ta polo e bo adipoe modipe, apota na sepi o tei atɔndea bo Petelo adii sokolu. 15Babala na nde bo: «Odii na igboma!» Endelo apingedja na bobala bo edii sooti. Iboa baso babala bo: «Edii obwɛndi o nde.» 16Enakoboa, Petelo adaaka oko aboma modipe. Ehole edipoa bo modipe, bamoɛnɛ ko baso bakamoa mɛnɛ. 17Abakɔmea embete na ebɔɔ bɛngi bapɔpɔne ko abatubana mondumba momoiwa Kumu ta bɔlɔkɔ. Abala naikina bo: «Djebedjani Djake#12, 17 Djake: edii wɛtoko Djake mwange Kumu. modjɔ momina ko na denga dikina.» Ngɔngɔ djimina aimana ko akɛɛ doongɔ dikina. 18Iyana aya busa, mongangale moso mokwa ta dii basodha: basawadjanaka polo ndani enɔi Petelo. 19Elode aloma bamohombe, endelo baimobolodja. Asambedja basindjili ko apa simbisi e bobaowa. Ngɔngɔ djimina, ekɛɛ ta Yudhea ta Sedjale ta polo edikamaka iyo masu makina.
Yogo e Elode
20Elode alemoa na bato ba Tile na Sidona. Bato bamina batomba meko e baloma bato babwani bokɛɛ asɛngɛɛ bogo ta dii iyo. Modjɔ mo ekomi e bobo ehelamaka na mia ma ekomi e nde; baso baokana na Balasitisi iyo odaaka modaledji o misala ta ndako e mokondji. 21Aimea busa bookanaka ibo, Elode alwa esendja e nde e bokondji, adaa ta kiti e nde ekataka iyo makambo ko abala na bu ta miso ma bato. 22Bato bagama bo: «Edii kɔpi e Ndjakomba iye ebalakadea ediiti kɔpi e moto#12, 22 Boɛngɛ Edjek 28, 2.!» 23Endelo, oko ta ehole emine iyena, obwɛndi o Kumu aboma Elode, modjɔ mo asasisa ta polo e Ndjakomba: ngusu bamonɛlɛkɛkɛ ko aso agwa#12, 23 Boɛngɛ Dan 5, 20..
24Enakoboa mobalo mo Ndjakomba monanganaka ko mokweanaka mɔɔngɔ masusu. 25Ehole esidja Balanabasi na Saulu bopa ekamoli ta dii basuku ba Yelusalɛmɛ, badonga iho#12, 25 Boindja 11, 30. ko baso batomba Yoane okombedjake Malako.
നിലവിൽ തിരഞ്ഞെടുത്തിരിക്കുന്നു:
BIKƆMELI BI BA PƆSOLU 12: ngc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©2025 Communauté des Eglises Travaillistes (CET)
