Lukku 1
1
Manjililo
1Nuulemekezegwa Tiyofelasi, mbuli bayingi mbubakalipeda ambubakalemba makani azintu munzila yeelede zyakachitika akati kesu, 2#1 Jn 1:1; Inch 1:21; Hebb 2:3. bakalemba eezyo nzibakaambilwa abakamboni bamakani aaya kuzwa kumatalikilo alimwi abakambawusi bajwi eeli, 3#Inch 1:1. ndazibona kazili zibotu lubo kulindime kuti ndikulembele aaya makani munzila yeelede, nkaambo kakutobelezya oobotu zyoonse zintu kuzwa kumatalikilo, nuyandwa Tiyofelasi 4#Jn 20:31. kuchitila kuti uzibe kasimpe atala azintu eezi nzimwakayisigwa.
Kuzyalwa KwaJoni MuBbapatizi Mbukupandululwa
5 #
Mat 2:1; 1 Mak 24:10; 2 Mak 31:2. Mumazuba Herodi naakali mwami waJudiya, kwaakali mupayizi izina lwakwe wakali Zakkariya, #1:5. Girikki Zakkariya wakali wamukowa waAbbija; alimwi Zakkariya wakalijisi mukayintu izina lyakwe wakali Elizabbeti, wakali mwana waAroni. 6Aaba babili bakaliluleme kuli Leza, kabeenda kabatakwe kampenda amumalayilile woonse aMwami. 7Pesi teebakalijisi mwana, nkaambo mukayintu wakwe Elizabbeti wakali ngomwa, aaba babili bakali bachembala.
8Lino muchiindi Zakkariya naakali kubeleka mumulimu wabupayizi kunembo lyaLeza aawo inkamu yakwe niyakali amulimu, 9mbuli muchiyanza chamulimu wabupayizi, wakali kunjila muŋanda yaMwami mulimu wakwe wakali wakuumpilizya tununkilizyo achipayililo. 10Alimwi inkamu yabantu yakali kukomba aanze mulubuwa lwaŋanda yaLeza muchiindi chakuumpa tununkilizyo. 11#Luk 2:9; Inch 5:19. Mpawawo kwakaliboniya mpaakalibede mungelo waMwami, kayimvwi kulubazu lwakululyo lwachipayililo chatununkilizyo. 12Mpawo Zakkariya naakabona mungelo, zyakamukatazya alimwi wakazula kuyoowa. 13#Luk 1:30,60.Pesi mungelo wakati, “Zakkariya, utayoowi! Nkaambo kukomba kwako Leza wakumvwa, alimwi mwanakazi wako Elizabbeti uyootumbuka mwana mulombe, uyoomulika#1:13. kuuzika nikuba kuunika zina lyaJoni. 14Alimwi uyooba alukondo akubotelwa, mpawo bantu bayingi bayoobotelwa kukutumbukwa kwakwe; 15#My 6:3. nkaambo uyooba mupati kunembo lyaMwami, alimwi takwe kuyoonywa nikuba chikola, mpawo inguzu zyaMuuya Usalala ziyooba alinguwe, nikuba kuzwa mwida lyabayina. 16Alimwi uyoopilusya bantu bayingi babana baIzirayeli kuMwami Leza wabo, 17alimwi uyoomuzulwida muMuuya amunguzu zyaElayija, kusandula myoyo yamawisi kubana, abataswiilili kubusongo bwabaluleme, kubambila bantu kuza kwaMwami.”
18 #
Luk 1:34. Alimwi Zakkariya wakati kumungelo, “Ndilakuziziba biyeni eezi? Nkaambo ime ndachembala alimwi mwanakazi wangu wayindilila muminyaka.”
19 #
Dan 8:16; 9:21; Mat 18:10. Mpawo mungelo, wakamuvwiila wati, “Ndime Gabburiyeli, wiimikila kubusyu bwaLeza; alimwi ndakatumwa kuti ndizokwaambile, akukweetela makani mabotu aaya. 20Alimwi laanga, uyooba chimuumu takukwe nutakakonzye pe kwaambuula mane kubuzuba oobo zintu eezi mpuziyo zuzikizigwa, nkaambo teewakasyoma majwi angu, aayo ayoozuzikizigwa muchiindi chawo.”
21Alimwi bantu bakalindila Zakkariya, mpawo bakagamba kuti nkaamboonzi Zakkariya kunonoka muŋanda yaLeza. 22Mpawo naakazwa anze, takukwe naakakonzya kwaambuula aabo pe, alimwi bakabonaanga wabona chilengano muŋanda yaLeza; mpawo wakachita zitondezyo kulimbabo alimwi wakakkala kali chimuumu.
23Alimwi chiindi chamulimu wakwe nichakazulila, wakabweeda kumunzi wakwe. 24Naakayinda mazuba aayo Elizabbeti mukayintu wakwe wakamita, alimwi wakayuba kwamyeezi ilimusanu, 25kaamba kuti, “Mwami nzyakandichitila mumazuba aayo naakandicheba, kuti agwisye masampu angu akati kabantu.”
Kuzyala Kwa Jesu Mbukupandululwa
26Mumweezi wamusanu awumwi wakumita kwaElizabati mungelo Gabburiyeli wakatumwa aLeza kuya chisi chaGalili chitegwa Nazareti. 27Mungelo wakatumwa kuli nakalindu wakali watangilwa kumwaalumi utegwa Jozefu, waŋanda yaDevidi; izina lya nakalindu wakali kutegwa Meri. 28Mpawo wakaza kuli nguwe alimwi wati, “Luumuno lube anduwe, ulaachoolwe kapati, Mwami ulaanduwe!”
29Pesi wakalikatazya kapati kumakani aakwe, mpawo wakalilya mumizeezo yakwe wati nkujuzya kuli biyeni ooku. 30Alimwi mungelo wakati kulinguwe, “Utayoowi, Meri, nkaambo wajana choolwe kuli Leza. 31Alimwi laanga, uyoomita mubula bwako alimwi uyootumbuka mwana mulombe, nguyoowulika zina lyaJesu. 32Uyooba mupati, alimwi uyootegwa Mwana Mulombe waSijulu waMajulu, alimwi Mwami Leza uyoomupa chuuno chabwami bwawisi Devidi, 33mpawo uyooyendelezya kuŋada yaJakkobbu kwalyoonse; abwami bwakwe butakwe kuyoomana.”
34Mpawo Meri wakati kuli mungelo, “Eechi ngachiyooba biyeni, mbukunga ndilinakalindu?”
35Mpawo mungelo wakati kulinguwe, “Muuya Usalala uyooseluka alinduwe, anguzu zyaSijulu waMajulu ziyokuvumba; nkikaako mwana uyootumbukwa uyootegwa ulasalala, Mwana waLeza. 36Alimwi laanga, munakwanu Elizabbeti mubuchembele bwakwe alakwe ulimitide mwana mulombe; alimwi ooyu mweezi wamusanu awumwi ooyo wakali kutegwa ningomwa. 37Nkaambo aLeza takukwe nchaamba chikachila pe.”
38Mpawo Meri wakati, “Laanga, ndilimulanda waMwami; ngakube kulindime mbuli kujwi lyako.” Mpawo mungelo wakeenda kuzwa kulinguwe.
Meri Mbwaakaswaya Elizabbeti
39Mumazuba aayo Meri wakabuka chakufwambana waya kunyika ya muchilundu, kumuunzi waJuda, 40alimwi wakanjila muŋada yaZakkariya, mpawo wajuzya Elizabbeti. 41Mpawo Elizabbeti naakajuzya Meri, wakamvwa mwana mwida wasobana; mpawo Elizabbeti wakazuzigwa aMuuya Usalala 42alimwi wakoompolola ajwi pati, “Ulaachoolwe akati kabanakazi, amwana nguyoozyala! 43Alimwi chambaanzi eechi kulindime kuti banyina aMwami wangu bandiswaye? 44Nkikaako laanga, muchiindi nindamvwa kujuzigwa, mwana wangu wasobana mubula chakukondwa. 45Alimwi ulaachoolwe mwanakazi ooyo usyoma kuti kuyooba kuzuzikizigwa kwazeezyo Mwami nzyakamwaambila.”
Lwiimbo LwaMeri Lwakutembawula
46Mpawo Meri wakamba wati,
“Muuya wangu awutembawule Mwami;
47alimwi muuya wangu wakondwa muli Leza Mufutuli wangu,
48nkaambo wasumpula mulanda wakwe ulifwiinsya.
Nkaambo laanga kuzwa lino mazyalani woonse ayoondiita kuti ulaachoolwe;
49nkaambo ooyo Singuzu wandichitila zintu zipati,
alimwi lila salala izina lyakwe.
50Alimwi luse lwakwe luli alibaabo bamuyoowa
kuzwa kumazyalani amazyalani.
51Wakatondezya nguzu muluboko lwakwe,
wakasansaniya balisumpula mumiyeeyo yamyoyo yabo,
52waselusya aansi chuuno chabwami chabeendelezi aabo bajisi nguzu,
wasumpula balangilwa aansi;
53ukkutya basinzala azintu zibotu,
abavubi wabatanda kabatakwe chintu pe.
54Wagwasya mulanda wakwe Izirayeli,
mukuyeeya luse lwakwe,
55mbuli mbwakaambula kumataata eesu,
kuli Abburahamu akulunyungu lwakwe kwalyoonse.”
56Alimwi Meri wakachaala wakkala aElizabbeti kwamyeezi itatu, mpawo wakabweeda kumuunzi wakwe.
Kuzyalwa KwaJoni muBbapatizi
57Lino chiindi cha Elizabbeti chakutumbuka nichakazulila, wakatumbuka mwana mulombe. 58Alimwi mbakayakilene aabo abanakwabo bakamvwa luse lupati Mwami ndwakamuchitila, mpawo bakakondwa aamwi anguwe.
59 #
Lev 12:3; Matl 17:12. Mpawo mubuzuba bwa musanu aatatu nibwakasika bakaza kukupalula mwana, alimwi mwana bakali bayanda kumuuzika izina lyawisi bakamuti nguZakkariya, 60Banyina bakavwiila bati, “Tee mbukubede pe; pesi ulategwa Joni.”
61Bakamwaambila bati, “Pesi kumukowa wanu, takukwe ulaazina lyamusyobo ooyu.” 62Bakaambula awisi kababelesya kutondeka aminwe kuchitila kuti wisi abape zina ndyayanda kupa mwana wakwe.
63Wakakumbila chakulembela, mpawo wakalemba waamba wati, “Izina lyakwe nguJoni.” Boonse bakagamba. 64Kuzwa aawo Zakkariya wakaasama mulomo wakwe alimwi lulimi lwakwe lwakaangunuka waambuula, mpawo wapa choolwe Leza. 65Bayakilani boonse bakazula kuyoowa kupati mubusena bwakalundu muJudiya, alimwi impuwo yakazulila atala amakani aaya. 66Nkabela boonse bakamvwa aaya makani bakaabamba mumyoyo yabo, bakati, “Mpoo ooyu mulombe uyobaanzi?” Nkaambo luboko lwaMwami luli alinguwe.
Businsimi bwaZakkariya
67Mpawo wisi Zakkariya wakalizwide aMuuya Usalala mpawo wakaamba eezyo Leza nzyaakayubununa kulinguwe wati,
68“Alumbwe Mwami Leza waIzirayeli,
nkaambo watuswaya tubantu bakwe alimwi watunununa,
69alimwi wabusya kwija kwalufutuko,
kuzwa kulunyungu lwamulanda wakwe Devidi,
70mbuli mbwakaamba mukwiinda kubasinsimi bakwe basalala kuzwa kuchiindi chakale,
71kuti tufutulwe kuzwa kuli basinkondoma,
alimwi akunguzu zyabaabo batusulide;
72wakati uzotondezya luse kuli bamataata besu,
mpawo akuyeeye chizuminano chakwe chisalala,
73achikonke nchaakakonka kuli Abburahamu taata wesu,
74wakatusyomezya kuti iswe uyootuvuna kuzwa kuluboko lwabasinkondoma,
kuti tukonzye kubeleka akukomba Leza chakutayoowa pe,
75kuti tweende mubusalali katululeme kubusyu bwakwe,
mazuba woonse abuumi bwesu.
76Lino anduwe, mwanaangu uyooba musinsimi waSijulu lyaMajulu;
nkaambo uyooba simwiinda nembo waMwami
kuti ukakukule inzila yakwe,
77mpawo akape luzibo lwalufutuko kubantu bakwe
mukwiinda mukulekelelwa kwazibi zyabo,
78mukwiinda muluse ndwakatutentwida lwaLeza wesu,
uyoochita kuti mumuni wakujulu ukatupaswide,
79uyoopa mumuni kuli boonse bakkede mumudima amumunzwiide walufu,
kuzulwida mawulu eesu munzila yaluumuno.”
80Lino mwana wakakomena muchiwa alimwi wakaba mukozu muMuuya, wakali munkanda kusikila mane mumazuba naakaliboniya antangalala kubantu baIzirayeli.
നിലവിൽ തിരഞ്ഞെടുത്തിരിക്കുന്നു:
Lukku 1: TTP
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International
