रोम 5
5
इसोर तुलुच् सामगेक्
1आदो बिसवा़सतेबोन सा़रि ओचोवाकानते इसोर तुलुच् सामगे मेनाक्ताबोना, आबोरेन प्रोभु जिसु मा़सि होतेते। 2ओने उनि होतेते बिसवा़सते सोरोक् होक होंबोन ञाम आकावान नोवा दाया ठेन, ओने ओनारे मेनाक्बोन आर इसोराक् ठोनोक रेयाक् आसरेबो सारहावक् काना। 3आर इना़ एसकार दो बाङ, मेनखान सानतावकोरे होंबो सारहावक् काना, नोवा बाडायकाते, 4बाङमा सानताव दो सोबोरिये होय ओचोयेदा आर सोबोरि दो बिडा़उ टारहावक् आर बिडा़उ टारहावक् दो आस, 5आर आस दो बाय हादोस ओक्चोवा, आबो एमात् बोन सोनोत जिउ होतेते इसोराक् दुला़ड़ दो आबोवाक् ओनतोररे दुल ओडोक आकान इया़ते। 6एनते निजोरबोन ताहेंकानरेगे मा़सि दो ठिक ओकतेरे इसोर बेभोकतिको ञुतुमतेये गोच्लेना। 7एनते आ़डि सोंदहेगे भागे होड़ ला़गित् जाहाँये गोच्कोक्आ, हें भागे होड़ ला़गित् दो पासेच् जाहाँय गुजुक्ए दिलकेगे चोङ। 8मेनखान इसोर दो आबोरे आयाक् दुला़ड़ नोनकातेये सा़बुतएदा, का़इ होड़बोन ताहेंकानरेगे मा़सि आबो ला़गित्ए गोच्लेनते।
9आदो नितोक् उनियाक् माँयाँमतेबो सा़रियागोक्कानते तिना़क् आरतेत्गे उनि होतेते एदरे खोनबोन बाञचावक्आ। 10एनते बा़इरिबोन ताहेंकानरेगे इसोर तुलुच् उनिरेन होपोन रेयाक् गुजुक्तेबोन सामगे ओचोयेन खान, तिना़क् आरतेत्गे सामगे ओचोयेनते उनियाक् जियोनतेबोन बाञचावक्आ। 11आर ओना एसकार दो बाङ, मेनखान इसोररे होंबो सारहावक् काना आबोरेन प्रोभु जिसु मा़सि होतेते, ओने उनि होतेते नितोक् दो सामगेक्बोन ञाम आकावाना।
आदाम आर मा़सि
12चेदाक्जे मित् होड़ होतेते धा़रतिरे का़इ बोलोयेन, आर उनियाक् का़इ होतेते गुजुक् आर ओनकाते सानाम मानवाकोरे गुजुक् दो बोलो पासनावेना, एनते सानामकोगेको का़याकात्आ।#१ कोरिन्थिको 15:21-22 13एनते आ़न आ़उरिरे का़इमा धा़रतिरे ताहेंकान, मेनखान आ़न बा़नुक्रे का़इ दो बाङ लेखाक् काना। 14एनरेहों गुजुक् दो आदाम खोन मोसे हा़बिच् सानामको चेतानरे राजे चालावकेदा। इसोराक् हुकुम बाको मानावलेत् ओनको चेतानरे हों ओने ओनको आदाम लेका बाको का़इलेत्; ओनकोरे हों गुजुक् दो राजे चालावेदा।
15मेनखान चेत्लेका घा़टि ओनका लेका दो बाङा, दाया दान दो एनते उनि मित् होड़ रेयाक् घा़टिते ओनको आयमाको गोच्एन खान, आरतेत् बा़ड़तिगे इसोराक् दाया आर उनि मित् होड़ जिसु मा़सियाक् दायातेयाक् दान दो ओनको आयमाको ला़गित् सारेड़ेना। 16आरे का़इकेत् मित् होड़ होतेते लेका दो बाङा दानतेत् दो; एनते मित् होड़ाक् होतेते बिचा़र दुसिक् ला़गित् सा़जा़इ दो होयेना, मेनखान दाया दान दो आ़डि उता़र घा़टि इया़ते बिचा़रओक्चो ला़गित् होयेना। 17चेदाक्जे उनि मित् गोटेनाक् घा़टि इया़ते मित् होड़ होतेते मोरोन राजे चालावलेत् खान, आरतेत् बा़ड़तिगे दाया रेयाक् आर बिक्चा़र तेयाक् दान रेयाक् सारेड़तेत् हाक्तावको दो जियोनरे राजको चालावा, उनि मित् होड़ मेताक्मे, जिसु मा़सि होतेते।
18आदो एनडेखान चेत्लेका मित् होड़ाक् घा़टि होतेते सानाम मानवाकोरे बिचा़र दुसिक्ते सा़जा़इ हेच् पाड़ावेना, ओनकागे मित् होड़ाक् बिक्चा़रतेयाक् का़मि होतेते सानाम मानवाकोरे जियोन ला़गित् सा़रि ओक्चोवाक् होयेना। 19एनते चेत्लेका उनि मित् होड़ाक् हुकुम बेबाक्तावते ओनको आयमा होड़ का़यानको टारहावेना, ओनकोगे उनि मित् होड़ाक् बाक्तावते ओनको आयमा होड़को भा़क्ला़इ ओचोक्आ।
20आर आ़न हों हेच् सोङगेयेना, जेमोन घा़टि दो बा़ड़तिक्; मेनखान ओकारे का़इ बा़ड़तियेना, दाया दो आरतेत्गे सारेड़ेना; 21जेमोन चेत्लेका का़इ दो मोरोन राजे चालावलेदा, ओनकागे दाया हों बिक्चा़रोक्ते जायजुग जियोन ला़गित् राजे चालावा आबोरेन प्रोभु जिसु मा़सि होतेते।
നിലവിൽ തിരഞ്ഞെടുത്തിരിക്കുന്നു:
रोम 5: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025
