रोम 4
4
आबराहाम रेयाङ ना़मुना
1चेत् एनडेखानबोन मेना, मानवा जा़त लेकातेन आबोरेन बाबा आबराहाम दोए ञामआकावाना? 2एनते आबराहाम दो का़मिकोते सा़रि होड़े होय ओचोलेन खान होनाङ, एनडेखान गोरोब रेयाङ ताहेंकोक्ताया, मेनखान इसोर सामाङरे दो बाङ। 3एनते सोसतोर दो चेत्ए मेनेदा? “आबराहाम दो इसोररेये पा़तिया़वेना आर ओनागे सा़रियाक् ला़गित् लेखायेनताया।” 4आदो का़क्मियिच् रेयाक्, कुड़ाइ दो दान लेकाते दो बाङ मेनखान होक ञामलेकातेगे लेखाक् कानताया। 5मेनखान ओकोय बाय का़मिकान बिचकोम इसोर बेभोकतिकोरेन सा़रि ओक्चोयिच्रेये पा़तिया़उक्कान, उनियाक् बिसवा़सगे सा़रियाक् ला़गित् लेखाक्ताया। 6चेत् लेका दा़उद हों उनि होड़गे भा़गाने ञुमेकाना, ओने ओकोय रेयाक् बेगोर का़मिकोतेगे इसोर दो सा़रियाक्ए लेखायेत्ताय; एनकाथाय।
7“भा़गानगेयाको ओनको दो ओकोयाक् बा़ड़िच्आक्को इका़आकानताको,
आर ओकोयाक् पाप घा़टिको दापालआकानताको।
8भा़गानगेयाय उनि होड़, ओकोयाक् का़इ प्रोभु दो बाङगेये लेखायेत्ताय।”#सेरेञको 32:1-2
9आदो नोवा भा़गान काथा दो खातना आकानको ला़गित्गे? से बिन खातनाको ला़गित् हों? आबो माबोन मेनेत् चोङ, बाङमा, आबराहाम दो बिसवा़सतेगे बिक्चा़रानिच्ए लेखायेनताया। 10ओका लेकाते एनडेखान लेखायेनताया? खातनाकाते से आ़उरि खातनाक्रेगे? खातनाकाते दो बाङा, मेनखान आ़उरिये खातनाक्रेगे 11आर खातना रेयाक् चिनहा़ दोए ञामकेदा, आ़उरिये खातनाक्रे ताहेंकानताय बिसवा़स तेयाक् सा़रिनाक् रेयाक् मित्टेच् मोहोर छाप मेनते जेमोन बिन खातनारेन सानाम पा़तिया़उक्कोरेन आपाते होयोक्; ओनको ला़गित् हों सा़रिये लेखाक्आ मेनते। 12आर खातनाकोरेन आपात हों, मेताक्मे, ओनकोरेनगे ओकोय एकेन खातनारेन दोको बाङ कान मेनखान आबोरेन बाबा आबराहाम आ़उरिये खातनाक्रे ताहेंकानताय बिसवा़स रेयाक् गोयोनरे होंको ताड़ामेत्।
इसोराक् गोक्आक् दो पा़तिया़उक्तेगे ञामोक्आ
13एनते आबराहाम ठेन से उनिरेन बोंस ठेन गोक्आक् दो आ़नते बाङ एमलेना, उनि दो धा़रतिरेन आ़इदा़रिच्ए होयोक्आ मेनते, मेनखान बिसवा़स रेयाक् सा़रियाक्तेगे। 14चेदाक्जे आ़न रेनकोगेको आ़क्आ़इदा़रिको कान खान, बिसवा़स दो माउता़लेना आर गोक्आक् दो आ़उड़ियागोक्आ। 15एनते आ़न मा एदरेये होयओचोयेत्, मेनखान ओकारे आ़न बा़नुक् आनाङ; दो आ़न सासाँड़गोम हों बा़नुक् आनाङ।
16ओना इया़ते गोक्आक् दो बिसवा़सतेगे होयेना, जेमोन दाया लेकातेयाक् होयोक्, जेमोन गोक्तेत् दो दिड़होगे ताहेन जोतो आबराहाम बोंसको ला़गित्, एकेन आ़नरेनको ला़गित् दो बाङ, मेनखान आबराहाम रेयाक् बिसवा़सरेनको ला़गित् हों, ओने आबराहाम दो आबो सानामकोरेन बाबा काने। 17ओलआकान लेका, “आ़डि उता़र दिसा़मकोरेन बाबागे इञ टारहावाकात्मेया।” इसोर सामाङरे ओने उनिये पा़तिया़वायकान ताहेंकान, ओने उनि गोच्कोए जिवेत्एत्को आर बा़नुक्आक्को हों मेनाक्आक्को लेकाय मेताक्कान।#जेनेसिस 17:15
18उनि दो हादोसरे हों आसकातेये पा़तिया़वेना, जेमोन आ़डि उता़र दिसा़मकोरेन बाबाय होयोक्, रोड़ आकात्आक् लेका, “ओनकागे आमरेन बोंसको दोको होयोक्आ।” 19आर बिसवा़सरे बेगोर निजोरोक्ते आयाक् होड़मोय बेङगेत्आक्आ ओनामा गोच् बारागगे ताहेंकान (एनते मित् साय बोछोर गानरेने ताहेंकाना) आर सारा रेयाक् गोच् कुखि हों। 20मेनखान इसोराक् गोक् काथा रेयाक् दो बेपा़तिया़उते बाय दिगधा़लेना, बिचकोम बिसवा़सरेये दाड़े इदियेनते इसोरे ठोनोक आदेया। 21इसोरगे माने एमादेते, खा़टिगेये बाडायकेदा, जे ओकाटाक्ए गोक्आकात्, ओना दो पुरा़उ होंए पुरा़उ दाड़ेयाक्गेया। 22ओना इया़ते बिसवा़स दो उनि ला़गित् भा़क्ला़इगे लेखायेनताया। 23उनि ला़गित् लेखायेन, नोवा काथा दो उनि मोतो ला़गित् दो बाङ ओललेना। 24मेनखान आबो ला़गित् हों, ओने ओकोयको ला़गित् लेखाक् ला़गिदोक्कान मेताक्मे, आबोगे, ओकोय आबोरेन प्रोभु जिसु गोच्को खोने बेरेत्केदेयिच्रेबोन पा़तिया़वाकान, 25ओने उनि आबोवाक् घा़टको ञुतुमतेये सोपरोतलेन आर आबोबो सा़रि ओचोक् ञुतुमतेये जिवेत् बेरेत् ओचोयेन।
നിലവിൽ തിരഞ്ഞെടുത്തിരിക്കുന്നു:
रोम 4: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025
