रोम 2
2
इसोराक् ठिक बिचा़र
1ओना इया़ते ए मानवा आ़ँडुङ दो बा़नुक्तामा, बिचा़रिच् दोम जाहाँय कानगे, एनते ओकाटाक् रेयाक् एटागिच्एम बिचा़रेदेया, आमतेत्गेम बिचा़र दुसिक्काना एनते आम बिचा़रिच् दो इना़कोगेम का़मिएदा। 2आरबोन बाडायगेया, इसोराक् बिचा़र दो सा़रि तेयाक् काना ओनकानाक् का़क्मिकानको उपा़रते। 3ए मानवा आम नोनकानाक् का़मि बाक्ड़ाकोरेन बिक्चा़रिच् आर इना़कोगे का़क्मियिच्, चेत्, नोनकाम हुदिसेदा, इसोराक् बिचा़र खोन दोम पासकावक्आ 4से उनियाक् सोसटोब आर साक्हाव आर सोबोरि रेयाक् आसामभेड़तेत्एम नेङघावेत्ताया? बाम बाडाया इसोराक् सोसटोब दो मोन आ़चुर सेच्ए आ़युरेत्मेया मेनते?
5मेनखान आमाक् केटेच् आर बिन आ़चुरोक् मोनतेगे एदरेम सोंचजोङ काना, एदरे रेयाक् दिन आर इसोराक् सा़रि बिचा़र सोदोरोक् हिलोक् ला़गित् 6उनि ओने मित्के मित् होड़ आकोवाक् का़मिको लेक लेकाए हालावाको; 7भागे का़मिरे ताहें रेबेत्काते ठोनोक आर मान आर बाङ मारावक्आक्को ञाम बाड़ायेत्को दो जायजुग जियोनको ञामा। 8मेनखान आपनारगे दुक्ला़ड़ोक्को आर सा़रियाक् बाङ बातावको, बिचकोम बा़ड़िच्आक् बाक्तावको दो एदरे आर राङगावगे हेच् पाड़ावाकोवा। 9सानताव आर जाला दो बा़ड़िच्को का़मिकान मिमित् मानवा जिविरे हेच् पाड़ावक्आ, जिहुदिकोरे पा़हिल आर जुना़निकोरे हों। 10मेनखान भागेको का़क्मिकान मिमित् होड़ ला़गित् दो ठोनोक, मान आर सुलुकगे जिहुदिको ला़गित् पा़हिल आर जुना़निको ला़गित् हों; 11एनते इसोर ठेन मेंत्हाँ बेङगेत्आक् दो बा़नुक्आनाङ।
12एनते तिना़क् होड़ बेगोर आ़नतेको का़याकादा, ओनको दो बेगोर आ़नतेगेको नोसटोक्आ आर तिना़क् होड़ आ़नानतेको का़याकादा ओनको दो आ़नतेको बिचा़रोक्आ 13एनते आ़न आँजोमको दो इसोर सामाङरे भागेनको दोको बाङ काना, मेनखान आ़न का़क्मिकोगे सा़रिन दोको टारहावक्आ। 14एनते आ़न बा़नुक्ताको जिहुदि बाहरेरेनको जोनोम गुनते आ़न रेयाक्को का़मिले खान, ओनको दो आ़न बा़नुक्ताको तुलुच् आपनार ला़गित् आ़न कानाको। 15ओनको दो आ़न रेयाक् का़मि आकोवाक् ओनतोररे ओलआकाना मेनतेको उदुक्एदा, ओनकोवाक् साँवबाक्डायाक् हों गोहाय एमेदा, ओनकोवाक् हुदिस बुनदिसतेगे ओका दोको दुपुसा़उक् काना आर ओका दोको रोड़ गोड़ोंक् काना। 16एन हिलोक्गे ओका हिलोक् इसोर दो मानवाकोवाक् ओकोवाक्कोय बिचा़रताको। मा़सि जिसु होतेते इञाक् भागे सोमबात लेका।
जिहुदिको आर आ़न
17मेनखान जुदि आम दो जिहुदि होड़रेम ञुमोगोक् खान आर आ़नरेम हिरला़ जोङ खान आर इसोर रेयाक्एम गोरोबोक्कान, 18आर उनियाक् मोनेजोङेम बाडायेत् खान आर भागेयाक्कोम बिछना़वेत् खान, आ़न रेयाक्एम चेत् ओचोवाकानते, 19आरेम भोरसाजोङकान आम दो काँड़ाँकोरेन आ़क्युरिच् कानाम मेनते ञुतरे मेनाक्कोरेन मारसाल, 20बेबुजकोरेन एक्तोयिच्, आलबुदा़हाकोरेन चेचेत्इच् कानाम बाक्डाय आर सा़रियाक् रेयाक् धारातेत् आ़नरे मेनाक्तामते, 21आम ओकोय एटाक् होड़ेम चेत्आयकान, चेत् आपनार दो बाम चेत्जोङ काना? आम ओकोयेम पोरचारेत् आलो कोमबड़ोय ला़गित्, आमगेम कोमबड़ोयेदा? 22आम ओकोयेम मेनेत् आलो लाटघाट ला़गित् आर आमगेम लाटघाट एदा? आम ओकोय मुरहुत्कोम हिरखा़वाको कान, आमगे कोयजोङ ओड़ाक्कोम लुट एदा? 23आम ओकोय आ़न रेयाक्एम गोरोबोक्कान, आ़न काड़गोकाते इसोरेम बेमानोत एदेया? 24एनते इसोराक् ञुतुम दो आपे इया़तेगे हेनोसताक् काना, जिहुदि बाहरेरेनको तालारे, ओलआकान लेका।#जेसाया 52:5; जेहेसकेल 36:20
25आ़नेम सेनाक्कान खान, खातना दो पोरहोवानाक् कानगेया, मेनखान आ़नेम काड़गोयेत्कान खान, आमाक् खातना दो बिन खातनाआनाक्गे होयाकानतामा। 26आदो बिन खातना होड़ आ़न रेयाक् हुकुमकोय दोहोयेत् खान, उनियाक् बिन खातना दो खातनागे बाङ लेखाक्ताया? 27आर होड़मो लेकाते बिन खातना होड़ कानरेहों आ़नको पुरा़वेत्, ओनको दो आपेको बिचा़रपेया, एनते आपे दो ओलाक् आ़न आर खातना मेनाक् तुलुच् आ़नपे काड़गोयेत् काना। 28एनते बाहरे सेच्तेनिच् दो जिहुदि दोए बाङ काना आर बाहरे सेच्तेयाक्, मेताक्मे, जेलतेयाक् दो, खातना हों बाङ काना, 29मेनखान भितरि सेच्तेनिच्गे जिहुदि दो आर खातना हों ओनतोर रेयाक्गे जिउतेयाक्गे आखोरते दो बाङ। ओनकानिच् रेयाक् सारहाव दो मानवासेच् खोनाक् दो बाङ काना, मेनखान इसोर सेच् खोनगे।
നിലവിൽ തിരഞ്ഞെടുത്തിരിക്കുന്നു:
रोम 2: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025
