रोम 3
3
पा़तिया़रान इसोर
1एनडेखान जिहुदि होड़ रेयाक् पोरहोतेत् दो चेत्? से खातना रेयाक् लाब दो चेत्? 2जोतो लेकाते आ़डि ओकोच् पा़हिल दो नोवागे जे इसोराक् काथाको ओनको ठेन जिमा़येना। 3आदो आदोम आदोमको बेपा़तिया़वेनते दो चेत्? ओनकोवाक् बेपा़तिया़उतेत् दो इसोराक् पा़तिया़रतेत्ए आ़उड़ियागताया? 4ओहोगे, बिचकोम इसोर बाड़े सा़रिये ताहेंन मा आर जोतो मानवा दो एक्ड़ेको; ओलआकानलेका,
जेमोन आमाक् काथाकोरे सा़रियाक्एम टारहावक् आरेम बिचा़रोक्रे दोम जिता़उक्।
5मेनखान आबोवाक् बा़ड़िच्गे इसोराक् बिक्चा़रतेत्ए सोदोर खान चेत्बोन मेना? चेत्, इसोर दोए बा़ड़िच्गेया, ओने उनि एदरेतेये हालाहा़क्लिकान? (मानवा धारातेञ रोड़ेदा) 6ओहोगे, ओनका खान इसोर दो चेकाते धा़रतिरेनकोय बिचा़रकेकोवा? 7मेनखान इसोराक् सा़रियाक्तेत् इञाक् एड़ेतेगे सारेड़ेन खान उनियाक् ठोनोक ला़गित्, एनडेखान नित हा़बिच् का़क्का़यिच् मेनकाते चेदाक् इञ बिचा़र ओचोक्काना? 8आर चेदाक् बाबोन नोनकाया आबोबोन हेनोसता ओचोक्कान लेका आर आदोम आदोमकोको रोड़ेत्लेका, आबोबोन मेनेदा मेनते, बा़ड़िच्आक्बोन का़मिया जेमोन भागेयाक् होयोक्? ओनकानको रेयाक् सा़जा़इयोक् हुकुम दो हिकेगेया।
बिक्चा़रानको दो ओकोय हों बा़नुक्कोवा
9चेत् एनडेखान? आले दोले सोरोसगेया? ओका लेकाते हों बाङ; एनते लाहा खोन बोन दुसिगेते, जिहुदिको हों आर जुना़निको हों, सानामगे का़इ गोबोलरे मेनाक्कोवा मेनते। 10ओलआकान लेका,#सेरेञको १४:१-३; ५३:१-३
“भागेको दो ओकोय हों बा़नुक्कोवा मित् गोटेन हों बाङ।
11बुजानको दो ओकोय हों बा़नुक्कोवा,
इसोर ञामबाक्ड़ाको दो ओकोय हों बा़नुक्कोवा,
12सानामगेको बाहकावआकाना,
मित् मित्तेको बिनलेक आकाना; भागे का़क्मिको दो ओकोय हों बा़नुक्कोवा, मित् गोटेनगान हों बाङ।
13खुला़ कोबोर काना ओनकोवाक् ना़न्डरि दो आकोवाक् आलाङते एड़ेको रोड़ आकात्आ। का़रिना़ङगिन रेयाक् बिस मेनाक्आ ओनकोवाक् लुटि लाताररे,
14ओनकोवाक् मोचा दो साक्राप आर हेवेर हाड़हात्ते पेरेच्आकाना,
15जाङगा दो चाँडाकिक्कानताकोवा माँयाँम आ़तुइ ला़गित्;
16झारखार आर हारखेतगे ओनकोवाक् होरकोरे मेनाक्आ,
17आर सुलुक् रेयाक् होर दो बाको बाडायाकादा।
18इसोर बोतोराय दो बा़नुक्आना़ङ ओनकोवाक् मेंत् सामाङरे।”
19मेनखानबोन बाडाया, जाहानाक्गे आ़ने मेनेत् आ़न ता़रिरेनकोगेये मेताको काना जेमोन मित्के मित् मोचा सिकुबोक् आर गोटा धा़रतिरेन होड़ इसोर सामाङरे जोबाबदिहिकोको होयोक्। 20चेदाक्जे आ़न रेयाक् का़मिकोते ओकोय मानवा हों उनि सामाङरे बाको सा़रियागोक्आ, एनते आ़नते दो का़इ बाडाय ओरोमोक्काना।
पा़तिया़उ होतेते बिक्चा़रोक्
21मेनखान नितोक् दो बेगोर आ़नतेगे इसोराक् मित्टेच् सा़रियाक् सोदोराकाना, आ़न आर ना़बिको होतेते गोहावाकात्आक्। 22मेताक्मे इसोराक् सा़रियाक्गे जिसु मा़सिरे पा़तिया़उक्तेगे, पा़तिया़वाकानको ला़गित्; एनते बेगारतेत् दो बा़नुक्आनाङ। 23चेदाक्जे सानामगेको का़याकादा आर इसोराक् ठोनोक खोनको एड़ाङगेया। 24इसोराक् दाया दानतेगे मा़सि जिसुरे मेनाक् छाडावक् होतेते ओमनेतेबोन सा़रियागोक् काना। 25इसोर दो उनिगे बिसवा़सते मित्टेन पुक्रुछुनाक् मेनतेये तेङगोकेदेया, उनियाक् माँयाँमरे आयाक् सा़रियाक् उदुग ला़गित्, इसोर आयाक् साक्हावरे, पा़हिलरे होयेन का़इकोय ञेलगोत् आकात् ताहेंकानते, 26हें निया़ बिदा़लरे इसोर दो आयाक् भागेयाक्ए उदुगा मेनते जेमोन आच्गे सा़रिय टारहावक् आर जिसुरे पा़तिया़उक्कोरेन भा़ला़इ ओक्चोयिच्ए होयोक्।
27ओकोर आनेच् एनडेखान गोरोबोक् दो? सिञ बाहरेयना ओका लेकानाक् आ़नते? का़मिको रेयाक्ते? बाङ मेनखान बिसवा़स रेयाक् आ़नतेगे। 28एनतेबोन मेनेत् काना, होड़ दो बिसवा़सतेगेये सा़रियागोक् काना, बेगोर आ़न का़मिकोतेगे। 29से जिहुदिको एसकाररेनगे इसोर दो? जिहुदि बाहरेनको दोए बाङ काना? हें जिहुदि बाहरेरेनको रेन हों कानगेयाय। 30इसोर दोए मित् गोटेनगेते, ओने उनिगे खातनाको दो बिसवा़सते आर बिन खातनारेनको दो बिसवा़स होतेतेये सा़रिओचोको। 31आदो बिसवा़स होतेते आ़नबोन मा़उता़एदा? ओहोवा बिचकोम आ़नबोन काजाकएत्काना।
നിലവിൽ തിരഞ്ഞെടുത്തിരിക്കുന്നു:
रोम 3: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025
