१ कोरि 12
12
सोनोत जिउ रेयाक् दाया दानको
1आर जिउ तेयाक् दानको रेयाङ दो, ए बोयहा आर मिसराको, आजान पे ताहेन दो बाङ सानाञ काना। 2बाडाय गेयापे, जे जिहुदि बाहरे रेन होड़ पे ताहेंकान जोखेच् दो गुङगा़ मुरहुत्को ठेन पे इदि ओचोक्कान ताहेंकाना जाहाँ लेका गेपे आ़युर एनडाक् ओचोलेन। 3ओना इया़तेञ बाडाय ओचोयेत् पेया, इसोर रेन जिउरे रोरोड़को दो ओकोय हों बाको मेना, “जिसु दो सारापिच् कानाय,” आर ओकोय हों “जिसुगे प्रोभु कानाय” मेनते बाको मेन दा़ड़ेयाक्आ, सोनोत जिउरे बेगोर दो। 4दाया दानको मा जुदा़ जुदा़गे, मेनखान जिउ दो इनिगे। 5साप्दाप् का़मिको मा जुदा़ जुदा़गे आर प्रोभु दो इनिगे। 6का़मिको मा जुदा़ जुदा़गे मेनखान इसोर दो इनिगे, ओने उनि सानामकोरे सानामाक्ए का़मि ओचोयेत्। 7आर मिमित् होड़ जिउ रेयाक् सोदोराक्ए एमाको काना, सानाम कोवाक् पोरहो ला़गित्गे। 8एनते मित् होड़ दो जिउ होतेते आकेल रेयाक् एमायकाना, आर एटागिच् दो बाक्डाय रेयाक् रोड़, इनि जिउ लेकातेगे। 9एटागिच् दो इनि जिउ लेकातेगे पा़तिया़उक्, आर एटागिच् दो बोक्गे रेयाक् दाया दानको, इनि मित् जिउरेगे। 10आर एटागिच् दो हाहाड़ा का़मि रेयाक् दाड़े, आर एटागिच् दो ना़क्बि, आर एटागिच् दो जिउको पाक्छनाव, आर एटागिच् दो जुदा़ जुदा़ पा़रसि रोरोड़, आर एटागिच् दो पा़रसि तोरजोक्मागे। 11मेनखान नोवाको सानाम दो उनि मित् आर इनि जिउगेये का़मि ओचोयेदा, आर मिमित् होड़े एम हा़टिञाको काना, आच्ए मेन जोङकान लेका।
मित् होड़मो रेयाक् आयमा हा़टिञको
12एनते चेत् लेका होड़मो दो मित् गोटेच्गेया, आर ओना रेयाक् आयमा हा़टिञको मेनाक्आ, आर होड़मो रेयाक् जोतो हा़टिञको आ़डि ओकोच्रे हो मित् होड़मो कानगेया, ओने ओनकागे मा़सि हों। 13एनते मित् जिउ होतेतेगे आबो हों सानामको मित् होड़मोक् ला़गित्बो बा़प्तिस एना, बाङ दो जिहुदिको, बाङ दो जुना़निको, बाङ दो गोलामको, बाङ दो बोन सा़धिनको कान आर सानामकोगे मित् जिउ रेयाक् बोन ञु ओचोयेना।
14होड़मो दो एनते मित् होड़मो हा़टिञ दो बाङ काना, मेनखान आयमावा। 15जाङगाय मेनले खान, ति दोञ बाङकानते होड़मो रेयाक् दोञ बाङ काना, इना़ इया़तेगे ओना दो होड़मो रेयाक् बाङ काना मेनते दो बाङ होयोक्आ। 16आर लुतुरे मेन लेखान, मेंत् इञ दोञ बाङकानते होड़मो रेयाक् दोञ बाङ काना इना़ इया़तेगे ओना दो होड़मो रेयाक् बाङ काना मेनते दो बाङ होयोक्आ। 17गोटा होड़मो मेंत्गे ताहेन खान आँजोमाक् दो ओकोरआनेच्? आर गोटा होड़मोगे आँजोमाक् ताहेन खान जिजिआक् दो ओकोरआनेच्? 18मेनखान इसोर दो मिमित् होड़मो हा़टिञ होड़मोरेये दोहोकेदा, आयाक् कुसिलेकागे। 19आर ओनाको सानाम दो मित् होड़मो हा़टिञगे ताहेन खान, होड़मोतेत् दो ओकोरआनेच्? 20मेनखान नितोक् होड़मो हा़टिञको दो आयमावा, एनहों होड़मो दो मित् गोटेच्गे।
21मेंत् दो ति ओहोय मेन दाड़ेलेया, “आमाक् दो जा़रुड़ बा़नुक्तिञा,” बोहोक् हों जाङगा ओहोय मेन दाड़ेलेकिना, “आबेनाक् दो जा़रुड़ बा़नुक्तिञा,” 22हें बिचकोम होड़मो रेयाक् ओकाको हा़टिञ बा़ड़ति निजोर आटकारोक् काना, ओनकागे जा़रुड़ा 23आर होड़मो रेयाक् ओकाको हा़टिञ कोम मानोतानाक्कोबो बुजहा़वेदा, ओनाकोगे बा़ड़ति मानोतबो होरोक्आक् काना, आर आबोवाक् बेढोब होड़मो हा़टिञ ढेर ढोबोक् काना, 24मेनखान आबोवाक् होड़मो हा़टिञको ला़गित् ओना जा़रुड़ दो बानुक्आ, मेनखान इसोरगे होड़मोय जोड़ाव मित्केदा, ओका होड़मो हा़टिञरे कोम मानोत मेनाक् ओनागे बा़ड़तिये एमात्ते, 25होड़मो हा़टिञकोरे भिना़भिनिक् दो आलो होयोक् मा बिचकोम होड़मो हा़टिञको मित् एटाक् लेकागेको गोरोजोक् मा। 26आर चाहे मित् होड़मो हा़टिञगे दुकोक्, जोतो होड़मो हा़टिञ कोगे दुक सेलेदोक्आ आर चाहे मित् होड़मो हा़टिञगे ठोनोक ओचोक्, जोतो होड़मो हा़टिञकोगे रा़सका़ सेलेदोक्आ 27आदो आपे सानामको मिदुक्ते दो मा़सियाक् होड़मो काना पे आर आपान आ़पिन दो ओना रेयाक् होड़मो हा़टिञको काना 28आर इसोर दो का़लिसिया़रे आदोम होड़ कोए बाहाल केत्कोवा, पा़हिल दो आपोसतोलको, दोसार दो ना़बिको, तेसार दो चेचेत्को, ओनाकाते दाड़े का़मि का़क्मिको, ओनाकाते दो बोक्गे रेयाक् दाया दानको, गोक्ड़ोको, चाक्लावको, जुदा़ जुदा़ पा़रसि रोरोड़को। 29सानामकोगे चेत् आपोसतोल कानाको? बाङ दो जोतोकोगेको ना़बिकान? बाङ दो जोतोकोगेको चेचेत्को कानाको? सानामकोवाक्गे चेत् हाहाड़ा का़मि रेयाक् एकतिया़रि मेनाक्ताकोवा? 30बाङ दो जोतोगे बोक्गे दाया दान मेनाक्ताको? बाङ दो जोतोकोगे जुदा़ जुदा़ पा़रसितेको रोड़ेत्? बाङ दो जोतोगेको तोरजोमायेत्? 31मेनखान सोरोस सोरोस दानको जिदकाते ञाम बाड़ाय पे! आर आरतेत् सोरोसाक् मित्टेच् होर इञ उदुक्आपेकाना।
നിലവിൽ തിരഞ്ഞെടുത്തിരിക്കുന്നു:
१ कोरि 12: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025