Maliku 12
12
Mlandano wa litawa lya Mizabibu na mtukutula
Matayu 21:33-46; Luka 20:9-19
1Yesu akatumbula kulonga na weni kwa milandano, “Mundu mmonga atukutulili litawa lya mizabibu. Akachenga lyugha kutindila litawa, akachenga mhala pa kukamulila divai akachenga kilingo kangi. Kalihusa kwa lipindi litawa lila kwa watukutula, akayenda mwanja mbaka mlima wa kutali.” 2Lipindi lya kubena amlaghilili mtumikila ghaki kwa wala watukutula, akamyegheli lihomoso ghaki lya mabeno gha litawa lyake. 3Wala watukutula wakamkamula, wakamtova yula mtumikila, wakamuhuyisa miwoku ivile na hindu ng'ogha. 4Na mweni litawa akalaghila kangi mtumikila ghangi. Na mweni, wakamuhakili ku mutu na kumgholela mahakata ngenju. 5Yula mweni litawa akamlaghilila kangi mtumikila ghangi, na weni wakamkoma. Na wakawagholela watangala walaghililwi na mweni litawa, wamonga wawatovilili na ghangi wakawakoma. 6Mweni litawa ahighalilwi na mwana mmonga, avile mwana ghaki ampalili. Kumwihu akamlaghila hayu akilonga, “Watemtundamila mwana ghangu.” 7Ila wala watukutula wakalongelana, “Hayu ndiwa mlihi, hinu tumkomi, ili ulihi ghaki uvile wa twenga.” 8Hinu wakamkamula, wakamkoma, na kumdanga panji gha lila litawa lya mizabibu. 9Hinu Yesu akawakonya, “Mweni litawa ateghola kyani? Atehika kuwayalamisa hagha watukutula. Na hinu atehusa kwa lipindi kwa watukutula ghangi lila litawa lya mizabibu.” 10Ghuli, msoma ng'ogha hagha Mayandiko gha Sapanga?
“Liganga walilemili wachengaji,
hinaa livile liganga likulunga lya mmbali.”
11“Bambu ndiwa agholili mghalu hau,
na hau ni wa kukangasa nesu kwa twenga.ʼ”
12Hinu wala Watambika wakulu na wavula wa ulaghililo na wambuyi wahakulili njila gha kumkola Yesu, kwa ikiva wamanyili yiwa alongili mlandano hau kwa weni. Ila kwa ikiva watilili lipinga lya wandu, wakamleka ajiyendeli.
Kuhipa kodi kwa Kaisali
Matayu 22:15-22; Luka 20:20-26
13Hinu, wamonga wa Mafalisayo na lipinga lya Helode wayeghilwi ili wamteghi Yesu kwa kumkonya milandu ghaki. 14Pawamuhikilili Yesu, wakamkonya, “Mvula, tungumanya yiwa wenga ni mundu wa maha na ungulongela unagha . Hilahila uloli ngʼogha ukulu wa mundu ila unguvula kwa unagha njila zya Sapanga kuzikovekela. Utulongeli hinu, ulaghilo ungutulongela kuhipa kodi kwa Mfalumi Mkulu wa Roma au ngʼogha? Ingudahilwa kuhipa au ngʼogha?” 15Ila Yesu amanyili ukalamuka ghao, akawalongela, “Ghuli mnguniyesa? Mnilangihi hai mapesa niilole.” 16Wakamlangiha lila ligwala, na mweni akawakonya, “Wuso na lihina hali ni lya ghani?” Wakamuyanga, “Ni gha Nduna Mkulu wa Roma.” 17Hinu, Yesu akawalongela, “Gha Nduna Mkulu wa Roma mumpeghi vivili ghaki, na gha Sapanga mumpeghi Sapanga.” Wakangaswa nesu na mweni.
Mghalu wa kuhinduka wahovili
Matayu 22:23-33; Luka 20:27-40
18Hinu, Masadukayo wawelili wakilonga yiwa kwahela uhinduki wamuhikilili Yesu, wakamkonya, 19“Mvula, Musa atulaghilili nagha, ‘Mundu akihova na kuleka mdala ngʼogha mwana. Mlongu ghaki angudahilwa amtole hayu mdala ahovitiliwi na mlumi, ili ampatile mlongu ghaki wana’. 20Hinu, kuvile na walongu isaba. Wa kutumbula aposili, akahova ngʼogha kuleka mwana. 21Mlongu wa ivili akamposa yula mdala wa ahovili, na mweni kangi akahova ngʼogha kumleka mwana, na mlongu wa itatu hilahila. 22Wogha isaba wahovili na ngʼogha kuleka mwana. Ku mwihu yula mdala wa mlumi ahovili na mweni akahova. 23Hinu, Lichuwa wandu watehinduka, mdala hayu atevile mdala wa ghani? Wogha isaba wavile wamposili.” 24Yesu akawalongela, “Mwenga myaghanika kwaikiva mmanya ng'ogha Mayandiko gha Sapanga ng'ogha makakala gha Sapanga.” 25Kwa ikiva wahovili pa wahinduki wateposa ngʼogha na kuposwa, watevile handa Wandumindumi wa Sapanga wa kundumba. 26Ila kulongela kuhinduliwa kwa wahovili, ghuli msoma ngʼogha hitabu kya Musa ku mahala kulongela kila kiputila kivile kinguyaka lyoto? Sapanga amlongelili Musa, “Nenga ni Sapanga wa Ibulahimu na Sapanga wa Isaka na Sapanga wa Yakobu.ʼ 27Hinu, mweni ngʼogha Sapanga wa wahovili, ila ni Sapanga wa wavile wakomu. Mwenga myaghanika nesu.”
Laghilo ngulu
Matayu 22:34-40; Luka 10:25-28
28Mmonga wa wavula wa ulaghililo ahikili, akahyoghanila malongelano ghao. Pa alolili yiwa Yesu awayangili maha, akajihumila, akamkonya, “Ku malaghilo yogha ni malaghilo ghani yavile gha mtumbula?” 29Yesu akamuyanga, “Laghilo ngulu ni hali, mhyoghanili mwenga wandu wa Izilaeli, Bambu Sapanga wa twenga, ndiwa weka hela Bambu.” 30Umpali Bambu Sapanga ghako kwa moyu ghako wogha, kwa Upumulo ghako wogha, kwa maghala ghako yogha na kwa makakala ghako yogha.ʼ 31Na gha ivili ndiwa hai, “Umpali muyaku handa ujipalili mweni. kwa hela laghilo ghangi livile ngulu gha hazi.” 32Yula mvula wa ulaghilo akamlongela Yesu, “Ni maha, mvula, ulongiti unagha yiwa Sapanga ni mmonga weka hela ngʼogha Sapanga ghangi ila mweni. 33Na mundu angudahilwa kumpala Sapanga kwa moyu ghaki wogha, kwa lughala lwaki lwogha na kwa makakala ghaki yogha, na mweni angudahilwa kumpala muyake handa vila ajipalili mweni. Mighalu hai ni maha nesu kuphita kumpegha Sapanga litambiku lya kulungusa kwa lyoto na mapegho.” 34Yesu pa alolili yiwa ayangili kwa lughala, akamlongela, “Wenga uvili Kutali ngʼogha na ufalumi wa Sapanga.” Badili gha ghala kuvile ngʼogha mundu kangi wa kumkonya.
Kilisito aghagulilwi na Sapanga ni ghani
Matayu 22:41-46; Luka 20:41-44
35Lipindi Yesu avile akivula ku Lighuta lya Sapanga, akonyili, “Ghuli wavula wa ulaghililo wangulonga yiwa Kilisito ni mwana wa Daudi?” 36Daudi mweni akilongoswa na Mpumulo wa Sapanga kulonga,
Bambu amlongelili Bambu wa nenga,
Utami upandi wa nenga wa kulihila,
mbaka niwaviki wahakata ghako pahi gha maghulu ghako. 37“Daudi mweni angumkema Kilisito Bambu. Hinu, Kilisito atevile ghuli mwana ghaki?” Lipinga likulunga lya wandu limyoghaniliti Yesu kwa luheku.
Mlikali mihu na mavulo gha wavula wa ulaghililo
Matayu 23:1-36; Luka 20:45-47
38Pa awelili anguwavula Yesu alongilili, “Mlikali mihu na wavula wa ulaghililo. Wavili wangupala kutyanga wamevala lihabiti litali, na kujambuswa kwa utundamilo ku lighuta gha kukonganika Wayahudi. 39Wangudahila hilahila kutama ku vikalilo vya kuulongolo mghati mwa lighuta zya kuyupila Wayahudi na kuvile na mahala pa utundamilu ku mhambu. 40Wangupoka hindu gha wahovilwi na walumi ghao na kuyupa mayupo matali ili wawoneki kuulongolo gha wandu. Kwa ikiva gha hagha lichuwa lya ulamula watepokela uhakili mtopehu.”
Hupo gha nyongo mgane
Luka 21:1-4
41Yesu avile katama pabehi na lisanduku lya mapegho. Akavile akilola ghuli wandu wanguvika mapesa ku lisanduku lya mapegho gha Lighuta lya Sapanga. Wandu wavile na hindu ngoo wayeghili mapegho yatangala. 42Pala akahika nyongo mmonga ahovitiliwi na mlumi ghaki na avile na hindu ngʼogha, akayegha sendi ivili gha shaba. 43Pala Yesu akawakema wayitikila ghaki, akawalongela, “Uchakaka ninguwalongela, nyongo hayu ahovitiliwi na mlumi ghaki avile na hindu ngʼogha kavika mu lisanduku lya mapegho mapesa zitangala kuphita wogha watayiti.” 44Kwa ikiva hagha ghangi wogha watolili kuhuma ku yahighalili gha hindu ghao, ila hayu nyongo, pamonga na avile na hindu ngʼogha kayegha yogha aikolili, ameyegha kila kindu kivile kiwesa kumtanga ku kulama kwaki.
നിലവിൽ തിരഞ്ഞെടുത്തിരിക്കുന്നു:
Maliku 12: NTMbBL2025
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.
Maliku 12
12
Mlandano wa litawa lya Mizabibu na mtukutula
Matayu 21:33-46; Luka 20:9-19
1Yesu akatumbula kulonga na weni kwa milandano, “Mundu mmonga atukutulili litawa lya mizabibu. Akachenga lyugha kutindila litawa, akachenga mhala pa kukamulila divai akachenga kilingo kangi. Kalihusa kwa lipindi litawa lila kwa watukutula, akayenda mwanja mbaka mlima wa kutali.” 2Lipindi lya kubena amlaghilili mtumikila ghaki kwa wala watukutula, akamyegheli lihomoso ghaki lya mabeno gha litawa lyake. 3Wala watukutula wakamkamula, wakamtova yula mtumikila, wakamuhuyisa miwoku ivile na hindu ng'ogha. 4Na mweni litawa akalaghila kangi mtumikila ghangi. Na mweni, wakamuhakili ku mutu na kumgholela mahakata ngenju. 5Yula mweni litawa akamlaghilila kangi mtumikila ghangi, na weni wakamkoma. Na wakawagholela watangala walaghililwi na mweni litawa, wamonga wawatovilili na ghangi wakawakoma. 6Mweni litawa ahighalilwi na mwana mmonga, avile mwana ghaki ampalili. Kumwihu akamlaghila hayu akilonga, “Watemtundamila mwana ghangu.” 7Ila wala watukutula wakalongelana, “Hayu ndiwa mlihi, hinu tumkomi, ili ulihi ghaki uvile wa twenga.” 8Hinu wakamkamula, wakamkoma, na kumdanga panji gha lila litawa lya mizabibu. 9Hinu Yesu akawakonya, “Mweni litawa ateghola kyani? Atehika kuwayalamisa hagha watukutula. Na hinu atehusa kwa lipindi kwa watukutula ghangi lila litawa lya mizabibu.” 10Ghuli, msoma ng'ogha hagha Mayandiko gha Sapanga?
“Liganga walilemili wachengaji,
hinaa livile liganga likulunga lya mmbali.”
11“Bambu ndiwa agholili mghalu hau,
na hau ni wa kukangasa nesu kwa twenga.ʼ”
12Hinu wala Watambika wakulu na wavula wa ulaghililo na wambuyi wahakulili njila gha kumkola Yesu, kwa ikiva wamanyili yiwa alongili mlandano hau kwa weni. Ila kwa ikiva watilili lipinga lya wandu, wakamleka ajiyendeli.
Kuhipa kodi kwa Kaisali
Matayu 22:15-22; Luka 20:20-26
13Hinu, wamonga wa Mafalisayo na lipinga lya Helode wayeghilwi ili wamteghi Yesu kwa kumkonya milandu ghaki. 14Pawamuhikilili Yesu, wakamkonya, “Mvula, tungumanya yiwa wenga ni mundu wa maha na ungulongela unagha . Hilahila uloli ngʼogha ukulu wa mundu ila unguvula kwa unagha njila zya Sapanga kuzikovekela. Utulongeli hinu, ulaghilo ungutulongela kuhipa kodi kwa Mfalumi Mkulu wa Roma au ngʼogha? Ingudahilwa kuhipa au ngʼogha?” 15Ila Yesu amanyili ukalamuka ghao, akawalongela, “Ghuli mnguniyesa? Mnilangihi hai mapesa niilole.” 16Wakamlangiha lila ligwala, na mweni akawakonya, “Wuso na lihina hali ni lya ghani?” Wakamuyanga, “Ni gha Nduna Mkulu wa Roma.” 17Hinu, Yesu akawalongela, “Gha Nduna Mkulu wa Roma mumpeghi vivili ghaki, na gha Sapanga mumpeghi Sapanga.” Wakangaswa nesu na mweni.
Mghalu wa kuhinduka wahovili
Matayu 22:23-33; Luka 20:27-40
18Hinu, Masadukayo wawelili wakilonga yiwa kwahela uhinduki wamuhikilili Yesu, wakamkonya, 19“Mvula, Musa atulaghilili nagha, ‘Mundu akihova na kuleka mdala ngʼogha mwana. Mlongu ghaki angudahilwa amtole hayu mdala ahovitiliwi na mlumi, ili ampatile mlongu ghaki wana’. 20Hinu, kuvile na walongu isaba. Wa kutumbula aposili, akahova ngʼogha kuleka mwana. 21Mlongu wa ivili akamposa yula mdala wa ahovili, na mweni kangi akahova ngʼogha kumleka mwana, na mlongu wa itatu hilahila. 22Wogha isaba wahovili na ngʼogha kuleka mwana. Ku mwihu yula mdala wa mlumi ahovili na mweni akahova. 23Hinu, Lichuwa wandu watehinduka, mdala hayu atevile mdala wa ghani? Wogha isaba wavile wamposili.” 24Yesu akawalongela, “Mwenga myaghanika kwaikiva mmanya ng'ogha Mayandiko gha Sapanga ng'ogha makakala gha Sapanga.” 25Kwa ikiva wahovili pa wahinduki wateposa ngʼogha na kuposwa, watevile handa Wandumindumi wa Sapanga wa kundumba. 26Ila kulongela kuhinduliwa kwa wahovili, ghuli msoma ngʼogha hitabu kya Musa ku mahala kulongela kila kiputila kivile kinguyaka lyoto? Sapanga amlongelili Musa, “Nenga ni Sapanga wa Ibulahimu na Sapanga wa Isaka na Sapanga wa Yakobu.ʼ 27Hinu, mweni ngʼogha Sapanga wa wahovili, ila ni Sapanga wa wavile wakomu. Mwenga myaghanika nesu.”
Laghilo ngulu
Matayu 22:34-40; Luka 10:25-28
28Mmonga wa wavula wa ulaghililo ahikili, akahyoghanila malongelano ghao. Pa alolili yiwa Yesu awayangili maha, akajihumila, akamkonya, “Ku malaghilo yogha ni malaghilo ghani yavile gha mtumbula?” 29Yesu akamuyanga, “Laghilo ngulu ni hali, mhyoghanili mwenga wandu wa Izilaeli, Bambu Sapanga wa twenga, ndiwa weka hela Bambu.” 30Umpali Bambu Sapanga ghako kwa moyu ghako wogha, kwa Upumulo ghako wogha, kwa maghala ghako yogha na kwa makakala ghako yogha.ʼ 31Na gha ivili ndiwa hai, “Umpali muyaku handa ujipalili mweni. kwa hela laghilo ghangi livile ngulu gha hazi.” 32Yula mvula wa ulaghilo akamlongela Yesu, “Ni maha, mvula, ulongiti unagha yiwa Sapanga ni mmonga weka hela ngʼogha Sapanga ghangi ila mweni. 33Na mundu angudahilwa kumpala Sapanga kwa moyu ghaki wogha, kwa lughala lwaki lwogha na kwa makakala ghaki yogha, na mweni angudahilwa kumpala muyake handa vila ajipalili mweni. Mighalu hai ni maha nesu kuphita kumpegha Sapanga litambiku lya kulungusa kwa lyoto na mapegho.” 34Yesu pa alolili yiwa ayangili kwa lughala, akamlongela, “Wenga uvili Kutali ngʼogha na ufalumi wa Sapanga.” Badili gha ghala kuvile ngʼogha mundu kangi wa kumkonya.
Kilisito aghagulilwi na Sapanga ni ghani
Matayu 22:41-46; Luka 20:41-44
35Lipindi Yesu avile akivula ku Lighuta lya Sapanga, akonyili, “Ghuli wavula wa ulaghililo wangulonga yiwa Kilisito ni mwana wa Daudi?” 36Daudi mweni akilongoswa na Mpumulo wa Sapanga kulonga,
Bambu amlongelili Bambu wa nenga,
Utami upandi wa nenga wa kulihila,
mbaka niwaviki wahakata ghako pahi gha maghulu ghako. 37“Daudi mweni angumkema Kilisito Bambu. Hinu, Kilisito atevile ghuli mwana ghaki?” Lipinga likulunga lya wandu limyoghaniliti Yesu kwa luheku.
Mlikali mihu na mavulo gha wavula wa ulaghililo
Matayu 23:1-36; Luka 20:45-47
38Pa awelili anguwavula Yesu alongilili, “Mlikali mihu na wavula wa ulaghililo. Wavili wangupala kutyanga wamevala lihabiti litali, na kujambuswa kwa utundamilo ku lighuta gha kukonganika Wayahudi. 39Wangudahila hilahila kutama ku vikalilo vya kuulongolo mghati mwa lighuta zya kuyupila Wayahudi na kuvile na mahala pa utundamilu ku mhambu. 40Wangupoka hindu gha wahovilwi na walumi ghao na kuyupa mayupo matali ili wawoneki kuulongolo gha wandu. Kwa ikiva gha hagha lichuwa lya ulamula watepokela uhakili mtopehu.”
Hupo gha nyongo mgane
Luka 21:1-4
41Yesu avile katama pabehi na lisanduku lya mapegho. Akavile akilola ghuli wandu wanguvika mapesa ku lisanduku lya mapegho gha Lighuta lya Sapanga. Wandu wavile na hindu ngoo wayeghili mapegho yatangala. 42Pala akahika nyongo mmonga ahovitiliwi na mlumi ghaki na avile na hindu ngʼogha, akayegha sendi ivili gha shaba. 43Pala Yesu akawakema wayitikila ghaki, akawalongela, “Uchakaka ninguwalongela, nyongo hayu ahovitiliwi na mlumi ghaki avile na hindu ngʼogha kavika mu lisanduku lya mapegho mapesa zitangala kuphita wogha watayiti.” 44Kwa ikiva hagha ghangi wogha watolili kuhuma ku yahighalili gha hindu ghao, ila hayu nyongo, pamonga na avile na hindu ngʼogha kayegha yogha aikolili, ameyegha kila kindu kivile kiwesa kumtanga ku kulama kwaki.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.