Maliku 11
11
Yesu anguyingila Yeslusalemu kwa Luheku
Matayu 21:1-11; Luka 19:28-40; Yohana 12:12-19
1Pawavile pabehi na Yelusalemu wahikili mmbwani wa Betifage, na Betaniya, pabehi na Litumbi lya Mizeituni. Baha akawalaghila waivili wa wavulwa ghaki, 2akawalongela, “Myendi ku kimbwani kivile kuulongolo kwa mwenga. Mtekuvile mkiyingila mula, mtelola mwana punda awopilwi, ikiva yambila kagholeswa lihengu ng'ogha na mundu. Mumwoposoli na mumyeghi baha.” 3Ikiva mundu akiwakonya, Ghuli mngughola nagha? Mlongeli, “Bambu angumpala na atemuhuyisa baha lipindi halihali.” 4Hinu, wakayenda wakamlola mwanapunda mumnjila awopilwi mu mlyango wa lighuta. Pawavile wakimuwoposola, 5Wandu wavile pala wakawakonya, “Mngughola kyani? Kwa kyani mngumuwoposola mwanapunda hayu?” 6Wayitikila wakayanga handa Yesu avile kawalongela, na weni wakawaleka wayendi zyao. 7Wakamuyeghela Yesu yula mwanapunda. Wakagubika nguu zyao kunani kwa yula mwanapunda na Yesu akatama kunani ghaki. 8Wandu watangala wakagubika nguu zyao ku njila na ghangi wagubikili viputila gha mibiki wadumulili ku matawa ghao. 9Wandu wogha walongololili na wala wa kuyetu, wakatova lilowi na kulonga, “Ayinulwi! Ahighiliwe hayu ahika kwa lihina lya Bambu! 10Sapanga uhighili Unduna uhika kuulongolo wa tati wa twenga Daudi. Ukwilikihi kwa Sapanga avile mkulu nesu.” 11Yesu akahika ku Yelusalemu na kuyingila mghati gha lighuta gha Sapanga. akalola kila kindu kwa maha. Ila ivile kala lumii, akayenda Besania pamonga na wala ikumi na ivili.
Yesu angulapila mtini
Matayu 21:18-19
12Kilau ghaki, Pa wavile wanguhuma Besania, Yesu alumilwi na njala. 13Hinu, akalola kwa kutali mtini uvile na mahamba yatangala. akauyendela ili alole yiwa uwela na litungula lolose. Pa auhikilili, akaulola uvile ngʼogha na litungula lolose ila mahamba weka hela, kwa ikiva ivile ngʼogha lipindi lyake lya kuweleka matungula. 14Pala akaulongela mtini, “Kuhumala lelo hata machuwa yayendelela mundu yeyose akotoho kulyegha matungula kuhuma kwa wenga.” Na wayitikila ghaki wayoghaniliti milandu hila.
Yesu anguyingila ku Lighuta lya Sapanga
Matayu 21:12-17; Luka 19:45-48; Yohana 2:13-22
15Hinu, wakahika Yelusalemu. Yesu akayingila mu lighuta gha Sapanga akatumbula kuwawinga panji wandu wavile wakiwusa na kuhemela vindu mula. Akaghalambula vindangawala vya wala wavile wakipeghana mapesa kwa mapesa, na vikalilo vya wala wavile wakiwusa ngunda. 16Kamlekesela ngʼogha mundu yeyose kukola chochose kupitila mu lyugha gha lighuta gha Sapanga. 17Hinu akawavula milandu hai, “Iyandikiliwi ku mayandiko gha Sapanga, lighuta lyangu litekemwa Lighuta gha mayupo kwaikiva gha wandu wa milima hyogha. Ila mwenga muighalambula kuvile mahala kwa kujihigha wapokola.” 18Watambika wakulu na wavula wa ulaghililo pa wayoghanila lilando hali, wakahakula njila gha kumkoma Yesu. Ila wamtiliti Yesu, kwa ikiva wandu wogha walikangasiti na mavula ghaki. 19Pa ihikili lumihi, Yesu na wayitikila ghaki wahukilili kumbwani.
Mavula kuhuma libiki lilela tini
Matayu 21:20-22
20Kilau ghaki malawila, pa wavile wakityanga, wakalola lila libiki lya tini, liwela liyuma lyogha, kuhuma kunani mbaka pahi. 21Petulo akumbwikili, akamlongela Yesu, “Mvula, uloli! hula mtini ulapilili, uyuma.” 22Yesu akawalongela,“Mumkwinili Sapanga.” 23Ninguwalongela unagha mundu akiulongela utumbi hau, “Utupuki ukadubukili mbahali, ng'ogha aviki kulihola mmoyu ghaki, ila akakwinila mighalu hyogha angulonga yangugholeka, utegholelwa mghalu hau.” 24Kwaikiva ninguwalongela pamyupa na kuluwa kindu mkwinili yiwa mpokela, na kyeni kitevile kya wenga. 25Pamgholoka kuyupa, “Mlekeseli kila mundu awahakilili chochosi, ili Tati wa mwenga avile kundumba awalekeseli mahakata gha mwenga,” 26Ila pa muwalekesela ng'ogha ghangi, hata Tati wa mwenga avile kundumba atewalekesela ng'ogha mwenga mahakata.
Uweso wa Yesu unguhuma kugha?
Matayu 21:23-27; Luka 20:1-8
27Yesu na wayitikila ghaki wakahika kangi Yelusalemu. Yesu pa avile akityanga ku lighuta gha Sapanga, wakulu wa matambiku na wavula wa ulaghililo pamonga na mambuyi, wakamhikila. 28Wakamkonya, “Ungughola mighalu hagha kwa uwesa wa ghani? Ghani akupeghilili uwesa wa kughola Mighalu hagha?” 29Yesu akawalongela, nitewakonya lilando limonga, mteniyanga, na nenga kangi nitewalongela Ningughola mighalu hagha kwa uwesa ghani. 30Mniyangi, “Ghuli, uwesa wa Yohana wa kubatisa uhumilili kundumba kwa Sapanga au kwa wandu?” 31Wakatumbula kulongelana, “Patulonga, ‘Yahumilili kundumba kwa Sapanga,’ Atetukonya, ghuli mumkwinili ng'ogha Yohana?” 32Na patulonga, “Yahumilili kwa wandu,” watilili lipinga lya wandu kwa ikiva wandu wogha wakwinilili yiwa Yohana avilili nagha mlota wa Sapanga. 33Hinu, wakamyanga Yesu, “Twenga tumanya ng'ogha,” na mweni Yesu akawalongela, “Na nenga kangi niwalongela ng'ogha ningughola mighalu hagha kwa uwesa ghani,”
നിലവിൽ തിരഞ്ഞെടുത്തിരിക്കുന്നു:
Maliku 11: NTMbBL2025
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.
Maliku 11
11
Yesu anguyingila Yeslusalemu kwa Luheku
Matayu 21:1-11; Luka 19:28-40; Yohana 12:12-19
1Pawavile pabehi na Yelusalemu wahikili mmbwani wa Betifage, na Betaniya, pabehi na Litumbi lya Mizeituni. Baha akawalaghila waivili wa wavulwa ghaki, 2akawalongela, “Myendi ku kimbwani kivile kuulongolo kwa mwenga. Mtekuvile mkiyingila mula, mtelola mwana punda awopilwi, ikiva yambila kagholeswa lihengu ng'ogha na mundu. Mumwoposoli na mumyeghi baha.” 3Ikiva mundu akiwakonya, Ghuli mngughola nagha? Mlongeli, “Bambu angumpala na atemuhuyisa baha lipindi halihali.” 4Hinu, wakayenda wakamlola mwanapunda mumnjila awopilwi mu mlyango wa lighuta. Pawavile wakimuwoposola, 5Wandu wavile pala wakawakonya, “Mngughola kyani? Kwa kyani mngumuwoposola mwanapunda hayu?” 6Wayitikila wakayanga handa Yesu avile kawalongela, na weni wakawaleka wayendi zyao. 7Wakamuyeghela Yesu yula mwanapunda. Wakagubika nguu zyao kunani kwa yula mwanapunda na Yesu akatama kunani ghaki. 8Wandu watangala wakagubika nguu zyao ku njila na ghangi wagubikili viputila gha mibiki wadumulili ku matawa ghao. 9Wandu wogha walongololili na wala wa kuyetu, wakatova lilowi na kulonga, “Ayinulwi! Ahighiliwe hayu ahika kwa lihina lya Bambu! 10Sapanga uhighili Unduna uhika kuulongolo wa tati wa twenga Daudi. Ukwilikihi kwa Sapanga avile mkulu nesu.” 11Yesu akahika ku Yelusalemu na kuyingila mghati gha lighuta gha Sapanga. akalola kila kindu kwa maha. Ila ivile kala lumii, akayenda Besania pamonga na wala ikumi na ivili.
Yesu angulapila mtini
Matayu 21:18-19
12Kilau ghaki, Pa wavile wanguhuma Besania, Yesu alumilwi na njala. 13Hinu, akalola kwa kutali mtini uvile na mahamba yatangala. akauyendela ili alole yiwa uwela na litungula lolose. Pa auhikilili, akaulola uvile ngʼogha na litungula lolose ila mahamba weka hela, kwa ikiva ivile ngʼogha lipindi lyake lya kuweleka matungula. 14Pala akaulongela mtini, “Kuhumala lelo hata machuwa yayendelela mundu yeyose akotoho kulyegha matungula kuhuma kwa wenga.” Na wayitikila ghaki wayoghaniliti milandu hila.
Yesu anguyingila ku Lighuta lya Sapanga
Matayu 21:12-17; Luka 19:45-48; Yohana 2:13-22
15Hinu, wakahika Yelusalemu. Yesu akayingila mu lighuta gha Sapanga akatumbula kuwawinga panji wandu wavile wakiwusa na kuhemela vindu mula. Akaghalambula vindangawala vya wala wavile wakipeghana mapesa kwa mapesa, na vikalilo vya wala wavile wakiwusa ngunda. 16Kamlekesela ngʼogha mundu yeyose kukola chochose kupitila mu lyugha gha lighuta gha Sapanga. 17Hinu akawavula milandu hai, “Iyandikiliwi ku mayandiko gha Sapanga, lighuta lyangu litekemwa Lighuta gha mayupo kwaikiva gha wandu wa milima hyogha. Ila mwenga muighalambula kuvile mahala kwa kujihigha wapokola.” 18Watambika wakulu na wavula wa ulaghililo pa wayoghanila lilando hali, wakahakula njila gha kumkoma Yesu. Ila wamtiliti Yesu, kwa ikiva wandu wogha walikangasiti na mavula ghaki. 19Pa ihikili lumihi, Yesu na wayitikila ghaki wahukilili kumbwani.
Mavula kuhuma libiki lilela tini
Matayu 21:20-22
20Kilau ghaki malawila, pa wavile wakityanga, wakalola lila libiki lya tini, liwela liyuma lyogha, kuhuma kunani mbaka pahi. 21Petulo akumbwikili, akamlongela Yesu, “Mvula, uloli! hula mtini ulapilili, uyuma.” 22Yesu akawalongela,“Mumkwinili Sapanga.” 23Ninguwalongela unagha mundu akiulongela utumbi hau, “Utupuki ukadubukili mbahali, ng'ogha aviki kulihola mmoyu ghaki, ila akakwinila mighalu hyogha angulonga yangugholeka, utegholelwa mghalu hau.” 24Kwaikiva ninguwalongela pamyupa na kuluwa kindu mkwinili yiwa mpokela, na kyeni kitevile kya wenga. 25Pamgholoka kuyupa, “Mlekeseli kila mundu awahakilili chochosi, ili Tati wa mwenga avile kundumba awalekeseli mahakata gha mwenga,” 26Ila pa muwalekesela ng'ogha ghangi, hata Tati wa mwenga avile kundumba atewalekesela ng'ogha mwenga mahakata.
Uweso wa Yesu unguhuma kugha?
Matayu 21:23-27; Luka 20:1-8
27Yesu na wayitikila ghaki wakahika kangi Yelusalemu. Yesu pa avile akityanga ku lighuta gha Sapanga, wakulu wa matambiku na wavula wa ulaghililo pamonga na mambuyi, wakamhikila. 28Wakamkonya, “Ungughola mighalu hagha kwa uwesa wa ghani? Ghani akupeghilili uwesa wa kughola Mighalu hagha?” 29Yesu akawalongela, nitewakonya lilando limonga, mteniyanga, na nenga kangi nitewalongela Ningughola mighalu hagha kwa uwesa ghani. 30Mniyangi, “Ghuli, uwesa wa Yohana wa kubatisa uhumilili kundumba kwa Sapanga au kwa wandu?” 31Wakatumbula kulongelana, “Patulonga, ‘Yahumilili kundumba kwa Sapanga,’ Atetukonya, ghuli mumkwinili ng'ogha Yohana?” 32Na patulonga, “Yahumilili kwa wandu,” watilili lipinga lya wandu kwa ikiva wandu wogha wakwinilili yiwa Yohana avilili nagha mlota wa Sapanga. 33Hinu, wakamyanga Yesu, “Twenga tumanya ng'ogha,” na mweni Yesu akawalongela, “Na nenga kangi niwalongela ng'ogha ningughola mighalu hagha kwa uwesa ghani,”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.