Maliku 13
13
Yesu angulonga kukologhanyilwa kwa lighuta
Matayu 24:1-2; Luka 21:5-6
1Yesu pa avile akihuma mu Lighuta, mmonga ghao gha wayitikila ghaki akamlongela, “Mvula, uloli maganga hagha na nyumba hasi zivile maheli zya kukangasa.” 2Yesu akawalongela, “Ghuli mnguyalola manyumba hagha yavile gha maheli gha kukangasa? Kwa hela hata liganga limonga litesyehila kwa ghangi, kila kindu kitepalaghanyiswa.”
Lungʼai na mahakili
Matayu 24:3-14; Luka 21:7-19
3Yesu pa avile kalikala ku litumbi lya Mizeituni akilola ku Lighuta lya Sapanga, Petelo na Yakobu na Yohanana Andelea wakamkonya kwa kuhigha, 4“Utulongeli mighalu hagha itehumila ligha? Ni kilangihi ghani kitelangiha yiwa mighalu hagha ivile pabehi kuhumila?” 5Yesu akatumbula kuwalongela, “Mlikali mihu, mkotoho kuyaghanika na mundu.” 6Kwa ikiva wandu watangala watehika wakilitumila lihina lyangu, kila mmonga akilonga, “Nenga ni kilisito” na weni watehika kuwalongela uhwangi wandu watangala. 7Kangi mkotoho nyengemala pamtehyoghanila mighalu gha maghaso pabehi na milandu ilongela ngondu kwa utali. Mighalu hagha ingudahilwa ihumile, ila mwihu weni umbila kuhika. 8Wandu wamonga watetovana na wandu ghangi, Unduna mmonga utetovana na Unduna ghangi, kila lipandi kutevile na mihihimilo gha pahi na lung'ahi lwa njala ngulu. Mighalu hagha ni handa vila mahakili gha utumbula gha kulela mwana. 9“Ila mwenga mlikali mihu, kwa ikiva wandu watewayegha ku njengakaya, na kuwatova ku Lighuta zya kukonganika Wayahudi. Mteyeghwa kuulongolu gha vilongosi na Wanduna kwa ikiva gha nenga, ili mpati kunihighilisa kwa weni.” 10Ila ingudahilwa itumbuli kutangaswa Lilandu Maha ku wandu wogha. 11Na weni pawatewakamula na kuwayegha ku njengakaya, mkotoho kuvile na holu kwa yala mteyalonga, lipindi lila pa lihika mlongi chochosi mtepeghwa kulonga, kwa ikiva ngʼogha mwenga mtevile mkilonga, ila Mpumulo wa Sapamga. 12Mlongu atemhyuka mlongu ghaki ili akomwe, na tati atemhyuka mwana ghaki, na wana weni baha watewahyuka walela ghao na kuwakoma. 13Wandu wogha watewahyomela mwenga kwa ikiva gha nenga. Ila yula atenyuka moyu ng'ogha mbaka mwihu ndiwa atekombolwa.
Wandu watekolwa na lung'ahi ngulu
Matayu 24:15-28; Luka 21:20-24
14“Pamtelola ‘kindu kihakata’ kimghola Sapanga ahyomi,” kigholoka mahala kidahililwi ng'ogha kuvile. Yula asoma milandu hagha amanyi lukani lwake. Hinu wala watelikala Yudasia, watuwilili ku mitumbi. 15Avile kunani gha mlipaghala lya lighuta ghaki akotoho kughuluka na kuyingila ukaya ghaki kutola kindu. 16Avile mlitawa akotoho kuhuya kuyetu kutola nguu zyake. 17Itevile uhakili kwa wadala wavile na ndumbu na weni kuyongesa. 18Mu myupi Sapanga ili mighalu hagha ikotoho kuhumila lipindi lya lupepu. 19Kwa ikiva ku lipindi lila kutevile na lung'ahi likulunga liwesa kuwoneka ng'ogha hata mayaghani kuhuma lichuwa lila Sapanga awumbili mlima wogha mbaka hinaa, ng'ogha kuhika kangi uhakili handa hau. 20Handa Bambu angapungusili ng'ogha machuwa ghala gha mahakili, kwa hela hata mundu mmonga avile angelokolwa kihu. Kwa vila wahaghuliwa awahaghulili kazipungula. 21“Hinu mundu akiwalongela, ‘Mloli, Kilisito kabaha,’ au ‘avile pala,’ mkotoho kumkwinila.” 22Kwa ikiva kutehumila “Kilisito wa uhwangi, pamonga na walota wa Sapanga wa uhwangi, wateghola kilangihi na mkangaso, kwa ikiva gha kuwayalamisa wahaghulilwi wa Sapanga handa ikiwesekana.” 23Ila mwenga mlikali mihu kwa ikiva niwalongela kala hagha yogha kuulongolo.
Kuhika kwa Mwana wa Mundu
Matayu 24:29-31; Luka 21:25-28
24“Hinu, machuwa ghala, lung'ahi hula pa uphita, lijuwa litetaywa lwisa na mwehi utelangasa ng'ogha. 25Ndondwa ziteguwa kuhuma kunani, na makakala gha kunani ku mahindu yatetikwa. 26Baha watemlola Mwana wa Mundu akihika mu mahindu kwa makakala yatangala na ukwilikihi. 27Hinu atewalaghila watumikila wa Sapanga kundumba ghaki wahaghulilwi wandu ghaki kuhuma pandi zyogha inne zya mlima wogha, kuhuma mwihu wa mlima wogha mbaka mwihu wa kundumba.
Mlandano wa libiki lya mtini
Matayu 24:32-35; Luka 21:29-33
28Kwa mlandano wa mtini na mjivuli mlandano hau, bwitu maputila ghaki pa yatumbula kuvile pyeku na kuyalula mahamba, mtemanya yiwa lipindi lya kubena lya pabehi. 29Hilahila, lipindi pamlola mighalu hagha inguhumila, mmanyi yiwa Mwana wa Mundu ka pabehi. 30Ninguwalongela unagha, kiwelekwa haki kya mwenga kitehuka ng'ogha mbaka mighalu hagha yogha kuhika. 31Kundumba na mlima wogha vitehuka, ila milandu gha nenga itehuka ng'ogha.
Kwahela awesa kumanya lichuwa na lisaa
Matayu 24:36-44
32Ila kwahela mundu angumanya lichuwa au lisaa, hata watumikila wa Sapanga wa kundumba, pamonga na mwana amanya ng'ogha, ila Tati weka hela ndiwa angumanya. 33Mlikali mihu na mlikali maha, kwa ikiva mmanya ng'ogha lisaa hali litetimila ligha. 34Itavile handa mundu anguhuka ukaya kuyenda mwanja, akiwalekela watumikila ghaki kuilolela, kila mmonga na lihengu lyake, akamlongela na mgholokela wa mlyango akotoho kuwonja lughonu. 35Mtami maha hinu, kwa ikiva mmanya ng'ogha mweni lighuta anguhuya ligha, inguwesekana ikavile lumihi, uhiku wa mandandu, malawila pee au malawila. 36Mtami maha ili pa ahika bwitu akotoho kuwalola muwonja. 37Yala niwalongela mwenga, ninguwalongela wogha, mlikali maha.”
നിലവിൽ തിരഞ്ഞെടുത്തിരിക്കുന്നു:
Maliku 13: NTMbBL2025
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.
Maliku 13
13
Yesu angulonga kukologhanyilwa kwa lighuta
Matayu 24:1-2; Luka 21:5-6
1Yesu pa avile akihuma mu Lighuta, mmonga ghao gha wayitikila ghaki akamlongela, “Mvula, uloli maganga hagha na nyumba hasi zivile maheli zya kukangasa.” 2Yesu akawalongela, “Ghuli mnguyalola manyumba hagha yavile gha maheli gha kukangasa? Kwa hela hata liganga limonga litesyehila kwa ghangi, kila kindu kitepalaghanyiswa.”
Lungʼai na mahakili
Matayu 24:3-14; Luka 21:7-19
3Yesu pa avile kalikala ku litumbi lya Mizeituni akilola ku Lighuta lya Sapanga, Petelo na Yakobu na Yohanana Andelea wakamkonya kwa kuhigha, 4“Utulongeli mighalu hagha itehumila ligha? Ni kilangihi ghani kitelangiha yiwa mighalu hagha ivile pabehi kuhumila?” 5Yesu akatumbula kuwalongela, “Mlikali mihu, mkotoho kuyaghanika na mundu.” 6Kwa ikiva wandu watangala watehika wakilitumila lihina lyangu, kila mmonga akilonga, “Nenga ni kilisito” na weni watehika kuwalongela uhwangi wandu watangala. 7Kangi mkotoho nyengemala pamtehyoghanila mighalu gha maghaso pabehi na milandu ilongela ngondu kwa utali. Mighalu hagha ingudahilwa ihumile, ila mwihu weni umbila kuhika. 8Wandu wamonga watetovana na wandu ghangi, Unduna mmonga utetovana na Unduna ghangi, kila lipandi kutevile na mihihimilo gha pahi na lung'ahi lwa njala ngulu. Mighalu hagha ni handa vila mahakili gha utumbula gha kulela mwana. 9“Ila mwenga mlikali mihu, kwa ikiva wandu watewayegha ku njengakaya, na kuwatova ku Lighuta zya kukonganika Wayahudi. Mteyeghwa kuulongolu gha vilongosi na Wanduna kwa ikiva gha nenga, ili mpati kunihighilisa kwa weni.” 10Ila ingudahilwa itumbuli kutangaswa Lilandu Maha ku wandu wogha. 11Na weni pawatewakamula na kuwayegha ku njengakaya, mkotoho kuvile na holu kwa yala mteyalonga, lipindi lila pa lihika mlongi chochosi mtepeghwa kulonga, kwa ikiva ngʼogha mwenga mtevile mkilonga, ila Mpumulo wa Sapamga. 12Mlongu atemhyuka mlongu ghaki ili akomwe, na tati atemhyuka mwana ghaki, na wana weni baha watewahyuka walela ghao na kuwakoma. 13Wandu wogha watewahyomela mwenga kwa ikiva gha nenga. Ila yula atenyuka moyu ng'ogha mbaka mwihu ndiwa atekombolwa.
Wandu watekolwa na lung'ahi ngulu
Matayu 24:15-28; Luka 21:20-24
14“Pamtelola ‘kindu kihakata’ kimghola Sapanga ahyomi,” kigholoka mahala kidahililwi ng'ogha kuvile. Yula asoma milandu hagha amanyi lukani lwake. Hinu wala watelikala Yudasia, watuwilili ku mitumbi. 15Avile kunani gha mlipaghala lya lighuta ghaki akotoho kughuluka na kuyingila ukaya ghaki kutola kindu. 16Avile mlitawa akotoho kuhuya kuyetu kutola nguu zyake. 17Itevile uhakili kwa wadala wavile na ndumbu na weni kuyongesa. 18Mu myupi Sapanga ili mighalu hagha ikotoho kuhumila lipindi lya lupepu. 19Kwa ikiva ku lipindi lila kutevile na lung'ahi likulunga liwesa kuwoneka ng'ogha hata mayaghani kuhuma lichuwa lila Sapanga awumbili mlima wogha mbaka hinaa, ng'ogha kuhika kangi uhakili handa hau. 20Handa Bambu angapungusili ng'ogha machuwa ghala gha mahakili, kwa hela hata mundu mmonga avile angelokolwa kihu. Kwa vila wahaghuliwa awahaghulili kazipungula. 21“Hinu mundu akiwalongela, ‘Mloli, Kilisito kabaha,’ au ‘avile pala,’ mkotoho kumkwinila.” 22Kwa ikiva kutehumila “Kilisito wa uhwangi, pamonga na walota wa Sapanga wa uhwangi, wateghola kilangihi na mkangaso, kwa ikiva gha kuwayalamisa wahaghulilwi wa Sapanga handa ikiwesekana.” 23Ila mwenga mlikali mihu kwa ikiva niwalongela kala hagha yogha kuulongolo.
Kuhika kwa Mwana wa Mundu
Matayu 24:29-31; Luka 21:25-28
24“Hinu, machuwa ghala, lung'ahi hula pa uphita, lijuwa litetaywa lwisa na mwehi utelangasa ng'ogha. 25Ndondwa ziteguwa kuhuma kunani, na makakala gha kunani ku mahindu yatetikwa. 26Baha watemlola Mwana wa Mundu akihika mu mahindu kwa makakala yatangala na ukwilikihi. 27Hinu atewalaghila watumikila wa Sapanga kundumba ghaki wahaghulilwi wandu ghaki kuhuma pandi zyogha inne zya mlima wogha, kuhuma mwihu wa mlima wogha mbaka mwihu wa kundumba.
Mlandano wa libiki lya mtini
Matayu 24:32-35; Luka 21:29-33
28Kwa mlandano wa mtini na mjivuli mlandano hau, bwitu maputila ghaki pa yatumbula kuvile pyeku na kuyalula mahamba, mtemanya yiwa lipindi lya kubena lya pabehi. 29Hilahila, lipindi pamlola mighalu hagha inguhumila, mmanyi yiwa Mwana wa Mundu ka pabehi. 30Ninguwalongela unagha, kiwelekwa haki kya mwenga kitehuka ng'ogha mbaka mighalu hagha yogha kuhika. 31Kundumba na mlima wogha vitehuka, ila milandu gha nenga itehuka ng'ogha.
Kwahela awesa kumanya lichuwa na lisaa
Matayu 24:36-44
32Ila kwahela mundu angumanya lichuwa au lisaa, hata watumikila wa Sapanga wa kundumba, pamonga na mwana amanya ng'ogha, ila Tati weka hela ndiwa angumanya. 33Mlikali mihu na mlikali maha, kwa ikiva mmanya ng'ogha lisaa hali litetimila ligha. 34Itavile handa mundu anguhuka ukaya kuyenda mwanja, akiwalekela watumikila ghaki kuilolela, kila mmonga na lihengu lyake, akamlongela na mgholokela wa mlyango akotoho kuwonja lughonu. 35Mtami maha hinu, kwa ikiva mmanya ng'ogha mweni lighuta anguhuya ligha, inguwesekana ikavile lumihi, uhiku wa mandandu, malawila pee au malawila. 36Mtami maha ili pa ahika bwitu akotoho kuwalola muwonja. 37Yala niwalongela mwenga, ninguwalongela wogha, mlikali maha.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.