Johon 2
2
Jisuoaʹ kâminaʹ ehob
1Tesar dindo Gâlil elakanaʹ Kanna ṭolare miṭiʹ bapla hona, ar Jisuren engat aṛe tahelene, 2Ana baplare Jisu ar aiʹren celakoho neota namledako. 3Tayomte jâkhni sanam ânggurnaʹ pâurâ cabagena tâkhni Jisuren engatte Jisu metakidie, "Nakoaʹ ânggurnaʹ pâurâ bânuʹtakoa."
4Jisute aiʹren engat metakidie, "Niâ beparte am salaʹ ingâʹ itâʹ somporko? Ingâʹdo nitho somai bang hokantingâ."
5Âniren engatte tâkhni seoaiʹko metakeʹkoe, "Ânite ape akaṭaʹ rikilaʹ metapekane inâgi rikipe.
6Jihudikoaʹ dhormonaʹ niom laka safoʹ laʹte ana jagare choṭeʹ dirinaʹ ṭhili tahelena, anakore prottekṭeʹre kombisi paicullis liṭâr daʹ aṭoʹsana.
7Jisute angko kâmi âdmi metakeʹkoe, "Nako ṭhilire daʹ pereʹongpe." Kâmi âdmiko tâkhni ṭhilikodo kangkha dhâbiʹ daʹte pereʹkedako.
8Anatayom Jisute angko metakeʹkoe, "Niâjhikâ aṛekhoiʹ thoṛa engeketeʹ bhojren mâlikṭheʹ idipe."
Kâmi âdmiko inâgi rikâkedako. 9Ana ânggurnaʹ pâurâ, akaṭaʹdo daʹ tahelena, bhojren mâlik ana cakhe lelkede. Kheʹ ana pâurâ aka khoiʹ hiʹna anado ânido bang baṛesane. Kheʹ eke seoaiʹko daʹ rakabledako angkodo baṛesanako. Anate bhojniʹ mâlikte jaoekora ṭâhuketeʹ metakidie, 10"Sanam âdmigi palhere ânggurnaʹ pâurâ emoʹako akaṭaʹdo manjagiâ, ar jiui pereʹketeʹ nu holenkheʹgi ana khoiʹ thoṛa kharapaʹ makoako. Amdo manja ânggurnaʹ pâurâ nitho dohokadam.
11Nengkaketeʹ Jisu Gâlilnaʹ Kanna ṭolare palhe asarjo cinhâ kâmikede, Aiaʹ mohima sodorkede. Ar Âniren celako anare pâtyunako.
12Tayomte Aiʹ, Aiʹren engat, boihako ar celako Kofornâhumre agrongenako, ar aṛedo ḍherdin bang tahelenako.
Jisu Jirusalem caʹe
(Mothi 21:12-13; Mark 11:15-17; Luk 19:45-46)
13Tâkhni Jihudikoaʹ bacoaʹ porobnaʹ somai soroʹsana, ar Jisu Jirusalemre cane. 14Tayomte Ânite lelkeʹkoe, Mundirre âdmikote ḍangra, bhiṛi ar paroako âkringeʹkoako, ar ṭhep badloyonkhoiʹho duruʹmenaʹkoa. 15Tâkhni ghaste miṭiʹ câbuk banoketeʹ ḍangra, bhiṛi sanamgi Mundir khoiʹ oṛoʹgirikeʹkoe, ṭhep badloyonkhoiʹaʹ ṭebilho ulṭukeʹtakoe ar ṭhepkodo otre pasnogentakoa. 16Ar ekekote paroa âkringkosanako, angko metakeʹkoe, "Na jagakhoiʹ sanamaʹ iditenpe. Ingren babaoaʹ oraʹdo bebsanaʹ oraʹ alo baneyape."
17Âniren celako disâkeʹako je, Pobitro Sastrore ol menaʹa,
"Amaʹ oraʹlaʹte akaṭaʹ ingâʹ aima dulâr, ana dulârtigi ingâʹ ontor jomtingheʹ."#Siringko 69:9
18Tâkhni Jihudikote uttorre Âni metakidiako, "Amte ale itâʹ cinhâ uduʹolekanam je nako rikâdam?"
19Jisute uttorre angko metakeʹkoe, "Ape niâ Mundir râputʹgiripe, Ing ana pe din talarigi bano rakabinghâʹ."
20Tâkhni Jihudiko menkedako, "Na Mundir banete checollis bochor lagokana. Amdo ki pe din talarigi banemahaʹ?"
21Kheʹ Jisudo Mundir mente aiaʹ hormonaʹ katha mensane. 22Anate jâkhni Âni goiʹonkhoiʹ tala khoiʹ jiuitʹ rakabne, tâkhni Âniren celako disâkedako je, Jisu niâ katha menlede. Ar angkodo Sastrore ol Âniaʹ kathare pâtyunako.
23Âni bacoaʹ porobnaʹ somaire jâkhni Jirusalemre tahelene, tâkhni akako asarjo kâmilede anako lelketeʹ Âni nutumte aima âdmigi pâtyunako. 24Kheʹ Jisutedo angko bang pâtyuleʹkoe, cekelaʹbang Ânite angko âdmi cinhukosane. 25Cekelaʹbang Ânido sanamaʹgi baṛesane, ar jahe je âdmioaʹ bisoite sakkho maʹmanko, Ânioaʹ ananaʹ dorkar bang tahelentaya. Cekelaʹbang âdmikoaʹ ontorre itâʹ menaʹa, ana Ânido baṛesane.
നിലവിൽ തിരഞ്ഞെടുത്തിരിക്കുന്നു:
Johon 2: EKL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh
Johon 2
2
Jisuoaʹ kâminaʹ ehob
1Tesar dindo Gâlil elakanaʹ Kanna ṭolare miṭiʹ bapla hona, ar Jisuren engat aṛe tahelene, 2Ana baplare Jisu ar aiʹren celakoho neota namledako. 3Tayomte jâkhni sanam ânggurnaʹ pâurâ cabagena tâkhni Jisuren engatte Jisu metakidie, "Nakoaʹ ânggurnaʹ pâurâ bânuʹtakoa."
4Jisute aiʹren engat metakidie, "Niâ beparte am salaʹ ingâʹ itâʹ somporko? Ingâʹdo nitho somai bang hokantingâ."
5Âniren engatte tâkhni seoaiʹko metakeʹkoe, "Ânite ape akaṭaʹ rikilaʹ metapekane inâgi rikipe.
6Jihudikoaʹ dhormonaʹ niom laka safoʹ laʹte ana jagare choṭeʹ dirinaʹ ṭhili tahelena, anakore prottekṭeʹre kombisi paicullis liṭâr daʹ aṭoʹsana.
7Jisute angko kâmi âdmi metakeʹkoe, "Nako ṭhilire daʹ pereʹongpe." Kâmi âdmiko tâkhni ṭhilikodo kangkha dhâbiʹ daʹte pereʹkedako.
8Anatayom Jisute angko metakeʹkoe, "Niâjhikâ aṛekhoiʹ thoṛa engeketeʹ bhojren mâlikṭheʹ idipe."
Kâmi âdmiko inâgi rikâkedako. 9Ana ânggurnaʹ pâurâ, akaṭaʹdo daʹ tahelena, bhojren mâlik ana cakhe lelkede. Kheʹ ana pâurâ aka khoiʹ hiʹna anado ânido bang baṛesane. Kheʹ eke seoaiʹko daʹ rakabledako angkodo baṛesanako. Anate bhojniʹ mâlikte jaoekora ṭâhuketeʹ metakidie, 10"Sanam âdmigi palhere ânggurnaʹ pâurâ emoʹako akaṭaʹdo manjagiâ, ar jiui pereʹketeʹ nu holenkheʹgi ana khoiʹ thoṛa kharapaʹ makoako. Amdo manja ânggurnaʹ pâurâ nitho dohokadam.
11Nengkaketeʹ Jisu Gâlilnaʹ Kanna ṭolare palhe asarjo cinhâ kâmikede, Aiaʹ mohima sodorkede. Ar Âniren celako anare pâtyunako.
12Tayomte Aiʹ, Aiʹren engat, boihako ar celako Kofornâhumre agrongenako, ar aṛedo ḍherdin bang tahelenako.
Jisu Jirusalem caʹe
(Mothi 21:12-13; Mark 11:15-17; Luk 19:45-46)
13Tâkhni Jihudikoaʹ bacoaʹ porobnaʹ somai soroʹsana, ar Jisu Jirusalemre cane. 14Tayomte Ânite lelkeʹkoe, Mundirre âdmikote ḍangra, bhiṛi ar paroako âkringeʹkoako, ar ṭhep badloyonkhoiʹho duruʹmenaʹkoa. 15Tâkhni ghaste miṭiʹ câbuk banoketeʹ ḍangra, bhiṛi sanamgi Mundir khoiʹ oṛoʹgirikeʹkoe, ṭhep badloyonkhoiʹaʹ ṭebilho ulṭukeʹtakoe ar ṭhepkodo otre pasnogentakoa. 16Ar ekekote paroa âkringkosanako, angko metakeʹkoe, "Na jagakhoiʹ sanamaʹ iditenpe. Ingren babaoaʹ oraʹdo bebsanaʹ oraʹ alo baneyape."
17Âniren celako disâkeʹako je, Pobitro Sastrore ol menaʹa,
"Amaʹ oraʹlaʹte akaṭaʹ ingâʹ aima dulâr, ana dulârtigi ingâʹ ontor jomtingheʹ."#Siringko 69:9
18Tâkhni Jihudikote uttorre Âni metakidiako, "Amte ale itâʹ cinhâ uduʹolekanam je nako rikâdam?"
19Jisute uttorre angko metakeʹkoe, "Ape niâ Mundir râputʹgiripe, Ing ana pe din talarigi bano rakabinghâʹ."
20Tâkhni Jihudiko menkedako, "Na Mundir banete checollis bochor lagokana. Amdo ki pe din talarigi banemahaʹ?"
21Kheʹ Jisudo Mundir mente aiaʹ hormonaʹ katha mensane. 22Anate jâkhni Âni goiʹonkhoiʹ tala khoiʹ jiuitʹ rakabne, tâkhni Âniren celako disâkedako je, Jisu niâ katha menlede. Ar angkodo Sastrore ol Âniaʹ kathare pâtyunako.
23Âni bacoaʹ porobnaʹ somaire jâkhni Jirusalemre tahelene, tâkhni akako asarjo kâmilede anako lelketeʹ Âni nutumte aima âdmigi pâtyunako. 24Kheʹ Jisutedo angko bang pâtyuleʹkoe, cekelaʹbang Ânite angko âdmi cinhukosane. 25Cekelaʹbang Ânido sanamaʹgi baṛesane, ar jahe je âdmioaʹ bisoite sakkho maʹmanko, Ânioaʹ ananaʹ dorkar bang tahelentaya. Cekelaʹbang âdmikoaʹ ontorre itâʹ menaʹa, ana Ânido baṛesane.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh