Johon 1
1
Issoraʹ kathado âdmi rupte janamne
1Dhârtinaʹ ehob lahare Katha tahelena, ar Katha Issor salaʹ tahelena, ar Kathado Issor tahelene. 2Ânido sedere Issorṭheʹ tahelene. 3Ar sanamaʹgi Âni talate sirjukana, jahanaʹgi hokana, ananaʹ itâʹgi Âni bâgiketeʹdo bang hokana. 4Âni bhitârre jiui tahelena, ar ana jiuigi âdmioaʹ marsal tahelena. 5Ana marsal nutre jollena kheʹ marsalṭheʹ ana nut bang jitu darelana.
6Miʹhor âdmi hiʹlene, ar ânido Issorṭheʹ khoiʹ kol holena, âniaʹ nutumdo hoʹkana Johon. 7Ânido sâkkhi hisâbte hiʹlene, ana marsalnaʹ katha menlaʹte, jate sanamkhoiʹ âniaʹ katha atenketeʹ pâtyuʹako. 8Johondo ana marsal bang tahelene kheʹ ânido ana marsalnaʹ katha menlaʹte hiʹlene. 9Ânigi sâri marsal tahesane, eketedo sanam âdmiko marsalkoe, Ânido dhârtire hijuʹsane.
10Ânido dhârtire tahelene, ar dhârti âni talatigi sirjulena, ar dhârtiren âdmite Âni bang cinhulidiako. 11Ânido aiaʹ jagare hiʹne, ar ekekodo âiʹren âdmi tahelenako angkote Âni bang atanglidiako. 12Kheʹ tiniʹ âdmite Âni atangkidiako, ekeko Âniaʹ nutumre pâtyunako, Ânite angko âdmi Issorren gidrâ hoʹaʹ khomota makeʹkoe. 13Angkodo meyom khoiʹdo bang janamkanako, jilnaʹ icchâ khoiʹho bang, âdmioaʹ icchâ khoiʹho bang, kheʹ Issoraʹ icchâ khoiʹgi janamkanako.
14Ar ana Katha âdmiketeʹ janamne ar abo talare basone. Baba Issorren gidrâ hisâbte Âniaʹ aka mohima ana mohima ale lelkedale, Ânido daya ar sârite pereʹgie. 15Johon Jisuoaʹ bisoite sakkho makade, ar garjoketeʹ menkede, "Nigie âni âdmi, ekeoa kathado ing menkâding, 'Ânido ingâʹ tayomte hijuʹkane, Ânido ing khoiʹho maranggie, cekelaʹbang Ânido ingâʹ lahare tahelene.'"
16Karon âniaʹ purnota khoiʹgi abo sanamkhoiʹ daya cetanre daya namkadabo. 17Cekelaʹbang Mosiaʹ ân talate ma hokana, kheʹ Jisu khrisṭoaʹ talatedo daya ar sâri hiʹkana. 18Issordo tisho eketigi bang lelkâdiako. Ânigie miṭiʹ âdmi, ekedo âiʹgie Issor, eketedo aiʹtigi Âni sodorkâdie.
Johonaʹ sakkho
(Mothi 3:1-12; Mark 1:1-8; Luk 3:1-9; 15-17)
19Ar Johonaʹ sakkhodo niâkana jâkhni Jihudikote Jirusalem khoiʹ koyekṭeʹ purohit ar Lebio Johonṭheʹ kolleʹkoako tâkhni Johon angkoṭheʹ sakkho makede. Angkote kulikidiako, "Amdo ekekanam?" 20Tâkhni ânido sikârkede, bang osikârlede, Âni sikârkede je, "Ingdo âni Khrisṭodo bangkâning."
21Angkote âni kulikidiako, "Tahale ekekanam? Amdo ki Eliokanam?"
Âni menkede, "Ingdo bangkâning."
Amdo ki âni nâbikanam?
Âni menkede "Bang."
22Tâkhni angkote âni metakidiako,
"Amdo ekekanam? Ekete ale kolkaʹleyako angko jate uttor madarekoale. Am amaʹ nijeoaʹ bisoite itâʹ menam?"
23Âni menkede, "Inggiying ana gala, akaṭaʹ bisoitedo nâbi Jisaio menkade,
'Sansun jagare miʹhor garjoketeʹ baṛesokokane,
Apedo Probhuoaʹ ḍahar sojhetaipe.'"
24Angkodo Forisite kolleʹkoako. 25Ar angkote âni kulikidiako, "Am judi âni khrisṭoho bangkanam, Elioho bangkanam, âni nâbiho bangkanam, tahale bâptisma makokanam cekelaʹ?"
26Johonte angko metakeʹkoe, "Ingte daʹre bâptisma mapekâning ṭhik, kheʹ Ape talare miʹhor tenggogirikane, ekedo apete bang cinhuiape, 27ekedo ingâʹ tayomte hijuʹkane, Âniaʹ jutânaʹ fitâ lareyaʹ joggota ingâʹ bânuʹtingâ."
28Jordon ganganaʹ eṭaʹhate, Boithonire, akaredo Johonte bâptisma makosane, aṛe nako ghoṭoniʹ.
Jisudo Issorren bhiṛi hoponkane
29Tayomhiluʹ ânite Jisu aiʹṭheʹ hijuʹte lelkidie, ar metakidie, "Hâni leleipe, Issorren Bhiṛi Hopon, ekedo dhârtinaʹ pap bhâriâ idie! 30Ânigie âni âdmi, ekeoaʹ bisoite ingte metaleʹpeing, 'Ingâʹ tayomte emon miṭiʹ âdmi hijuʹkane, ekedo ing khoiʹho marang âdmi hone, cekelaʹbang ânido ingâʹ lahare tahelene.' 31Ar ingte âni bang cinhuinghoteʹ, kheʹ âni jate Israyelkoṭheʹ sodoroʹe, niâlaʹte ingte daʹre bâptisma makokâning."
32Ar Johon menkede, "Ingte Pobitro Atta paroa laka sorgo khoiʹ agronte lelkâding, Âni paroa Âni cetanre duruʹne. 33Ingte âni bang cinhuinghoteʹ, kheʹ Issorte ing daʹre bâptisma makolaʹ kolkâdinge, Ânite ing metakâdinge, 'Eke cetanre Pobitro Atta agro hijuʹte lelpehaʹ, Inigie âni âdmi, eketedo Pobitro Attate bâptisma makoheʹ.'" 34"Ing lelkâding ar sakkho makâding je, 'Nigie Issorren hopon.'"
Jisute cela atangkeʹkoe
35Porahiluʹ arho Johon ar aiʹren barya cela tengo tahelenako. 36Ar Jisu daransane, emon somai Johon Jisuhate koyoʹketeʹ menkede, "Hâni leleipe Issorren Bhiṛihopon!"
37Ângkin barya cela Johonaʹ katha atenketeʹ Jisuoaʹ tayom tayomte caʹlaʹ lagonâkin. 38Tâkhni Jisute ângkin cela Aiaʹ tayom tayomte hijuʹte lelketeʹ kulikeʹkine, "Itâʹ sendradaban?" Ângkin menkedakin, "Guru, Amdo akare tahenam?"
39Ânite ângkin metakeʹkine, "Hiʹketeʹ lelban." Anate Âni akare tahene aṛe canâkin ar lelkedakin. Ar inâhiluʹ Âniṭheʹgi tahenakin. Tâkhnido ânumânik bela dosṭa bajoʹa.
40Johonaʹ katha atenketeʹ je barhor Jisuoaʹ tayom tayomte calonâkin, ângkin talare miʹhoraʹ nutum tahelena Andrio. Nâido tahelene Simon Pitorren boiha. 41Ânite palhere aiʹren boiha Simon sendra namkidie, ar âni metakidie, "Alangte Mosiho sendra namkâdialang." Mosihonaʹ manedo hoʹkana "Khrisṭo."
42Andriote Simon Jisuṭheʹ âgukidie. Jisu ânihate koyoʹketeʹ menkede, "Amdo Johonren hopontetʹ Simonkanam, amdo Koifa men jutuʹhaʹ." Koifanaʹ manedo hoʹkana Pitor (Diri).
43Jisu menkede je, Porahiluʹ Âni Gâlil caʹheʹ, ar inrigi Filip sendra namkidie. Ar Jisute âni metakidie, "Ingâʹ tayom tayomte hijup." 44Filipdo Boithsoidaren âdmi tahekane Andrio ar Pitorho ana ṭolaniʹ âdmikanakin. 45Filipte Nathanoel sendra namkidie, ar âni metakidie, "Mosiaʹ ânre ar nâbiko ekeoaʹ katha olkadako, abote Âni sendra namkâdiabo. Ânido hoʹkane Nasarotren Jisu, Josefren hopontetʹ."
46Nathanoelte âni metakidie, "Nasarot khoiʹ ki manja jahanaʹ hiʹdarena?"
Filipte âni metakidie, "Hijup, lelei."
47Jisute Nathanoel aiʹ hate hijuʹte lelketeʹ âniaʹ bisoite menkede, "Hâni leleipe, miʹhor sâri Israyelniʹ âdmi, âniaʹ monredo cholona bânuʹtaya."
48Nathanoelte metakidie, "Amte itâʹre ing cinhukidingâm?"
Jisute metakidie, "Filipte am ṭâhumi lahare, jâkhni am ana loa dare latarre tahelenam, tâkhni ingte lelleʹming."
49Nathanoelte Âni metakidie, "Guru, Amgiâm Issorren Hopon, Amgiâm Israyelniʹ raja."
50Jisute âni metakidie, "Ingte je am metakeʹming, ana loa dare latarre am lelleʹming, analaʹte ki pâtyunam? Nakoko khoiʹho marang marang bepar lel nammahaʹ!" 51Jisute âni arho metakidie, "Sâri sâri Ingte ape metapekâning, ape lelpehaʹ, sorgo jhiʹngekaniʹ, ar 'Issorren sorgodutko' Âdmi Hoponaʹ cetantora rakabkanako ar agronkanako."
നിലവിൽ തിരഞ്ഞെടുത്തിരിക്കുന്നു:
Johon 1: EKL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh
Johon 1
1
Issoraʹ kathado âdmi rupte janamne
1Dhârtinaʹ ehob lahare Katha tahelena, ar Katha Issor salaʹ tahelena, ar Kathado Issor tahelene. 2Ânido sedere Issorṭheʹ tahelene. 3Ar sanamaʹgi Âni talate sirjukana, jahanaʹgi hokana, ananaʹ itâʹgi Âni bâgiketeʹdo bang hokana. 4Âni bhitârre jiui tahelena, ar ana jiuigi âdmioaʹ marsal tahelena. 5Ana marsal nutre jollena kheʹ marsalṭheʹ ana nut bang jitu darelana.
6Miʹhor âdmi hiʹlene, ar ânido Issorṭheʹ khoiʹ kol holena, âniaʹ nutumdo hoʹkana Johon. 7Ânido sâkkhi hisâbte hiʹlene, ana marsalnaʹ katha menlaʹte, jate sanamkhoiʹ âniaʹ katha atenketeʹ pâtyuʹako. 8Johondo ana marsal bang tahelene kheʹ ânido ana marsalnaʹ katha menlaʹte hiʹlene. 9Ânigi sâri marsal tahesane, eketedo sanam âdmiko marsalkoe, Ânido dhârtire hijuʹsane.
10Ânido dhârtire tahelene, ar dhârti âni talatigi sirjulena, ar dhârtiren âdmite Âni bang cinhulidiako. 11Ânido aiaʹ jagare hiʹne, ar ekekodo âiʹren âdmi tahelenako angkote Âni bang atanglidiako. 12Kheʹ tiniʹ âdmite Âni atangkidiako, ekeko Âniaʹ nutumre pâtyunako, Ânite angko âdmi Issorren gidrâ hoʹaʹ khomota makeʹkoe. 13Angkodo meyom khoiʹdo bang janamkanako, jilnaʹ icchâ khoiʹho bang, âdmioaʹ icchâ khoiʹho bang, kheʹ Issoraʹ icchâ khoiʹgi janamkanako.
14Ar ana Katha âdmiketeʹ janamne ar abo talare basone. Baba Issorren gidrâ hisâbte Âniaʹ aka mohima ana mohima ale lelkedale, Ânido daya ar sârite pereʹgie. 15Johon Jisuoaʹ bisoite sakkho makade, ar garjoketeʹ menkede, "Nigie âni âdmi, ekeoa kathado ing menkâding, 'Ânido ingâʹ tayomte hijuʹkane, Ânido ing khoiʹho maranggie, cekelaʹbang Ânido ingâʹ lahare tahelene.'"
16Karon âniaʹ purnota khoiʹgi abo sanamkhoiʹ daya cetanre daya namkadabo. 17Cekelaʹbang Mosiaʹ ân talate ma hokana, kheʹ Jisu khrisṭoaʹ talatedo daya ar sâri hiʹkana. 18Issordo tisho eketigi bang lelkâdiako. Ânigie miṭiʹ âdmi, ekedo âiʹgie Issor, eketedo aiʹtigi Âni sodorkâdie.
Johonaʹ sakkho
(Mothi 3:1-12; Mark 1:1-8; Luk 3:1-9; 15-17)
19Ar Johonaʹ sakkhodo niâkana jâkhni Jihudikote Jirusalem khoiʹ koyekṭeʹ purohit ar Lebio Johonṭheʹ kolleʹkoako tâkhni Johon angkoṭheʹ sakkho makede. Angkote kulikidiako, "Amdo ekekanam?" 20Tâkhni ânido sikârkede, bang osikârlede, Âni sikârkede je, "Ingdo âni Khrisṭodo bangkâning."
21Angkote âni kulikidiako, "Tahale ekekanam? Amdo ki Eliokanam?"
Âni menkede, "Ingdo bangkâning."
Amdo ki âni nâbikanam?
Âni menkede "Bang."
22Tâkhni angkote âni metakidiako,
"Amdo ekekanam? Ekete ale kolkaʹleyako angko jate uttor madarekoale. Am amaʹ nijeoaʹ bisoite itâʹ menam?"
23Âni menkede, "Inggiying ana gala, akaṭaʹ bisoitedo nâbi Jisaio menkade,
'Sansun jagare miʹhor garjoketeʹ baṛesokokane,
Apedo Probhuoaʹ ḍahar sojhetaipe.'"
24Angkodo Forisite kolleʹkoako. 25Ar angkote âni kulikidiako, "Am judi âni khrisṭoho bangkanam, Elioho bangkanam, âni nâbiho bangkanam, tahale bâptisma makokanam cekelaʹ?"
26Johonte angko metakeʹkoe, "Ingte daʹre bâptisma mapekâning ṭhik, kheʹ Ape talare miʹhor tenggogirikane, ekedo apete bang cinhuiape, 27ekedo ingâʹ tayomte hijuʹkane, Âniaʹ jutânaʹ fitâ lareyaʹ joggota ingâʹ bânuʹtingâ."
28Jordon ganganaʹ eṭaʹhate, Boithonire, akaredo Johonte bâptisma makosane, aṛe nako ghoṭoniʹ.
Jisudo Issorren bhiṛi hoponkane
29Tayomhiluʹ ânite Jisu aiʹṭheʹ hijuʹte lelkidie, ar metakidie, "Hâni leleipe, Issorren Bhiṛi Hopon, ekedo dhârtinaʹ pap bhâriâ idie! 30Ânigie âni âdmi, ekeoaʹ bisoite ingte metaleʹpeing, 'Ingâʹ tayomte emon miṭiʹ âdmi hijuʹkane, ekedo ing khoiʹho marang âdmi hone, cekelaʹbang ânido ingâʹ lahare tahelene.' 31Ar ingte âni bang cinhuinghoteʹ, kheʹ âni jate Israyelkoṭheʹ sodoroʹe, niâlaʹte ingte daʹre bâptisma makokâning."
32Ar Johon menkede, "Ingte Pobitro Atta paroa laka sorgo khoiʹ agronte lelkâding, Âni paroa Âni cetanre duruʹne. 33Ingte âni bang cinhuinghoteʹ, kheʹ Issorte ing daʹre bâptisma makolaʹ kolkâdinge, Ânite ing metakâdinge, 'Eke cetanre Pobitro Atta agro hijuʹte lelpehaʹ, Inigie âni âdmi, eketedo Pobitro Attate bâptisma makoheʹ.'" 34"Ing lelkâding ar sakkho makâding je, 'Nigie Issorren hopon.'"
Jisute cela atangkeʹkoe
35Porahiluʹ arho Johon ar aiʹren barya cela tengo tahelenako. 36Ar Jisu daransane, emon somai Johon Jisuhate koyoʹketeʹ menkede, "Hâni leleipe Issorren Bhiṛihopon!"
37Ângkin barya cela Johonaʹ katha atenketeʹ Jisuoaʹ tayom tayomte caʹlaʹ lagonâkin. 38Tâkhni Jisute ângkin cela Aiaʹ tayom tayomte hijuʹte lelketeʹ kulikeʹkine, "Itâʹ sendradaban?" Ângkin menkedakin, "Guru, Amdo akare tahenam?"
39Ânite ângkin metakeʹkine, "Hiʹketeʹ lelban." Anate Âni akare tahene aṛe canâkin ar lelkedakin. Ar inâhiluʹ Âniṭheʹgi tahenakin. Tâkhnido ânumânik bela dosṭa bajoʹa.
40Johonaʹ katha atenketeʹ je barhor Jisuoaʹ tayom tayomte calonâkin, ângkin talare miʹhoraʹ nutum tahelena Andrio. Nâido tahelene Simon Pitorren boiha. 41Ânite palhere aiʹren boiha Simon sendra namkidie, ar âni metakidie, "Alangte Mosiho sendra namkâdialang." Mosihonaʹ manedo hoʹkana "Khrisṭo."
42Andriote Simon Jisuṭheʹ âgukidie. Jisu ânihate koyoʹketeʹ menkede, "Amdo Johonren hopontetʹ Simonkanam, amdo Koifa men jutuʹhaʹ." Koifanaʹ manedo hoʹkana Pitor (Diri).
43Jisu menkede je, Porahiluʹ Âni Gâlil caʹheʹ, ar inrigi Filip sendra namkidie. Ar Jisute âni metakidie, "Ingâʹ tayom tayomte hijup." 44Filipdo Boithsoidaren âdmi tahekane Andrio ar Pitorho ana ṭolaniʹ âdmikanakin. 45Filipte Nathanoel sendra namkidie, ar âni metakidie, "Mosiaʹ ânre ar nâbiko ekeoaʹ katha olkadako, abote Âni sendra namkâdiabo. Ânido hoʹkane Nasarotren Jisu, Josefren hopontetʹ."
46Nathanoelte âni metakidie, "Nasarot khoiʹ ki manja jahanaʹ hiʹdarena?"
Filipte âni metakidie, "Hijup, lelei."
47Jisute Nathanoel aiʹ hate hijuʹte lelketeʹ âniaʹ bisoite menkede, "Hâni leleipe, miʹhor sâri Israyelniʹ âdmi, âniaʹ monredo cholona bânuʹtaya."
48Nathanoelte metakidie, "Amte itâʹre ing cinhukidingâm?"
Jisute metakidie, "Filipte am ṭâhumi lahare, jâkhni am ana loa dare latarre tahelenam, tâkhni ingte lelleʹming."
49Nathanoelte Âni metakidie, "Guru, Amgiâm Issorren Hopon, Amgiâm Israyelniʹ raja."
50Jisute âni metakidie, "Ingte je am metakeʹming, ana loa dare latarre am lelleʹming, analaʹte ki pâtyunam? Nakoko khoiʹho marang marang bepar lel nammahaʹ!" 51Jisute âni arho metakidie, "Sâri sâri Ingte ape metapekâning, ape lelpehaʹ, sorgo jhiʹngekaniʹ, ar 'Issorren sorgodutko' Âdmi Hoponaʹ cetantora rakabkanako ar agronkanako."
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh