Johon 3
3
Naoa janam ar pâtyu
1Forisiko talare miṭiʹ âdmi tahelene, âniaʹ nutumdo hoʹkantaya Nikodim, ânido Jihudiren miṭiʹ neta tahelene. 2Ânido nindâ Jisuṭheʹ hiʹne, ar Âni metakidie, "Guru, ale baṛeyale Amdo miʹhor masṭar hisâbte Issorṭheʹ khoiʹ hiʹkanam, karon Am akako asarjo kâmikadam, Issor saote bang tahelenkheʹ ekegi bang ana dareʹako."
3Jisu menkede, "Sârigi Ingte am metamikâning, naoa janam bang holenkheʹ ekegi Issoraʹ Rajjo bang lelnamako."
4Nikodimte Âni metakidie, "Âdmi harmelenkheʹ alkate ânido janam darene? Âni ki dosra jhikâ engataʹ laiʹre boloketeʹ arho janam darene?"
5Jisute uttor makidie, "Sârigi Ingte am metamikâning, jahe judi daʹ ar atta khoiʹ janam bang engeye, tahale ânido Issoraʹ Rajjore bang bolo darene. 6Âdmi khoiʹ ekeṭaʹ janamoʹe ânido âdmigi hoʹe, ar akaṭaʹ atta khoiʹ janamoʹa anado attagi hoʹa. 7Ingte je ape metakeʹpeing, 'Apeyaʹ naoa janam hoʹaʹ dorkar,' niâte alo asarjoʹape. 8Hoi aka hate icchie, entegi hoie, ar am ananaʹ saṛe aten namam. Kheʹ aka khoiʹ hijuʹa ar akate caʹa anado bang baṛeyam. Ṭhik engkagi pobitro atta khoiʹ âdmiaʹ janam enge, abodo bang bujhu dareʹabo.
9Nikodimte Âni metakidie, "Nado alkate ho darena?"
10Jisute âni metakidie, "Amdo Israyelniʹ gurukanam, ar nako bang bujhu dareʹkanam? 11Sâriaʹgi Ingte am metamikâning, Aledo akaṭaʹ baṛeyale inâgi menale, ar akaṭaʹ lelkaʹale inânaʹgi sakkho maʹale. Ar apetedo aleyaʹ sakkho bang engetaleyape. 12Ing dhârtinaʹ katha menlekheʹ paseʹ ape bang pâtyuʹape, tahale sorgonaʹ katha menlekheʹ alkate pâtyuʹpehaʹ? 13" Ekedo sorgo khoiʹ hiʹkane Âni âdmi hopon bâgiketeʹ Ar ekeho sorgoredo bang rakabkanako.
14Ar Mosite alka sansun jagare bing cetanre rakablidie engkagi Âdmi Hoponho cetanre rakabilaʹ hoʹhaʹ, 15jate, jahetigi Âni pâtyue, ânido ononto jiui name.
16Karon Issorte na dhârtiren âdmi nâniʹ dulârkeʹkoe je, Aiʹren miṭiʹ Hopon dankidie, jate, jahegi Ânire pâtyuʹe, ânido bang nosṭoʹe, kheʹ ononto jiui name. 17Cekelaʹbang Issortedo dhârtiren âdmioaʹ bicâr laʹte aiʹren Hopontetʹ bang kolkâdie, kheʹ dhârtiren âdmi jate âni talate bacoʹako. 18Eke ânire pâtyuʹe, âniaʹdo bicâr bang jutuʹa, Eke bang pâtyuʹe, âniaʹdo bicâr hongekantaya, cekelaʹbang ânido Issorren miṭiʹ Hopontetʹrigi bang pâtyukane. 19Ar bicârdo hoʹkana nangka, dhârtire marsal hiʹkana, ar âdmikodo marsal khoiʹ nutgi ḍher dulârkedako, cekelaʹbang angkoaʹ sanam kâmikogi kharapgi tahelentakoa. 20Jahegi kharap kâmiako, angkodo marsalre bang hijuʹako, karon marsalre hiʹlenkheʹ angkoaʹ sanam kâminaʹ dos sodoroʹtakoa. 21Kheʹ eke sâri ḍaharte caʹe, ânido marsalṭheʹ hijuʹe, jate âniaʹ sanam kâmi Issoraʹ icchâ laka rikie mente sodoroʹa.
Johon Jisuoaʹ katha mene
22Inâtayom Jisu ar Aiʹren celako Jihudiâ disâm hiʹnako, ar Âni angko saote aṛe tahene, ar âdmiko bâptisma makolaʹ lagone. 23Ana somai Sâlim nutumte miṭiʹ ṭolanaʹ Oinon nutumte miṭiʹ jagare Johonteho bâptisma makosane, Karon aṛe aima daʹ tahelena. Ar âdmiko hiʹketeʹ bâptisma engelaʹ lagonako. 24Inreho Johondo jelkhanaredo bang bundilidiako.
25Tâkhni sâfuʹaʹ bisoite miʹhor Jihudi salaʹ Johonren miṭiʹ celaoaʹ torko hontaya. 26Tayomte angko Johonṭheʹ hiʹketeʹ âni lâiodiâko, "Guru, eke am salaʹ Jordon ganganaʹ hanakharre tahelene, ekeyaʹ bisoitedo am menkadam, lelme, Âniteho bâptisma makokane ar sanamkhoiʹ âniṭheʹ caʹkanako."
27Johon uttorre menkede, "Sorgo khoiʹ tinkhâniʹ âdmi bang jahanaʹ ma hokâniʹ indhâbiʹ âni ar itâʹgi bang dareʹe. 28Apegiâpe ingren sâkkhi je, Ing menkâding, Ingdo Khrisṭodo bangkâning, kheʹ Âni khoiʹ lahare ing kolkâdinge. 29Eke âdmite kurigidrâ namkâdie, ânido hoʹkane jaoe, Kheʹ jaoeren gatekora ekedo tengoketeʹ âniaʹ katha atene, ânido jaoeoaʹ katha atenketeʹ aima huboʹe, Engkagi ingâʹho hub tihin puronentingâ. 30Ânido marangoʹlaʹ hoʹtaihaʹ, ar ingdo kâṭijoʹlaʹ hoʹtinghâʹ.
Miʹhor ekedo sorgo khoiʹ hijuʹe
31"Eke cetan khoiʹ hijuʹe, ânido sanamkhoiʹaʹ cetanrigi tahene, Ar eke dhârti khoiʹ hijuʹe ânido dhârtirengie, ar dhârtinaʹgi katha mene, Eke sorgo khoiʹ hijuʹe, ânido sanamkhoiʹ cetanre tahene. 32Âni akako lelkede ar atenkade, ananaʹgi sakkho maʹkane, ar âniaʹ sakkho eketigi bang atangkaʹtayako. 33Ekete Issor atnagkâdie, ânido niscitkane je, Issordo sârigie. 34Karon Issorte eke kolkâdie, ânido Issoraʹ katha mene, Karon Issorte âni Pobitro Atta songketeʹ bang makâdie. 35Botte Hopontetʹ dulârie, ar sanamaʹgi âniaʹ tire makâdie. 36Jahegi Hopontetʹre pâtyukane, ânido ononto jiui namkade, Kheʹ jahegi Hopontetʹ bang manoe, ânido jiui oho lelname, kheʹ Issordo âni cetanre edrenheʹ."
നിലവിൽ തിരഞ്ഞെടുത്തിരിക്കുന്നു:
Johon 3: EKL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh
Johon 3
3
Naoa janam ar pâtyu
1Forisiko talare miṭiʹ âdmi tahelene, âniaʹ nutumdo hoʹkantaya Nikodim, ânido Jihudiren miṭiʹ neta tahelene. 2Ânido nindâ Jisuṭheʹ hiʹne, ar Âni metakidie, "Guru, ale baṛeyale Amdo miʹhor masṭar hisâbte Issorṭheʹ khoiʹ hiʹkanam, karon Am akako asarjo kâmikadam, Issor saote bang tahelenkheʹ ekegi bang ana dareʹako."
3Jisu menkede, "Sârigi Ingte am metamikâning, naoa janam bang holenkheʹ ekegi Issoraʹ Rajjo bang lelnamako."
4Nikodimte Âni metakidie, "Âdmi harmelenkheʹ alkate ânido janam darene? Âni ki dosra jhikâ engataʹ laiʹre boloketeʹ arho janam darene?"
5Jisute uttor makidie, "Sârigi Ingte am metamikâning, jahe judi daʹ ar atta khoiʹ janam bang engeye, tahale ânido Issoraʹ Rajjore bang bolo darene. 6Âdmi khoiʹ ekeṭaʹ janamoʹe ânido âdmigi hoʹe, ar akaṭaʹ atta khoiʹ janamoʹa anado attagi hoʹa. 7Ingte je ape metakeʹpeing, 'Apeyaʹ naoa janam hoʹaʹ dorkar,' niâte alo asarjoʹape. 8Hoi aka hate icchie, entegi hoie, ar am ananaʹ saṛe aten namam. Kheʹ aka khoiʹ hijuʹa ar akate caʹa anado bang baṛeyam. Ṭhik engkagi pobitro atta khoiʹ âdmiaʹ janam enge, abodo bang bujhu dareʹabo.
9Nikodimte Âni metakidie, "Nado alkate ho darena?"
10Jisute âni metakidie, "Amdo Israyelniʹ gurukanam, ar nako bang bujhu dareʹkanam? 11Sâriaʹgi Ingte am metamikâning, Aledo akaṭaʹ baṛeyale inâgi menale, ar akaṭaʹ lelkaʹale inânaʹgi sakkho maʹale. Ar apetedo aleyaʹ sakkho bang engetaleyape. 12Ing dhârtinaʹ katha menlekheʹ paseʹ ape bang pâtyuʹape, tahale sorgonaʹ katha menlekheʹ alkate pâtyuʹpehaʹ? 13" Ekedo sorgo khoiʹ hiʹkane Âni âdmi hopon bâgiketeʹ Ar ekeho sorgoredo bang rakabkanako.
14Ar Mosite alka sansun jagare bing cetanre rakablidie engkagi Âdmi Hoponho cetanre rakabilaʹ hoʹhaʹ, 15jate, jahetigi Âni pâtyue, ânido ononto jiui name.
16Karon Issorte na dhârtiren âdmi nâniʹ dulârkeʹkoe je, Aiʹren miṭiʹ Hopon dankidie, jate, jahegi Ânire pâtyuʹe, ânido bang nosṭoʹe, kheʹ ononto jiui name. 17Cekelaʹbang Issortedo dhârtiren âdmioaʹ bicâr laʹte aiʹren Hopontetʹ bang kolkâdie, kheʹ dhârtiren âdmi jate âni talate bacoʹako. 18Eke ânire pâtyuʹe, âniaʹdo bicâr bang jutuʹa, Eke bang pâtyuʹe, âniaʹdo bicâr hongekantaya, cekelaʹbang ânido Issorren miṭiʹ Hopontetʹrigi bang pâtyukane. 19Ar bicârdo hoʹkana nangka, dhârtire marsal hiʹkana, ar âdmikodo marsal khoiʹ nutgi ḍher dulârkedako, cekelaʹbang angkoaʹ sanam kâmikogi kharapgi tahelentakoa. 20Jahegi kharap kâmiako, angkodo marsalre bang hijuʹako, karon marsalre hiʹlenkheʹ angkoaʹ sanam kâminaʹ dos sodoroʹtakoa. 21Kheʹ eke sâri ḍaharte caʹe, ânido marsalṭheʹ hijuʹe, jate âniaʹ sanam kâmi Issoraʹ icchâ laka rikie mente sodoroʹa.
Johon Jisuoaʹ katha mene
22Inâtayom Jisu ar Aiʹren celako Jihudiâ disâm hiʹnako, ar Âni angko saote aṛe tahene, ar âdmiko bâptisma makolaʹ lagone. 23Ana somai Sâlim nutumte miṭiʹ ṭolanaʹ Oinon nutumte miṭiʹ jagare Johonteho bâptisma makosane, Karon aṛe aima daʹ tahelena. Ar âdmiko hiʹketeʹ bâptisma engelaʹ lagonako. 24Inreho Johondo jelkhanaredo bang bundilidiako.
25Tâkhni sâfuʹaʹ bisoite miʹhor Jihudi salaʹ Johonren miṭiʹ celaoaʹ torko hontaya. 26Tayomte angko Johonṭheʹ hiʹketeʹ âni lâiodiâko, "Guru, eke am salaʹ Jordon ganganaʹ hanakharre tahelene, ekeyaʹ bisoitedo am menkadam, lelme, Âniteho bâptisma makokane ar sanamkhoiʹ âniṭheʹ caʹkanako."
27Johon uttorre menkede, "Sorgo khoiʹ tinkhâniʹ âdmi bang jahanaʹ ma hokâniʹ indhâbiʹ âni ar itâʹgi bang dareʹe. 28Apegiâpe ingren sâkkhi je, Ing menkâding, Ingdo Khrisṭodo bangkâning, kheʹ Âni khoiʹ lahare ing kolkâdinge. 29Eke âdmite kurigidrâ namkâdie, ânido hoʹkane jaoe, Kheʹ jaoeren gatekora ekedo tengoketeʹ âniaʹ katha atene, ânido jaoeoaʹ katha atenketeʹ aima huboʹe, Engkagi ingâʹho hub tihin puronentingâ. 30Ânido marangoʹlaʹ hoʹtaihaʹ, ar ingdo kâṭijoʹlaʹ hoʹtinghâʹ.
Miʹhor ekedo sorgo khoiʹ hijuʹe
31"Eke cetan khoiʹ hijuʹe, ânido sanamkhoiʹaʹ cetanrigi tahene, Ar eke dhârti khoiʹ hijuʹe ânido dhârtirengie, ar dhârtinaʹgi katha mene, Eke sorgo khoiʹ hijuʹe, ânido sanamkhoiʹ cetanre tahene. 32Âni akako lelkede ar atenkade, ananaʹgi sakkho maʹkane, ar âniaʹ sakkho eketigi bang atangkaʹtayako. 33Ekete Issor atnagkâdie, ânido niscitkane je, Issordo sârigie. 34Karon Issorte eke kolkâdie, ânido Issoraʹ katha mene, Karon Issorte âni Pobitro Atta songketeʹ bang makâdie. 35Botte Hopontetʹ dulârie, ar sanamaʹgi âniaʹ tire makâdie. 36Jahegi Hopontetʹre pâtyukane, ânido ononto jiui namkade, Kheʹ jahegi Hopontetʹ bang manoe, ânido jiui oho lelname, kheʹ Issordo âni cetanre edrenheʹ."
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh