Makitiko Ga Maapostolo 24
24
1Leka panyuma pa magono mhano kasisi nkulungu Anania akaselili pamonga na wangi wa wakulu‐wakulu, na wakujowa wicho yumonga Tertulo; awa nawombe wakandasiti nduna fyakundungamakila. 2Leka apa akakemaliki, Tertulo akatumbwili kundungamakila, kukita,
3Pakwipatila kindamba kingi kwako, ni pa kulolalela kwako fiwifu fitendakaseka kwa mhuku uwu, tiyupa pa findu fyoha na poha poha kisengusile nnofu kulutila Felike. 4Leka, nausi nisikutondesa kulutila, nikupembesa kutiyufwanila pakwisinga kwako pakudumula malowe aga. 5Pakuya tikankolili ngosi uyu wakuhimuka, ni wakusisimusa waYehudi pa ndima woha, ni wakulongolela kapatuliko ka waNazarayo: 6uyu kawili akagesiti kuyikita hekalu ya waka: yula tikankamwili kawili: 7ni ngatimpawili kwa ndingo wa torah yitu. Koma kapitao wa elfu Lusia akachiti, ni kwa makakala ga mahele akambusiti pa mawoko gitu, kuwataukila wakundungamakila yombe kuhicha kwa chengo kyake. 8Kwa yombe, wona unkote wa mwene, yauhotole kuwalalila findu ifi fyoha fila tindungamakila nafyo. 9WaYehudi nawombe kawili wakayilini kundungamakila, kujowesa fifi ifi.
10Na apa nduna akakinyili ajowe, Paolo akahigiti,
Pakuwalalila kukita miaka mingi uyii wakupawula mihalo ya mhuku uwu, nihigila ifi fya nenga namwene nu mwoyo unofu: 11pakuya uhotola kuwalalila, kukita nukuya kulutila magono kumi na gawili kitumbulile apa nikakweliti kugwilakimbo pa Yerusalem: 12ni haka pa hekalu awa nukunikolela lepa kukotana nu mundu, pangi kukita njwawila pa lipuga, haka pa masunagoge, haka pa likaya pangi pangi. 13Kawili nukuhotola lepa awa kukangamasa ifi walungamakila nafyo nenga. 14Leka iki nifumbula kwako, kukita kwa ndingo wa Ndila iyi wayikemela kapatuliko, wiwi nitumakila Mulungu wa wakadadi witu, kukela fyoha fiyii kwa ndingo wa torah, na ifi filembiki pa wakulweta: 15pakutama ni kihuwalilo lisi lya Mulungu, iki awa kawili wayii mu kukilindalila, kukita yakuye kusyuka kwa awa wakukita malinga na kwa awa wangakita malinga kawili. 16Mumu umu namwene nikita kutama nu mwoyo wa pa chengo wangali kuhokela kwa Mulungu na kwa wandu magono goha. 17Leka panyuma pa miaka mingi nikachiti kutola ifi wapelekeye fya lukolo kwa mhuku wangu, ni nyambiko: 18Mumu wakanikolili wakuwalasika pa hekalu, nukuya ni lipuga, nukuya nu njwawila: leka wakayili wangi baho waYehudi wakuhumila 19pa Asia‐awa walinganila kuyicha apa pa chengo kyako ni kunilungamakila, wona watama kwali ni mihalo kwa nenga. 20Pangi awa wene wajowe kiki wakakikolili nukuya kya malinga, 21apa nikayimiti pa chengo kyawe, leka lilowe ili limonga kukita nikakwesiti pakuyima pagati pawe, Pa mhalo wakusyuka pa wakufwa niyii mu kupawulika pa chengo kinu lilino.
22Leka Felike, pakumanya kulutila pa Ndila iyi, akawakilawisi, kujowa, Apa Lusias, kapitao wa elfu yaselele, yanimanyise mhalo winu. 23Na akantawukili kenturion kungoha yombe pakukungika, ni kukita apumulile wicho; ni asinkanisa mundu wa wayini kuntumakila yombe.
24Leka panyuma pa magono gangi, Felike akachiti ni Drusila, mhanu mundu mwene, mYehudi uyu ankemili Paolo ni akanjufwanili panani pa kiyitakiso kya pa Kristo Yesu. 25Na apa akakotini panani pa kukita malinga, ni kwigoha, ni lipawulo liyii mu kuyicha, Felike akayogwipi ni akahigiti, Kwa hino ubitaye mwanja; leka wona nipata lukumbi lwakulinganila, yanikukemele kawili. 26Nyamhope akahuwalili kukita yapelewe kyuma nu Paolo: kwa ndawa iyi akankemili mhina magono, kulongela nako. 27Leka apa miaka yiwili yikamemesiki, Porkio Festo akayingili pandu pa Felike; nu Felike, pakulonda kuwaganisa waYehudi, akandekiti Paolo wakukungika.
നിലവിൽ തിരഞ്ഞെടുത്തിരിക്കുന്നു:
Makitiko Ga Maapostolo 24: MGS1937
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1937.
