इफिसी 6
6
याह्ही बाह्हू अने सोऐ
1ऐ पोर्या, प्रभु मेहे आपाआ याह्ही बाह्हाआ होमलनारा बोना काहाके ओ उचित होय. 2आपाआ याह्ही बाह्हाआ मान कोओ ए पेल्ली आज्ञा होय ज्याआरी प्रतिज्ञा बी होय 3का ताआ हाजो उवे, अने तू धोरतीपो जाअखो दीही जिवंत रोही. 4का बाह्हू, आपाआ पोऱ्याहा चिडवू नाहा परंतु प्रभूऊ शिक्षण अने बोध आपित ओतुताहा तियाप पालीत पोषण को.
स्वामी अने दास
5ऐ दासाहा, जे मांहे या जगुमे तुमाआ मालक होय, आपाआ मोनोमेहे भावना बिक माना अने कापीत-कापीत जेहलो ख्रिस्ताआ आज्ञा पाडीलोओ तेहलूज त्याआं पण आज्ञा पालीत जा. 6माहुहुं प्रसन्न कोअनाराआ सारखो ऐ देखाडीला कोता सेवा कोहू नाहा पोन ख्रिस्ताच्या दासोओ एकहरको मोनाकोईत परमेश्वरोओ इच्चेप चाल्यो, 7अने तिया सेवाहा माहांआ नाहा पोन प्रभूऊ होमजीत खोरो मोन लागाडीत को. 8काहाके तुमु ओलखीत जो कोडु जेहलो हाजो काम कोअनारा दास होय का हाजो प्रभूकडून तेहलूज जोडीत. 9ऐ स्वामि, तुमु पण धमकी देअलो सोडीत तियाआ आरी तेहलूज वागा काहाके का तुमु ए मानतेहे का तियाआ अने तुमाआ बेनुबी मालक होर्गाम होय, अने तो कोडाआ पक्षपात नि कोअनारू.
आत्मिक युद्धोंओ हत्यार
10याकोअता प्रभू माय अने तियाआ शक्ती प्रभावही बलवान बोना. 11परमेश्वरोओ आखे हत्यार स्वतःहा बांधीत ल्या का तुमु शैतानाहा युकत्यां समोर उभे रोहू सेकेहे. 12काहाके का आमाहा ओ युद्ध रक्त मासा आरी नाहा ताहा अधिपती अने अन्धकार अने या संसारो अंधकाराया पुढारी अने जुगोमेरयो भूत आत्मारी. 13याकोअता परमेश्वरोओ आखे हत्यार बांधीत ल्या के तुमु खराब दिहोम सामना कोईत सेकाहा आखो पुरो कोईत स्थिर रोत सेकाहा. 14याकोअता सत्यांआ अने कंबर बंधित अने धोर्मी तियाआ झीलम कालीत, 15अने गुडा मेहे मेलोओ सुवार्ताआ तीयार बूट कालीत, 16अने तिया आखा आरी विश्वासाआ ढाल लेत स्थिर रो ज्याम तुमु तिया वाईटा आखा पेटात्ला बिलखाहा उलवित सेकाहा. 17अने उद्धाराआ टोप अने आत्माआ तलवार जे परमेश्वरोओ वचन होय लेतल्या. 18हर एक वेले हर एक एहलाम आत्मा मेहे प्रार्थना अने विनंती कोईत रो अने याकोअता जागतू रो का आखे पवित्र मांहो कोअता निरंतर विनंती कोईत रो, 19अने माकोअता बी का तू माहु गोगीलावेले एहलो प्रबळ वचन आप्लु जावा का तुमामे हिमंत आरी सुसमाचारो भेद कोहू गोयो 20याकोअता आय हाकूलवाही बांदित मेल्यु होय, अने ओओबी का आय तियाआ विषयामे जेहलो माहु बी, हीमतवाही गोगनारू.
आखरी नमस्कार
21तुखिक जो प्रिय पाही अने प्रभूमे विश्वासयोग्य सेवक होय तुमामे आखे गोठी कोअही का तुमु पण माआ परिस्थिती जाहा का आय केहलु रोतलू. 22तियाहा आय तुमापोओ याकोअता मोक्ल्यीत होय का तुमु आमाआं परिस्थिती ओलखा अने तो तुमाआ मोनोहो शांती आपही. 23परमेश्वर बाह्हू अने प्रभू येशु ख्रिस्त वोगेरोथ न पायहोहो शांती अने विश्वासाआ आरी प्रेम जोळे. 24जो परमेश्वर प्रभू येशु ख्रिस्तात खोरो प्रेम कोअत्लू तीन आखापो कृपा उवनारा राहो.
നിലവിൽ തിരഞ്ഞെടുത്തിരിക്കുന്നു:
इफिसी 6: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.