2 कुरिन्थि 4
4
सुसमाचारोओ प्रकाश
1त्यापोत जर आपापो एहली दया उवी का आमाहा ए सेवा जोड़ी होय ताहा आमाहा हिमंत सोडीत नाहा. 2पोन आमू लाज गुप्त धन सोडीत आप्लु, अने आमाहा कपटाने सालते नाहा, अने परमेश्वरोओ वाचनामे मिशर पोन कोईत नाहा पण सत्याहा प्रकट कोईत परमेश्वरा आगाडीही हर एक मांहाहा विवेकात आपाआ हाजी गोठी बाहाडत्लू. 3पोन जर आमू सुवार्ते वाही पडदू पोडीत होय ताहा ओ नाश होणारा कोता पोडीत होय. 4अने तिया अविश्वासी कोअता ज्याआ बुद्धी आव जुगाआ ईश्वर आंदले कोईत आप्यी होय म्हणजे ख्रिस्त जो परमेश्वर प्रतिरूप होय तिया तेजाचा सुवार्तेए प्रकाश तियापो सोमकूहु नाहा. 5काहाके आमू स्वतःहा नाहा पण ख्रिस्त येशुहू प्रचार कोअत्लू का आमू येशु कोअता तुमाआ सेवक होय. 6त्यापोत का परमेश्वरोओ होय जीआ कोयु, अंधरा मेहे प्रकाश चमकाडी, अने तोज आमा मोनामेहे चमकाडी का परमेश्वरोओ गौरवाच्या प्रकाश येशु ख्रिस्ताच्या सोबेपो ओवे.
कादवोओ बासनामेहे धन
7पोन आमू जागे ते धन कादूवो बासनाम मेक्ल्ये होय का ओ असीमित सामर्थ्य आमापोरोत नाहा पण परमेश्वरोहो देखुहू रोंहु जोवे. 8आमू चारही दिशांनी संकट ताहा सहन कोअत्लू पोन संकटाम पोडीत नाहा आमाहा घोटाळा पडिलो पण नाराज उवनारा नाहा, 9छळ कोअयु जात्लू पोन आमाआ त्याग कोअयु जात नाहा, पाडिलो ताहा जात्लू पण नाश उवनारा नाहा. 10आमू येशुउ मोईलाकाजे आपाआ डीलोम हरेक टेमे घेऊन फिरत्लो का येशुउ जीवोन पण आमा डीलोम प्रकट उवे. 11काहाके आमू जिवंत ओतलू हरेक टेमे येशु कोअता मोईला आथोमेहे होपण्ये जात्लू, का येशु तियाआ जीवोन पोन आमू रण पाविल्यो डीलोम प्रकट उवे. 12यावाही मरण ताहा आमू उपो प्रभाव टाकत्लू अने जीवोन तुमापो. 13यकोअता आमामेरोत तोज विश्वासाआ आत्माआ होय ज्याआ विषयाम लेखिलो होय, आय विश्वास कोअयु, त्यापोत आय बूल्यू, कोईत आमाहा पण विश्वास कोअत्लू, अने गोगत्लू. 14काहाके आमाहा मालुम होय का जीआ प्रभू येशुहू जिवंत कोल्यु तोज आमाहा पण येशुमेहे गोवाद्या होमजीत जिवंत कोअनारू, अने तुमाआरी आपाआ आगाडी उपस्थित कोअही. 15काहाके आखे वस्तु तुमा कोअता होय म्हणजे कृपा पुष्कळाद्वारे जाखो ओत परमेश्वरोओ गौरव कोअता धन्यवाद पण कोअला जोवे. 16त्यापोत आमाहा हिमंत सोडीत नाहा म्हणजे आमाआ बारथे माहुमे नाश उवनारा जात्लू तेबी पोन आमाआ मायतो माहुमे हर एक तेदीही नवो उवनारा जात्लू. 17काहाके आमाआ छळ भारातला फोवरोजे संकट आमा कोअता जास्तीज महत्व पुरो अने सार्वकालिक गौरव उत्पन्न कोईत जात्लू, 18अने आमू देखल्यू वस्तूऊ नाहा पण न देखानारो वस्तु पालीत रोतलू काहाके पालो वस्तु कोम दिहोकोअता होय, पोन न देखानारो वस्तु कायम बोणीत रोत्ले.
നിലവിൽ തിരഞ്ഞെടുത്തിരിക്കുന്നു:
2 कुरिन्थि 4: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.