2 कुरिन्थि 3
3
मसीही जीवते पत्र
1की आपु फासी आपाआ प्रशंसा कोइलाआ? किंवा आपु दिहरे माहुकोता शिफारासची पत्रे तुमाही लावूलो किंवा तुमापोरोत लेआलो होय? जेहलो किबी मांहे कोअता, नकीच नाहा? 2आमाआ पत्रे तुमुज होय जे आमा मोनामेहे लेखित मेकल्ये होय अने तियाहा आखे मांहु ओलखीत अने वाचतलो 3ओ उघड होय का तुमु ख्रिस्ताची पत्रे होय ज्याहा आमाहा सेवा होस लेखिलो अने जे सहीवाही नाहा ताहा जिवंत परमेश्वरोओ आत्मावांहि, डोळा डीलोपो नाहा पण मोनाआ मासरूपी पाटळापो लेखिलो होय.
पौलुसोओ क्षमता
4आमू ख्रिस्ताद्वारे परमेश्वरोओ भोरुसो मेकोहो. 5एहलो नाहा का आमू स्वतःहा याआ लायकी होय का आपु कोडला गोठीई विचार कोहू सेकेहे पण आमाआं लायकी परमेश्वारापो रोत होय, 6जीआ आमाहा नव्यो कराराआ सेवक ओनारो लायक पण कोल्यु शब्दाचे सेवक नाहा पण आत्माआ, काहाके शब्द माअत्लू पण आत्माआ जिवंत कोअत्लू.
नवला वाचाआ महिमा
7जर तो मोईला करार ज्याआ अक्षर दोणोपो खोवूला गोये ओते इहिंजा प्रकाशाम उवी का मोशेए सुबी तेज उजवोडोओ कारनोवाही जो कोम उवनारा जात ओतु इस्राएल मांहे तियाआ सोबी पाल्हू सेकेले निमिले, 8ताहा आत्माआ करार फासी प्रकाशाम काहा रोही नाहा? 9काहाके जाहा दोषी ठोरावनारो करार प्रकाशाम ओतुताहा धोर्मी ठेरविनारू करार फासी प्रकाशाम काहा नाहा रोही? 10आपु जे प्रकाशाम ओते ते पण तियाअ दिहरारी जे फासी जाखो प्रकाशाम ओते किबी प्रकाशाम ठरव्येहे नाहा. 11काहाके जाहा ते कोम उवनारा जात ओते तेहलाम ते स्थिर रोही फासी जाखो-जाखो प्रकाशाम काहा रोही नाहा? 12त्यापोत एहली आशा मेकीत आमाहा हीमतवाही गोगत्लू. 13अने मोशे सारखे नाहा जीआ आपाआ सुबीपो पडदू टाक्यू ओतु म्हणजे इस्राएली तिया कोम उवनारू उजवोडोओ शेवट परंत पाल्ये नाहा. 14पोन तियाआ मने कठीण उवे काहाके ओमेजा जुनो करार वासत्लू ताहा आपाआ मोनापोओ तोज पडदू पोडीत रोतलू पोन आय मसीही मेहे जीवीत गोल्यू. 15आज पर्यंत जांहा केधी मोशेच्या पुस्तक वचल्लू जात्लू ताहा तियाआ मोनापोओ पडदू पोडीत रोतलू. 16पोन जाहा केधी तियाआ मोन प्रभू जागे फिरीही तेहलाम पडदू फाडल्यो जाअलो. 17प्रभू ताहा आत्माआ होय अने जीही का प्रभूआ आत्माआ होय तीही स्वतंत्रता होय. 18पोन जाहा आमू आखाआ उघडावल्यो सोबेपो प्रभूऊ वैभव यावाही प्रकट ओतू ज्यपोरोत आरशात तो प्रभूउ त्यापोरत जो आत्माआ होय आमाहा तियाआ तेजस्वी रुपात अंश-अंश कोईत बदलीलो जात्लू.
നിലവിൽ തിരഞ്ഞെടുത്തിരിക്കുന്നു:
2 कुरिन्थि 3: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.