Zakarya 8
8
1Igamba nyi Yeôva y’imbèli ny’arum̃inyô, inè:
2Yeṉo kambe Yeôva y’imbèli inè: My’are ni ñandi mpôlô gôre Siyôn, n’eguṉu evôlô gôre yè.
3Yeṉo kambe Yeôva inè: Mi fwinya gô Siyôn, ko mi dwaṉa gô garegare yi Yerusalèm. Yerusalèm yi be fweyô inè, nkala y’ibekelyô, ni nômba yi Yeôva y’imbèli inè, nômba y’ôrunda.
4Yeṉo kambe Yeôva y’imbèli inè: Aṉôm̃e aṉèro n’antô aṉèro wi be tô dwaṉa gw’agala mi Yerusalèm, ôm’edu ni nkogu yè g’ôgo bem̃eṉe, konde w’adômbiṉi pôlô. 5Agala mi nkala mi be jônya n’ilèngwaṉi y’aṉôm̃e n’ilèngwaṉi y’antô, nsevaga gô mô.
6Yeṉo kambe Yeôva y’imbèli inè: Ja ndaga yi jeṉô ga ndaga yi mamô gw’antyo ma mongi siṉo wi re tigaṉa pa gw’intyugu siṉo, yô ko dwaṉa kè inè, ndaga yi mamô gw’antyo mam̃? bulya Yeôva y’imbèli.
7Yeṉo kambe Yeôva y’imbèli inè: Vôna, mi danduṉ’iṉongo nyam̃ avila gô ntye yi tongwa ni nkômbe, n’avila gô ntye yi kènda na yô. 8Mi be tô baga waô, ko waô dwaṉa gô garegare yi Yerusalèm; wi be dwaṉ’iṉongo nyam̃, na mi be dwaṉ’Anyambè yaô, n’ôrèti n’ôgôre.
9Yeṉo kambe Yeôva y’imbèli inè: Yolyaṉ’ago maṉi, aṉwè yi jogo ṉèṉo wiṉo agamba miṉo gw’agwaṉa m’ivogisi m’agambô gw’egômbe z’alôvyô nagô yi Yeôva y’imbèli, gw’egômbe z’avegagi nagô y’Anyambyè gô nôgô. 10Konde intyugu siṉo ṽyagaga ro, eṽilô z’ôma zi pa pô ipa; ipa s’inyam̃a si pa pô kè am̃ènjè mi pa pegage kè gôre waô w’ajingiṉagi na w’agogwagi, g’ômwanja w’ôlôvalôvi; n’avangagi myè aṉaga gô dataṉa ôm’edu n’ôrangaṉô wè. 11Ndô vèṉo mi pa tô dwaṉa ni ntangô yiṉo yi re tigaṉa pa ga gw’alônga, bulye Yeôva y’imbèli. 12Konde ôlônda wi be buṉa; ôgoli wi be p’ilôndi yè, ni ntye yi be jaṉiz’ôwongo wa yô, n’ôrôṽa wi be p’impèmbè ya wô; ko mi pange mongi siṉo wi re tigaṉa pa gô jig’isam̃u yiṉo yôdu. 13Ga nt’are ṉwè dwaṉa p’ôzavô gôr’aṉongo, nagô yi Yuda ni nagô y’Israèl, yeṉo be sungiṉa myè ṉwè, ko ṉwè dwaṉ’ôzaviṉô. Aryaṉi ko jolyaṉ’ago maṉi.
14Konde yeṉo kambe Yeôva y’imbèli inè: Ga nt’avikilyi myè gô dendiṉa ṉwè mbe gw’aṽendizyô myè ne ireri saṉi, bulye Yeôva y’imbèli, ko my’aṉige nkôndi, 15yeṉo mi fwinya ni nyum̃a ko mi kenja intyugu siṉo gô dende mbya gô Yerusalèm na gô nagô yi Yuda. 16Aryaṉi! Yiṉo n’isam̃u yi re ṉwè ko denda, inè, ôm’edu e ga gamb’ôrèti gôr’ôrangaṉô wè; yèkèlyaṉi ga nt’ar’ôrèti na gô pang’am̃ènjè gw’ikômbi saṉi; 17avikily’ôma gôre ṉwè ibe g’ôrèm̃i wè gôr’ôrangaṉô wè; arondaṉ’irangô ya nyawè; konde isam̃u yiṉo yôdu ne yô yi bikô myè, bulye Yeôva.
18Igamba nyi Yeôva y’imbèli ny’aṽyeṉi gôre myè, inè:
19Yeṉo kambe Yeôva y’imbèli inè: Esônge z’ôgwèli wi nay, esônge z’ôgwèli w’ataṉè, esônge z’ôgwèli w’ôrwageṉô, n’esônge z’ôgwèli w’igôm̃i, sônge yiṉo yôdu yi be kalw’intyugu si mbya na s’igeṽa, n’ifèti simbya gôre nagô yi Yuda. Ndô rondaṉ’ôrèti n’am̃ènjè.
20Yeṉo kambe Yeôva y’imbèli inè: E be twa inè, aṉongo n’alwaṉi w’inkal’inyenge wi be bya. 21Alwaṉi wi nkala wi be kènda gô nkala nyèṉè, mbulyaga nè: Azwè ga gèndeṉi gô kambiṉe Yeôva na gô bute Yeôva y’imbèli! Myè kè mi bele kènda! 22N’aṉag’awenge n’aṉongw’am̃enge mi be bya gô bute Yeôva y’imbèli gô Yerusalèm na gô kambiṉe Yeôva.
23Yeṉo kambe Yeôva y’imbèli inè: Gw’intyugu mèsoṉo e be twa inè, igôm̃i ny’aṉôm̃e avila gw’inkambiṉi sôdu s’aṉongo nyi be kôta mw’Iju g’ôgômbiṉô wi ngoy yè, awulya inè: Azwè be kènda na ṉwè, konde azw’are jogo pa inè, Anyambyè are na ṉwè.
നിലവിൽ തിരഞ്ഞെടുത്തിരിക്കുന്നു:
Zakarya 8: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Zakarya 8
8
1Igamba nyi Yeôva y’imbèli ny’arum̃inyô, inè:
2Yeṉo kambe Yeôva y’imbèli inè: My’are ni ñandi mpôlô gôre Siyôn, n’eguṉu evôlô gôre yè.
3Yeṉo kambe Yeôva inè: Mi fwinya gô Siyôn, ko mi dwaṉa gô garegare yi Yerusalèm. Yerusalèm yi be fweyô inè, nkala y’ibekelyô, ni nômba yi Yeôva y’imbèli inè, nômba y’ôrunda.
4Yeṉo kambe Yeôva y’imbèli inè: Aṉôm̃e aṉèro n’antô aṉèro wi be tô dwaṉa gw’agala mi Yerusalèm, ôm’edu ni nkogu yè g’ôgo bem̃eṉe, konde w’adômbiṉi pôlô. 5Agala mi nkala mi be jônya n’ilèngwaṉi y’aṉôm̃e n’ilèngwaṉi y’antô, nsevaga gô mô.
6Yeṉo kambe Yeôva y’imbèli inè: Ja ndaga yi jeṉô ga ndaga yi mamô gw’antyo ma mongi siṉo wi re tigaṉa pa gw’intyugu siṉo, yô ko dwaṉa kè inè, ndaga yi mamô gw’antyo mam̃? bulya Yeôva y’imbèli.
7Yeṉo kambe Yeôva y’imbèli inè: Vôna, mi danduṉ’iṉongo nyam̃ avila gô ntye yi tongwa ni nkômbe, n’avila gô ntye yi kènda na yô. 8Mi be tô baga waô, ko waô dwaṉa gô garegare yi Yerusalèm; wi be dwaṉ’iṉongo nyam̃, na mi be dwaṉ’Anyambè yaô, n’ôrèti n’ôgôre.
9Yeṉo kambe Yeôva y’imbèli inè: Yolyaṉ’ago maṉi, aṉwè yi jogo ṉèṉo wiṉo agamba miṉo gw’agwaṉa m’ivogisi m’agambô gw’egômbe z’alôvyô nagô yi Yeôva y’imbèli, gw’egômbe z’avegagi nagô y’Anyambyè gô nôgô. 10Konde intyugu siṉo ṽyagaga ro, eṽilô z’ôma zi pa pô ipa; ipa s’inyam̃a si pa pô kè am̃ènjè mi pa pegage kè gôre waô w’ajingiṉagi na w’agogwagi, g’ômwanja w’ôlôvalôvi; n’avangagi myè aṉaga gô dataṉa ôm’edu n’ôrangaṉô wè. 11Ndô vèṉo mi pa tô dwaṉa ni ntangô yiṉo yi re tigaṉa pa ga gw’alônga, bulye Yeôva y’imbèli. 12Konde ôlônda wi be buṉa; ôgoli wi be p’ilôndi yè, ni ntye yi be jaṉiz’ôwongo wa yô, n’ôrôṽa wi be p’impèmbè ya wô; ko mi pange mongi siṉo wi re tigaṉa pa gô jig’isam̃u yiṉo yôdu. 13Ga nt’are ṉwè dwaṉa p’ôzavô gôr’aṉongo, nagô yi Yuda ni nagô y’Israèl, yeṉo be sungiṉa myè ṉwè, ko ṉwè dwaṉ’ôzaviṉô. Aryaṉi ko jolyaṉ’ago maṉi.
14Konde yeṉo kambe Yeôva y’imbèli inè: Ga nt’avikilyi myè gô dendiṉa ṉwè mbe gw’aṽendizyô myè ne ireri saṉi, bulye Yeôva y’imbèli, ko my’aṉige nkôndi, 15yeṉo mi fwinya ni nyum̃a ko mi kenja intyugu siṉo gô dende mbya gô Yerusalèm na gô nagô yi Yuda. 16Aryaṉi! Yiṉo n’isam̃u yi re ṉwè ko denda, inè, ôm’edu e ga gamb’ôrèti gôr’ôrangaṉô wè; yèkèlyaṉi ga nt’ar’ôrèti na gô pang’am̃ènjè gw’ikômbi saṉi; 17avikily’ôma gôre ṉwè ibe g’ôrèm̃i wè gôr’ôrangaṉô wè; arondaṉ’irangô ya nyawè; konde isam̃u yiṉo yôdu ne yô yi bikô myè, bulye Yeôva.
18Igamba nyi Yeôva y’imbèli ny’aṽyeṉi gôre myè, inè:
19Yeṉo kambe Yeôva y’imbèli inè: Esônge z’ôgwèli wi nay, esônge z’ôgwèli w’ataṉè, esônge z’ôgwèli w’ôrwageṉô, n’esônge z’ôgwèli w’igôm̃i, sônge yiṉo yôdu yi be kalw’intyugu si mbya na s’igeṽa, n’ifèti simbya gôre nagô yi Yuda. Ndô rondaṉ’ôrèti n’am̃ènjè.
20Yeṉo kambe Yeôva y’imbèli inè: E be twa inè, aṉongo n’alwaṉi w’inkal’inyenge wi be bya. 21Alwaṉi wi nkala wi be kènda gô nkala nyèṉè, mbulyaga nè: Azwè ga gèndeṉi gô kambiṉe Yeôva na gô bute Yeôva y’imbèli! Myè kè mi bele kènda! 22N’aṉag’awenge n’aṉongw’am̃enge mi be bya gô bute Yeôva y’imbèli gô Yerusalèm na gô kambiṉe Yeôva.
23Yeṉo kambe Yeôva y’imbèli inè: Gw’intyugu mèsoṉo e be twa inè, igôm̃i ny’aṉôm̃e avila gw’inkambiṉi sôdu s’aṉongo nyi be kôta mw’Iju g’ôgômbiṉô wi ngoy yè, awulya inè: Azwè be kènda na ṉwè, konde azw’are jogo pa inè, Anyambyè are na ṉwè.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.