Zakarya 5
5
1N’arô tômbiṉi myè antyo avôna, na vôna, avegag’ômpuragô w’ezangô wi dôgwa. 2N’awulinyè myè inè: Ô jeṉ’ande? Awiṉizi myè inè: Mi jeṉ’ômpuragô w’ezangô wi dôgwa. Elaviṉi za wô zi r’agôm̃i m’ikude ambaṉi, n’evendiṉi za wô zi r’igôm̃i ny’ikude. 3N’awulinyè myè inè: Wiṉo n’ôzavô wi jagayaga gô ntye yôdu; konde ôm’edu wi jufa e be tômbô avila vèṉo. 4Mi jira wô, bulye Yeôva y’imbèli, ko wô kènda gô nagô y’ôfwe na ya wiṉo wi tang’ôrangô w’inôka vo ini nyam̃, ko wô dwaṉa gô yô, ayiliza yô n’intimbe n’adô ta.
5Yenjèl y’agambagi na myè azusi pyèrè, awulinya myè inè: Rômbiṉ’antyo mo, ko pôn’ezom̃a ziṉo zi kènda. 6N’awiṉizi myè inè: Ande? N’awulyi yè inè: Zô ne efa zi kènda. N’agundi yè inè: Ziṉo ne ifwem̃i saô gô ntye yôdu. 7Na vôna, arômbiṉô ôsumbu ômwenge, na vovo avegag’ômwantô dwaṉa pa baru gô garegare y’efa. 8N’awulyi yè inè: Wiṉo ne ifwem̃a. N’awali yè wô gw’efa, avung’ôsumbu ômwenge g’ôgwaṉa wa zô.
9N’arômbiṉi myè antyo avôna, na vôna, awôm̃wunyi antô aṽaṉi. N’avèviṉag’ômpunga gw’ampavi maô: w’apegaga n’ampava egolaṉi g’ampava mi ntyanga. N’arômbiṉi waô efa ntyo ntye, ntyo ôrôṽa. 10N’awulinyi myè yenjèl y’agambagi na myè inè: Mongi siṉo wi kènda n’efa na gweṉi? 11N’awiṉizi yè myè inè: Wi ke nôgiṉa wô nagô gô ntye yi Sinear; na gô be dwaṉa yô nôgô pa, gambèṉè efa zi be dôṽyô vovo gô mbôra ya zô.
നിലവിൽ തിരഞ്ഞെടുത്തിരിക്കുന്നു:
Zakarya 5: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.