Zakarya 4
4
1N’arô fwinyi yenjèl y’agambagi na myè, n’ayèmi yè myè ga ôma wi jèmô avila gw’antyôviṉô mè. 2N’awulinyè myè inè: Ô jeṉ’ande? N’awiṉizi myè inè: Mi pôna, na vôna, mi jeṉ’ômwanga wi dôṽyô ilambi wi sika ya teṉateṉa, ni ntyèngè dôṽyô pa gw’igôṉô nya wô, n’ilambi sa wô ôrwageṉô vovo, n’izo ôrwageṉô gw’ilambi ôrwageṉô, si re gw’igôṉô nya wô; 3ni rere y’iyôlivi ṽaṉi yi re g’ôzamba wa wô, em̃ori g’ôzamba w’ôg’ôṉôm̃yè wi ntyèngè, em̃ori g’ôzamba w’ôg’ônyantwè wi ntyèngè kè. 4N’arô kambi myè, awulinye yenjèl y’agambagi na myè inè: Isam̃u mèyoṉo yi pivya sè, reri yam̃? 5Yenjèl y’agambagi na myè awiṉizi myè inè: Ô pa mya nte pivya isam̃u mèyoṉo? My’awulyi nè: Nyawè, reri yam̃. 6Vovo ayiviri yè awulinya myè inè: Nyiṉo n’igamba nyi Yeôva gôre Zôrôbabèl inè: Aranga n’imbèli ge ni ngulu, ndô n’iṉiṉi nyam̃, bulye Yeôva y’imbèli. 7Awè mande, nômba mpôlô, g’ôzô wi Zôrôbabèl? Ô be pangô vèvèlè. E be dôṽy’idô ny’ewônjô gô garegare y’ibôgiṉa inè: Imèpiṉô, imèpiṉô si ga lwaṉe gô nyô!
8N’aṽyeṉ’igamba nyi Yeôva gôre myè inè: 9Ago mi Zôrôbabèl m’alôṽyi nagô yiṉo, ago mè kè mi be sukiza yô; gambèṉè ô be mya inè, Yeôva y’imbèli ayè atôm̃a myè gôre wè. 10Konde waô wi re pèdya pe ntyugu y’isam̃u imyangô wi be jeṉ’igeṽa gô be jeṉa waô egèṉizô g’ôgo wi Zôrôbabèl. Antyo ôrwageṉô mèmoṉo, mô ne antyo mi Yeôva, mi kangaṉa vèṉo na voṉo gô vingôvingô yi ntye yôdu.
11N’agambi myè awulinye yè inè: Rere y’iyôlivi yiṉo ṽaṉi yi re g’ôg’ôṉômyè g’ômwanga wi dôṽyô ilambi wi sika ya teṉateṉa na g’ôg’ônyantwè yi pivya sè? 12N’arô kambi myè nyongo yi mbaṉi awulinye yè inè: Rere y’iyôlivi yiṉo ṽaṉi, yi re pyèrè n’izo yi sika ya teṉateṉa imbaṉi yi pwez’agali mi sika avila gô yô, yi pivya sè? 13Awiṉizi yè myè inè: O pa mya nte pivya isam̃u yiṉo? Awulyi myè inè: Nyawè, reri yam̃. 14N’awulyi yè inè: Yiṉo ne izagyô imbaṉi yi kum̃aṉa gôre g’ôzô wa Rerè yi ntye yôdu.
നിലവിൽ തിരഞ്ഞെടുത്തിരിക്കുന്നു:
Zakarya 4: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.