Mika 1
1
1Igamba nyi Yeôva ny’aṽyeṉi gôre Mika, y’avili gô Môresèt, gw’egômbe zi Yôtam, z’Akaz, z’Ezekyas, aga wi Yuda, avogi g’ômwanja wi Samarya ni Yerusalèm.
2Yogoṉi, aṉwèdu aṉongo! vôganyô ntye, ni yom̃a yi re gô yô! Rerè, Yeôva, e ga lwaṉ’ôyeṉi gô sira ṉwè, Rerè yi re gô nagô yè mpôlô y’ôrunda! 3Konde vôna, Yeôva e kogwa avila gw’ilwaṉô nyè, e sum̃iṉa, e kènda gw’imbôr’indôndwi si ntye. 4Inômba si janginyô g’ôdôlôngô wè, n’idèdè yi jangiṉa g’epônga g’ôgôṉi, g’aṉingô mi pôva gô mbôra y’ôlôlôṽa. 5Konde isam̃u yiṉo yôdu yi re g’ômwanja w’ibe si Yakob, na g’ômwanja w’ibe si nagô y’Israèl! ibe si Yakob n’ande? Arange Samarya? imbôr’indôndwi si Yuda n’ande? Arange Yerusalèm? ... 6Sambô mi be pange Samarya ôkônda w’adô gw’itôve, mbôra gô bèṉ’intyaga s’igoli; mi be pung’adô ma yô g’ôdèdè, mi be bôm̃uny’intiṉa sa yô. 7Ikaṉa sôdu si mpaṉôgô sa yô si be jôṉô, ip’ibe sôdu sa yô si be pezô g’ôgôṉi, mi be jiliz’ikaṉa sôdu sa yô; datizô pa n’ipa s’ôṽelaṉô, ikaṉa mèsoṉo si be kalw’ipa s’ôṽelaṉô? ...
8Yeṉo mi be deṉa, mi be tônga, mi be kènda intyôzô gw’igala na tele, mi be bôgiṉa ga vengambwa, azim̃iṉa ga idômbô. 9Konde evôri zè zi r’evôlô; zi kènda kwanga gô Yuda, zi jingiṉa boli kwanga g’ômpômbala w’iṉongo nyam̃, kwanga gô Yerusalèm. 10Amyezaṉi yô gô Gat, aleṉaṉi du gw’Ako! mi sèla gô ntyèngè gô Bèt‐Leafra. 11Vyagaṉa, ôlwaṉi wi Safir, g’ôtele ni ntyoṉi! ôlwaṉi wi Saanan wi pa dèng’ôrèma gô kogwa, iwoga nyi Bèt‐Aesèl nyi bongiṉa ṉwè mbôra yi dwaṉa. 12Ôlwaṉi wi Marot e tatam̃iṉa g’ômwanja w’isungiṉô sè, konde mbe y’asum̃iṉi avila gôre Yeôva kwanga g’ômpômbala wi Yerusalèm. 13Ôlwaṉi wi Lakisi, rage ntyôṉe yo gw’ikavala inegi! w’alwaṉi ntiṉa nônga y’ibe gôr’ômwaṉ’ômwantô wi Siyôn, konde ibe s’Israèl s’alèngyô gôre wè. 14Yeṉo ô be tiga Môresèt‐Gat; inagô s’Akzib si be dwaṉ’ezom̃a z’itemiza gôr’aga w’Israèl. 15Mi be baga gôre wè ôvangiṉ’ômwoṉa, ôlwaṉi wi Maresa; ivenda ny’Israèl nyi be kènda kwanga gw’Adulam. 16Zèngiṉ’ikanga, ko teṉ’itwe, g’ômwanja w’awaṉi wo wi tondô! lwaṉ’ikanga ga ngwanyoṉi, konde wi kènd’ikôte bô avila gôre wè!
നിലവിൽ തിരഞ്ഞെടുത്തിരിക്കുന്നു:
Mika 1: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.