Malaki 1
1
1Ipoga, igamba nyi Yeôva gôr’Israèl vo Malaki.
2My’are tonda pa ṉwè, bulye Yeôva. N’aṉwè bulya inè: Ô re zwè tonda pa ni mpoṉo nde? Esau arange mwô’ngwè wi Yakob? bulye Yeôva. Ndô my’arondagi Yakob, 3ko mi numb’Esau, avang’inômbi sè ewôga; my’apeṉ’ijigi sè gôre vengambwa y’itôve. 4J’Edom abulya inè: Azw’are jilizô pa, ndô azwè be tô nongunya gôre dum̃u! yeṉo kambe Yeôva y’imbèli inè: wi ga ṉôge, ndô mi be saza; wi be fweyô inè, ntye y’ibe, iṉongo nyi re n’eguṉu zi Yeôva pèkèpèkè. 5Antyo maṉi mi be jeṉè, ko ṉwè bulya inè: Yeôva e pendyô bô avila gw’im̃ôndo y’Israèl!
6Ômwaṉ’ônôm̃e e dube reri yè, ni nyôngô reri yè kè. Ja my’are rerè, idubô si re myè ko dubô si re na gwe? Ja my’are rerè, itya si re myè ko tyô si re na gwe? bulye Yeôva y’imbèli gôre ṉwè, imiṉisè, si pèdy’ini nyam̃, awulya inè: Azw’are pèdya p’ini nyo ni mpoṉo nde? 7Aṉwè jire mpèmba yi re fwevizô pa gô mbôri yam̃ yi jirô intyagô, n’aṉwè bulya inè: Azw’afwevizo ni mpoṉo nde? Aṉwè bulya inè: Tavulu yi Yeôva yi re ko pèdyô! 8J’aṉw’ajire nyam̃a yi r’ipoku ntyagô, yiṉo arange mbe? J’aṉw’ajire nyam̃a yi r’ebôke ge eṉèm̃a, yiṉo arange mbe? Sambô yira yô gôr’egogi zo! Ayè ko bonga yô mbyambye, ayè ko tonda yô? bulye Yeôva y’imbèli. 9Na vèṉo, gwenaṉ’Anyambyè nkolo inè, e ga vôgiṉe ṉwè! igamba nyiṉo nyi pila gôre ṉwè: rigare, e be bonga ṉwè ni nkèngo? bulye Yeôva y’imbèli.
10Mande gôre ṉwè be nunj’aguge, ko ṉw’aṽam̃iṉ’ôgôṉi gô mbôri yam̃ yi jirô intyagô gô nyawènyawè? mi pa jeṉe mbya gôre ṉwè, bulye Yeôva y’imbèli, ni mpagaga y’ago maṉi mi pa tonda yô. 11Konde avila gô tongwa ni nkômbe, agènda gô kènda na yô, ini nyam̃ nyi r’ivôlô gôr’aṉongo, na gô mbôr’edu yom̃a yi nkangô yi pezô gw’ini nyam̃, ni mpagaga yi nkèrè yi pô kè; konde ini nyam̃ nyi r’ivôlô gôr’aṉongo, bulye Yeôva y’imbeli. 12Ndô aṉwè, aṉwè fweviza nyô, mbulyaga inè: Tavulu yi Yeôva yi re fweva pa, ni yom̃a ya yô yi r’inya si re ko pèdyô. 13Aṉwè bulya inè: Vônaṉ’ijasa nde siṉo! ko ṉwè bika yô, bulye Yeôva y’imbèli; ndô aṉwè bage yom̃a yi re sazuṉô pa, ebôke ge eṉèm̃a, na yiṉo ne mpagaga yi dendô ṉwè! myè ko bonga yô avila gw’ago maṉi? bulye Yeôva. 14Ôzavô gôr’ôremisi wi re n’idomb’iṉôm̃e g’ôlembi wè, ko yè pa ayira gô ntyagô gôre Rerè nyam̃a mbe! konde my’ôg’ômpôlô, bulye Yeôva y’imbeli, n’ini nyam̃ nyi re ko tyô gôr’aṉongo.
നിലവിൽ തിരഞ്ഞെടുത്തിരിക്കുന്നു:
Malaki 1: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Malaki 1
1
1Ipoga, igamba nyi Yeôva gôr’Israèl vo Malaki.
2My’are tonda pa ṉwè, bulye Yeôva. N’aṉwè bulya inè: Ô re zwè tonda pa ni mpoṉo nde? Esau arange mwô’ngwè wi Yakob? bulye Yeôva. Ndô my’arondagi Yakob, 3ko mi numb’Esau, avang’inômbi sè ewôga; my’apeṉ’ijigi sè gôre vengambwa y’itôve. 4J’Edom abulya inè: Azw’are jilizô pa, ndô azwè be tô nongunya gôre dum̃u! yeṉo kambe Yeôva y’imbèli inè: wi ga ṉôge, ndô mi be saza; wi be fweyô inè, ntye y’ibe, iṉongo nyi re n’eguṉu zi Yeôva pèkèpèkè. 5Antyo maṉi mi be jeṉè, ko ṉwè bulya inè: Yeôva e pendyô bô avila gw’im̃ôndo y’Israèl!
6Ômwaṉ’ônôm̃e e dube reri yè, ni nyôngô reri yè kè. Ja my’are rerè, idubô si re myè ko dubô si re na gwe? Ja my’are rerè, itya si re myè ko tyô si re na gwe? bulye Yeôva y’imbèli gôre ṉwè, imiṉisè, si pèdy’ini nyam̃, awulya inè: Azw’are pèdya p’ini nyo ni mpoṉo nde? 7Aṉwè jire mpèmba yi re fwevizô pa gô mbôri yam̃ yi jirô intyagô, n’aṉwè bulya inè: Azw’afwevizo ni mpoṉo nde? Aṉwè bulya inè: Tavulu yi Yeôva yi re ko pèdyô! 8J’aṉw’ajire nyam̃a yi r’ipoku ntyagô, yiṉo arange mbe? J’aṉw’ajire nyam̃a yi r’ebôke ge eṉèm̃a, yiṉo arange mbe? Sambô yira yô gôr’egogi zo! Ayè ko bonga yô mbyambye, ayè ko tonda yô? bulye Yeôva y’imbèli. 9Na vèṉo, gwenaṉ’Anyambyè nkolo inè, e ga vôgiṉe ṉwè! igamba nyiṉo nyi pila gôre ṉwè: rigare, e be bonga ṉwè ni nkèngo? bulye Yeôva y’imbèli.
10Mande gôre ṉwè be nunj’aguge, ko ṉw’aṽam̃iṉ’ôgôṉi gô mbôri yam̃ yi jirô intyagô gô nyawènyawè? mi pa jeṉe mbya gôre ṉwè, bulye Yeôva y’imbèli, ni mpagaga y’ago maṉi mi pa tonda yô. 11Konde avila gô tongwa ni nkômbe, agènda gô kènda na yô, ini nyam̃ nyi r’ivôlô gôr’aṉongo, na gô mbôr’edu yom̃a yi nkangô yi pezô gw’ini nyam̃, ni mpagaga yi nkèrè yi pô kè; konde ini nyam̃ nyi r’ivôlô gôr’aṉongo, bulye Yeôva y’imbeli. 12Ndô aṉwè, aṉwè fweviza nyô, mbulyaga inè: Tavulu yi Yeôva yi re fweva pa, ni yom̃a ya yô yi r’inya si re ko pèdyô. 13Aṉwè bulya inè: Vônaṉ’ijasa nde siṉo! ko ṉwè bika yô, bulye Yeôva y’imbèli; ndô aṉwè bage yom̃a yi re sazuṉô pa, ebôke ge eṉèm̃a, na yiṉo ne mpagaga yi dendô ṉwè! myè ko bonga yô avila gw’ago maṉi? bulye Yeôva. 14Ôzavô gôr’ôremisi wi re n’idomb’iṉôm̃e g’ôlembi wè, ko yè pa ayira gô ntyagô gôre Rerè nyam̃a mbe! konde my’ôg’ômpôlô, bulye Yeôva y’imbeli, n’ini nyam̃ nyi re ko tyô gôr’aṉongo.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.