Malaki 2
2
1Na vèṉo, aṉwè imiṉisè ivanga nyiṉo nyi re gôre ṉwè! 2J’aṉw’ayogo, j’aṉw’aṽela gô pendy’ini nyam̃, bulye Yeôva y’imbèli, gambèṉè mi be piṉ’ ôzavô gôre ṉwè, ko mi sav’izaviṉô yaṉi; èñ, mi be sava yô, konde aṉwè pa nige nkôndi. 3Vôna, mi be fweviz’ilôndi yaṉi, ko mi kil’ati gw’azô maṉi, ati m’inyam̃a si jirô ṉwè ntyagô, n’aṉwè be kènda na mô. 4Vovo aṉwè be nya inè, my’are baga p’ivanga nyiṉo gôre ṉwè, ko njeki yam̃ ni Levi dwaṉizô, bulye Yeôva y’imbèli. 5Njeki yam̃ na yè y’avegagi njeka y’em̃èṉo n’am̃ènjè, n’aveṉi myè yè yô ko yè tya myè; n’alwaṉi yè n’itya gôre myè, aratam̃iṉa gw’ini nyam̃. 6Ivanga ny’ôrèti ny’avegagi g’ôgwaṉi wè, n’ifwem̃a si pa dèngô gw’iṉumbu yè; agangaṉagi na myè gw’am̃ènjè na g’ôgôre, ko yè keguny’aṉag’awenge avila gw’ibe. 7Konde iṉumbu y’imiṉisè yi re ko penjavenj’imya, n’ivanga nyi butô g’ôgwani wè, konde ayè arôm̃yô ne Yeôva y’imbèli. 8Ndô aṉwè, aṉw’are dubwa pa avila gô mpoṉo, aṉw’are panga p’awenge gô pôm̃ô n’abaku gw’ivanga, aṉw’are jôṉa pe njeka yi Levi, bulye Yeôva y’imbèli. 9Na myè, mi be panga ṉwè ipèdyô n’ibikô gôr’iṉongo nyôdu, konde aṉwè pa penjavenj’impoṉo sam̃, n’aṉwè dwaṉa n’aṉaga wa ntuntu gô bènguṉa ṉwè ivanga.
10Azwèdu aranga rerè mô? azwè pa pangô n’Anyambyè mori dadyè? azwè dwaṉa n’itemiza ôm’edu gôre mwô’ngi yè ntiṉa nde, gô jôṉa zwè njeka ya reri yazô? 11Yuda are dwaṉa p’ibekelyô fo, n’ibe s’ayanjyô gw’Israèl na gô Yerusalèm; konde Yuda are fweviza pa eza zi r’ôrunda gôre Yeôva, eza zi tondô ne Yeôva, ayômb’ômwaṉ’ômwantô w’anyambyè nyèṉè. 12Yeôva e be teṉ’ôma wi denda yeṉo, ayè yi bèmba n’ayè yi jivira, e be teṉè avila gw’inagô s’akuku si Yakob, ko yè teṉ’ayè yi be jire ntyagô yi mpagaga gôre Yeôva y’imbèli. 13N’aṉwè denda kè yeṉo inè: Aṉwè jônye mbôra yi jirô intyagô yi Yeôva n’antyoṉi, n’ideṉa, n’isim̃iṉa, yeṉo e pa tô pôn’impagaga ge bong’ ezom̃’edu avila gw’ago maṉi. 14N’aṉwè bulya inè: Ntiṉa nde? ... konde nè Yeôva alwaṉ’ôyeṉi ntyo awè ntyo ômwantô w’erumbe zo, wi re wè temizè pa vangaṉe ayè ndeg’wo, na wi re wè pangaṉa pa na yè. 15E zel’ôm’ôm̃ori wi re denda pa yeṉo? Ndô Iṉiṉa ny’avegagi na yè. Ôm̃ori alendi yeṉo ni ntiṉa nde? konde awutag’awaṉa w’avangaṉô yè ne Anyambyè. Sambô ṽandam̃iṉaṉi gw’aṉiṉi maṉi, ko arig’ôma wi re ko temiz’ômwantô w’erumbè zè! 16Konde mi bik’itômba, bulye Yeôva, Anyambyè y’Israèl, n’ôma wi puge ngoy yè ni mbaô, bulye Yeôva y’imbèli. Sambô ṽandam̃iṉaṉi gw’aṉiṉi maṉi, ko ṉw’arô dwaṉaṉi n’itemiza!
17Aṉwè jasize Yeôva n’agambi maṉi, ko ṉwè bulya inè: Azw’are jasizè pa ni mpoṉo nde? Oô bulya zwè inè: Ôm’edu e janj’ibe ar’ômbya gw’antyo mi Yeôva, ko yè jeṉe mbya gôre yè! ntyo inè: Anyambyè y’ôgôre are na gwe?
നിലവിൽ തിരഞ്ഞെടുത്തിരിക്കുന്നു:
Malaki 2: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Malaki 2
2
1Na vèṉo, aṉwè imiṉisè ivanga nyiṉo nyi re gôre ṉwè! 2J’aṉw’ayogo, j’aṉw’aṽela gô pendy’ini nyam̃, bulye Yeôva y’imbèli, gambèṉè mi be piṉ’ ôzavô gôre ṉwè, ko mi sav’izaviṉô yaṉi; èñ, mi be sava yô, konde aṉwè pa nige nkôndi. 3Vôna, mi be fweviz’ilôndi yaṉi, ko mi kil’ati gw’azô maṉi, ati m’inyam̃a si jirô ṉwè ntyagô, n’aṉwè be kènda na mô. 4Vovo aṉwè be nya inè, my’are baga p’ivanga nyiṉo gôre ṉwè, ko njeki yam̃ ni Levi dwaṉizô, bulye Yeôva y’imbèli. 5Njeki yam̃ na yè y’avegagi njeka y’em̃èṉo n’am̃ènjè, n’aveṉi myè yè yô ko yè tya myè; n’alwaṉi yè n’itya gôre myè, aratam̃iṉa gw’ini nyam̃. 6Ivanga ny’ôrèti ny’avegagi g’ôgwaṉi wè, n’ifwem̃a si pa dèngô gw’iṉumbu yè; agangaṉagi na myè gw’am̃ènjè na g’ôgôre, ko yè keguny’aṉag’awenge avila gw’ibe. 7Konde iṉumbu y’imiṉisè yi re ko penjavenj’imya, n’ivanga nyi butô g’ôgwani wè, konde ayè arôm̃yô ne Yeôva y’imbèli. 8Ndô aṉwè, aṉw’are dubwa pa avila gô mpoṉo, aṉw’are panga p’awenge gô pôm̃ô n’abaku gw’ivanga, aṉw’are jôṉa pe njeka yi Levi, bulye Yeôva y’imbèli. 9Na myè, mi be panga ṉwè ipèdyô n’ibikô gôr’iṉongo nyôdu, konde aṉwè pa penjavenj’impoṉo sam̃, n’aṉwè dwaṉa n’aṉaga wa ntuntu gô bènguṉa ṉwè ivanga.
10Azwèdu aranga rerè mô? azwè pa pangô n’Anyambyè mori dadyè? azwè dwaṉa n’itemiza ôm’edu gôre mwô’ngi yè ntiṉa nde, gô jôṉa zwè njeka ya reri yazô? 11Yuda are dwaṉa p’ibekelyô fo, n’ibe s’ayanjyô gw’Israèl na gô Yerusalèm; konde Yuda are fweviza pa eza zi r’ôrunda gôre Yeôva, eza zi tondô ne Yeôva, ayômb’ômwaṉ’ômwantô w’anyambyè nyèṉè. 12Yeôva e be teṉ’ôma wi denda yeṉo, ayè yi bèmba n’ayè yi jivira, e be teṉè avila gw’inagô s’akuku si Yakob, ko yè teṉ’ayè yi be jire ntyagô yi mpagaga gôre Yeôva y’imbèli. 13N’aṉwè denda kè yeṉo inè: Aṉwè jônye mbôra yi jirô intyagô yi Yeôva n’antyoṉi, n’ideṉa, n’isim̃iṉa, yeṉo e pa tô pôn’impagaga ge bong’ ezom̃’edu avila gw’ago maṉi. 14N’aṉwè bulya inè: Ntiṉa nde? ... konde nè Yeôva alwaṉ’ôyeṉi ntyo awè ntyo ômwantô w’erumbe zo, wi re wè temizè pa vangaṉe ayè ndeg’wo, na wi re wè pangaṉa pa na yè. 15E zel’ôm’ôm̃ori wi re denda pa yeṉo? Ndô Iṉiṉa ny’avegagi na yè. Ôm̃ori alendi yeṉo ni ntiṉa nde? konde awutag’awaṉa w’avangaṉô yè ne Anyambyè. Sambô ṽandam̃iṉaṉi gw’aṉiṉi maṉi, ko arig’ôma wi re ko temiz’ômwantô w’erumbè zè! 16Konde mi bik’itômba, bulye Yeôva, Anyambyè y’Israèl, n’ôma wi puge ngoy yè ni mbaô, bulye Yeôva y’imbèli. Sambô ṽandam̃iṉaṉi gw’aṉiṉi maṉi, ko ṉw’arô dwaṉaṉi n’itemiza!
17Aṉwè jasize Yeôva n’agambi maṉi, ko ṉwè bulya inè: Azw’are jasizè pa ni mpoṉo nde? Oô bulya zwè inè: Ôm’edu e janj’ibe ar’ômbya gw’antyo mi Yeôva, ko yè jeṉe mbya gôre yè! ntyo inè: Anyambyè y’ôgôre are na gwe?
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.