Zakarya 14
14
1Vôna, ntyugu yi Yeôva yi bya, n’imaṉô nyi be kerô gô garegare yo. 2Mi be datiz’aṉongo môdu ko mô nwa ni Yerusalèm; nkala yi be bongô, inagô si be kwèrô, antô wi be bangatyô, ereṉe zi nkala zi be kènde mbwedi, ndô ntangô y’iṉongo yi be tigaṉa yi be teṉô avila gô nkala. 3Yeôva e be bôm̃unya, ko yè nwa n’aṉongo mèmoṉo, ga nt’aṉweṉi yè gô ntyuvu y’igôṽi. 4N’intyôzô sè si be kum̃aṉa gô ntyugu mèyoṉo gô nômba y’iyôlivi, yi re swaswo ni Yerusalèm, gô nkôṽa yi tongwa ni nkômbe; nômba y’iyôlivi yi be jarwa gô garegare, mbèy gô nkôṽa yi tongwa ni nkômbe, ni mbèy gô nkôṽa yi kènda na yô, vovo be dwaṉ’ôdèdè ômpôlô: ereṉe zi nômba zi be kènda gô Nor, n’ereṉe gô Sud. 5Aṉwè be fanga vovo g’ôdèdè w’inômbi sam̃, konde ôdèdè w’inômba wi be kènda kwanga gw’Azèl; aṉwè be fanga ga nt’awangi ṉwè gw’isugyazugya si ntye, gw’egômbe z’Ôzyas, y’ôga wi Yuda. Ni Yeôva, Anyambyè yam̃, e be bya, n’iyombwi yè yôdu na yè.
6Gô ntyugu mèyoṉo, ôzange wi ze bambe; yi be dwaṉe nkèy n’aṉingw’ayoli. 7Ntyugu mèyoṉo yi be dwaṉe ntyugu ya sim̃ôsim̃ô, yi be myô ne Yeôva, na yi be twa arang’ôm̃anda, ge ôgwèra; ndô yi be twa inè, nkôlô yi be dwaṉ’ôzange. 8Gô ntyugu mèyoṉo, aṉingw’ambya mi be kogwa avila gô Yerusalèm, ko mô pôva, amèwo gô mbeṉe yi mkôṽa yi tongwa ni nkômbe, n’amèwo gô mbeṉe yi nkôṽa yi kènda ni nkômbe; yi be dwaṉa yeṉo egômbe zi ntyanja n’egômbe z’eṉôm̃ô. 9Yeôva e be dwaṉ’ôga wi ntye yôdu; gô ntyugu mèyoṉo, Yeôva e be dwaṉa Yeôva ayè dadyè, n’ini nyè nyi be dwaṉ’im̃ori dadyè kè. 10Ntye yôdu yi be kalunyô g’ôdèdè, avila gô Geba kwanga gô Rimon, gô nkom̃i yi Yerusalèm; ni Yerusalèm yi be tômbiṉô ko yô dwaṉa gô mbôra ya yô, avila gw’iguge nyi Benyamin kwanga gô mbôra y’igug’ilônga, kwanga gw’iguge ny’intulungu, n’avila gô nagô ndôndwi y’adô y’Ananeèl kwanga gw’imbôra si pyarô ivè s’ôga. 11Ko aṉaga dwaṉa gôgô, ko ôzavô w’alwaṉe nyèṉè; Yerusalèm yi be dwaṉa kendekende.
12Ziṉo n’evunga zi be bôle Yeôva aṉongo môdu mi re ṉwa pa ni Yerusalèm: izôṉe yaô yi be boṉa gô p’are waô gôre, n’antyo maô mi be boṉa gw’egôrô za mô, n’iṉèm̃è yaô yi be boṉa g’agwaṉi maô. 13Gô ntyugu mèyoṉo, Yeôva e be baga nyongolè mpôlô gôre waô; ko waô kôtaṉa, ôm’edu g’ôgo w’ôrangaṉô wè. 14Yuda kè e be ṉwa ni Yerusalèm, n’agumba m’aṉongo mi re vingôvingô mi be datizô ta, sika ya teṉateṉa, sika ya pupu, n’ingoy nyengemè. 15Evunga zi be bôla kè ikavala, imulèti, ikamèli, iburu, n’inyam̃a sôdu si be dwaṉa gw’ilakô mèyoṉo: evunga ziṉo zi be dwaṉ’egolaṉi mèmô g’em̃ori.
16Waôdu wi be tigaṉa avila gw’aṉongo môdu m’aṽyeṉi gô ṉwa ni Yerusalèm wi be panda ômpum̃y’edu gô saviṉ’ôga, Yeôva y’imbèli, na gô pange fèti y’iṉôga si saka. 17J’ar’imbuṽe si ntye si pa panda gô Yerusalèm gô saviṉ’ôga, Yeôva y’imbèli, gambèṉè ningô yi pa noga gôre sô. 18Ja mbuṽe y’Egipt yi pa panda, ja yi pa bya, gambèṉè ningô yi ze noge gôre yô; yi be bôlô n’evunga zi re Yeôva bôla p’aṉongo mi pa panda gô pange fèti y’iṉôga si saka. 19Wiṉo wi be dwaṉ’ôgôm̃a w’Egipt, ôgôm̃a w’aṉongo môdu mi re mi pa panda gô pange fèti y’iṉôga si saka.
20Gô ntyugu mèyoṉo, yi be tèndô gw’agelenge m’ikavala inè: ôrunda gôre Yeôva! n’intywaṉa gô nagô yi Yeôva si be dwaṉa ga imogi g’ôzô wi mbôra yi jirô intyagô. 21Ntywany’edu yi re gô Yerusalèm na gô Yuda yi be dwaṉ’ôrunda gôre Yeôva y’imbèli; waôdu wi be jir’intyagô wi be bya gô bonga sô, aṉamba na sô; na gô ntyugu mèyoṉo, yi ze tô dwaṉ’igôlisi nyèṉè gô nagô yi Yeôva y’imbèli.
നിലവിൽ തിരഞ്ഞെടുത്തിരിക്കുന്നു:
Zakarya 14: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Zakarya 14
14
1Vôna, ntyugu yi Yeôva yi bya, n’imaṉô nyi be kerô gô garegare yo. 2Mi be datiz’aṉongo môdu ko mô nwa ni Yerusalèm; nkala yi be bongô, inagô si be kwèrô, antô wi be bangatyô, ereṉe zi nkala zi be kènde mbwedi, ndô ntangô y’iṉongo yi be tigaṉa yi be teṉô avila gô nkala. 3Yeôva e be bôm̃unya, ko yè nwa n’aṉongo mèmoṉo, ga nt’aṉweṉi yè gô ntyuvu y’igôṽi. 4N’intyôzô sè si be kum̃aṉa gô ntyugu mèyoṉo gô nômba y’iyôlivi, yi re swaswo ni Yerusalèm, gô nkôṽa yi tongwa ni nkômbe; nômba y’iyôlivi yi be jarwa gô garegare, mbèy gô nkôṽa yi tongwa ni nkômbe, ni mbèy gô nkôṽa yi kènda na yô, vovo be dwaṉ’ôdèdè ômpôlô: ereṉe zi nômba zi be kènda gô Nor, n’ereṉe gô Sud. 5Aṉwè be fanga vovo g’ôdèdè w’inômbi sam̃, konde ôdèdè w’inômba wi be kènda kwanga gw’Azèl; aṉwè be fanga ga nt’awangi ṉwè gw’isugyazugya si ntye, gw’egômbe z’Ôzyas, y’ôga wi Yuda. Ni Yeôva, Anyambyè yam̃, e be bya, n’iyombwi yè yôdu na yè.
6Gô ntyugu mèyoṉo, ôzange wi ze bambe; yi be dwaṉe nkèy n’aṉingw’ayoli. 7Ntyugu mèyoṉo yi be dwaṉe ntyugu ya sim̃ôsim̃ô, yi be myô ne Yeôva, na yi be twa arang’ôm̃anda, ge ôgwèra; ndô yi be twa inè, nkôlô yi be dwaṉ’ôzange. 8Gô ntyugu mèyoṉo, aṉingw’ambya mi be kogwa avila gô Yerusalèm, ko mô pôva, amèwo gô mbeṉe yi mkôṽa yi tongwa ni nkômbe, n’amèwo gô mbeṉe yi nkôṽa yi kènda ni nkômbe; yi be dwaṉa yeṉo egômbe zi ntyanja n’egômbe z’eṉôm̃ô. 9Yeôva e be dwaṉ’ôga wi ntye yôdu; gô ntyugu mèyoṉo, Yeôva e be dwaṉa Yeôva ayè dadyè, n’ini nyè nyi be dwaṉ’im̃ori dadyè kè. 10Ntye yôdu yi be kalunyô g’ôdèdè, avila gô Geba kwanga gô Rimon, gô nkom̃i yi Yerusalèm; ni Yerusalèm yi be tômbiṉô ko yô dwaṉa gô mbôra ya yô, avila gw’iguge nyi Benyamin kwanga gô mbôra y’igug’ilônga, kwanga gw’iguge ny’intulungu, n’avila gô nagô ndôndwi y’adô y’Ananeèl kwanga gw’imbôra si pyarô ivè s’ôga. 11Ko aṉaga dwaṉa gôgô, ko ôzavô w’alwaṉe nyèṉè; Yerusalèm yi be dwaṉa kendekende.
12Ziṉo n’evunga zi be bôle Yeôva aṉongo môdu mi re ṉwa pa ni Yerusalèm: izôṉe yaô yi be boṉa gô p’are waô gôre, n’antyo maô mi be boṉa gw’egôrô za mô, n’iṉèm̃è yaô yi be boṉa g’agwaṉi maô. 13Gô ntyugu mèyoṉo, Yeôva e be baga nyongolè mpôlô gôre waô; ko waô kôtaṉa, ôm’edu g’ôgo w’ôrangaṉô wè. 14Yuda kè e be ṉwa ni Yerusalèm, n’agumba m’aṉongo mi re vingôvingô mi be datizô ta, sika ya teṉateṉa, sika ya pupu, n’ingoy nyengemè. 15Evunga zi be bôla kè ikavala, imulèti, ikamèli, iburu, n’inyam̃a sôdu si be dwaṉa gw’ilakô mèyoṉo: evunga ziṉo zi be dwaṉ’egolaṉi mèmô g’em̃ori.
16Waôdu wi be tigaṉa avila gw’aṉongo môdu m’aṽyeṉi gô ṉwa ni Yerusalèm wi be panda ômpum̃y’edu gô saviṉ’ôga, Yeôva y’imbèli, na gô pange fèti y’iṉôga si saka. 17J’ar’imbuṽe si ntye si pa panda gô Yerusalèm gô saviṉ’ôga, Yeôva y’imbèli, gambèṉè ningô yi pa noga gôre sô. 18Ja mbuṽe y’Egipt yi pa panda, ja yi pa bya, gambèṉè ningô yi ze noge gôre yô; yi be bôlô n’evunga zi re Yeôva bôla p’aṉongo mi pa panda gô pange fèti y’iṉôga si saka. 19Wiṉo wi be dwaṉ’ôgôm̃a w’Egipt, ôgôm̃a w’aṉongo môdu mi re mi pa panda gô pange fèti y’iṉôga si saka.
20Gô ntyugu mèyoṉo, yi be tèndô gw’agelenge m’ikavala inè: ôrunda gôre Yeôva! n’intywaṉa gô nagô yi Yeôva si be dwaṉa ga imogi g’ôzô wi mbôra yi jirô intyagô. 21Ntywany’edu yi re gô Yerusalèm na gô Yuda yi be dwaṉ’ôrunda gôre Yeôva y’imbèli; waôdu wi be jir’intyagô wi be bya gô bonga sô, aṉamba na sô; na gô ntyugu mèyoṉo, yi ze tô dwaṉ’igôlisi nyèṉè gô nagô yi Yeôva y’imbèli.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.